رواية ياسمين الفصول من 51-60

ألفت انتباهك
ف انفعلت هي الأخرى قائلة 
مين البرئ دي مش مشكلتنا يايونس لازم تتعامل مع نغم زي ما اتعاملت مع يزيد وأكتر
ملك!!
التفتت ملك أثر صوت نغم الذي كان يناديها لتتفاجأ ب صديقتها تركض إليها والمجند يركض من خلفها.. ف أوفضت ملك صوبها وضمتها إلى صدرها وهي تخفف عنها ممسدة على شعرها وظهرها 
أهدي يانغم أرجوكي
تعالت شهقات الأخيرة شاعرة بالقهر ولوعة الظلم غير قادرة على التفوه بكلمة واحدة فقدت طاقتها كلها في الخۏف والذعر من مصيرها الذي رأته محسوما.. ذهب مجهود ملك في تهدئة روعها سدى وكيف تهدأ وقد دخلت مكان گهذا ب اتهام بشع لم يخيل إليها يوما إنها ستتهم بمثله.
دنى منهم يونس كي يطمئنها بإنه سيفعل اللازم كي يخرجها من هنا علها تهدأ وتكف عن البكاء 
نغم أنتي وضعك مش سئ للدرجة دي لأن العربية مش بتاعتك مش عايزك تقلقي
حاولت نغم كبح صوت شهقاتها الباكية ولكنها هيهات لم تستطع بينما تابع يونس ليوضح جدية الوضع بالنسبة ل يزيد بالأكثر 
اللي فعلا متورط هو يزيد عشان كده محتاج منك شوية صبر بس وانا هتصرف.. ثقي فيا
ف أجفلت جفونها وأطرقت رأسها بدون أن تنبث بكلمة واحدة فقط تركت رأسها على كتف ملك من جديد حينما كان يونس يتابع حديثه ناظرا صوب ملك 
كمان العسكري عنده أمر ياخدك تقعدي في أوضه تحت لوحدك مش هترجعي الحجز
ف ضمت ملك شفتيها وقد تفهمت أخيرا إنه سعى منذ البداية كي يخرج نغم من هذا المكان الموحش.. ونظرت إليه بنظرة معتذرة عن اندفاعها ف لم يطل هو الأمر وسار نحو المحامي كي يتحدث إليه بعيدا.
مشى يونس بعيدا عن الأنظار برفقة المحامي واختلى به في زاوية وهو يسأله 
إيه اللي هيتم دلوقتي
المفروض إن النيابة هتجدد حبسهم لحين ثبوت الأدلة أو إظهار دليل ينفى عنهم التهمه وكمان نتيجة الطب الشرعي اللي هتحدد بالظبط المادة دي كانت إيه عشان كده إحنا مرغمين نستنى
ف كز يونس على أسنانه بغير رضا على هذا الوضع وفكر في حل جذري وسريع 
وبعدين لو ملقيناش حاجه تنفي التهمه لازم تتصرف ويكون عندك خطة تانية
للأسف مفيش أي حل قانوني
ف تشنجت عضلات وجه يونس واحتقنت عيناه بنظرات ممتعضة بعدما فقد سبيل الهدوء تاركا الۏحش الثائر بداخله ليغادر محبسه قائلا 
إن شاالله بالشمال أخويا أنا مش هيتحبس ليلة واحدة.. لو وصلت إني اشتري ذمة الطب الشرعي كله هعملها
الفصل 5556
حقيقة عملية مثبتة إنك ل قادر على تحدي من هو أقوى ب دهائك.
معرفش
كانت تلك الكلمة الوحيدة التي أجاب بها يزيد على أغلب التساؤلات التي طرحها عليه رئيس النيابة خلال التحقيق في واقعة ضبطه بحياذته تلك الكمية من المواد المشتبه في كيميتها .. ترك رئيس النيابة القلم واستند بكلا مرفقيه على سطح المكتب العريض وهو يقول ببعض من الإنزعاج 
كده بتضر نفسك يايزيد على الأقل لو مدسوسة زي ما بتقول لازم تقولي شاكك في مين!
حرر يزيد أصابعه المتعقرطة سويا وأردف ب 
اللي ضړب عليا ڼار من أسبوعين هو هو اللي عايز يتخلص مني دلوقتي ياعيني مش متحمل يشوفني عايش وبتنفس
تضايق رئيس النيابة من لهجته الساخرة ف حذره بجدية تلائم الوضع الحرج تماما 
الوضع بتاعك مش متحمل سخرية ولا إيه !
ف بادر يزيد قبيل أن يستقبل سؤاله 
لحد دلوقتي مفيش حد معين شكيت فيه غير معتصم وإلا كنت بلغت فورا
في حاجه تاني عايز تضيفها لأقوالك
ف أومأ ب إيماءه صغيرة و 
البنت اللي كانت معايا دي موظفة في الشركة وانا كنت بوصلها لأقرب مكان من بيتها يعني ملهاش أي صلة حتى بالعربية
فاهم
ثم أشار للكاتب وأملى عليه 
أكتب قررنا نحن رئيس نيابة إرسال عينة للطب الشرعي من أجل فحصها وحبس المتهم أربعة أيام على ذمة التحقيق لحين ظهور النتائج أو ظهور أدلة تفيد ببراءة المتهم
أطبق يزيد جفينه مستشعرا بضيق يكاد يطبق على أنفاسه ليقطع مسلكها عن صدره شعور پألم مختلف عن كل مرة.. وكأنه رأى أنهياره ڼصب عينيه إلى أن التقطت آذانه بقية حديث رئيس النيابة 
ويتم الإفراج عن الآنسه نغم عبد الهادي بضمان محل إقامتها وأقفل المحضر في ساعته وتاريخه
لفظ يزيد زفيرا طويلا من صدره بعدما اطمئن ب إنها ستنجو كأن بعض من همومه قد انقشعت.. سيهتم بأمر نفسه فقط وهذا سيخفف عنه مرارة الشعور بالذنب الذي لم يفارقه منذ الأمس.
خرج يزيد من غرفة رئيس النيابة والمجند ملتصقا به بينما كان يونس واقفا يتملكه العجز حاليا.. دنى منهم وسأل المحامي بتلهف وريبة 
ها
ف أجفل المحامي قائلا 
حبس ٤ أيام
تقلصت تعابير وجهه وهو ينظر ل يزيد بنظرات عاجزة في حين كان الأخير يحاول التظاهر بإنه لا يهتم لما حدث بل يهتم بما سيحدث 
لازم تعرف مين عمل كده يايونس معتصم ولا الطرف التالت اللي بندور عليه.. انا مش هقضي بقيت شبابي في السچن
ف ربت يونس على ذراعه مؤكدا إنه لن يترك الأمر هكذا 
ولا تفكر في الموضوع أنا هخلصه كله من أوله لأخره يايزيد
ثم سار يزيد من أمامه سالكا الطريق نحو محبسه الذي تقرر مكوثه فيه لأربعة أيام هو يعلم أن يونس لن يدخر وسعه وسيفعل كل شئ ل إخراجه من هنا.. ولكن مجرد التفكير فيما يحدث له من قبل أناس حتى الآن يجهل هويتهم يجعل من رأسه مخدعا للنيران تنهش فيه بضراوة بالتأكيد لن تكون نهاية هذا الأمر جيدة.. بل إن السيناريو سيسير على أسوأ ما يكون.
.............................................................................
أوفضت نغم لداخل شقتها وهي ترتجف لا تصدق إنها حصلت على قرار ب إخلاء سبيلها نظرا لعدم وجود أدلة ضدها وحتى يزيد نفى عنها أي علاقة بالأمر.
أطرافها جميعا مثلجة بالكامل وقلبها منقبض وكأنها مازالت في نفس المكان الموحش الذي قضت فيه أسوأ أيام حياتها على الإطلاق أسرعت نحو غرفتها ثم إلى فراشها جلست أعلاه وهي تمسد على جسمها المرتجف كي تبعث عليه الدفء والسخونة وخرج صوتها المتقطع وهي تقول 
كنت ھموت آآآه
أبصرت عيناها ب إسدال الصلاة خاصتها وسجادة الصلاة الصغيرة.. اختنق داخلها وقد أحست بوجوب توطيد علاقتها مع ربها على الأقل بعد نجاتها اليوم من حاډثة كادت تودي بمستقبلها لطريق لا عودة منه.
نفضت عن نفسها غبار الشعور بالقهر وخرجت ل تدلف إلى دورة المياة كي تغتسل وتتوضأ ثم من بعدهت تشرع في الصلاة شكرا لله.
بات تفكيرها مختلفا بعدما عاشت الخطړ بنفسها معه إن كانت هي سعيدة الحظ التي تم الإفراج عنها ف ماذا سيكون مصيره هو بعد حديث المحامي و يونس لها والذي أكد تورطه بشكل خطېر على عكس وضعها هي.. حتى في أوج تشتتها وزعزعتها تفكر ب أمره وتقلق حيال ما ستودي به الأمور.. أنهت تأدية صلاة الشكر والفريضة ثم أطفأت الإضاءة وجلست بمفردها قليلا تحتاج ل استجماع نفسها أولا ثم التفكير فيما ستفعله.
............................................................................
جلس يونس بداخل السيارة أمام المقود و ملك بجواره ينتظران شيئا لم تعلم ملك ماهيته بعد.. ولكن طال الإنتظار ولم تعد تتحمل صمته المرعب لأكثر من ذلك بينما هي تعلم أن بداخله تنشب الحروب والصراعات التي يواريها عنها.. ف سألته 
هو احنا مستنين عيسى ليه يا يونس
عيناه مازالت مرتكزة على الفراغ وهو يجيبها 
بيجيبلي حاجه
ف تضاعف فضولها أكثر وأكثر 
يعني حاجه إيه
هتعرفي دلوقتي لما تشوفي
لمحه يونس وهو يقبل عليه حاملا حقيبة جلدية ف لن يطيق يونس مكوثا أكثر من ذلك وترجل على الفور كي يستقبله بنفسه 
ها طمني
ف تحمس عيسى كثيرا وهو يؤتيه البشرى 
هتلاقي المعجزة في الڤيديو اللي هنا
تناول يونس الحقيبة بعجل وعاد يجلس بنصف جسده على مقعد القيادة بالسيارة بينما ساقيه مازالت خارجها وفتح الحاسوب ثم باشر وضع بطاقة الذاكرة في الجهاز لمشاهدة مقطع الڤيديو الذي س يبرئ يزيد براءة الذئب من ډم ابن يعقوب براءة تامة بدون أدنى شك.. رأى يونس ذلك الغريب الذي لم يتبين وجهه حيث يرتدي كمامة سوداء تغطي نصف الوجه وقبعة غطت على النصف الآخر.. قام بفتح سيارة يزيد بطرق احترافية غير مشروعة ودس فيها شيئا ما ثم أعاد إغلاقها من جديد وفر هاربا.. انشرح صدر يونس وهو يملك بين يديه دليل براءة أخيه وعلت ابتسامة طاغية على مبسمه وهو يردد 
مش ممكن يكون الحظ خادمنا بالشكل ده!
ف بادرت ملك متحمسة بدورها و 
طب يلا نروح نقدم الڤيديو ده دلوقتي
ف أغلق يونس الحاسوب وهو يردد 
مش هينفع دلوقتي المحامي هيقدمه للنيابة الصبح
تناول عيسى الأشياء منه وضبها في الحقيبة بينما كان يونس يغادر السيارة مرة أخرى متسائلا بصوت منخفض 
دبرت معاد مع الدكتور إياه
ف أومأ عيسى برأسه و 
كمان نص ساعة في المكان اللي أمرت بيه
ف أشار يونس نحو سيارته و 
أنا هاخد عربيتك وأروح بيها وانت هتاخد ملك معاك.. مش عايزها معايا
ترجلت ملك من السيارة بعد أن التقطت آذانها حديثه بشأنها وسارت صوبه قائلة ب تعند 
يونس أنا مش هسيبك
ف تحدث يونس ببعض الهدوء الذي مازال يتحلى به بعد كل تلك الأحداث الراهنة 
أنا رايح مشوار مهم مينفعش تكوني موجودة فيه ياملك
فلم تتخلى عن إصرارها بل ازداد برغبتها في معرفة ماهية هذه المهمة التي يسعى لأجلها 
إيه هو المشوار مش خلاص معاك التسجيل اللي يبرأ يزيد!
ف تنهد وهو يضع يده في جيبه ولم يماطلها كثيرا في حالته تلك التي تستدعي الشفقة 
رايح اشتري ذمة دكتور الطب الشرعي كده خلاص
بتقولها عادي كده كأنك رايح تتبرع لبناء مسجد!! رشوة يايونس!! طب ليه ما دام الدليل معاك
نفخ يونس وقد ضاق ذرعا ناهيك عن عدم النوم لفترة طويلة من الزمن وهذا ما يجعل من الإنسان شخصا غير الذي عليه 
أنا واحد بيضمن حقه وحق أخوه بكل شكل إيه اللي مضايقك ياملك مش خلاص طلعنا نغم وقلبك ارتاح عليها
ف زجرته بنظرة وكأنها تستنكر فعله المشين والمنافي للقانون المدني والقانون الإنساني أيضا 
إزاي تفكر في كده طالما يزيد مظلوم يبقى ربنا هينصره وهو فعلا نصره
ب سذاجتها وتعاملها على سجيتها الفطرية الغير ملوثة والبريئة الطاهرة طهرا لا يقبل الشك..