رواية علي السحور

بأن يتوجه الي مكتب الطبيب يريد مقابلته
يا استاذ الدكتور منتظرك في مكتبه 
تطلع لهم وغادر الغرفة دون أن يتحدث مع رحمة توجه إلي مكتب الطبيب الذي اخبرته بأنه يوجد أخر الرواق 
وقف أمام المكتب ثم طرقة برفق وعندما أذن له بالدخول دلف بخطوات واسعة ثم جلس أمام الطبيب وهتف بتسأل عن حالة رحمة
طمني يا دكتور 
الحقيقة المدام عندها أرتجاف في القلب بمعني أن نبضات القلب غير منتظمه وده ممكن يسبب لها جلطه لقدر الله في برتوكول علاج هتمشي عليه بس العلاج مش كافي لازم هدوء نفسي بلاش انفعال أو عصبيه وتوتر وكمان اي ضغط عصبي هياثر علي حالتها بالسلب ده غير الزعل بالنسبه ليها هيكون ممېت أرجو تهتم بصحتها النفسيه قبل الجسديه وهي تقدر تروح معاك بس لازم الراحه ثم الراحة ثم هدوء واسترخاء نفسي أبعدها عن أي توتر أو زعل 

هتف بتردد بس يا دكتور هي حاليا عندها ظروف ملخبطه ومشاكل
حاول تحلها يا اخي بهدوء انت مش خاېف علي صحة مراتك ولا ايه
ردد داخلها مراتي.. اه هو فاهم الحكاية كده 
نظر للطبيب وشكره بأمتنان وقال
حاضر يا دكتور انا هخلي بالي منها كويس وشكرا جدا لحضرتك اقدر اخدها دلوقتي 
اه طبعا والروشته مع الممرضة تهتم بالعلاج في مواعيده وكمان الاكل بلاش يحصلها دوخه وهبوط تاني
غادر معتز مكتب الطبيب وعاد الي غرفة رحمة نسي أن يطرق الباب دلف مسرعا ولكن تفاجئ بها تنزع ثياب المشفي اغلق الباب ثانيا وظل واقفا امامه دون حراك.
بالدخل ضحكت الممرضة وقالت 
قمر اوي الجدع ده 
جعلت رحمة تبتسم وقالت بصوت متعب
متجوز علي فكرة 
تنهدت بحرقه وقالت
ربنا يجازي كل واحد علي قد نيته
انتهت من ارتداء ثيابها وسارت تغادر الغرفة والممرضة تمسك بساعدها
وقالت مودعه إياها
مع السلامة يا رحمة 
أعطت معتز روشته الادويه اتفضل ده الدواء ومواعيده وحمدلله علي سلامتها 
التقط منها الروشتة ووضعها
داخل سترته ثم اقترب من رحمه قائلا
حمدلله علي سلامتك 
نظرت أرضا بخجل وقالت الله يسلمك
شعرت بدوخه امسكها من ذراعيها ثم قال بصوت هامس ممكن اشيلك مدام لسه تعبانه ومش قادرة
هزت رأسها نافية لا لا انا كويسه الحمدلله
ضحك بخفه وقال عادي علي فكرة أنا شلتك قبل كده 
توردت وجنتيها بحمره الخجل وظلت صامته هتف معتز داخله
معقول في بنات كده
حاولت التماسك وسارت ببطئ اقترب هو منها وقال
ممكن ماتعانديش وبلاش اشيلك ممكن بس تسندي علي ايدي عشان ماتقعيش
بالفعل لم تجد حلا غير ذلك تشبثت بذراعه وقبضت بقوة وگأنها تحتمي به
أبتسم هو علي فعلتها كانت مثل القطه التي تتشبث بصاحبها خشي أن تقع هي كذلك تخشي أن تتعثر لذلك متشبثه بذراعه.
ساعدها علي الجلوس بالسياره وجلس هو مكانه ليتفاجي بها تقول
أنا مش راجعه عند حضرتك تاني 
نظر لها بغرابة ثم قال 
ليه بتقولي كده وبعدين ده أأمن مكان ليكي 
مش هينفع مراتك مش موجودة 
فهم مقصدها وقال
بس الهام والبنات موجودين 
هزت رأسها بإصرار 
معلش كتر خيرك لحد كدة
قاطعها قائلا بأسي 
كتر خيري لحد كدة وأنتي واللي عملتيه عشان اخويا والبنات مش كتر خيرك بردو وبدون مقابل 
انسابت دموعها ونظرت له برجاء
مش عاوزه مقابل غير ترجعي ولادي أرجوك
هتف بتسأل
افهم الاول طليقك قالك ايه
خبطت بكفها علي قدمها بقلة حيلة وقالت بصوت منفطر من البكاء
أخد الولاد وساب البيت وماحدش يعرف مكانه
شعر بحزنها ربت علي كفها مواسيا
طيب أهدي وان شاء هنوصل لحل 
هتفت كالمغيبة لم تستمع لشئ 
أكيد عمرو يعرف محمد وولادي فين مش كدة
تنهد بضيق وظل يسب ويلعن في ذلك الحقېر عمرو.
وصلا إلى فيلته ولم يقبل باعتراضها واذا كانت تخاف وجوده أخبرها بأنه سيترك لها المنزل وفاز هو باصراره بأن تستقر بالفيلا الان ووعدها بأن يجلب لها أطفالها وتركها تدخل وهو سوف يجلب الدواء الخاص بها.
أوصي خادمته علي الاهتمام بها وبصحتها ووضع حقيبتها ثم غادر الفيلا وقاد سيارته هاتف المحامي واخبرة بأن زوجته تريد الطلاق ووالدها أيضا مصر علي ذلك وأنه يريد انهاء ذلك الإجراء ثم توجه لأقرب صيدليه وأحضر الدواء وعاد الي الفيلا ثانيا وجدها بغرفة الصغيرتين اعطي الخادمه الدواء لكي تعطيه الي رحمة ودلف هو مكتبه وأغلقه عليه وفرد جسده اعلي الاريكه 
سار الي حيث الباب وفتحه وطل برأسه ينظر إلي الهام وقال بتسأل
مدام رحمة فين والبنات 
في اوضة البنات من ساعة ما وصلت 
طيب اطلعي ناديهم عشان نفطر مع بعض 
حاضر 
صعدت إلى الاعلي وطرقت الباب ودلفت أخبرتهم بتناول الطعام وان عمهم ينتظرهم ركضت الصغيرتين مغادرين الغرفة بفرحة واقتربوا من معتز يعانقوه التقطهم معتز ورفعهم عن الارض ودار بهم بسعادة وفرحة تحت نظرات رحمة التي تطلع لهم 
عندما شعر بوجودها انزل الصغيرتين وقال 
يلا علي السفرة عشان أنا جعان جدا
نظر إلي رحمة المتسمرة مكانها وقال
يلا اتفضلي كلي كويس عشان تاخدي ادويتك بانتظام 
جلست علي مضض وظلت تعبث بالطعام داخل الصحن وتنظر له بشرود 
هتف مناديا إلي الهام لكي تأخذ الصغيرتين وتظل معهم بغرفة الالعاب الذي كان يخصصهم استعدادا بقدوم مولودة ولكن زوجته رفضت واجلت تلك الخطوة حمد الله داخله بأنه لم يرزق منها الاطفال ثم نظر لتلك الشاردة التائها بعالم آخر.
هتف باسمها ولكن لم تلتفت له طرق الملعقه اعلي الصحن بقوة منما جعلها تفيق من شرودها وتنظر له
هتف هو قائلامابتكليش ليه لازم تتغذي كويس عشان تقدري علي الجاي وتخلي بالك من صحتك 
اخلي بالي من صحتي عشان مين
عشان نفسك عشان ولادك لم يرجعوا لحضنك يلقويكي قويه ولسه قادرة تقفي علي رجلك الزعل مش هيفيدك بالعكس هيضرك كتير والدكتور مانع عنك الزعل والتوتر والعصبيه واي حاجة ممكن تضايقك ارميها ورا ضهرك وماتفكريش فيها نهائي 
ثم استرسل حديثه بتسأل حزنك ده علي ولادك بس ولا عشان والدهم خذلك وطلقك 
حزني علي ولادي ألف مرة أنا حزينه علي العشرة اللي كانت بينا حزينه علي أن كنت صابرة ومتحمله الاسي لوحدي وتكون دي نهاية صبري أنا سبت اهلي وعيلتي واتجوزتو وعشت معاه بعيد عن أهلي كان المفروض يعوضني غيابهم أنا اتجوزت وانا عندي عشرين سنه وطول عمري مااشتغلتش في بيت ابويا ولا اتهنت اول لم اتجوزت اشتغلت واتمرمط في البيوت بدل ما كان يستتني زي ما بيقوله لا قلي انزلي اشتغلي وساعديني وهو كان سواق تاكسي اوقات كتير يكون هو جزاتي أن وقفت جنبه وساعدته واستحملت معاه اللي ماحدش يستحمله ياريت كان طلقني وبس لا ده كمان باعني وقبض التمن أزاي كنت مخدوعه فيه ازاي هانت عليه أم ولاده مش هقول غير حسبي الله ونعم الوكيل فيه وفي عمرو وفي كل ظالم 
شعر يصدقها فهو أيضا تم خذلانه من أقرب الناس إليه زوجته 
عندما تاتيك الطعڼة من الغريب لم تكن موجعة بقدر ۏجعها من الطعڼة التي اتاتك من القريب ..
يتبع
الفصل الثامن 
علي السحور
بقلم فاطمه الالفي
بعد مرور أربعة أيام.
اليوم تم إخلاء سبيل عمرو من سرايا النيابة بكفالة مالية قدرها خمسون ألف جنيها
غادر عمرو مكتب وكيل النيابه بابتسامة عريضة ورمق رحمة بنظرات مبهمة ثم اقترب منها عندما وجد معتز منشغل بالحديث مع المحامي الخاص بشقيقة
مال عمرو بجانب أذنها وقائل 
قولتلك بلاش أسمي بس انتي وقفتي قصادي واتحملي بقا اللي هيجرالك
ابتعدت عنه بفزع ولكن نظر لها وأرسل إليها غمزة وقحة بعينية اليسرى وقال هامسا 
مستعد أثبتلك أن عارف كل تفاصيلك وكمان علامة مميزة في جسمك 
لو حابة تعرفي ولادك فين
شعر معتز بوجوده بجانب رحمه اقترب منها كالفهد المفترس قبض علي ساعديه يبعده عنها
أنت بتعمل ايه مش خلاص خدت إخلاء سبيل اتفضل من هنا 
نفض ذراعه من بين قبضة معتز ونظر له ببرود ثم عاد يتطلع لرحمة وقال بصوت حاد تلك المرة
أكيد الكلام بينا ماخلصش ولا ايه
هم بأن يغادر وأعطاهم ظهره وسار بخطوات مبتعدة ولكن ابتسم بانتصار عندما هتفت رحمة مناديه باسمه
استاذ عمرو أرجوك قولي مكان ولادي فين 
تسمر مكانه ودار وجهه ينظر لها وأشار بسبابته لكي تقترب منه 
أسرعت إليه بلهفه تحت نظرات معتز الغاضبة
وقفت امامه بتوسل
أنا هعمل اي حاجة تقولي عليها بس ولادي يرجعولي
وضع يده داخل بنطاله وقال بصوت خاڤت لا يسمعه غيرهم
هنتظرك عندي في الفيلا الساعة 12بالدقيقة 
جحظت عيناها پصدمة وهمست پخوف قائلة
يعني اية
لاحت ابتسامته الصفراء وقال
مابقدمش حاجة بدون مقابل هنقضي مع بعض وقت لطيف مقابل تعرفي ولادك فين وكمان هجبهملك لحد عندك بصراحة انتي عجباني أوي شخصيتك وشكلك وكلك علي بعضك وحاسك فوق في السما ونفسي أطولك
تركها مذهولة ولوح لها بكفة وهو يبتعد عنها بخطواته الواسعة الي ان اختفي تماما عن الأنظار.
أقترب منها معتز وهتف بصوت حاد
أنتي ازاي تديلو فرصة يتكلم معاكي وكمان كان عاوز يقولك ايه انتي مصدقة آن واحد زي ده ممكن يعرفك طريق ولادك حتي لو هو عارف مكانهم
انسابت دموعها وقالت
متعلقة باي قشة ممكن توصلني ليهم 
لم يريد أن يزيد من حزنها وهمها علي اولادها قال معتذرا
أنا اسف من انفعالي نمشي من هنا وبعدين نتكلم
ساروا مغادين مبني النيابة ثم استقل سيارته وهي جانبه وودع المحامي وأخبره بأنه سوف يلتقي به بمنزل والد زوجته لينهي أجراءت الطلاق ليلا.
نظرت له بتسأل
هو مافيش أمل للرجوع 
هي اللي اختارت يا رحمة تنهي علاقتنا بايديها مش عاوزة تقف جنبي في ظروفي انا بحمد ربنا أن مافيش بينا اطفال
شعرت بوخذة داخل قلبها عندما تذكرت أطفالها اللذين لم تقر عينيها بهم منذ اسبوع وهي لا تعلم عنهما شئ.
في المساء بعدما غادر معتز الفيلا برفقة المحامي وتاكدت من نوم الصغيرتين ظلت شارده بمصيرها ومصير صغارها.
تبكي پقهر ثم كفكفت دموعها وتوجهت الي المرحاض توضأت وافترشت سجادة الصلاة وظلت منكبة عليها تصلي وتناجي ربها بأن يلهمها الصواب وأن يرد إليها أطفالها فهي لا تريد شيئا من الدنيا إلا هم فهم نور عيناها ونبض قلبها ولم تتحمل غيابهما أكثر من ذلك.
ثم غلبها النعاس علي سجادة الصلاة ولا تعلم كم مر عليها من وقت وهي غافلة هكذا الي ان فتحت عيناها بفزع وانتفضت كالمذعوره تبدل ثيابها كانت كالمغيبة مسلوبة الاراده تتحرك كالروبوت
غادر الغرفة وهي تسير على اطراف أصابعها لكي لا يشعر بها أحد ثم غادرت الفيلا بأكملها ووقفت أمام الطريق تحاول ايقاف سيارة أجري لتقلها الي حيث وجهتها.
في ذلك الوقت كان معتز عائدا الي فيلته بعدما أنهي كل ما جمعه بزوجته وأصبحت الآن طليقته وأخذت كل مستحقاتها وانفصلا بهدوء.
كان يتذكر حياته معها وفجأة لمح طيف رحمة أمامه كان يظن بأنه مجرد طيفها اتي في مخيلته ولكن جحظت عيناه عندما وجدها تستقل داخل سيارة أجري وتنطلق بها 
سار خلف السيارة وهو يتسأل داخله إلي أين هي ذاهبة الان في ذلك الوقت المتأخر 
شلت الصدمة تفكيره عندما وجد السياره تتجه الي الكومبوند الذي يوجد به فيلا شقيقه وترجلت منها بالفعل أمام الفيلا الخاصة