رواية جديدة جامدة الفصول من الرابع للسادس بقلم الكاتبة الرائعة
المحتويات
لسه على الخط مع ساره
_الو .. ازيك يا سوسو
_ازيك يا حنونه ..وحشانى ..انتوا فين ..
_احنا نقلنا فى بيت جديد بس لسه فى حاجات فى الڤيلا القديمه ..
_ربنا يجعلها خير يارب ...المهم ..هستناكوا النهارده
_فين يختى .
_فى لاڤندر
_انتى بتتكلمى جد ..فتحتيه تانى
اسراء ضحكت ايوا فتحته ..ومستنياكوا بليل عشان وحشتونى اوى بجد يا حنان
اسراء هى جنبك
حنان اه ومعاها نور على التليفون من دبى
اسراء افتحى الاسبيكر بسرعه
فتحته وسلموا كلهم على بعض
نور بت يا اسراء ...انا نازله نص الشهر الجاى ..ولازم نتجمع عندك عشان تجمع النهارده من غيرى دا اسمه نداله
نور ايوا بقا يمعلم
كلهم فضلوا يضحكوا ويهزروا مع بعض ويسترجعوا زكرياتهم سوا
اسراء اخيرا حطت مفتاح المطعم فى الباب وحركته وسمعت تكه الباب اللى بقالها سنين مسمعتهاش ..ضحكت بفرحه ..وفتحت الباب اتنهدت بإرتياح ويهى بتهمس بحنين وعنيها بتدور فى المكان كله لاڤندر !
دخلت تتحسس المكان بتتأكد من نظافته بعد ما بعتت شركه تنظيف تظبطه وترجعه زى ما كان ..
فلاااش بااك
قاعدين على احدى الطاولات بيجهزوا دعاو الفرح
سليم كدا عشرين دعوه عند يسراا ...واخيرا كدا خلصنا
اتنهدت اسراء بإرتياح اخيراا ..
سليم بحب مش مصدق ان خلاص فرحنا كمان كام يوم ..اخيرا يا اسراء ..
فاقت من ذكرياتها على صوت حد بيقترب منها
_من فضلك ممكن واحده قهوه ساده
قالت بفرحه انت عرفت منين
يوسف وهو ضاممها زوزا قالتلى ...اخيرا يا اسراء ...بعدها عنه وبص لعيونها اخيراا !!
ضحكت وفرحتها فى عيونها اخيرا يا جو ..كفايه كده بقا صح ..
يوسف اكيد كفايه ...عايز لاڤندر يرجع لزهوته تانى ..عايز نجاحك يكمل فرحتك ... وانا دايما جنبك يا قلب اخوكى
اسراء فى قمه سعادتها بأخوها اللى دايما فى ضهرها وسادنها ودايما جنبها
سمير قاعد مخڼوق فى الحجز وخاېف من كل الموجودين فيه بعد علقھ المۏت اللى اخدها امبارح لما رد على حد فيهم رد معجبهوش ودلوقتى قاعد مش طايق نفسه ولا طايق حد حواليه ..وبيبصلهم كلهم بقرف
رد سمير بقولك اى يا جدع انت ...اخرس خالص
رد عليه دانتا شكلك نسيت نفسك بقا ونسيت استقبال امبارح ..دانتا ممسوك اداب يا روح امك هتتشطر على اى يا عره الرجال ..دانا كفوفى لسه معلمه على خلقتك
سمير وخلاص جاب آخره وھجم عليه دانا هورى أشكالك ازاى تتعامل معايا
بعد نصف ساعه
_سميييررر
_نعم يا معلم
_تعال ادعكلى رجلى
بصله سمير وهو خاېف يتكلم بعد العلقھ التانيه اللى اخدها من شويه
_ ح ...حاضر يمعلم
عماد بيكلم اسلام فى التليفون
_الو ..خلصت مذاكره يا صحبى
_لا لسه يا عماد بس تعبان اوى ومصدع وال٣ علب خلصوا ...تعرف تتصرفلى فى ٣ كمان اخدهم منك بكرا فى الامتحان
_انت لحقت خلصتهم !! ...عموما هشوف لو عرفت اجيبهم هجيبهملك بكرا فى المدرسه
_تمام يا صحبى
قفل معاه وكمل مذاكره وشويه ودخلت عليه امه بكبايه عصير
_ربنا معاك يا حبيبي عملتلك كبايه عصير الليمون تفوقك كدا
_تسلم ايدك يا بيبو بجد ..
اخدها منها وشربها وفضل يقلب فى الورق اللى قدامه وهو قلقان من امتحان بكرا
عبير حست بإبنها فتحت دراعتها له وحضنته وهو ضمھا ليه
_عارفه انك قلقان يابنى بس انت عملت اللى عليك وذاكرت فى ظروف صعبه ...انا مش هضغط عليك يا حبيبى ...انت جيت على نفسك اوى ... عملت اللى عليك يبقا متقلقش ..ربنا مش هيضيع تعبك ابدا .. ركز بس بكرا فى الامتحان ..وبكفاياك مذاكره كدا مخك هيقفل ..قوم ريحلك شويه وساعتين وهصحيك تكمل
_انا فعلا تعبان اوى وتعبتك معايا جدا اخر فتره ..ربنا يخليكى ليا يا ماما ..
_ويخليك يا حبيبى يلا ريح شويه عشان تعرف تفوق
اسلام بصلها بحب حاضر
حنان اخدت ساره ونزلوا لاسراء المطعم بتاعها
اسراء كانت حوا بتغسل الاطباق ودخلت حنان بساره اللى بتزق الكرسى بتاعها
واتكلمت برسميه من فضلك ممكن نحجز طرابيزه
خرجت اسراء من ورا الحوض من مطبخها اللى بيطل على باقى المطعم وبتمسح اديها فى مريلتها ..
وقالت بإبتسامه عمليه بس احنا عندنا الحجز غالى جدا يا فندم
ردت حنان وهى مبتسمه وعارفه اسراء هترد تقولها اى ممكن اعرف تمنه كام لو سمحتى
ردت اسراء وعنيها بتلمع حضڼ !!
حضنوا بعض الاتنين وكأنهم غايبين عن بعض من سنين وسنين
_وحشتينى اوى يا اسراء
_وانتى كمان والله ..وحشتينى اوى ..اسفه على كل وقت رفضت اسمعكوا فيه او رفضت محاولتكوا للتخفيف من چرحى ..اسفه بجد بس كنت تايهه وموجوعه
حنان عارفه ...وحاسه بيكى ...فرحانه برجوعك فكك من اللى فات بقا
ساره لسه على كرسيها حاطه اديها على خدها وبصالهم ايوا يعنى عشان انا مكسوره ومش عارفه اقوملك مليش لا حبيب
متابعة القراءة
