رواية جديدة ممتعة الفصول من الثامن للرابع عشر بقلم الكاتبة الرائعة

موقع التواصل الاجتماعى فيسبوك و التى أصبحت تلك إحدى هواياته مؤخرا.
وجدها قامت بالتحديث منذ دقيقه تقريبا ليرى بماذا حدثت.
تهاجمنا ذكريات من الماضى لتجعلنا نشعر بالحنان لذلك الماضى و لكن نفس الذكريات ترينا كم كانت اختياراتنا خاطئه لذلك الحمد لله كثيرا على ما فات و ما سيأتى الحمد لله دائما و أبدا
قرأ زين ما قامت سمر يتحديثه على صفحته ليبتلع تلك الغصه التى أصابت حلقه فجأه.
انا مبقتش عارف انا عايز ايه بالظبط انا عايز ارجع للماضى و لا أفضل فى الحاضر و اللى المستقبل بتاعه مجهول بس السؤال الأهم لو كنت فضلت فى الماضى كان حالى هيبقى عاجبنى 
تسائل زين زافرا بقوة ليتمدد على السرير ليحاول النوم فهو لديه عمل فى الصباح الباكر.
.Part 10
استيقظت سمر بنشاط فاليوم ستبدأ فى وضع اللمسات الاخيره فى عيادتها حتى تستطيع افتتاحها فى اقرب وقت من الان.
بدلت سمر ملابسها و تناولت الفطار مع والديها لتودعهم و تذهب حيث مقر عيادتها الجديده.
وصلت سمر لتفتح العياده و تدلف للداخل ناظره إلى الأدوات و الأجهزة التى أشرفت عليهم بنفسها حتى قدومهم إلى عيادتها بسلام.
بدأت سمر فى العمل فى بعض الأماكن و تنظيفها حتى أتت مساعدتها هدى برفقتها امرأه فى منتصف عمرها تقريبا و لكن ملامحها تحمل الكثير من الحزن.
دكتوره سمرده أم محمد اللى قولتلك عليها
تحدثت هدى بإبتسامه خافته لتومئ لها سمر سريعا بإبتسامه.
اهلا و سهلا بصى معلش احنا هنتعب بس يومين على ما ننضف العياده و نفرشها بس بعد كدا الحكايه هتبقى سهله ان شاء الله هتيجى الساعه ٢ تنضفى المكان و اول ما هدى تيجى تقدرى تمشى علشان تشوفى بيتك و اول ما تخلصى اكل و تتغدى انتى و اطفالك ترجعى تانى هتشوفى بس لو فيه حاجه عايزة تتنضف او لا هى ساعه بردو و تروحى و المرتب مټخافيش ان شاء الله هديكى المرتب اللى يكفيكى انتى و عيالك و ان شاء الله مش هتبقى محتاجه انك تشتغلى فى مكان تانى
تحدثت سمر بإبتسامه بشوشه لتبتسم لها المرأه بسعاده.
بدأوا اولا بتنظيف غرفه الكشف ثم تساعدوا لنقل ذلك الدولاب الصغير بداخلها.
بصى يا هدى دى شويه حاجات كدا عايزاكى ترصيها فى الدولاب بترتيب علشان لو عوزتهم فى اى وقت و طلبتهم منك تجيبيهم ليا بسرعه
تحدثت سمر لتومئ لها هدى سريعا بادئه فى الترتيب.
بدأت سمر فى مساعده المرأه فى تنظيف الغرفه التى سيوضع بها السرائر ليتساعدا فى فرشها معا.
انتهوا اخيرا من تنظيف العياده بأكملها لتنظر سمر العياده بفخر غريب.
بكرا ان شاء الله هبدأ اعمل دعايا للعياده هدى أم محمد مش هوصيكم بقا أعلنوا و قولوا للناس كلها ان الكشف هيكون بأسعار رمزيه و بما انكم من المكان هنا هتبقوا عارفين الناس اللى ميقدروش يستحملوا التكاليف دول مش هناخد منهم فلوس خالص الافتتاح ان شاء الله هيكون يوم السبت يعنى بعد يومين من دلوقتى
تحدثت سمر بسعاده و ابتسامه واسعه لينظر لها الاثنان بإبتسامه.
ربنا يكرمك و يجعلك فى كل خطوة سلامه و يرزقك بإبن الحلال اللى يصونك و يحميكى
تحدثت ام محمد بإبتسامه بسيطه لتربت سمر على كتفها بخفه و على محياها ابتسامه خفيفه.
ادعيلى ان العياده تكون قدم سعد علينا كلنا
تحدثت سمر بإبتسامه لتومئ لها ام محمد داعيه مره اخرى.
.
.
.
فى اليوم الموالى أتت سمر إلى العياده برفقتها ذلك المصور و زوجته و أطفالهم التى جمعتهم صدفه غريبه ليصبحا أصدقاء مقربين.
الف مبروك يا سمر بجد العياده جميله جدا
تحدث ذلك المصور لتومئ له سمر بخفه و ابتسامه سعيده على محياها.
تسلم يا محمد ايه رأيك يا سلمى
سألت سمر زوجه ذلك المصور التى تنظر حولها بإنبهار بينما تحمل احد الطفلين و سمر تحمل الاخر.
بجد لسانى عاجز عن التعبير دى عامله زى المستشفيات الخاصه و احلى كمان
تحدثت سلمى بإنبهار و هى تنظر حولها لتبتسم سمر بسعاده.
طيب يا محمد خد كام لقطه بقا للمكان علشان تصورنى انا كمان مع القطاقيط دول
تحدثت سمر بحماس طفولى ليومئ لها المعنى ذاهبا ليلتقط بعض اللقطات للعياده.
عاد المصور ليجد سمر مرتديه معطفها الطبى و ممسكه بلوحه كبيره نسبيا مكتوب عليها انا حققت حلمى I did it
ايه ده يا سمر 
تسائل المصور بإستغراب لتبتسم له سمر.
العياده دى كانت حلمى من ساعه ما دخلت كليه الطب اشتغلت و تعبت لحد ما كونت تمنها بتعبى و مجهودى اشتغلت كذا شغلانه فى اجازه الكليه و حوشت مرتبى كله اتخرجت و اشتغلت فى مستشفى و بردو حوشت مرتبى كله سافرت و اشتغلت برا مصر خالص و مرتبى كان كويس جدا و حوشته مش كله طبعا لانى كنت بصرف منه بسبب المعيشه كنت باخد بونص كل شهر بسبب انى موظفه الشهر المثاليه لما حسيت انى كونت تمن العياده رجعت مصر و اديك شايف اللى حققته ده حلمى