رواية جامدة جدا رهيبة القصول 5-6-7

وضغط فوقها بخفه مشجعا فسارت خلفه للفراش كالمغيبه أستلقت جواره فوق الفراش ثم غمغمت بأرتباك 
تصبح على خير ..
أجابها وهو يضع ذراعه السليم أسفل خصرها ويجرها نحوه 
كده هصبح على خير ..
أبتسمت بعمق والفراشات ترفرف داخلها من كثرة السعادة من نومها داخل أحضانه والأستيقاظ أيضا بداخلها ودون اضطرارها للحرمان من دفء جسده فى الصباح حتى لا يكشف أمرها .
فى الصباح أستيقظ مراد قبلها وظل ساكن الحركه ومغمض العينين يفكر فيما حدث بينهم
البارحه والأبتسامة تملئ وجهه كم يريد العودة تنهد برضا وهو يتذكر أرتباكها وخجلها من أثر قربه وداخله يريد بشده تصديق حدسه الذى يحدثه أن تخبطها وعدم تجاوبها معه البارحه لم يكن سوى لجهلها سحبه من أفكاره تلك تململها بين ذراعيه كعلامه على بدء أستيقاظها يليه شهقه أستنكار خرجت منها وهى تبتعد بجسدها عنه فتح هو عينيه ثم قال ممازحا وهو يجذبها إليه مرة ثانيه 
هو أنا للدرجه دى پخوف كل يوم بتقومى مفزوعه وانتى جنبى ..
أحمرت وجنتيها وأخفضت رأسها بخجل ثم قالت بحرج وهى تعود وتستند برأسها على كتفه 
أنا أسفه مش قصدى .. بس لسه مش متعودة ..
أبتسم بتفهم ثم عاد يسألها ويده تمسح فوق ظهرها برقه 
عشان كده ولا مرة قلتى صباح الخير !!..
رفعت رأسها تنظر إليه ثم قالت بهمس وهى تعض على شفتيها بتوتر 
صباح الخير ..
صباح الخير بتتقال كده على فكرة ..
أستند هو بجبهته فوق جبهتها وبعد فترة من الصمت كانت أسيا هى أول من قطعته ناطقه أسمه بنعومه وتردد 
مراد .. ممكن أسالك سؤال !..
هز رأسه كعلامة موافقه وجبهته لازالت مستندة على جبهتها ويده تمسح على شعرها برفق 
قالت أسيا بقلق 
ممكن أعرف مين اللى بيحاول يأذيك !.. متزعلش .. بس ليلى قالتلى أن فى حد بيحاول يأذيك .. وإمبارح بليل أنا شفت حد ملثم كان بينط من فوق سور القصر قبل ما أكتشف الحريق ..
تنهد مراد بضيق ثم قال وهو يبتعد عنها ولكن ظل أبهامه يتحسس وجنتها بنعومه 
صدقينى مش عارف .. الموضوع بدء من كام شهر بجوابات ټهديد وبعد كل جواب لازم تحصل كارثه أو اتنين فى الشغل .. بس المرة دى وصل للقصر .. والغريبة أن كل ما أقرب أكتشف هو مين واعرف مكانه .. بلاقيه أختفى كأن حد بيبلغه بكل خطواتى ..
رفعت أسيا أحدى ذراعيها لتضع كفها فوق يده مطمئنه ثم قالت بقلق مفكرة 
طب ما يمكن فى جاسوس بينقله انت بتعمل أيه ..
تتهد بعمق ثم قال بحيرة 
أنا غيرت كل الرجاله اللى حواليا قبل كدة لما شكيت فيهم .. صدقينى مفضلش غير العيلة .. وده اللى مجننى ..
صمت قليلا ثم قال وهو يحدق بوجهها 
عرفتى ليه مش عايزك تسيبى البيت .. خاېف يأذينى فيكى ..
لقد أثر صدق نبرته بها لدرجه جعلت جسدها يرتجف داخليا وأغرورقت عينيها بالدموع لمح هو لمعان عينيها فسارع يقول بقوه مطمئنا وهو يحتضنها بين ذراعيه 
مټخافيش .. قلتلك قبل كده طول مانا موجود مش هسمح لحاجه تأذيكى ..
حركت رأسها بين ذراعيه موافقة ولم يكن يدرى أن دموعها تلك كانت من أجل سبب أخر لن تجرؤ على وضع مسمى له فى الوقت الحالى ..
طوال اليوم ظل كرم يتابع كلما سنحت له الفرصه تحركات عزت والتى كانت جميعها حول ليلى الغافلة عن ألتصاق الأخير بها بل كانت تقابل تقاربه ذلك بسذاجه كعادتها فى التعامل مع الجميع زفر كرم بضيق وهو يتحرك فى الممر المؤدى إلى مكتب الأستقبال حيث كانت ليلى تقف أمامه وتقوم بكتابة شئ ما فوقه بأنشغال ولم تلاحظ عزت والذى تسلل من خلفها ثم بدء يتحدث إليها وهو شبهه ملتصق بها وصل كرم إلى مكان وقوفها ثم قال بنبرة لا تحمل المزاح وهو
ينظر فى ساعة يده 
دكتور .. أظن حضرتك عندك مرور هيبدء كمان ٥ دقايق يعنى يادوب تلحق تحضر نفسك ..
أخفض معصمه وتوجهه بنظراته لليلى التى تظاهرت بالأنشغال فى الأوراق التى أمامها عند سماع صوته ثم قال أمرا بقوة 
وحضرتك يا دكتورة ليلى .. أتفضلى معايا عايزك فى حاجه مهمه ..
تركت ليلى الأوراق التى أمامها على الفور ورفعت نظرها تنظر نحوه بقلق ثم أومات له موافقة وتبعته دون حديث حتى غرفته دفع باب مكتبه سامحا لها بالدخول أولا ثم دلف خلفها وأغلق الباب خلفه پعنف ووقف أمامها بملامح متجهمه سألته ليلى بلهفه وهى تنظر إليه بقلق 
كرم فى حاجه حصلت تانى فى البيت ..
لم يجيب عن سؤالها بل سألها مباشرة بهدوء عكس ملامح وجهه التى كانت تنذر بأعصار قريب 
أنا قلتلك أيه قبل كدة والصبح !!..
قطبت جبينها بأستغراب ثم قالت بعدم فهم 
قلت أيه مش عارفة .. 
قطع المسافة الفاصله بينهم فى حركه واحدة وقبض على معصمها بقوة ثم قال پغضب 
أنا مش قايلك الصبح تخلى تعاملك مع الكل هنا بحدود !! صح ولا لأ أنطقى !!..
نفضت ذراعها من قبضته بعصبيه ثم قالت بحدة 
أنت بتتعصب عليا ليه !! أنا معملتش حاجه !!..
صاح بها ناهرا 
ولما معملتيش حاجه !! عزت اللى كان لازق فيكى ده أيه !! .. ولا عجبك اللى بيعمله !! ..
دفعته بكلتا يديها حتى يفسح لها المجال للخروج ثم قالت بحنق 
ملكش دعوة أنت مش مسئول عن أفعالى .. أنا أتعامل مع اللى يعجبنى واعمل اللى انا عايزاه أنت مش ولى أمرى ..
صاح بها معارضا 
لا مش حرة !! وأنا ولى أمرك ڠصب عنك بتوصيه من جدك وعمى ومراد كمان
صړخت به وهى تحاول الركض إلى الخارج من خلف جسده 
لا مش ولى أمرى .. ومش من حقك تقولى أعمل أيه .. زى مانا مسألتكش أمبارح أنت أختفيت فين 
أحاطها من خصرها بكلتا ذراعيه ورفعها من فوق الأرضيه بسهوله ثم أستدار بها حيث موقع وقوفها الأصلى غير عابئا بأحتجاجاتها ولا بقدمها التى كانت تحركها فى الهواء فى محاولة يائسه للأفلات من قبضته وضعها فوق الأرضيه بعد فترة دون أفلاتها من بين ذراعيه ثم قال متوعدا 
قلتلك قبل كدة .. أى حركه غلط أو أعتراض على كلامى وأحنا هنا هتتعاقبى عليه فى الحال .. ولو مضايقه أوى وعايزة تعرفى كنت فين إمبارح كان ممكن تسألينى وكنت هقولك أنى كنت برة البلد فى شغل مستعجل..
دفعته بكفها للمرة الأخيرة مبتعدة عنها ثم قالت بأرتباك 
ميهمنيش أساسا كنت فين .. وبعدين مش هتقدر تعاقبنى .. لو فاكر انك ممكن تنفذ تهديدك اللى قبل كده وتخصم من مرتبى فأحب أقولك ان أساسا مرتبك كله ميهمنيش فى شئ ..
حرك كرم رأسه مبتسما بسخرية ثم قال وهو يبتلع لعابه بقوة فتحركت تفاحه أدم خاصته صعودا وهبوطا على اثر حركته 
عندك حق المرتب مش هيفرق معاكى .. عشان كده لمدة أسبوع كامل هتقضى النوبات الليليه فى المستشفى بدل زمايلك !! جنب ميعاد شغلك العادى ..
شهقت ليلى بعدم تصديق وهى ترتد بخطواتها للوراء ولكنها سرعان ما تمالكت نفسها عند رؤيه نظره الأنتصار داخل عينيه ثم قالت بعناد وهى ترفع رأسها بكبرياء 
مفيش مشكله .. مش هتفرق معايا .. ولو سمحت دلوقتى عندى شغل المفروض أكمله ..
تركها كرم لتذهب مراقبا حركتها حتى اختفت من أمامه وهو يلعن نفسه داخليا
بتأنيب أى چحيم ذلك الذى دفعه لمثل هذا القرار !! ففى هذه الظروف الخطړة التى تحيط بالعائلة لا يأمن تركها بمفردها طيله الليل زفر مطولا وهو يمسح على وجهه بكفه مفكرا بضيق هل يعاقب نفسه أم يعاقبها اللعنه على ليلى وعنادها وعصبيته !! ليس أمامه حل أخر لتدارك ذلك الموقف سوى ذلك لذا الأن وبسبب تهوره سيبيت ليلته بجوارها كحارس لها بدلا من النوم داخل فراشه الوثير بعد يوم شاق من العمل
فى غرفه المكتب وقف الجد بتأهب منتظرا وصول خادمه مسعود وبمجرد دخوله الغرفه وأغلاقه الباب من خلفه جذبه الجد من تلابيبه وقال هادرا به بقوة 
بقى أنا بتضحك عليا يا مسعود ال وتستغفلنى !!!
هتف مسعود بتلهف متوسلا 
محصلش يا عثمان بيه وحياة عيالى !! أنا بعمل كل اللى حضرتك بتقولى عليه .. والله ما كنت أعرف بالحريق .. أبن ال ده لسه شاكك فيا وعملها من غير ما يقولى .. وحتى حاډثه الفرس بتاعه مراد بيه بلغتك قبلها وحضرتك قلتلى الباقى عندك ..
زفر عثمان بقله حيله فبالفعل قام مسعود الذى دسه كجاسوس بتحذيره وبسوء تقدير منه ظن أنه يمكنه معالجه الموقف والفرس دون أكتشاف مراد بالأمر وتلك الليله تأكد من توصيل مراد بنفسه إلى داخل غرفته واطمأن قلبه أنه لن يمتطى جوداه تلك الليله ليتفاجئ بعدها فى اليوم التالى بأسيا تخبره بما أصاب حفيده .
نفض عثمان يده من ياقه قميصه پعنف ثم سأله بتأهب 
يعنى أيه !! بعد كل اللى حصل لسه شاكك فيك .. يعنى كل اللى بعمله على الفاضى
جحظت عيناه للخارج ثم قال وهو يلتقط مفاتيحه ويستعد للخروج 
مش هينفع أسكت أكتر من كدة .. خلى حد من رجالتك المضمون يحضر العربية ويجى معايا من غير ما مراد يحس ..
وبعد أكثر من ساعة من القيادة المتواصلة خارج البلدة توقفت سيارة الجد عثمان أمام كوخ قديم ملحق ببيت شبهه متهالك خرج الجد من سيارته بشموخه المعتاد ثم توقف ينظر يمينا ويسارا للأحتياط قبل تحركه بخطوات واثقه وقويه نحو الداخل وصل إلى باب الكوخ ومن ثم دفعه بابه المتهرتل بقدمه بكل ما أوتى من قوة ثم وقف أمام غريمه وقال بكبريائه وشجاعته المعهودة 
أنا بنفسى واقف قدامك يابن ناجية .. ورينى هتقدر على أيه !!!..