رواية فاطمة كاملة بقلم فاطمة الألفى 

أخطئت 
كرمة بأستغراب فى أية يا باشمهندس متنح ليه كدة 
حمزة أية متنح دى 
كرمة بغرور مش شايف نفسك ولا أية مالك 
حمزة باندافع بصى بقى لو عايزة تقليلى منى ولا تهنينى على الا حصل امبارح ومتخيله أن ممكن أسكتلك عشان تبقى صاحبة الشركة تبقى غلطانة أنا عندى كرامتى أهم حاجة فوق شغلى ومش هسمح باى حد يتجاوز حدودة معايا والا حصل امبارح كان غلطك انت مش أنا ورد فعلى طبيعى أنت كنت هتدسينى عادى وكمان مااعتذرتيش يعنى غلطك فى الاول والاخر 
كرمة بجمود وأية كمان 
حمزة بقوة دة الا عندى 
كرمة واضح أنك متسرع لا متهور كمان وانا ماحبش التسرع ولا التهور فى شغلى عشان دى أروح ناس متعلقة بشغلى وماينفعش اى تقصير أما بقى عن الموقف البايخ بتاع أمبارح أنا مش أتكلمت فيه رغم أن فاكرة كل كلمة قولتها بس دة شئ مايهمنيش ولا يعنينى فى شئ أما عن الشغل والشركة فأنا لا يمكن أخلط أى موقف تافه بشغلى يعنى ماعنديش أختلاط بالأمور وياريت تسرعك دة يبق برة الشركة ماشى ومش هتكلم عن الا حصل أمبارح ولا عن تهورك دلوقتى ياريت تفكر قبل ماتتكلم عشان لو الكلمة خرجت بيكون تاثيرها كبير اوى المهم دلوقتى أنا طلبت تفضل كونك مهندس تصميم عشان نتكلم فى تصميم المشروع مش عشان حاجة فى تفكيرك انت وتحضر نفسك للسفر الغردقة بعد يومين بس لازم المشروع يتتفذ فى أسرع وقت 

حمزة بقوة تمام مافيش مشاكل فين الرسم الاولى للمشروع عايز أدرسه 
كرمة أتفضل دة الرسم النهائى مش الأولى 
أعطته لوحة رسم المشروع 
كرمة بجدية تدرس المشروع خلال اليومين دول عشان تكون فاهم على أرض الواقع أية بيتنفذ 
اتفضل على مكتبك يا باشمهندس 
خرج حمزة وهو يشعر بالهزيمة فهذة الفتاة أنتصرت عليه وهى محقة فهو من تسرع فى الحديث معها وهذا العيب الوحيد الذى لا يستطيع التغلب عليه فهو متسرع حقا
ولكن هى فتاة مغرورة ومتكبرة أيضا 
حمزة لنفسه عندها برود وقوة غير عادى هههه لا وكمان هسافر معاها واضح ان الأيام الجايا يا حمزة هتبق فل مع الست كرمة 
الفصل الرابع
كان حمزة يتابع أول يوم عمل بالنسبة إليه وبدأ فى دراسة المشروع 
أعجب فعلا برسم المشروع ولكن يحاول أن يضيف إلية بعض اللمسات الآخيرة على التصميم وتحدث مع عبدالرحمن
بخصوص هذا التعديل البسيط 
حمزة ها يا عوبد أية رائيك 
عبدالرحمن بجدية حمزة التصميم دة شغل الباشمهندسة كرمة روح أتكلم معاها دة مش أختصاصى 
حمزة بقوة هروح طبعا هخاف يعنى 
ترك مكتب عبدالرحمن وتوجه لمكتب كرمة 
حمزة ممكن أقابل الباشمهندسة 
لين ثوانى يا باشمهندس أديلها خبر 
تحدثت لين معها بهاتف المكتب 
كرمة فى حاجة يا لين 
لين باشمهندس حمزة طالب يقابل حضرتك 
كرمة أمممم خلية يتفضل 
دخل حمزة المكتب 
حمزة أحم كنت عاوز أتكلم معاك بخصوص المشروع 
كرمة بأهتمام مالو المشروع 
حمزة عاوز أعمل بعض التعديلات 
كرمة بأستغراب تعديلات لية هو رسم المشروع مش عاجبك ولا أية 
حمزة بعناد أيوة انا شايف محتاج بعض الأضافات وأنا ممكن أعملها دلوقتى 
كرمة أوكية اتفضل أشتغل عليه وأخر اليوم عاوزة أشوف التعديلات 
حمزة بجدية تمام عن أذنك 
غادر المكتب وذهب إلى مكتبه لعمل التعديلات اللازمة
حمزة بشرود غريبة كنت فاكر هتثور وتغضب بم أن هى صاحبة التصميم بس خلفه توقعاتى بس واضح أنها فعلا فى الشغل مافيش هزار جادية وربنا يستر تابع عمله بجدية وأهتمام ليثبت لها اولا جدارته وبعد عدة ساعات 
أنتهى من المشروع وأنتهى دوام العمل أيضا 
توجه إلى مكتبها ليسلمها المشروع ويتحدث معها فى أمر التعديل 
وجد مكتب السكرترية فارغ ولا
توجد لين 
حمزة باستغراب هى راحت فين دى نظر فى ساعة يده وجدها تجاوزت ساعات العمل 
حمزة أوبا الدوام خلص من ساعتين أنا أنشغلت بالتصميم يبق الكل روح طب كرمة روحت هى كمان ولا أية 
دق الباب عدة مرات 
كانت تعمل بجدية فى تصميم مشروع سكنى ولا تريد أن ترحل بدون انتهاء عملها 
سمعت دقات الباب 
كرمة أتفضل 
حمزة بأستغراب هو حضرتك لسة موجودة 
كرمة وحضرتك شايف أية 
حمزة ماتوقعتش وجودك أنا خلصت التعديل بس اكتشفت ان دوام الشغل انتهى ومافيش حد فى الشركة تقريبا 
كرمة تمام ورينى التعديل 
فرد حمزة لوحة التصميم وشرح لها ما قام به من تعديل والغريب انها أعجبت بالتعديل وبدأت تتناقش معه فى أمور التصميم وهو أعجب بأفكارها وطريقة عملها تتشابه مع طريقته والأفكار متشابهة وبعد ساعة متواصلة فى الحديث عن المشروع 
كرمة كدة تمام متفقين بعد بكرة السفر ياريت تكون جاهز ومستعد عندك باسبور 
حمزة پصدمة لأ 
كرمة تقدر بكرة تطلع الباسبور عشان الحجز والسفر 
حمزة بكرة طب والشغل 
كرمة بجدية جهز ورقك وأبعته للشئون وهى هتتكفل بالباسبور ماشى 
حمزة تمام 
كرمة أتفضل بقى روح 
حمزة بأهتمام وأنت 
كرمة هظبط شغلى وأروح أتفضل أنت 
حمزة بأستغراب براحتك عن أذنك 
غادر المكتب ولكن لا يستطيع مغادرة الشركة وهى موجودة بها 
حمزة وبعدين بقى مش من الرجولة أسبها فى الشركة والوقت متأخر لازم أطمن عليها الاول 
وأطمن ليه أنا مالى هى كانت من بقية اهلى كبر ياعم حمزة وروح 
يوة لا ماينفعش هى بنت بردو وأنا عندى أخت 
ياعم دى متكبرة ومغرورة وماعتذرتش منك 
بس بردو بنت وضعيفة ومايصحش تفضل لوحدها 
مين دى الا ضعيفة دى شكلها مسيطرة وقوية وعندها برود كمان وجفاف فى التعامل مع الناس 
يوةةةة يعنى اعمل أية دلوقت أستنى ولا اتنيل أروح 
جاء اتصال من زين 
حمزة الو أيوة يا زين 
زين أية يابنى أتئخرت لية دة أول يوم عمل ليك 
حمزة لا أنا جاى اهو فى الطريق بس زحمة مواصلات بس 
زين ماشى ياعم سلام 
حمزة سلام 
كان يقف خارج مبنى الشركة وفجأة ظهرت أمامه 
كرمة بأستغراب أنت لسة موجود 
حمزة ببرود لسة كنت خارج 
كرمة أوكية تحب أوصلك 
حمزة پصدمة أية 
كرمة بجدية تحب أوصلك فى طريقى 
حمزة بقوة لا شكرا أتفضلى أنت مش ناقص ندخل فى شجرة ولا حاجة 
كرمة بغرور لعلمك لو مفكر أن مابعرفش فى السواقة تبق غلطان سلام يا هندسة 
تركته يشعل ڠضب 
حمزة بنت الاية مش بتنغاظ ابدا ياربى على دة غرور 
قادت سيارتها متوجه إلى الفيلا 
كانت تشعر بالتعب والإرهاق وعندما وصلت الفيلا 
قابلت والدتها تنتظرها 
كرمة مساء الخير 
فريال مساء النور اتأخرتى لية قلقت عليك
كرمة بسخرية بجد حضرتك قلقتى عليا ودة من أمتة بقى 
فريال ببرود مش مصدقة ولا أية 
كرمة بتعب أنا جايا تعبانة عاوزة أتغدا وأنام مش رايقة لاى جدال 
فريال بتردد طب هتقابلى كريم أمتة 
كرمة بضحكة سخرية ههههه لية هو العريس عاوز يطلب أيدك منى ولا أية ههههه على أساس أن ليا رائ 
فريال الحق عليا عاوزة اعرفك علية عشان تتأكدى أن جد ومش طمعان فيه
كرمة بتعب أنا قولت براحتك وحضرتك مش صغيرة عارفة انت بتعملى أية كويس 
فريال طب مش هتحضرى كتب الكتاب 
كرمة لا يا عروسة انا مسافرة الغردقة فى مشروع بعمله وياريت تتجوزى فى غيابى مش عايزة أحضر وأيسن طبعا معايا وأنت بقى يا فريال هانم تجوزى تعيشى حياتك زى ماأنت عايزة تجوزى اصغر منك أكبر منك دة شئ بقى مايخصنيش بس حضرتك ليك نسبة ٢من أرباح الشركة أول لم أرجع من الغردقة هشترى حصيتك فى الشركة عشان مش يجى يوم وحد غريب يفرض نفسه فى شركة أبويا ويأخذ تعبه وشقاه طول السنين الا فاتت لم أرجع هكلم المحامى