رواية مختلفة 3 الفصول من الرابع عشر للسابع عشر بقلم ملكة الروايات

خيالك يصورلك اى حاجه حمزه دا مجرد زميل و مفيش داعى تكبر الموضوع وانا هعرفه حدوده كويس   عن اذنك 
لتحاول أن تتحرك ولكنه يتمسك بها ويقول
خلاص بقا انا اسف خلى قلبك ابيض  وانا عارف انك شخصيه طيبه والكل بيحبك وبصراحه دا بيجننى 
لتبتسم قمر وتقول
بس انا بحب واحد بس واتمنى أنه يثق فيا زى ما بثق انا فيه
فيجيبها بعتب
يعنى انتى شايفه انى مبثقش فيكى 
لا يا ملاكى فى فرق بين الغيره والثقه  وانا عمرى ما اعدى الفرق بين الغيره والثقه 
لترفع عينها لعينه وهى تقول
وانا عارفه وواثقه فيك قد ثقتك فيا  و..
ليقاطعها يوسف وهو يقول ياماما يالا عشان  نذاكر بقى انتى وعدتينى النهارده نذاكر سوا  في اوضتى ومش هتذكرى لبابا زى كل يوم
ليعقد حسام حاجبيه ويقول 
تذاكرى لبابا ازاى يعنى طب دا بابا هو الى كل يوم يخلصلك المنهج كله الواد دا فاهم غلط على فكره. 
لتتسع عين قمر وتضع يدها على فمه وهى تقول
بس بس ياحسام ايه الى بتقوله دا 
ليغمزها حسام وهو يقول بمرح
امال اسيب الواد فاهم غلط طب دى تبق عيبه في حقى  بقولك ايه تعالى راجعى معايا المقرر الأول وبعدها تذاكرى للولاد حتى تكونى  بقيتى ضليعه في اى لغه
لتضحك قمر وهى تبتعد عنه وتقول 
ضليعه. هههههههههههه لا مش عايزه ابقى ضليعه دى شكرا وبعدين يوسف واقف مستنى
روح انت راجع لوحدك بقى
ليحاول الامساك بها لكنه يفشل فيقول باحباط
اراجع لوحدى ازاى يعنى دى مش اصول 
لتعلوا ضحكات قمر فيقول بغيظ
كدا طب وحياتك لبعتهم رحله شهر بحاله وابقى خالى المراجعه معاهم تنفعك
ليجيب يوسف ببراءه
يابابا مفيش رحلات الامتحان اخر الشهر  ولازم نذاكر
لتضحك قمر مره اخرى وتمسك بيد يوسف وباليد الأخرى تيشر مودعه لحسام وتقول
روح نام يا بابا عندك شغل مهم الصبح  
وبعد أكثر من ساعتان تدخل قمر غرفتها وهى تتثائب  لتشهق من اليدين التى حاصرت خصرها
لتحملها وتتجه بها لفراشها وتسمع صوته يقول
انتى فاكره مهما اتاخرتى انى ممكن انام قبل ما اراجع منهجنا احنا ياقمرى
لتعلوا ضحكات قمر وهى تقول ياحبيبى خلاص انت امتحنت ونجحت خلاص بقا
ليقول حسام مازحا
وماله في الاعاده أفاده برضو وانا تلميذ مجتهد 
وبالفعل أعاد حسام كامل المنهج بكل مواده بمنتهى الاجتهاد
          
في اخر الاسبوع  كان حسام  ينظر لساعته ويتعجب من تأخير  قمر في نزولها ليرفع عينه ويتجمد من الملاك الذى يتهادى بخطواته في اتجاهه بدلال وثقه ويقول بنفسه
نفس الفستان الى شفته قبل كدا امال هو احلو كدا ليه  ينهار ملوش ملامح هى هتكون معايا في حفله كبيره وكل الناس هيشوفوا الجمال دا  لا انا  لازم  ألغى موضوع الحفله دى 
لتبتسم قمر وتقول له قاطعه لكل أفكاره
سرحان فى ايه ياحسام باشا. 
كفايا تأخير ويالا عشان انا هتجنن وأحضر الحفله دى 
دى اول ظهور لينا واحنا متجوزين بره الشغل وانا عمرى ما حضرت حفلات قبل كدا  ومتحمسه اوى 
ليقول  حسام بهدوء
طب ايه رايك نكنسل الحفله واعزمك على العشاء واخدك ونسافر يومين اى مكان
لتعقد حاجبيها وتقول
حسام إلى بتفكر فيه مش هينفع خااااالص وبصراحه انا عايزه احضر الحفله دى ممكن 
ليتنهد حسام ويقول بحزم
ماشى بس لو بعدتى عنى خطوه هنفخك 
لتضحك قمر وهى تكرر
تنفخنى   هههه وربنا مالك حل
ليغمض عينه وهو يقول
ابقى حلينى عن طريق جوجل ياختى
واقسم بالله اسمع ضحكتك دى انتى عارفه الى هيحصلك.  اتفقنا
لتحرك راسها وتردد بابتسامة اتفاقنا يالا بقى
ليتحرك حسام بعد أن أمسك بيدها ويقربها ليحاوط خصرها باحدى يديه وهو يقول
ربنا يعنى بقى
لترد قمر بسخرية قول ربنا يهدينى ويعدى الحفله على خير اصلك هادى اووووى
لينظر لها وهو يقول
لا ياشيخه بتتريقي  طب كلمه كمان ومفيش حفله
لتكتم قمر ضحكه كادت تخرج رغما عنها وهى تشير بيدها في اتجاه فمها  بمرح وكأنها تغلقه بالمفتاح  فيشير بيده لها كالملكه المتوجه وينطلقا معا للحفل
           
جيهان.   جيهان
لتنظر جيهان لمصدر الصوت وتقول مبتسمه
حمزه ازيك عامل ايه  
ليبتسم لها ويقول
انتى الى عامله ايه مشفتكيش من مده
لتبتسم وتنظر له بثقه وتقول
اصل كنت مشغوله وانا بنفذ تصميمات المشروع  الجديد مع بشمهندس حسام
ليبتسم بمكر وقال
طبعا انا عارف أن بشمهندس حسام بيعتمد عليكى  في كل كبيره وصغيره الله يكون في عون مراته
لتعقد حاجبيها وهى تقول
يكون في عونها ازاى يعنى  مش فاهمه قصدك
ليجيب حمزه بمكر
الكل
ملاحظ طبعا انها بتغيير منك بسبب اهتمام بشمهندس حسام بيكى وارتباطكم الملحوظ
لتقول جيهان بعصبيه
ايه ارتبطنا دى يا استاذ حمزه احنا. 
بينا شغل وبس  ايه الكلام دا
ليجيب سريعا
ايوه طبعا انتى انسانه محترمه وكلنا عارفين كدا كويس
بس مراته لا يعني احتمال تكون هي شايفه من ناحيته حاجه احنا مش شايفينها  
احنا مالنا هى أدرى الناس بيه 
لتسرح جيهان فى كلامه  وتقول پضياع
تفتكر
ليجيبها بثقه
طبعا امال يعنى متجوزها من مده وفجاه اشتغلت معاه وكمان كانو مخبيين انها مراته تفتكرى ليه يعنى
لترفع جيهان عينها لعينه ثم قالت بتردد
بس الصراحه هى عمرها ما قالت أو لمحت بحاجه  تخجلنى 
ليرد بسرعه 
طبعا يابنتى بشمهندس حسام شخصيته قويه ولايمكن   يسمح لحد يغلط ابدا مع حد يخصه
لتتسع عين جيهان وتكرر كلمته بلاوعى
تخصه معقول. انا   
ثم ترفع راسها وتقول بعد اذنك يا استاذ حمزه  
تبتعد جيهان وعقلها متخبط وهى تكاد لاتصدق
كلمات حمزه لتخرج من القاعه المقام بها الحفل  لتستمتع  بالنسمات البارده في حديقه المكان
وتخاطب نفسها
معقول فعلا بيحبنى أو حتى معجب بيه
من ثلات سنين وانا بحلم انى بس الفت نظره وفجاه  كدا يبقى....
طبعا عشان كدا جت لزقتله خاېفه يسيبها 
بس لا انا  لما كنت فاكره أنه بيحبك كنت ساكته
لكن يكون معجب بيه وبيحبنى مش هاسمح لحد  يسرقه منى ابدا