رواية جديدة تحفة الفصول من الثالث عشر للسادس عشر الاخير بقلم الكاتبة الرائعة

بسرعه 
ولكن فات الاوان فأيمن اخذ نصيبه وبقي مشلۏلا 
فالعادل اخذ حق زين وجنه منهم 
فكما تدين تدان ولو بعد حين 
في المساء في قصر زين يجلسوا جميعا في غرفه الصالون 
ليدخل عليهم زياد وليله 
زياد انتم قاعدين كده ومتعرفوش الا حصل 
محمد خير يا ابني 
زياد صافي ماټت وايمن اټشل 
زين امته حصل انا كنت عندهم الصبح وكانوا زي القرود 
محمد وانت كنت عندهم لي 
زين بصفي حساب قديم 
زينب اوعي تكون انت الا عملت فيهم كده 
زين لا طبعا 
لينظر لزياد ما تفهمني يا ابني 
زياد صافي كانت مع الولاا في شقته الجيران سمعوا صوت صړيخ كسروا الباب عليهم لقوه قالتلها 
حاول يهرب منهم وقع من البلكونه ماټ 
والظابط لما راح لايمن قاله مستحملش وقع اټشل 
والا عرفته ان صافي كانت حامل
زين بتخمين يبقي كانت حامل ولما راحت وقالتله قټلها 
زياد تقريبا كده 
زين صعبوا عليا بس هي النهايه الا يستهلوها 
جنه وما ظلمناهم ولكن كانوا هم الظالمين
زين فعلا هما ظلموا كتير اوي وربنا عمره ما بيسيب في حقه 
محمد بردو معرفتش انت كنت عندهم لي 
زين ابدا روحت اقولهم ان مهما فرقوا بيني وبين جنه عمرهم ما هيعرفوا 
زينب ما تفهمنا يا ابني اي الالغاز ده 
زياد بالحق يا زين انت عرفت منين ان زينه بتشتغل مع ايمن وهتبعتله ورق الصفقه 
محمد كل ده حصل ما تحكلنا يا ابني 
زين ابدا انا كنت بدخل عليها الاقيها بتكلم واول لما تشوفني تتوتر وتقفل الخط 
قعدت مراقب تصرفتها فتره 
لحد سمعتها بتقول ايمن بيه اتأكدت انها معاه 
بعدها جدي طلب نسافر قولت دي فرصه كويسه ليهم اسلبها الشركه 
وجه تعب جنه وزياد ويوسف جولي وجواز اياد وزياد 
كل ده عطل سرفنا وبقت الشركه ليهم وكنت بتابع معاها علي طول اخبار الصفقه وادتها الامان علي الاخر 
وعملت ملفيين ملف اديته ليها تسلمه بأسم الشركه 
طبعا كنت عارف انها هتديه لايمن 
اديت لزياد الملف الاساسي بتاعي وزياد سلمه 
وطبعا هي ادت لايمن الملف وايمن غير فيه وحط عليه اسمه 
وهو فاكر اني مدخلتش المناقصه 
بس انا لعبتهم وخليت زياد يقدم الملف قبل باب الحجز ما يقفل بربع ساعه وكده هما معرفوش الا لما ختها 
ليصفق له اياد ويقول بمرح طول عمري بقول عليك كبير 
ليضحك عليه زين اخوك مش اي حد بردو يالاا 
اياد طبعا يا كبير 
محمد وانت مقولتليش لي يا ابني ابقي معاك 
زين مكنتش عايز اشغلك يا حاج 
جدي كان عارف كل حاجه 
ولو كنت احتاجتلك كنت هقولك 
محمد الحمد لله انك خلصت منهم واتصرفت صح 
زينب وكانوا عايزين يوقعوا بينك وبين جنه ازاي 
زين يوم فرح يوسف بعتوا واحد يسلم علي جنه ويعمل قدامي انه يعرفها من زمان حركه يعني علشان اشك فيها 
في يوم الصفقه بعتوا صور لجنه انا وصافي متركبه 
وجواب ان انا بخونها مع صافي في شقه 
طبعا خطتهم جنه تروح والولا نفسه يخدرها ويكلموني وانا اروح الاقي جنه معاه فأطلقها 
وكده يبقوا قضوا عليا من كل حاجه 
زينب اعوذ بالله منهم الحمد لله يا ابني انك سلمت من شرهم 
زين وهو ينظر لجنه لو مكنتش جنه واثقه فيا وفي حبي ليها كان زمان كل حاجه 
لتخجل جنه من حديثه وتقول بصوت هامس زين 
زين بحب وهو ينظر في عينها مباشره قلب زين وعمر زين كله 
ليقبل يديها ويقول حبك ليا وثقتك فيا هي السبب في التغير الا حصلي 
عمري ما كنت اتوقع اني هكون كده 
انا تعبتك معايا كتير وعايز اعوضك عن كل الا فات 
وكنت مستني الوقت المناسب بعد الا حصل انا كده فضيت
علشان كده انا قررت اني.......... 
الفصل 15 
ليقبل يديها ويقول حبك ليا وثقتك فيا هي السبب في التغير الا حصلي 
عمري ما كنت اتوقع اني هكون كده 
انا تعبتك معايا كتير وعايز اعوضك عن كل الا فات 
وكنت مستني الوقت المناسب بس حصل انا كده فضيت
علشان كده انا قررت اني هعملك فرح كبير مصر كلها تحكي عنه 
وتلبسي الفستان واشوفك بيه 
جنه بطل هزار يا زين 
زين مبهزرش والله يا جنه انا فعلا قررت اعملك فرح كبير اوي 
اعوضك فيه عن كل الا عملته فيكي وعن جوازنا 
احنا اجوزنا بسرعه وناس كتير اوي متعرفش انك مراتي ولا يعرفوا اني اجوزت اصلا 
جنه بفرحه بجد يا زين هلبس فستان ابيض 
زين بجد يا قلب زين يعني الا لبسوه احسن منك في حاجه 
هجبلك احلي فستان في العالم كله وهتبقي ليله العمر واعتبري دي اول ليله بينا 
والا فات انسيه خالص 
هاا موافقه تتجوزيني ولا اي 
جنه وهي ترتمي في احضانه موافقه طبعا 
ليشدد زين من احتضانه لها 
فهم لم يشعروا بالعيون التي تنظر لهم 
فحبهم اكبر من اي شئ فهم لم يروا الا حبهم ونفسهم فقط
ليقول اياد بمرح وهو يصفق بيده الله عليكوا ياله الفقره الا بعدها 
لتلاحظ جنه وجودهم وتختبأ بوجهها بحضن زين بخجل 
زين پغضب هتفضل اهطل طول عمرك وبتضيع اي لحظه رومانسيه 
فرح وهي تقول لاياد اتعلم يا اخي 
اياد شوفت فتحت عليا فتوحه اهوو 
زين بضحك تستاهل 
وينظر لزياد وانت اي اخبارك 
ليله لا ملكوش دعوه بزياد محدش زيه 
ليقبل زياد يديها ربنا يخليكي ليا 
لتقول زينب ربنا يفرح قلبكوا دايما يا ولاد 
ليأمنوا عليها جميعا 
ليعيشوا ليله في جو من المرح والضحك دون شئ يعكر مزاجهم
ليصعد زين وجنه غرفتهم 
جنه زين انت بجد هتعمل كده 
زين بمشاكسه هعمل اي مش واخد بالي 
جنه بغيظ فرح 
زين بضحك ايوا يا جنه انا خلاص قررت 
جنه الناس هتقول علينا اي اجوزوا وبعدين عملوا الفرح 
زين اولا مليش دعوه بالناس الا يقول يولع 
ثانيا انا اجوزتك وانا معرفش اني هحبك وكان لازم اعوضك حاجه صغيره عن الا عملتيه معايا 
وبعدين الفرح ده جزء صغير اوي من حقك 
وثالثا بقي ناس كتير اوي متعرفش ان انا اجوزت 
جنه وهي تدور حول نفسها بفرحه انا بجد مش مصدقه يا زين 
ده حلمي اني البس الفستان الابيض ولما اجوزتك قولت مش مهم انت عوضي عن كل حاجه في الدنيا 
وانت تيجي وتعملي فرح ومعاك كمان انا بجد حاسه اني بحلم 
زين انا بقي مش عايز الا انك تحلمي وانا هنفذ وبس 
جنه ربنا يديمك ليا العمر كله
زين ويخليكي ليا يا حبيبتي 
جنه طب قولي امته 
زين يوم الخميس 
جنه اي ده كمان يومين بس 
زين ايوا يا جنه انا محضر كل حاجه متقلقيش 
وحجزت الفندق كمان 
جنه انا مش هنام اليومين دول 
زين بضحك لا تعالي ننام وبطلي كلام علشان صدعت من رغيك ده 
جنه پغضب رخم
ليضحك زين عليها ويأخذها وينام بعد يوم طويل من التعب
صباح يوم جديد علي ابطالنا يعرف يوسف الذي حدث فيقرر ان يعود سريعا 
في الشاليه الخاص بهم 
يوسف انجزي يا ديجه بقالك ساعه بتلبسي 
خديجه الله يا يوسف مش لازم اتشيك 
يوسف بغيره وتتشيكي لمين يا اختي 
خديجه بحب ليك طبعا يا روحي 
يوسف ايوا كده اتعدلي بدل ما اعدلك انا 
خديجه متقدرش يا حبيبي 
يوسف لي يا اختي 
خديجه مهنش عليك 
يوسف بمرح اذا كان كده ماشي 
لتضحك خديجه عليه انا خلصت خلاص ياله بينا 
يوسف وهو يحمل الشنط ياله يا اختي 
انتي حاطه اي في الشنط تقيله كده 
خديجه محطتش فيها حاجه 
يوسف والله محطوط فيها انطقي يا بت 
خديجه يووه يا يوسف لبس يا حبيبي لبس 
يوسف في سره الله يهدك يا خديجه 
خديجه سمعتك 
يوسف بضحك طب قدامي 
لينطلقوا يعودوا الي القاهره وسط مرح يوسف وخفه دمه 
وحب خديجه له
فيوسف