رواية خذلان الجزئ الاخير

الفصل التاسع 
الحكايه الثانيه
لوحدي أقوي 
ميرنا بهدوء .. وياتري من حقي اعرف اتفقتم علي ايه ولا مش من حقي 
رقيه بانفعال ... انت عمال تبصلي كدة ليه ما هي كدة كدة هتعرف انت نازل ليه
ميرنا ... وياتري ليه يا طنط احب اعرف
رقيه ... عشان تحملي يا حبيبتي في عيل تاني يبقي سند لابوة و إخوة ويعوضكم عن سليم

_ رغم صدمتي في تفكيرهم إلا أن صدمتي الأكبر ان جوزي متفق معاهم معرفش ازاي استوعبت اللي اتقال بسرعه و رديت بكل هدوء انا نفسي استغربتة
ميرنا ... حقيقي يا خالد دا سبب نزولك 
خالد ... ميرنا لما نروح نتكلم 
ميرنا .. ليه في ايه هنقولو لوحدنا اهلك ميعرفهوش دا ماشاء الله انتم متكلمين و مقررين كمان ايه المشكلة بقا لما نتكلم قدامهم
خالد ... حبيبتي انا هفهمك كل حاجة لما نروح
ميرنا بعند ... لاء هنتكلم دلوقتي و قدامهم 
رقية ... اتكلم يابني خلينا نخلص
ميرنا .. بالظبط زي ما طنط قالت خلينا نخلص ها جاي لية يا خالد 
خالد بتوتر .. ا اصل يعني كنت بفكر أن الوقت بقا مناسب أن أن 
محي بضيق .. ماتنطق يا ابني 
خالد ... أن نجيب اخ او اخت ل سليم
ميرنا ... ممممم بس انا بقولكم أن الوقت مش مناسب ولسة بدري اوي ع خطوة زي دي دا لو خدتها اصلا
خالد ... يعني اية لو خدتيها اصلا مش فاهم
ميرنا ... يعني انا مش بفكر غير في مصلحة ابني وبس حاليا كل مجهودي واهتمامي بيه هو اتحسن و بقا تمام والدكتور قالي أننا بقينا في مرحله احسن تتطلب مجهود أقل هفكر في حوار الخلفة دا فضل هو محتاج كل طاقتي و مجهودي مش هفكر نهائي في الموضوع 
رقيه ... دا اسمو جنان دا اتفضل يا سيدي شوف مراتك بتقول ايه 
محي ... يا بنتي سليم من حقة يكون له أخ أو أخت يسندوة و يملو عليكم انتم كمان حياتكم 
ميرنا ... انا سليم الحمد لله مالي حياتي و مش محتاج لا اب ولا اخ ولا اخت مش محتاج غيري أنا أنا وبس 
خالد ... يا سلام وانا ايه بقا هه طيشه في البيت مليش اي تلاتين لازمة 
حنان ... هديتي شوية 
ميرنا ... الحمد لله
حنان ... حماتك كلمتني قبل ما تدخلي هنا ب خمس دقايق كانت بتشتكيلي منك
اتعدلت في قعدتي ... نعم وهما ليهم عين كمان هما اللي يشتكو هو في اية 
حنان .. يا حبيبتي اسمعني بس 
ميرنا ... ماما لو سمحتي مش عايزة اتكلم في الموضوع دا عشان خاطري
_ لسة هترد عليا جرس الباب رن وتوقعت طبعا أنه خالد
ميرنا ... انا هدخل اوضتي ولو سمحتي بلغية اني مش عايزة اتكلم معاة ولا اشوفو دلوقتي بلييز 
حنان .. حاضر يا حبيبتي ادخلي
خالد ... مساء الخير يا طنط
حنان بزعل ... مساء النور يا خالد ينفع كدة اللي حصل دا 
خالد بعصبية ... الكلام دا تقوليه للهانم اللي علت صوتها في بيت اهلي و معملتليش اي اعتبار وقال اي مش عايزة تخلف تاني اييي الجنان دا هه 
ميرنا پغضب ... متتعصبش ع ماما سامع ولا لا كلامك معايا انا 
خالد ... بقولك اية قدامي ع البيت ونبقي نتكلم هناك
ميرنا ... لا مش متزفتة مروحة وكلامي كان نهائي يا خالد وانت الى حاااالا لازم تختار 
خالد .. متعصبنيش فوق عصبيتي يا ميرنا وقدامي ع الشقة
ميرنا ... انا قلتلك مش هتحرك من هنا الا لما ترد عليا اخترت ايه 
خالد پغضب ... انا من حقي اكون اب لطفل طبيعي مش متخلف وهيفضل طول عمرة متخللللف 
ميرنا من غير ما تحس رفعت ايديها و نزلت بيها ع خدة كان قلم قوي بكل الڠضب اللي جواها
ميرنا ... اطلع برررررة سامع برة و تطلقني يا خالد مش هعيش معاك يوم واحد ولا هتشوف ابنك دا تاني ابدا سامع ابدا بررررة 
خالد پصدمة ...
الفصل العاشر
الحكايه الثانيه
لوحدي أقوي
خالد پغضب ... انا من حقي اكون اب لطفل طبيعي مش متخلف وهيفضل طول عمرة متخللللف 
ميرنا من غير ما تحس رفعت ايديها و نزلت بيها ع خدة كان قلم قوي بكل الڠضب اللي جواها
ميرنا ... اطلع برررررة سامع برة و تطلقني يا
خالد مش هعيش معاك يوم واحد ولا هتشوف ابنك دا تاني ابدا سامع ابدا بررررة 
خالد پصدمة ... ا انتي عملتي ايه انتي اټجننتي
_ ولسه هيقرب منها كانت حنان هي كمان فاقت من صډمتها و وقفت في النص بينهم 
حنان ... كفاية كدة بقا استهدو بالله 
ميرنا پغضب ... انا اټجننت يا سيدي روح اتجوز و خلف عيال مش متخلفة و فرح امك و ابوك وابعدو عننا اقسم بالله لو ورقه طلاقي و حقوقي كلها مجتليش لاعملكم مليييييون ڤضيحة في كل حتة وامك اللي طالعه في السما دي ھفضحها في النادي اللي هي ليل نهار فيه واروحلك شغلك و شركة ابوك حتي اختك رغم اني معرفش موقفها بس