رواية نوفيلا الفصل الاول والثاني والثالث بقلم الكاتبة الرائعة

لهم مادته بسهوله ويسر وهذا ما يرغمها على حضور محاضراته برغم موقفها الشخصي منه ولكن أكثر ما يزعجها نظرات الاهتمام التي يصوبها إليها دائما حتى أن بعض صديقاتها ظنوا بأنه قد يكون معجبا بها وقد زاد شكهم بهذا الأمر حين تعرض لأزمة صحية في منتصف النصف الأول من العام الدراسي وقد زاره العديد من الطلاب و رفضت هي وقتها الذهاب معهم دون إبداء أسباب وأخبروها بأنه كان يبحث عنها بلهفة بينهم وسأل عنها بشكل مستتر وانه اصيب بخيبة الأمل حين لم يجدها بل زاد خيالهم بأنهم يجزمون بأن والدته أيضا تبحث عنها وكم تألمت عندما ظلوا يحكون لها بعد زياراته عن والدته ومدى اهتمامها به والكم الكبير الذي تتمتع به من الرقي والاحترام كانت تتألم وهى تود أن تصرخ بأنها ممثلة تتقن دور الأم له وقد رمت ابنتها الحقيقية وأي رقى واحترام تتمتع به زوجة خائڼه ولكن هم لا يعرفون فمن أين لهم معرفة علاقتها به وأنه ابن لص الأعراض وربيب الخائڼة فهذا المحاضر ما هو آلا أحمد ابن مصطفى صديق والدها الذي خانه وسرق زوجته. 
جلست حياة بكافيتريا الكلية لتناول الإفطار لتجد من يجلس بجوارها على المنضدة دون استئذان بمجرد أن رفعت رأسها تشنجت عضلاتها وتقلصت أمعاءها فقد وجدت أمامها أكثر امرأة بغضتها بحياتها فأمامها مباشرة كانت تجلس والدتها السيدة سهير وهي تنظر إليها متأملة وكأنها مشتاقة إليها ولكن من أين لمثل هذه المرأة بقلب كي تحب وتشتاق قطع أفكارها صوتها الملئ بحنانها الزائف. 
سهير باشتياق وحشتيني قوي يا حياة بسم الله ما شاء الله بقيتي عروسة زى القمر.
حياة باستياء عن إذنك عندي محاضرة.
سهير بسرعة أنت لسه مخلصة محاضرتك والمحاضرة اللي جاية بعد ساعتين. 
حياة بدهشة عرفتي منين!اااااه ابن مصطفى وتربيتك هيبقى أيه غير جاسوس. 
سهير بحزن عيب لما تكلميني كده أنا مهما كان أمك.
حياة للأسف.
سهير بعتاب حياة من فضلك أنا جاية أشرح لك كل حاجة عشان مصلحتك زى ما سكوتي طول الوقت ده كان عشان مصلحتك.
حياة بسخرية متشكرة جدا أنا عارفة مصلحتي كويس.
سهير بحب عرفت أنك أتخطبتي لماجد ابن سامي أخويا وجيت أتأكد لو حد غصبك على الجوازة دي.
حياة بعصبية المفروض تسألي لو حد غاصبه هو يعنى واحدة أمها خانت جوزها وهربت مع صاحبه وأتجوزته ورمت بنتها من الأخر نسب مايشرفش وكتر خيره انه راضى بيه.
سهير پحده أنا مش خاېنة ومش هاسمحلك تتكلمي معايا كده تاني أنا أشرف منهم كلهم وهما عارفين ده كويس ولآخر مرة باقولك تردي على من غير تجاوز أنت حد غاصبك على الجوازه دي.
حياة باستسلام لا أنا وماجد مرتبطين من زمان وكنا مآجلينا الخطوبة الرسمي قبل الجواز بفترة قليله خلاص كده ممكن أمشي. 
سهير بإصرار والولد ده كويس ولا زى سامي
حياة بدهشة خالي! أنت كمان بتتكلمي على اخوكي اللي عاش عمره كله شايل عاړك ومتخلاش عنا. 
سهير معاتبة ما أعتقدش أن ده اللي اتعلمتيه من فاطمة أكيد قالت لك أنى حتى لو كافرة من حقي تعامليني بالمعروف الا لو حاربتك فى دينك.
حياة بخجل أستغفر الله العظيم آسفة مش قادرة أسيطر على أعصابي.
سهير بحزن لو وجودي ضاغط على أعصابك قوى كده يبقى تسمعيني وأوعدك لو أدتيني فرصة أقول كل اللي عايزه مش هاضيقك تاني.
حياة بضجر سامعه.
سهير برجاء مش ينفع هنا تعالى نروح أي مكان.
حياة بضيق لا آسفة مش هينفع أخرج من الكلية.
سهير بحزن خلاص أنا دخلت بعربيتي وهى اللي هناك دي تعالى نقعد فيها ونتكلم براحتنا. 
داخل السيارة 
جلست بجوار أمها تحاول ألا تنظر إليها فهي متخبطة المشاعر مابين ذكريات جميلة من طفولتها معها وفعلة أمها التي حطمت حياتها حياة بتوتر ياريت تنهى كلامك بسرعة و تنفذي وعدك وتسيبيني في حالي.
سهير بصدق لازم تعرفي أنى جاية الحقك وأشيل الغشاوة من على عينيكي لأنك واثقة في ناس مش محل ثقة وهما أكتر ناس ظلمونا أحنا الاتنين وظلمهم ليا أنا أبتدى من زمان قوى. 
فلاش باك
سامي پحده يعنى أيه يابا اخد إجازة عشان أجى أتجوز الايقك أنت أتجوزت وخلفت ومن غير ما تقولي!
عبد الرحمن الغمراوي بحزم اتصلت وقلت لك أنى هاتجوز وأنت مردتش.
سامي پغضب أرد على أيهعلى أنك بعد ما كنت متجوز بنت عمك كبير العيلة عايز تتجوز واحدة من الأنفار اللي في أرضها.
عبد الرحمن بلوم اللي بتتكلم عليها دي بقت مراتي وأم سهير أختك وأنا لا سيبت أمك ولا أتجوزت عليها أمك ماټت الله يرحمها وأنت سافرت تشتغل في الكويت وسيبتني لوحدي من غير ونيس ولا جليس زهقت من الوحدة وأتجوزت على سنه الله ورسوله.
سامي بعصبية أنا مليش أخوات ومن دلوقي أنت كمان أعتبر أن ملكش أبن