رواية شيقة جدا الفصول من العاشر للثاني عشر بقلم الكاتبة الرائعة

ده لوحدك وتمشي كده.
ندى خجلة وهي تحاول تخطيه بالالتفاف حوله معلش يا دكتور كل واحد وظروفه أنا كنت باشتري شوية حاجات من المركز بابيعهم أون لاين وطبعا مش هينفع أضيع المكسب على التاكسيات.
سيف مترفقا وهو يمد يده يمنع تحركه لكن دون المساس بها ربنا يعينك ويقويكي.
ندى محرجة من محاصرته لها ربنا يعين الجميع عن أذنك.
سيف متلهفا طيب اركبي أوصلك.
ندى بإباء وبداخلها يرتجف من مجرد تواجدهما سويا بالسيارة لا طبعا ما يصحش.
سيف مستنكرا وهو يتطلع مشفقا للحقائب العدة بيديها اللي ما يصحش أني اسيبك تمشي شايلة كل ده واحنا رايحين نفس المكان.
ندى متوترة وهي تنظر حولها بقلق بجد مش ينفع كده حتى وقفتنا كده مش كويسة.
سيف مترجيا مشفقا على ضعفها ورقتها من حمل كهذا طيب أركن العربية وأشيل معكي وأوصلك مشي.
ندى مضطربة وهي تلاحظ تطلع بعض المارة عليهما لا طبعا ده كده العن عايز نمشي المسافة دي كلها وحضرتك شايلي الشنط ده أنا سيرتي هتبقى على كل لسان.
سيف وهو ينظر لأحد المارين غاضبا قطع لسان اللي يجيب سيرتك بإصرار اخر كلام ومش هاسمح لك اصلا ترفضيه هاتي الشنط هاسبقك بيها على البيت.
ندى خجلة وقد ايقنت اصراره بس كده هاتعب حضرتك معي.
سيف بحب وهو يفتح باب الحقيبة الخلفية للسيارة تعبك راحة ياريت تتعبيني علطول ده كفاية أني أسلم على خالتي نادية.
ندى خجلة وهي تناوله الحقائب وهي حريصة الا يتلامسا شكرا يا دكتور.
سيف بحب وهو يتطلع إليها متشبعا من اللحظات الأخيرة للقاءهما خلي بالك من نفسك.
بمنزل ريفي بسيط
تدلف ندى بإجهاد وهي تلتقط أنفاسها وقد أحمر وجهها من شدة الحرارة وطول الطريق الذي قطعته.
ندى بإرهاق موجهة حديثها لفتاة بنفس سنها وتشبهها كثيرا نوليني كوباية ماية يا ليلى.
ليلى متهكمة وهي تعطيها الكوب يااا التعب ده كله وأنت جاية فاضية بعد ما بعتي الحاجة مع السواق الخصوصي.
ندى مستاءة من تليمحات أختها لحلمها المستحيل ليلى بلاش الطريقة دي الدكتور طول عمره ذوق وبيساعد أي حد محتاج مساعدة.
ليلى بخبث وهي تعلم مكنون قلب شقيقتها وهو أنت برضو أي حد يا نودي ده أنت اللي في القلب من جوه.
ندى منفعلة مستاءة من تفكه شقيقتها بالامها أنا جاية تعبانة ومش فايقة لك شوفي لي لقمة أكلها وسيبيني في حالي.
ليلى مترددة وهي تعرف رأي شقيقتها بما ستقول معملتش أكل اللي ماتتسماش طلعت عيني وهدت حيلي ولسه راجعة من عندها على مجية الدكتور.
ندى غاضبة من تفريط شقيقتها بكرامتها برضو روحتي لها تستاهلي اللي بيعملوه فيكي وزيادة.
ليلى ثائرة تصب ڠضبها على شقيقتها التي لا ترضى بواقعهما وأنت عايزني أعمل أيه أفضل مستنية زيك لا ومن خيبتك مش مكفيكي كل الموانع اللي مابينكم رايحة تعرفيه أنك بتبيعي وتشتري عشان نعرف ناكل.
ندى صادقة الفقر مش عيب.
ليلى بمرارة تجربتها مرارا من مجتمع ظالم لا عيب لو مكنش عيب مكنش اتوقف حالنا عشان فقرا ومنقدرش على مصاريف الجهاز ومكنتش بقيت تحت رحمة اللي متتسماش. 
ندى مستنكرة بخضوع شقيقتها وراضها بالظلم انت مش مجبورة أنت اللي اختارتي.
ليلى پقهر وقد انسابت دموعها دون إرادتها لا أنا انجبرت لما ابقى بين نارين ياما اعنس يا اتجوز ابن أمه ابقى انجبرت.
ندى حانقة على مجتمع قيمها بما تملك قاعدة الخزانة ولا الجوازة الندامة القاعدة ارحم من اللي بتعمليه بضيق ده فارض عليكي تخدمي أمه وأنت لسه خطيبته أمال لما تتجوزوا هيعملوا فيكي أيه.
ليلى بمرارة كل فولة ولها كيال وهو ده الكيال اللي رضي بفولة مسوسة زيي أنا ملزمة استحمل امه وجبروتها اللي كل بيت في البلد عارفه وهو مش عايز مني جهاز وهياخدني بالهدمة اللي علي.
ندى مستنكرة حسبة شقيقتها المعتلة مش هتاخدي غير نصيبك ولو ملكيش نصيب في الجواز هتعنسي ولو بنت العمدة وكأنها تحدث نفسها بما تتمنى وصورة سيف تملأ قلبها أنت تستاهلي تتحبي تستاهلي حد يشيلك في عينيه مش يضحي بيكي ويسافر شغله ويطل عليك كام يوم كل شهر مع أنه عنده سكن جنب شغله بالقاهرة عشان يراضي أمه وفاكر أن ده البر ده واحد مش عارف حتى دينه والحياة معه هتبقى چحيم.
ليلى ساخطة بيأس اكتسبته من التجربة المريرة العالم كله چحيم بدل معاشريين شياطين بيقدروا الناس بالمال ويدوسوا على الغلبان.
ببيت ريفي كبير
تحتضن سيدة مسنة سيف بشوق كبير
السيدة بحب ولهفة أم مشتاقة كده يا سيف أسبوعين كاملين ما وحشتكش.
سيف مسترضيا كده برضه يا حاجة شوق ده أنا مرضيتش استنى لبكرة واخدت اجازة النهاردة عشان اقعد تلات ايام بدل يومين.
شوق عاتبة امال ما جيتش الأسبوع اللي فات ليه.
سيف بحنان والله زي ما قولت لك دكتور زميلي مراته ولدت واستاذني احل محله وطبعا كان لازم اقف جانبه.
شوق برجاء وعتاب ذا مغزى عقبال ما يوقف جنبك ومراتك أنت اللي بتولد.
سيف فاترا متهربا من حديثها المتوقع بإذن الله ربنا يسهل.
شوق عاتبة محاولة أثناءها عن تشبثه بما لا تليق من وجهة نظرها ربنا مسهلها بس أنت
اللي مش عايز تريح قلبي.
سيف مټألما بإصرار أمه على موقفها من حبيبته ماما أظن احنا اتكلمنا في الموضوع ده كتير وأظن زي ما أنا محترم رأيك ودوست على قلبي عشان مغصبكيش على حاجة مش حابها فياريت أنت كمان متغصبنيش على اللي مش هاقدر عليه.
شوق حزينة الأول مرة يخالفها ابنها وهو ما يؤكد لها من صحة موقفها ضد من استولت على قلب ابنها وقسته عليها يعني بتلوي دراعي لتتجوز ست الحسن يا ټضرب عن الجواز.
سيف مترجيا لا يجرؤ على رفض رجاءها ولا تنفيذه أبوس أيديكي يا حاجة مش كل مرة نفس الكلام سيبيني على راحتي.
شوق حزينة محاولة الضغط عليه براحتك ما أنت خلاص بقيت دكتور قد الدنيا وأنا حيالله فلاحة ما بتعرف تفك الخط.
سيف متوددا وهي يعلم طيبة أمه ورغبتها في التأكد من ثبات مكانتها لديه كده برضو ياحاجة ده أنت عقلك يوزن كلية الطب كلها وبعدين والله أنا باقفل في الكلام من خۏفي عليكي كل مرة بنفتح الموضوع ده بتتعبي بعدها.
شوق معاتبة بدلال حوش يا واد الحنية بتهمك صحتي قوي يا بكاش.
سيف مدللا هو أنا عندي أهم من صحة الحاجة شوق طيب ده أنا حتى حجزت لك عند الدكتور اللي قولت لك عليه وأول ما ينزل مصر هتكوني أول واحدة يكشف عليها.
شوق بإستياء فهي تكره تلك الزيارات كثيرا يووو برضو عملت اللي في دماغك ما قولت لك كانوا شوية تعب وراحوا لحالهم وأنا حلوة قدامك أهو.
سيف مشاكسا حلوة بس ده أنت ست الحلوات كلهم بس من ساعات التعب اللي فات وأنا حابب أطمن عليكي ده أنت الحاجة شوق الغالية.
شوق بسعادة من اهتمام وحيدها يغلي مقدارك يا قلب شوق.
غرفة الاستقبال بشقة سليم
نهى سعيدة ومنتشية باستقباله المستحق أنا مش مصدقة أنها بقيت هادية كده ووافقت تسيبني في حالي.
سلمى واثقة ومشجعة يا بنتي ده حقك هي ملهاش عندك حاجة هي جدة ولادك وبس.
نهى زافرة بتوتر أنت ما شوفتيش كانت بتبص لي أزاي وهي بتمضي