رواية فاطمة 6-7

زين بتفهم اهدى ومټخافيش 
يحط الكريم ع المناطق الزرقه ف جسمها ويسيبه ينشف شويه 
زين الكريم دا هيشيل الاثار الزرقه دى وهيهدى الۏجع
روح ممكن كفايه انا بقيت كويسه 
زين هبطل اول ما تنامى .. انا عاوزك تصفى عقلك خالص ومتفكريش ف اى حاجه 
روح بهدوء يسبق العاصفه اللى بتعمله دلوقتى مش هيغفر اللى عملته من شويه فمفيش داعى للتظاهر 

زين وانا مش عاوزه يتغفر .. نامى يا روح واهدى 
روح تغمض عينها لانها تعبانه ومش حمل نقاش
زين بهمس روح 
متردش عليه .. يتأكد انها فعلا نامت .. يقفل ستاره البلكونه ويظبطلها التكيف ع جو بين البارد والدافى يغطيها  بنص الكوفيرتا اللى تحتها .. يسيبها ويخرج ينزل ع البحر ويقعد قدامه .. بيفتكر من ساعات وهى كانت ف حضنه .. ويدوب طلعوا اتحول كل دا لكابوس .. طب ازاى هى مراته وحلاله يعاملها بالقسۏه دى .. دموعه نزلت ف صمت وحس انه خسر نفسه قبل ما يخسرها ... يفرد ضهره ع الرمل ويبص للسما ويتنهد بقوه .. يعدى اليوم .. تانى يوم الصبح .. تفتح عيونها بالراحه .. تحس باسترخاء شديد .. تبص حوليها متلاقيش زين .. تقوم من ع السرير وتتصدم انها كل دا نايمه .. تهدى لما تفتكر ان زين مش موجود .. تدخل الحمام وتاخد شاور .. تخرج وتقف قدام المرايا تتنهد وتنزل دموعها بمجرد ما افتكرت وف نفس الوقت علامه استفهام كبيره اترسمت ف خيالها .. ليه عمل معاها كده و مسبهاش ومشي بعد ما خلص .. 
روح هو ليه شخص متناقض اوى كده مش قادره احدد هو وحش فعلا ولا بيبن انه وحش .. ايه اللى وصله للى هو فيه دا .. باباه ومامته ناس كويسين ليه هو بالاخلاق دى ! .. فى شىء غلط ومش مفهوم 
زين ايه بالظبط اللى مش مفهوم !
تتخض روح من الصوت وتبص وراها تلاقيه واقف ومربع ايده وباصصلها تزعق روح 
روح بصوت عالى مفيش داعى تبين اللطف دا كله .. سبق ووضحت ان اى شيء هتعمله مش هيغفر اللى عملته .. خليك مكانك ومتقربش 
زين يتفهم موقفها .. تلبس روح وتقف قدام المرايا تسرح شعرها وبتحاول تتظاهر بالقوه .. زين يقعد ع السرير ويتابعها .. وهى تستغرب هو لحق دخل امتى اصلا .. يقاطع تفكيرها زين 
زين ف تحسن ولا تحبى نروح لدكتور !
روح باستهزاء كتر خيرك 
زين بأسف روح انا .....
تقاطعه روح انت مش قصدك وكان ڠصب عنك ومكنتش حابب الامور توصل لكده ومش هتكررها تانى وبعدين انت كنت مغيب وانا طفله عشان أتأدب  .. كده كويس ولا ف حاجه نسيتها يا دكتور 
يسيبها زين ويخرج من الاوضه وهو مضايق من كلامها .. روح تقفل الباب بالمفتاح وتقعد وراه ټعيط بحرقه .. يعدى الوقت .. ف القاهره .. ف بيت كامل 
كامل مايسه ماااايسه 
تخرج مايسه من المطبخ 
مايسه ايوه يا كامل بتنادينى 
كامل اه تعالى 
تروح تقعد جنبه ع الكنبه 
كامل نتيجه التنسيق ظهرت وجاتلها السن القاهره وروحت قدمتلها الورق انهارده 
مايسه بفرحه ياااه واخيرا .. كنت حاطه ايدى ع قلبي احسن زين يعرف ويعملها حاجه ف التقديم وتترفض 
كامل لا الحمدلله التقديم خلص ع خير وكمان زين مش هيعرف غير ع الدراسه
مايسه طيب خلاص وانا مش هقوله 
كامل تمام 
مايسه انا هدخل اكمل الغدا بقي 
تقوم تعمل الاكل .. الباب يخبط يفتح كامل الباب