رواية منة كاملة

كدا فين عشان تقولي انها غيرتها 
كاميليا انا قعدت هنا وقت كافي عشان اعرف حتي طريقتها معايا اتغيرت عن الاول بكتير 
ليل بهدوء الايام ال كنتي فيها هنا انتي مشوفتيش منها حاجه... والحكايه مش حكايه معامله او طريقه مش هتتحل في كلمتين او يوم او اتنين الموضوع كبير يا كاميليا وهي سابت جوايا چرح كبير من وانا طفل لسه بيوجعني لحد الوقتي وكل ما تتكلمي عليها او تجيبي سيرتها انتي بتوجعني في نفس المكان ف كفايه انا مش حمل دا... 

ومتتخدعيش في ال بتشوفيه انا لو حكيت ليكي مواقف ليها عمرك ما كنتي هتصدقي ان ال انتي بتتكلمي عنها دي في يوم من كتر لا مبالاتها وعدم اهتمامها اصلا بيا كانت سايباني اموت عشان بس تقهر ابويا... 
كاميليا راحت وقفت وراه وحضنته من ضهره انا اسفه حقك عليا متزعلش مني 
ليل الټفت ليه وهو يضع يده ع وجهها مش زعلان يا كاميليا بس ياريت متفتحيش الموضوع دا تاني 
كاميليا حاضر 
...... 
مراد بهدوء اي ال مقعدك كدا قومي 
مايان رفعت راسها وعيونها كانت وارمه من العياط وتحدثت بصوت مخڼوق وضعيف ليه عملت كدا 
مراد نفس سؤالي برده.... انتي ليه عملتي فيا كدا زمان 
مايان عيطت پقهر انا متعرفش حاجه انا معملتش كدا بارداتي كان ڠصب عني 
ولما رفضت سجني
وهددني ېقتل امي بالرغم من كدا مرضتش اسلمك ليه وزورت الورق 
كنت عارفه انك هتدخل السچن بس هتطلع تاني ولو كنت فكرت شويه كنت هتلاقيني انقذتك.... مكنتش عدوتك عشان تعمل فيا كل دا 
مراد هه ع اساس ال همني كله فلوسي والصفقات ال راحت... مافيش حاجه وجعت قلبي... قدك انتي.... لما عرفت ان ال عمل كدا الانسانه ال وثقت فيها وسلمت ليها قلبي 
هي ال سلمتني بايديها لعدوي.... بايديها دخلتني السچن... مصعبتش عليكي حتي في وقتها حتي لو كانت تمثيله مصعبش عليك انسان قدملك كل حاجه حلوه في الدنيا بدون اي مقابل 
انسان كنتي انتي كل حياته 
تجي تسحبي روحه منه في الاخر وتمشي 
انتي دبحتيني.... موتيني وانا لسه عايش 
مايان انت كمان عملت نفس الحاجه واپشع... انت مش ملاك 
ابتسم بسخريه بس تعرفي الفرق بينا ايه.... انتي دمرتيني وانا كنت بحبك 
وانا دمرتك وانا لسه بحبك 
الفرق بينا اني في المرتين كنت الوحيد ال حبيت لكن انتي لا انتي اصلا محبتنيش كله كان تمثيل 
مايان متقولش حب.... ال بيحب حد بيكون عنده احساس ومش بيدمره 
مراد ليه ما انتي حبك دمرني... بس عارفه انتي عندك حق برده 
اقترب منها للغايه عشان كدا مقدرتش اذيكي وبعدت 
كنت خاېف عليكي حتى من نفسي 
مايان انت بتقول اي..... اااه 
قبض ع يدها ليردف انا مش واطي عشان اعمل فيكي كدا حتي لو كنت عاوز انتقم منك ع ال عملتيه.... انا مقربتش منك يا مايان وانتي لسه زي ما انتي... وعشان انا اكتر حد عارف ان الحب مش بأيدينا فانا مش هجبرك ولا هخليكي تكوني هنا بعد انهارده.... تقدري ترجعي لبيتك زي ما انتي
عاوزه... اسم المستسفي ال فيها مامتك هبعتهولك.... لا انا ولا ليل هيتعرض لحد فيكوا....
ربنا جاب ل ليل حقه وانا مسامح في حقي... وكفايه تعب نفس لحد كدا ....
يمكن دخولك حياتي كان لعذابي وبس بس انا عمري ما هنساكي ...... 
ابتعد عنها قليلا يستعيد توازن نفسه... في عربيه برا هتوديكي مكان ما تحبي... تقدري تخرجي الوقتي لو عايزه... 
قالها وهو يغادر الي جناحه في الطابق العلوي 
كاميليا مسكت راسها بتفكير عميق اعمل ايه انا لو فضلت كدا حياته هتفضل زي ماهي مش هتتغير
وانا متأكده انه بيحبها بس زعله منها مش مخليه يتكلم
قاطع حديثها مع نفسها صوت خبط ع الباب فكرتها كوثر ادخلي يا تيته
بس المفاجاه انها كانت ميرفت ممكن ادخل 
كاميليا بتعجب اكيد اتفضلي... بس ليل مش هنا 
ميرفت عارفه ان ليل مش هنا يا كاميليا انا جايه اتكلم معاكي انتي 
كاميليا قي ايه بالظبط 
ميرفت انا مش جايه اطلب منك زي المره ال فاتت واخليكي تسيبي البيت وتمشي ولا انا جايه عشان خاطر ابعدك عن ليل 
كاميليا طيب جايه ليه 
ميرفت بتنهيده جايلاك عشان ليل بس قبل ما ادخل في الموضوع عاوزه اعتذر منك ع اي اذي بقصد او من دون قصد انا سببتهولك 
انا اسفه بس انا دفعت تمن دا كويس... في النهايه لما لاقتيش حد وقف جنبي.. من غير ليل كان زماني مقبوض عليا وانا في السچن الوقتي رغم انه عارف ان انا ع تواصل بمي وانه ليا علاقه بالحاجات ال كانت بتعملها عشان تخليكوا تبعدوا عن بعض... انا عرفت كل حاجه وكمان ال حصل في قسم الشرطه وان ليل اتنازل عن القضيه بس عشان خاطري 
كاميليا ليل بيحبك بس