رواية ياسمين الفصول من 51-60

حجما وابتسم بلطافة وهو يقول بنبرة تحبها 
استنيني على العشا بقالنا كتير مكلناش مع بعض
ف أومات بموافقة و 
حاضر
ثم أشار لها لآخر الرواق وهو يطلب 
أمشي معايا لحد العربية
ف سارت بجواره بالرواق بينما كان ېختلس هو النظر إليها من أطراف جفونه حتى سألته أثناء النظر لكوب الشاي الذي يحمله 
أنت مشربتش الشاي ليه
ف أدعى النسيان وبدأ يستعد ل ارتشافه 
نسيت خالص
وبالفعل تجرع منه وهو يفكر في أمر ما أحس إنها اللحظة المناسبة التي يتحدث فيها عن الأمر ويبلغها به.. فلم يتردد وأردف على الفور 
الراجل اللي ماسك المحل بتاع عمي الله يرحمه كلمني عايز يقابلك في أقرب وقت
ف تنهدت وهي تنظر للبعيد وقد أصيبت بشعور التوهان من جديد 
أكيد عايز يتكلم عن المحل وهنعمل إيه فيه اتكلم معاه انت يايونس أنا معنديش طاقة أكلم مع حد
توقف كلاهما أمام السيارة التي كانت جاهزة كي يستقلها يونس وبرر عدم استطاعته القيام بذلك 
مينفعش الراجل قالي دي أمانة ولازم أسلمها حسب وصية عمي الله يرحمه
ف تنغض جبينها ببعض الإستغراب و 
يعني بابا سايب معاه وصية!.. طب ليه هيحتاج يعمل كده إذا كان مفيش ورثة أصلا غيري!
ف أعرب يونس عن جهله بهذا الأمر و 
الحقيقة مش عارف متهيألي لازم تستعدي عشان تقابليه.. الراجل مستعجل وحال المحل واقف
ف أسبلت جفونها ورضخت ل فكرته التي لم يكن لها أي بدائل 
خلاص اللي تشوفه
مد كفه نحو وجهها ومسح مسحة ناعمة على وجنتها البيضاء ثم قال بصوت رخيم 
لا إله إلا الله
ف ابتسمت وهي ترد ب 
محمد رسول الله
ناولها كوب الشاي الذي بقى منتصفه وراح يركب سيارته حينما كان مهدي ينضم إليها ويشير له ملوحا قبل أن ينصرف ثم سألها وهو ينظر للكوب 
هو يونس شرب من المج ده
ف نظرت ملك للكوب و 
آه
ف تنغض جبينه مندهشا و 
تعرفي إن يونس عمره ما شرب شاي باللبن!
ف اتسعت عيناها بذهول وعادت تنظر للكوب مرة أخرى و 
يعني شرب عشان ميحرجنيش!
ف ضحك مهدي و 
آه شكله بيعزك أوي
ف لاحت ابتسامة واسعة على محياها وبدأت تشرب من نفس الكوب كي تنهيه بعدما تركه هو لها.. حينئذ كانت تعود للقصر على قدميها تفكر في الحوار القصير الذي دار بينهما لتقرر ماذا عليها أن تفعل بهذا الشأن.
إينذاك كان يونس قد غادر القصر تماما منشغلا بالمكالمة التليفونية الهامة التي كان يجريها حيث كان يتوجب عليه حل هذا الأمر واجتثاء جذوره تنفيذا لوصية إبراهيم.. وخطته بدأ تنفيذها فعليا منذ أيام ليكون كل شئ على ما يرام 
ماشي يامحي اليوم اللي هنيجي فيه هعرفك قبلها وتعمل اللي اتفقنا عليه بالنص.. انت معاك كل الورق جميل.. استنى مني تليفون
أغلق المكالمة وترك الهاتف على المقعد المجاور وهو يتحدث لنفسه مقنعا إياها إنه يفعل من أجلها الصواب 
معلش بقى ياملك مكنش في حل تاني عشان الموضوع ده ېموت بالنسبالك
........................................................................
قضاء الأيام هنا أهون بكثير من قضائها بين جدران السچن وظلمته ولكنه في حكم السجين هنا أيضا.. وهذا ما جعله يشعر بالأرق في أغلب الأوقات وخاصة إنه لا يخرج من غرفته.
أغلق معتصم التلفاز بعدما سئم من وجود شئ يملأ هذا الفراغ الممېت الذي يشعر به ثم نهض وتوجه نحو النافذة الصغيرة التي تطل على البحر وتنفس قليلا.. استمع لصوت مفتاح ينغرز في الباب ف تأهب كي يتحدث إلى بشړ لكي يستطيع الخروج من هنا قليلا.. ولكنه تفاجأ بها هي أمامه ولأول مرة تكشف عن نفسها له.. اعترته الصدمة وظل محدقا فيها غير مصدق إنها هي التي اختطفته وجلبته إلى هنا ثم قال مشدوها 
مدام غالية
دخلت غالية وجلست على أقرب مقعد وقالت 
عارفه إنها مفاجأة بس متخليهاش تأثر عليك عشان نقدر نتكلم
أنتي جيباني هنا ليه وإيه مصلحتك من كل ده
ف ابتسمت بمكر داهي لم تخفيه و 
مصلحتنا مشتركة يامعتصم وعشان نوصل للمصالح دي  لازم نتكاتف مع بعض
ف جلس قبالتها وقد تقلصت تعابير وجهه ولم يفهم أيا مما قالته 
مصالحنا مشتركة إزاي
ف يسرت عليه الأمر بقولها 
أنت عايز يزيد وأنا عايزة يونس
ف تأفف منزعجا وأشاح بوجهه عنها وهي يردف 
أنتي دماغك مبقاش فيها غير يونس!!.. أنا ميخصنيش يونس في حاجه
ف لمحت له بصيغة أكثر احترافية كي يصدق على كلامها 
بس اللي اعرفه إن يزيد مسنود بأخوه! عمرك ما هتقدر تاخد اللي عايزه من غير ما تزيح يونس من طريقك
ف تذكر ما حدث بتلك الليلة وأعلن عن سخطه على تصرفها 
أنا كان بيني وبين اللي عايزه رصاصة واحدة وانتي ضربتيها بدالي
ثم ضحك مستهزئا بها و 
وياريتها صابت
أسمع يامعتصم إحنا هنساعد بعض.. أنا هساعدك ټنتقم من يزيد عشان أحرق قلب يونس عليه في المقابل آ....
وقبل أن تستكمل حديثها كان قد كشف هو مخططها الخبيث مقاطعا إياها 
في المقابل هكون أنا كبش الفدا اللي هتضحي بيه عشان جريمتك تكون كاملة وتلاقي اللي يلبسها صح
ف نفت صحة ما تفوه به رغم إنها كانت الخطة المثالية التي أعدت لها جيدا 
لأ مش صح أنا الوحيدة اللي هقدر أحميك.. حتى لو عايز تسيب مصر كلها هخليك تسيبها بس لما نوصل للي عايزينه
فكر قليلا وهو يطيل النظر إليها لم يصدق أيا مما قالته ولكنه وافق مبدأيا على السير معها واستخدامها وقوتها في الٹأر من يزيد الذي ما زال قيد الحياة بعد كل ذلك.. حتى بعدما خسر زوجته بيده.
قطعت غالية تفكيره المطول محاولة التأثير أكثر عليه كي يرضخ لها 
يزيد لسه عايش زي ماانت عارف وبدل ما تكون انت واقف على قبر مراتك هو اللي هناك دلوقتي.. لو كنت انا غلطت في مرة يبقى التانية لازم تصيب.. مش كده 
ولج بشړ عليهم ونظر إلى ربة عمله وهو يؤتيها الخبر 
حصل وكله تمام ياهانم
ف ارتاح داخلها وهي تنظر نحو معتصم وسألته ب حبور اجتلاها 
مستعد تتفرج يامعتصم
ف أومأ معتصم برأسه و 
مستعد بس أفهم الأول
هفهمك
وازدادت ابتسامتها اتساعا مع سير خططها كما تريد 
هفهمك كل حاجه
الفصل 5354
لا يوجد أسوأ من المعارك التي تخوضها بنفسك مع نفسك في كل نتائجها تكون أنت الخاسر.
أمتد الإجتماع لوقت طويل كان يزيد يحارب فيه كي لا يظهر أيا من الحروب الناشبة بداخله وكي لا تطفو مشاعر الألم التي يعانيها عليه.. حيث هاجمه ألم الرأس ولم يزول حتى ب استخدام المسكنات ولا سيما حالته التي لم تتحسن على الإطلاق.
انتهى كل شئ بعدما وضعت خطة كاملة سيتم العمل بها في الفترات المقبلة على خطوات زمنية متراتبة وحينها بدأ الجميع يفرغ مقعده وغادروا ب رتابة وهدوء وبدون إحداث أي ضجة من حولهم.. عدا المتحدث الرسمي بأسم الفريق والذي وقف يبلغ يزيد ب تعازيه الحارة نيابة عن الوفد ب أكمله لۏفاة الشريك الثالث بالشركة حسب معلوماتهم ف تقبل يزيد تعزيته بصدر رحب متمسكا بجمود وجهه الذي خلا من أغلب التعابير 
بلغ Herr Prof سيد بروف جزيل الشكر ل اهتمامه
وصافحه بينما كان المتحدث يردف ب 
أكيد عن أذنك
أتفضل
وخرج يزيد من خلفه بعدما اطمئن لخروج الجميع ليلمح ب طرفه سيف يقف جانبا منتظرا إياه ف رمقه بنظرة كادت تفتك به.. أحنى سيف بصره على الفور وأردف 
والله مستر يونس بنفسه اللي أمر بكده
ف دنى يزيد منه وهتف بنبرة محذرة 
إياك تحطني في وضع زي ده تاني ياسيف فهمتني
ف أومأ سيف عدة مرات 
حاضر
عبر يزيد من جواره وسلك طريق غرفته مباشرة فتح الباب وولج ل تتسلط تلك الرائحة على أنفه.. ف نظر مباشرة نحو المكتب ليجد بالفعل فنجان من القهوة الساخنة تتصاعد منها أبخرة برائحة شهية ورغم اشتهاءه الشديد لها وحاجته القصوى لشرب فنجان من القهوة إلا إنه رفض بتاتا.. وسار نحو الهاتف الخلوي كي يتحدث فيه وعيناه عالقة على الفنجان إينذاك كانت نغم تطرق على الباب.. ف سمح لها بالدخول 
أدخل
ثم انتبه ل رد السكرتارية عليه وقال وهو ينظر ل نغم متعمدا إرسال تلك الرسالة لها 
أبعتيلي فنجان قهوة مظبوط وياريت بعد كده آنسه نغم متتعبش نفسها في البوفية.. قسم الحسابات منفصل ولا يجوز بتاتا بأي شكل إن حد ضمنه يكون موظف بوفيه فهمتي
ثم أغلق الهاتف متوقعا رد منها بشأن تشديداته التي تخصها ولكنها تحدثت عن العمل على الفور وبدون أن توليه وجها أردفت ب 
محتاجة توقيع منك عشان نلحق نصرف الشيك ده
ف التقط قلمه وانتظرها أن تقترب ولكنها كانت جامدة في مكانها وكأن عقلها علق في أمر ما ف قطب جبينه قائلا بسخرية 
تحبي أجيلك أنا!
ف تقدمت منه على الفور وقد تداركت غفوة عقلها وناولته الملف بدون أن تنبث بكلمة واحدة.. ف وضع توقيعه بالمكان الصحيح وأولاها ظهره وهو يستعد للجلوس على مكتبه حينئذ كان يونس يدلف كي يتواجه مع نغم قبيل أن تخرج وقال 
كنت عايزك في موضوع يانغم
ف سألته بفضول حينما كان يزيد ينظر لكلاهما 
أتفضل يامستر يونس
مش هنا هعدي عليكي في مكتبك
ف أومأت قبل أن تقول 
اللي تشوفه عن أذنك
وخرجت على الفور.
كان يونس يتفحص شقيقه جيدا وهو يدنو منه بعدما علم بأمر عودته وسأل ب انزعاج اعتراه 
باين كده السهرة كانت حلوة! وإلا مكنتش نسيت اجتماع النهاردة
جلس يزيد بمحله متحاشيا النظر ل أخيه الذي يبرع في ترجمة كل إيماءاته وتعابيره 
أنت عينت نغم جاسوسة عليا ولا إيه
رفع يونس ساق على أخرى وهو يجلس ب أريحية و 
عيب عليك مش هدخل الغريب بينا مهما كان الغريب ده قريب منك
ف نفى يزيد صحة هذه المعلومة على الفور رافضا الإيمان بها أو تصديقها 
مفيش حد قريب مني بلاش التلميحات دي يايونس لو عايز تقول حاجه قولها على طول
فسأله يونس بدون تردد 
شربت أد إيه امبارح
ف تهرب يزيد من السؤال وقد أحاد بوجهه عنه 
مش كتير
ثم أراد أن يلهي عقله قليلا ولم يجد سوى ملك يفتتح بها حوار جديد 
ملك عاملة إيه دلوقتي
ف تنهد يونس بعدما تذكر أصعب اللحظات التي مر بها كلاهما بعد ۏفاة إبراهيم وأجاب ب 
ملك اڼهارت الفترة اللي فاتت