رواية الشغف العاشق الفصول 1-2

الأطباق مش عايز اسمع كلمتين من المعلم
سألته متجهة إلى المطبخ 
و على كدة هينوبنا إيه من لحمة العجل دى 
أطلق زفرة لعلها تخرج ما بداخله من ضيق و ضجر من زوجته فأجاب 
هناخد كيس لحمة و بس الراجل دابح العجل عشان يوزعه كله لله مش لينا يا هويدا
لم تعقب بل أخذت تتحدث بسخط و بصوت لا يسمعه أحدا سواها 
قال يعنى إحنا مش غلابة
ألقت نظرة لتتأكد أن زوجها لم يراها فأخذت إحدى الأكياس المليئة باللحم ثم فتحت مجمد البراد و وضعته داخله و إذا بها تنتفض من صوت صړاخ يأتي من الشقة المقابلة
يا ساتر يارب 
قالتها و ركضت إلى الردهة فرأت زوجها يشير إليها بيده قائلا 
خليك عندك و كملي الأكل أنا هاروح أشوف إيه ربنا يستر
خرج و ذهب ليطرق باب الشقة المقابلة مناديا 
حاج حسين يا آنسة رقية
فتحت الباب فتاة فى بداية العشرينات تبكي بخۏف و هلع تخبره من بين بكائها 
ألحقني يا أستاذ عرفة بابا جيت أصحيه عشان أدي له الدوا ما بيقومش خالص و لا بينطق

ولج الأخر إلى الداخل فى الحال و اتجه إلى غرفة نوم جاره أمسك بيده و الأخرى يربت على خده 
يا حاج حسين
وضع أطراف أنامله لدى رسغه ثم فعل هكذا لدى العرق النابض فى عنقه حيث قام بوضع أنامله ليتأكد من النبض ساد الوجوم ملامح وجهه و يردد 
لازم ننقله للمستشفى حالا
و فى داخل المشفى التابعة للحي تنتظر أمام غرفة الفحص تبكي و يقف أمامها عرفة و زوجته التى قالت إليها بمواساة زائفة 
اطمني يا رقية أبوك إن شاءالله هايقوم بالسلامة مالهاش لازمة تعيطى عليه و لا كأنه م١ت
وكزها زوجها بمرفقه فى ذراعها ي٨وبخها بصوت خاڤت 
يا وليه الملافظ سعد هى البنت فى إيه و لا إيه!
خرج الطبيب فنهضت رقية بلهفة و قلق تسأله 
بابا عامل إيه دلوقت
أخبرها الطبيب و يبدو على وجهه التوتر و القلق 
لازم ندخله العمليات حالا لأنه مصاپ بجلطة على القلب
قالت إلى الطبيب برجاء 
بالله عليك يا دكتور أعمله أى حاجة بس يقوم بالسلامة
نظر الأخر إليها بأسف قائلا 
ما هو لازم حضرتك تدفعي على الأقل نص فلوس العملية و الباقى بعد ما يخرج
شحب وجهها و تنظر إلى محفظة نقودها أخرجت منها كل ما تملك قائلة 
كل اللى أملكه حوالى ألف چنية
أخبرها الطبيب بحرج شديد 
و الله يا أنسة رقية لو كان بإيدى كنت وافقت بس العملية تكلفتها حوالى عشرة آلاف جنيه و نظام المستشفى هنا لازم تدفعي على الأقل ربع المبلغ تحت الحساب
هنا تدخل عرفة و يخرج المال الذى أعطاه يعقوب إياه أوقفته زوجته و سألته 
إيه الفلوس ديه
جذب ذراعه من قبضتها قائلا 
أوعى يا وليه دى فلوس المعلم كنت هوزعها لله و أهى جت فى الوقت المناسب
اقترب من الطبيب و أخبره 
لو سمحت يا دكتور معايا حوالى تلات آلاف جنيه ينفعوا مؤقت عقبال ما نتصرف فى الباقى
أجاب الأخر و يشير إليه نحو أخر الرواق 
ينفع طبعا و باقى المبلغ بعد العملية على طول
ألتفت إلى زوجته و أمرها قائلا 

بقولك إيه خدى بالك منها عقبال ما أخطف رجلي و هاروح للمعلم أجيب منه باقى الفلوس و راجع على طول
أجابت على مضض 
حاضر يا أخويا أديني جمبها هاروح فين يعني
قالت رقية إليه بإمتنان 
شكرا أوى يا أستاذ عرفة مش عارفة أرد جميلك ده إزاي ربنا يقدرنى و بابا يقوم بالسلامة و هرد لك الفلوس
ما تقوليش كدة الحاج حسين زى أبويا و فى الأول و الأخر إحنا جيران 
دفعته زوجته جانبا و قالت 
أيوه يا