رواية كاملة تحفة

عاوز اسمع حاجة ! انا راجع القاهرة .. اتصرف بقى على مزاجك يا ... يااا
بشمهندس!!!
وترك يوسف عز الدين بمفرده ...
قام يوسف باخراج هاتفه المحمول وطلب حسين 
يوسف أيوووه يا سحس يا حبيبي معلم يا كبير.
حسين ضاحكا ههههههههههههههههه ده انت اللي ممثل هايل ها الواد عامل ايه الوقتي
يوسف ضاحكا ههههههههههه استوى ع الأخرررر زمانه بيحسبها صح..
حسين خليه يتربى شوية ويتعلم يحكم عقله وميبقاش مندفع.
يوسف اه بس خد بالك من جانا بتفلت منها كتير ازم تفرملها شوية وتكلم معاها المفروض تعرف ان عز جوزها وبيغير عليها !!
حسين ما انا عارف وغلبت معاها بس هي بتعاند على عند عز .
يوسف ربنا يهدي سرهم ها هنعمل ايه تاني 
حسين هنكمل خطتتنا نروح ناخد العيال ونرجع القاهرة.
يوسف بس كده مش هيعرف عز يتكلم مع جانا
حسين اهوو يكون قدامه فرصة يفكر بهدوء.
يوسف خلاص يا سحس اتفقنا أه ومتجبش سيرة لحد.
حسين عيب عليك !
يوسف يالا اشوفك ع خير ولو في جديد بلغني.
حسين بأمر الله سلام
في شاليه حسين الدمنهوري
سهير إلحق يا حاج إلحق !!!!!
حسين في ايه يا سهير ايه اللي حصل 
سهير جانا نسيت شنطتها عند شاليه المهندس يوسف.
حسين بتقولي ايه 
سهير زي مابقولك كده
حسين وقد أخذ يقكر قليلا اها...
سهير هنعمل ايه الوقتي أروح أجيبها من هناك ولا نكلم عايدة هانم تبعتهالنا مع عز
حسين هه ..
سهير ها ياحاج مقولتليش هنعمل ايه 
حسين هه بقولك يا سهير ريقي ناشف هاتيلي كوباية مياه ساقعة الله يكرمك !!
سهير حاضر ياحاج هجيبهالك بس مش هترد عليا هنتصرف إزاي
حسين اشرب بس الأول وبعدين أقولك
سهير طيب يا حاج ثواني هجيبلك المياه
أخرج حسين هاتفه المحمول من جيبه وطلب يوسف
حسين أيوه يا يوسف بص في جديد البت جانا نسيت شنطتها عندكو
يوسف اها..
حسين شوف عاوزك تعمل الآتي
يوسف قول أنا سامعك
حسين شوف يا سيدي ه..............و...و...
..........
في شاليه يوسف الكيلاني 
يوسف الووو ايوه يا ياسين انت فين 
ياسين أنا ع البحر يا عمي.
يوسف عاوزك الوقتي تجيلي عند الشاليه !
ياسين في حاجة حصلت
يوسف في حاجات هتحصل لو مجتش الوقتي وعملت اللي انا قولتلك عليه !!
ياسين هوا .. مسافة السكة لأ انا عندك أهوو افتح الباب
يوسف لعايدة عاوزك تعملي يا ديلة اللي هاقولك عليه الوقتي بالظبط!
عايدة خير يا جوو.
يوسف ان شاء الله خير بس متنسيش كل ده لمصلحة عز ابننا ..
عايدة اكييييد
................
في سيارة حسين الدمنهوري
حسين انزلي يا جانا.
جانا فين يا انكل
حسين انزلي هاتي الشنطة بتاعتك من عند عايدة هانم هي منتظراكي جوا.
جانا ب... بس يا انكل ممكن ألاقي

..آآآآ....
حسين مقاطعا اطمني لو قصدك عز هو مش موجود مافيش إلا عايدة هانم والمهندس يوسف جاي في الطريق.
جانا اوك
تأكد حسين من دخول جانا الشاليه وأدار محرك سيارته وانطلق بهدوء
سهير الله يا حاج مش هنستنى جانا
حسين لأ هنطلع احنا ع
الطريق وهي هتحصلنا
سهير هتحصلنا مع مين 
حسين هتجي مع ........................................
.........
في داخل شاليه يوسف الكيلاني 
جانا هاي أنطي ديلة !
عايدة هاي جانا حبيبتي ايه مال رجلك ايه اللي حصلك
جانا Nothing serious .. ان شاء الله يومين وتروق
عايدة سلامتك حبيبتي..
جانا أنطي ياترى ال bag بتاعتي جاهزة أقدر أخدها
عايدة اه يا حبيبتي هتلاقيها أكيد فوق محدش جه جمب ال stuff بتاعك
جانا ثانكس أنطي ..
عايدة معلش يا جانا ممكن أطلب منك طلب
جانا ييس شور أنطي
عايدة بليز جانا ممكن تعمليلي cup of tea عندي صداع رهيب ومش قادرة أقف ده لو أنا هتعبك بلاش منها sweetie
جانا No problem .. اوك انطي just a moment
عايدة تسلمي يا جانا ..
.........
بعد أن أنهت جانا عمل كوب الشاي لعايدة هانم استأذنت منها لكي تصعد لأعلى لتحضر حقيبتها ..
وحينما تأكدت عايدة من صعود جانا إلى الطابق الأعلى أسرعت بالخروج من الباب الخلفي للشاليه 
عايدة ده دورك يا ياسين
ياسين جاهز يا أنطي ديلة يا سكرة بس متنسنيش أما اتزنق
عايدة وهي تضحك لأ اطمن يالا go and take your place باي
ياسين علم وينفذ
...........
وأخذ ياسين ينتظر وصول عز الدين ليكمل باقي الخطة 
عز ما تسكت بقى انا مش ناقصك هتقعد تندب حظك جمبي
ياسين ده اقل حاجة اعملها مش مكفيك اللي عملتوه لأ وكمان وكستني معاك !!
عز انا قايم هطلع ألم حاجتي وماشي
ياسين لم ياخويا خلاص ماهو المولد انفض.. !!!
ترك عز