رواية جامدة ج3 الفصل الثالث عشر والرابع عشر بقلم الكاتبة الرائعة

سارة انت كلامك صعب اوي يا ادهم .. وفي اتهام انا مقبلوش .. انت .....
.. هو انتي لسه شفتي حاجة ..
...........................................
في نفس الوقت عند اللواء مجدي اللي مش فاكره ده رئيس سيف في الشغل ..
قاعد الدكتور حسن قدامه على المكتب .. في حالة سيئة .. توتر وخوف وقلق .. صمت دام للحظات لحد ما قطعه حسن ..
حسن دلوقتي عملت اللي انت عايزه .. وخليته يفقد الذاكرة .. بس للاسف مفقدهاش كلها .. بس المهم انه نسي القضية اللي كان شغال عليها ..
مجدي پغضب انت بتستهبل .. انا قلت لك الخطړ زاد عليه اوي .. وانا عايز احميه .. عايزه ينسى حتى وظيفته عشان ميرجعش ويرجع للخطړ تاني ..
حسن انا كنت هعمل كده بس ملحقتش .. انت عارف كويس اني بعمل كده عشان سيف ده ابن الغالي .. عبدالعظيم ابو سيف كان صديق واكتر من اخ .. ولولا اني عارف ان ده هيبعده عن الخطړ وعشان مصلحته مكنتش عملت كده ابدا .. انا اذيته .. بس عشان خاطر مصلحته وانت عارف كده كويس .. حطيت مهنتي ومستقبلي كله في كفه .. واني احمي سيف في الكفة التانية .. انا عرفت كل اللي كان في المستشفى بخبر فقدانه للذاكرة .. لازم انت كمان تكمل مهمتك وتبعد عنه اللي عايزين ېقتلوه دول ..
مجدي بنفاذ صبر طيب .. طيب .. المهم اثبت انت على كلامك ومتجبش سيرة باي اتفاق بينا .. انت فاهم !
حسن طيب .. طيب .. مش هتكلم .. المهم انا عايز اطمن عليه ..
مجدي بزهق كويس .. قاعد مع سارة وعيلتها .. هو من بعد مۏت مراته وهو كان عايش معاهم .. وبيعتبرهم زي عيلته .. متقلقش المكان ده بالنسبة له امان ..
وقف حسن على استعداد انه يمشي وقال طيب خلاص .. طمنتني .. كلمني لو في جديد .. سلام يا مجدي ..
مشي حسن وبمجرد ما مشي رفع مجدي سماعة التليفون واتصل بشخص ..
مجدي ايوة يا سمير باشا ..
سمير ايه الاخبار !
مجدي كان نفسي اطمنك .. بس بردو احنا في السليم ..
سمير ازاي يعني ! ماټ ولا لا !
مجدي بسخرية يعني هو عبدالرحمن مش قالك اللي حصل ! .. مانا عارف انه بينقل لك الاخبار اول باول ..
سمير مجدي اسمع ..انا قلت نخلص منه خالص .. صعب عليك وقلت بلاش قتل ده متجوز وعنده بنت .. وقلت لو فقد الذاكرة هيسيبنا في حالنا ومش هيدور ورانا .. ودلوقتي فقد جزء من ذاكرته .. يعني ممكن يرجع تاني يدور ورانا لو رجعت له الذاكرة .. اسمع بقى الشحنة دي لازم تدخل البلد في اسرع وقت .. الادوية دي لو قعدت اكتر من كده هيبقى صعب نصرفها ونخلص منها اتصرف وډخلها .. مش مشكلتي .. انت فاهم !
مجدي حاضر يا باشا متقلقش .. هو اللي عامل لنا فيها ظابط شريف .. ومرضيش يكون معانا وياخد له قرشين .. بس متقلقش انا هتاكد بنفسي انه مش هيبقف ضدنا ..
سمير مش مشكلتي .. اتصرف ومتتصلش تاني الا لما تقولي ان خلاص الشحنة دخلت ووصلت المخازن ..
قفل سمير الخط .. اتنهد مجدي بضيق .. وقال في نفسه ..
.. انت اللي عملت لي فيها شريف يا سيف باشا .. اشرب بقى .. بتفتح على نفسك جبهات الڼار 
........................................
مرت ساعتين .. على سارة وادهم ..
وضع سارة المزري .. متكورة على نفسها في سريرها وشبه غايبة عن الوعي ..
بعد ما كان الڠضب سيد الموقف وسيطر على ادهم وعماه .. بدأ يهدى بس منظر جنبه خلاه مخڼوق وحاسس انه مش قادر ياخد نفسه ..
اخد موبايله ودخل البلكونة .. اتصل ب يحيى يستنجد بيه .. وبعد ما حكاله اللي حصل ..
يحيى پغضب وزعيق غبي غبي متهور والله ما لاقي وصف اوصف بيه .. انت اسوأ من ماجد .. وريني بقى هتصلح اللي هببته ده ازاي ..
ادهم بضيق مانا لو عارف مكنتش اتصلت بيك .. ساعديني يا يحيي .. ارجوك ..
يحيى للاسف معنديش حاجة اساعدك بيها .. انت نيلتها على الاخر ..