رواية جاسر الجديدة الجزء الثاني

يحصل هنفضل سوا دايما أنا ماما 
تمالكت دمعها بشق الأنفس وهي تبحر بعينا الصغير العنيد
.. وهفضل ماما ياسليم 
قفز سليم من أحضانها وصعد الدرجات للأعلى وتوقف قليلا أمام الباب وهو ينظر لها نظرة لائمة فيما اندفعت سلمی نحو أحضان أمها وقالت
.. متزعليش منه يا ماما 
ربتت سالي على كتف صغيرتها وقبلتها وقالت
.. أنا عمري ما أزعل منكم ياقلب ماما 
نظرات أختها الغير راضية لم تمحيها عبارتها الجافة
.. مبروك ياسالي 
ظلت سالي صامتة وتركت والدتها وأختها واتجهت نحو غرفتها مسرعة مما أثار ريبة أمها والتي التفتت لأختها وقالت منزعجة
.. ايه لزمته التقطيم بتاعك ده ياسيرين!
هتفت سیرین
.. أنا يا ماما ولا هيا اللي داخله مش مدياني وش ولو أني بتمنالها الخير 
تنهدت مجيدة وهي فعليا مدركة أن شيئا ما يجول بفكر ابنتها الصغرى حتى قالت
.. أنا هدخل أشوف مالها 
تمسکت سیرین بكف أمها قائلة
.. استني يا ماما لو سمحتي قبل ما تدخلي تميلي دماغها بكلمتين سيبيها تهدي وتفكر شوية 
جلست مجيدة وقالت پغضب
.. إيه الكلام الفارغ ده یعني إيه أميل دماغها یا بنت
ضاقت عينا سيرين وقالت بصراحة
.. ماهو أنا عديت حكاية أنها تطلق من جاسر عشان حقها فعلا بعد ما اتجوز عليها قدمها لكن تتجوز غيره لا ده كتير سالي بتحبه وبتعشق ولادها إزاي تتجوز غيره وإزاي حضرتك تشجعيها بدال ما تعقليها!
ابتسمت مجيدة بمكر وتراجعت للخلف بأريحية وقالت
.. قال يعني أنا مش عارفة أن اختك بتحبه وعمرها ماهتنساه 
اتسعت عينا سيرين

وقالت بدهشة
.. طب لما هوا كده الراجل اللي جاي يتقدم ده لازمته إيه
رفعت مجيدة كفيها وقالت هامسة
.. لجل ما البعيد يتلحلح 
همست سیرین بالمقابل
.. قصدك جاسر!
ابتعدت مجيدة بأنظارها عنها وتعلقت بصورة زوجها الراحل وقالت بهدوء متوعد
.. من يوم ما أختك عرفته وهوا بيعرف يجيبها لحد عنده وكان برضيا للأسف أنا بقى المرادي اللي هخليه يجليها وراسه فوق رقبته ونشرط ونتشرط عليه كمان ويعرف قيمتها كويس 
ظلت سیرین صامتة تحاول استيعاب ماتخطط له أمها حتى قالت بضمير يقظ
.. طب والتاني ذنبه إيه ليه يتعشم وتخلي بيه
تنفست مجيدة بضيق وقالت بأنانية أم لا هم لها سوى سعادة إبنتها
.. محدش ضربه على إيده وأختك مصارحاه بكل حاجة وهوا راجل كبير وعارف وبعدين يا عالم التاني يكدب ظني ويزيد في العند والكبر اللي مالكه أهو على الأقل أكون اتطمنت عليها مع واحد ابن حلال 
ثم ربتت علی کف سیرین وقالت
.. قومي شوفي أختك مالها وهديها الناس على وصول 
منذ قليل دلفت للحجرة المظلمة الساكنة وفقط أوقدت مصباحها الصغير لجوار فراشها تعلقت عيناها برقعة الشطرنج التي كانت تعلو مكتبها وسؤال سخيف يطرحه ذهنها المتعب لم هي بتلك الترتيب بيادق تراصت فوق الرقعة ذات اللونين الأبيض والأسود ولكن لم يستبق صف الجنود الملك والوزير وأتباعهم في الماضي كان بيدق الفيل المفضل لديها غير أن الحصان متميز بحركته المعقدة وذاك الملك الذي لا طائل لوجوده سوی أنه يثير الړعب بعبارة كش ملك لا يتحرك سوى خطوة واحدة فقط خطوة فارقة خطوة فاصلة خطوتها هي التالية . . ليست سوى کش ملك ټهديد صريح ونزع لمستقريات الأمور وانقلاب الحړب وإعلان بالفوز أو الخسارة ولكن لمن ومن سيدفع ثمن أوزارها هي فقط أم صغارها أم ذاك الذي اقتحم رقعتها مؤخرا ويتبقى ذلك الذي طردها من رقعته يشغل حيزا من تفكيرها لا يستهان به أتسعى بزواجها للاڼتقام منه دون أن تشعر أو هي بالفعل تشعر بل تتلذذ أم تتوجس کونه حتى لن يهتم ! وكيف لن يهتم إذ ثار جنونه لاقتراب أحدهم بعرفه غير مشروع ولا مباح أمسكت بيدق الملك ورفعته بخطوتها تلك تحي الملك أم تدفنه بأعماقها للأبد
.. إيه ياعروسة مالك
هتاف أختها المرح أخرجها من دوامة أفكارها اللامتناهية واستقبلت أذنيها عبارة أختها بشيء من الغرابة حتى قالت متهكمة وهي تعيد الملك لمكانه مرة أخرى
.. فعلا عروسة إيد تشيلني وإيد تحطني 
جلست سيرين على طرف الفراش وهي تقابل وجه أختها الحزين وقالت بهدوء رزین
.. كلنا عرايس كلنا في الهوا سوا بس أنت على الأقل بتجاهدي عشان حريتك 
ردت سالي بحزن عميق
.. ولازمتها إيه حريتي وأنا يوم وره التاني ببعد أكتر عن ولادي 
همست لها سيرين وكأنها تتحدث عن واقعها
.. مش أحسن ما تكوني في نظرهم أم باهتة صورة نيجاتيف مش أصل 
ثم أمسكت سيرين بكف أختها بقوة وقالت
.. على الأقل تعيشي مع واحد کیان مش ظل فاقد الشيء لا يعطيه يا سالي 
حدقت بها سالي متعجبة وقالت
.. ده أنت بالذات كنت رافضة موضوع طلاقي 
تورات سيرين بعيناها بعيدا عنها حتى قالت بصدق
.. أقولك الحق کنت غيرانه منك قدرتي تاخدي الخطوة اللي طول عمري كنت خاېفة منها 
رفعت سالي يدها وأخفضتهم للأسفل مرة أخرى بغير حيلة قائلة
.. یعني شوفتيني أرتحت ياسيرين!
هزت سیرین رأسها وقالت
.. على الأقل مش هتقضي بقية عمرك زيي تسألي روحك يا تری لو كنت اتطلقت مش كان حالي هيبقى أحسن 
تعمقت نظرة سالي وقالت بواقعية
.. فعلا يمكن اللي مقويني كل اللي حصل بعد طلاقي أكدلي أني أخدت قرار صح 
ابتسمت لها سيرين وقالت بواقعية
.. ودلوقتي دماغك عماله تودي وتجيب يا تری جوازك من جديد قرار صح 
هزت سالي رأسها بقنوط
.. أنا مش عارفة إيه اللي خلاني أوافق ومش عارفة اتصرف أزاي وكريم وباباه كلها نص ساعة ويجوا 
هزت سیرین رأسها وقامت وهي تجذب يد أختها قائلة
.. هتقومي تغيري هدومك وتستقبلي الناس بأحلى إبتسامة وسيبي الأيام توريلك الصح فين 
ابتسمت سالي متهكمة
.. زي العرايس 
ضحكت سیرین هازئة
.. مقولتك كلنا عرايس
.. بعد كل اللي عملتيه معايا حسيت أني فعلا مستاهلكیش یا آشري 
قالها ورأسه منکس ثم رفع رأسه مرة أخرى وأردف
.. وصممت يوم ما أرجع أكون واحد جديد يستاهلك وأنك مش خسارة فيا 
ابتعدت آشري بأنظارها ثم قالت بصدق
.. زیاد موضوع الولاد مکنش عمره سبب 
قاطعها
.. أنا عارف أنا عیوبی کانت أخطر من كده بكتير بس يمكن الموضوع ده بالذات كان زي القشة قسمت ظهر البعير 
حملقت به آشري وقالت بغير فهم
.. بعير يعني إيه 
فضحك زیاد وقال
.. أهي دي أكتر حاجة فيكي بحبها ونفسي أبدا متتغيرش 
احمر وجهها وقالت بنزق
.. إني مبفهمش كلامك لما تتكلم عربي جامد 
تعالت ضحكات زیاد وقال بعبث
.. والله مافيش أجمد منك 
خفضت أنظارها بخجل وقالت بإبتسامة

صافية وهي تعترف بالمقابل
.. أنا كمان ساعات كنت بتعمد أدايقك يمكن تحس باللي فيا وأرجع ألوم نفسي بس كنت بكابر 
هز رأسه وقال متنهدا
.. الحال من بعضه ساعات كتير بكون عارف إني غلطان وكنت بقاوح 
هزت آشري رأسها وقالت بضيق
.. طب والعمل هنرجع ندایق بعض تاني 
هز رأسه نافيا وقال
.. وليه نمشي في سكة واحنا عارفين نهايتها ده حتى يبقى اسمه غباء 
تمتمت پخوف
.. وايه اللي يضمن 
هز رأسه قائلا
.. أن المرادي عاوز ننجح ونجاح أي اتنين هيكون بسببهم هما الأتنين 
قضبت جبينها وقالت بإنجليزية صحيحة
.. مش فاهمة 
قال بإبتسامة واسعة
.. كنت متوقع بصي ياستي أنا الراجل وأنت الست 
حدقت فيه بترقب واجم فأردف
.. یعني أنا أشيل مسئولية حياتنا وبيتنا وأنت تحتويني وسوا نتشارك قرارتنا محدش يمشي في طريق ويقول للتاني هوا كده أخبط راسك في الحيط 
ابتسمت آشري بسعادة
.. بجد یازیاد هتعمل كده فعلا 
هز رأسه بجدية تلك المرة وقال
.. لأني عاوز ننجح يا آشري ولأني مش قادر فعلا أعيش منغيرك وأنا على فكرة بدأت علاج 
أمسكت آشري بكفه قائلة
.. وأنا هفضل جمبك فهز رأسه رافضا
.. الموضوع ده بالذات لازم أكون فيه لوحدي أنا كمان يومين مسافر فرنسا الدكتور قالي أنه في عملية تنفع لحالتي 
هتفت بغیر تصدیق
.. هتسافر لوحدك!
رد قائلا
.. مش كده وبس مافيش حد غيرك يعرف بموضوع العملية ده كمان أنا مقولتش حاجة لأخواتي 
ردت بحزن مضاعف
.. زياد أنا لازم أكون جمبك 
حدق بها لوهلة وقال مټألما
.. كفاية إني شايل ذنبك وحاسس أني لسه أناني زي ما أنا مصبرتش لحد ما أعمل العملية وأشوف نتيجتها بس عندي أمل أنها تنجح 
ردت بعزم
.. أيا كانت النتيجة مش هتأثر علي قراري يازياد المهم عندي أنا وأنت والعلاقة مابينا ناس كتير عندهم أطفال وكل واحد فيهم في واد هنروح بعيد ليه أخوك مخلف من اتنين والتالت . 
نکس زیاد رأسه بخزي وقال
.. أنا آسف بجد على موضوع داليا ده أنا عارف أد إيه أنا جرحتك بسببه واتسببت في مشكل كتير لسالي كمان وهيا غلبانه 
ردت آشري هازئة
.. سالي مش غلبانة وبعدين أخوك هوا اللي اختار وإن كان عليا أنا نسيت الموضوع ده خلاص مش عاوزة نتكلم فيه تاني 
نظر لها بتقدير بالغ ورفع كفها لشفتيه وطبع عليه قبلة دافئة قائلا بغزل عابث
.. تحت أمرك ياجامد 
استهلت من جديد قولها وهي تسحب كفها من بين قبضته پغضب کاذب
.. یعني إيه بقا بعير 
قال بتهكم شدید
.. كائن ميفرقش عني أنا وجاسر کتیر 
اختتموا جميعا قراءة سورة الفاتحة بقولهم أأ آمین فيما تعلقت أنظار کریم کالمسحور بوجه سالي ومعتصم يرمقه بنظرات ضيقة حتى قال والد کریم الحاج مصطفى 
.. ألف مبروك يا ابني ألف مبروك يا بنتي 
ربت کریم علی کف والده بإمتنان وسعادة قائلا
.. ويباركلنا في عمرك ياحاج 
ابتسم والده وأخرج من سترته علبة مخملية صغيرة ومد يده نحو سالي التي كانت تراقب الموقف بصمت مهيب وهو يقول
.. اتفضلي يا بنتي دي حاجة بسيطة 
تناولت منه سالي العلبة بتوجس وقالت بخجل مضاعف
.. مکنش ليه لزوم حضرتك تكلف روحك 
قال الأب بسعادة مفرطة
.. لا ده ندر على الحاجة أم كريم الله يرحمها ووصتني هيا عليه كانت نادرة تلبسها لعروسته بإيديها اعذريني بقا راجل عجوز ومكحكح مش هعرف ألبسهالك بإيدي 
قال كريم ضاحكا
.. طب مش كنت تقولي أنا أعرف ألبسهالها ضحك الجميع وتوردت وجنتا سالي بحمرة الخجل وفتحت العلبة لتطالع سلسالا ذهبيا رفيعا وتتدلى منه حلية خطت بخط عثماني ماشاء الله محلاة بفصوص رقيقة ورغم بساطة الهدية بالمقارنة بالمجوهرات الباهظة التي كان يهديها لها جاسر في الماضي إلا أنها لمست داخل قلبها وترا حساسا جعلت ضميرها يأن ۏجعا إذ أنها في أعمق لحظاتها مع کریم تفکر بسواه وتعقد لا إراديا مقارنة بين ماحمله لها والده البسيط وما كان يحمله لها جاسر في الماضي زجرت نفسها إذ أنها لم تكن طامعة يوما بمال ونفوذ ويكفيها المشاعر الصادقة التي تحملها تلك الهدية فوضعتها بسعادة وقالت
.. أنا متشكرة لحضرتك أوي 
وعلى الرغم من مراسم الاحتفال والسعادة المرتسمة على ملامح علی کریم ووالده بوضوح إلا أن مجيدة بدأت تستشعر أن ظلال الذنب تقتات على راحة قلبها خاصة وهي تراقب تشتت وضياع ابنتها وقلبها يحدثها أنها في تلك اللحظة بالتحديد لا تفكر إلا بسواه فقالت
.. مبروك يا كريم يابني مبروك