رواية شيقة 9 الفصول من الثاني عشر للرابع عشر

12
بعد مرور الوقت نجد حسين يطرق باب الغرفه التى بها جميله وعواطف .... وكانت عواطف بتصلى ركعتين قضاء حاجه اما جميله فاكانت واقفه تنظر من الشرفه .... فضل يطرق لحد ما عواطف صدقت وقامت فتحتله السلام عليكم انتو نمتو ولا ايه
عواطف لا ابدا انا كنت بصلى وجميله فى البلكونه ادخل
حسين يضع الاكياس على الطاوله انا جبت اكل عشان هى ما كلتش اى حاجه من الصبح

عواطف كتر خيرك يا حسين ياابنى 
يتركها تقوم باخراج الطعام من الاكياس ويركض لعندها واول ما تشوفه تودى وشها الناحيه التانيه وهو يجر كرسى ويقعد جنبها الجميل زعلان ولا ايه منى
جميله مش هرد عليك
حسين ههههههههههههههه
جميله بتضحك على ايه
حسين بتقولى مش هرد عليك مع انك رديتى
جميله ما تعصبنيش بقى
حسين طب قومى جبت اكل عشان تاكلى
جميله مليش نفس
حسين مهو مش هينفع كده انتى من الصبح ما كلتيش حاجه
جميله مش هتفرق
حسين انتى شايفه كده
حميله ممكن اعرف كنت فين
حسين لو قومتى كلتى معانا جوه هقولك
جميله وعد
حسين بابتسامه وعد
جميله تقوم وتركض الى داخل الغرفه وتلاقى عواطف بتخرج الاكل من الاكياس يلا يا ولاد
جميله تلاقيه جايب سندوتشات كتير
انت جايب سندوتشات
حسين يجر لها كرسى عشان تقعد عليه انتى شايفه ايه
جميله هو مفيش مره ترد على طول لازم طريقتك دى
حسين اصلك ذكيه اوى انتى شايفه ايه فى الاكياس سندوتشات ولا ايه
جميله طيب براحه
حسين طب يلا كلى انا عاوزك تخلصى كل ده
جميله ههههههههه ليه ان شاء الله فاكرنى مين انا كويس اوى لو كملت واحد
حسين هاهاهاهاو ده عندكم فى بيتكم انما هنا هتاكلى كل ده
جميله افهم بس ده امر
حسين ايون امر
جميسله والله ولو ماكلتش بقى
حسين بسيطه جدا هاكل انا وداده .... بس على فكره ويقرب منها وكمان مش هقولك انا كنت فين
جميله لا وعلى ايه هاكل هاكل
حسين ايوه كده يلا سمى الله وكلى يلا ... اقعدى يا داده
عواطف لا انا مليش فى الاكل ده عشان السكر كفايه عليا اشوفها وهى بتاكل ده عندى كانى انا اللى كلت
حسين برده عملت حسابى عندك فى زبادى
عواطف تسلم ياابنى انا الحمدلله كلت زبادى المستشفى صرفت وجبات علينا الصبح
حسين طيب كلى اى حاجه بس انشاله حته صغيره
عوطاف مش هكسفك انا كمان ما بحبش اكل المستشفيات خالص
حسين طب يلا كلى وبالهنا والشفا
جميله كانت بتاكل وبتنظر اليهما هما الاتنين وحسين اخد باله منها بتبصى كده ليه
جميله اللى يشوفكم انهارده ما يشفكمش من يومين انت وداده
عوطاف اعمل ايه بقى قلبى حن ليه
حسين وانا والله حسيت انها بتفكرنى بامى فيها حاجه حلوه كده
عوطف تسلم ياابنى وتعيش
جميله هى مامتك متوفيه ولا عايشه
حسين ناكل الاول وبعدين نتكلم ممكن
جميله ممكن
نسيبهم ياكلو ونروح جرى لانشراح اللى كانت قاعده فى كافيه منتظره حد بعد ما نزلها شادى وهو راح لاصحابه يسهر زى كل ليله ... بعد ما النادل نزلها القهوه ومشى عملت مكالمه وبعد شويه نلاقيه شخص يجر الكرسى ويقعد عليه
انشراح كل ده تاخير
الشخص لسه مخلصين دلوقتى
انشراح ها وايه الاخبار
الشخص كله تمام
انشراح طب كويس اوعى يكون حد خد باله
الشخص عيب عليكى يا مدام انشراح ... ويعطى لها الظرف وما فيه اتفضلى ادى الباقى
انشراح برافو عليك يا وليد انا مش عارفه من غيرك كنت وصلت لفين
وليد المهم تكونى راضيه عنى
انشراح جدااااااا ... تشرب ايه بقى
وليد لا مش هينفع لازم ارجع تانى المستشفى
انشراح اوكيه زى ما تحب استنى كده ... واخرجت بعض النقود واعطتهمله ودول نصيبك
وليد تسلمى همشى انا بقى
انشراح اى جديد بلغنى بيه
وليد اكيد طبعا سلام
انشراح بابتسامه وهى تنظر الى الفلوس التى بيدها مع الف سلامه يا وليد
تيقظها تسلل اشعه الشمس اليها وهى شبه نائما على سرير فى غرفه داخل المشفى ... نهضت ثم لاحظت بان عواطف نائما على الكنبه المجاوره لها داده داده ... تراجعت وقلت لنفسها بانها تتركها تنام شويه لانها ما نمتش غير بعد ما اطمنت عليها اكيد ودخلت الحمام المرفق للغرفه وغسلت وشها وعدلت لبسها وطرحتها وخرجت من الغرفه ووجدت الممرضه ذهبت اليها عبير
عبير صباح الخير يا دكتوره
جميله صباح النور اخبار بابى فاق
عبير ما اعرفش الحقيقه اللى يعرف ايمن لانه كان سهران طول الليل معاه
جميله طيب