رواية ياسمين الفصول من 61-70

مازن هيروح مع أبوه لبيته ياسهر يستحسن متحاوليش تتواجهي مع عيسى دلوقتي عيسى في حالة ممكن توصله إنه يخسر أي حد
هزت رأسها غير قادرة على اتخاذ خطوة گتلك و 
مقدرش أسيبه لو سيبته هياخده مني
ف نفخ يونس منزعجا من تعاملهم مع الطفل وكأنه شئ يمتلك و 
هو مش شنطة سفر عشان كل واحد ېخاف التاني ياخدها ده إبنه وحقه يشبع منه النهاردة كفاية أوي إنه كان هيخسر حياته لولا لطف ربنا بيه
ولانت نبرته قليلا وهو يحاول إقناعها 
أسمعي ياسهر أمشي دلوقتي من غير ما تظهري قدامه وأنا أوعدك هخليكوا تقعدوا تتكلموا وتوصلوا لحل عشان مصلحة مازن

ترددت سهر كثيرا من القدوم على خطوة گهذه ولكن تأكيد يونس على وعده لها قد جعل ل اللين مكان 
أسمعي كلامي ياسهر دخولك دلوقتي هيكبر الموضوع
تراجعت سهر خطوة للخلف وارتاح داخلها برؤية ذلك الصدق في عيناه ثم رضخت له في الأخير 
حاضر
تركت ملك كرات الصوف البيضاء وشفتيها مزينتين ب ابتسامة عريضة قائلة 
أول حاجه هعملها من الصوف كوفية ليونس عشان داخلين على الشتا
كانت نغم تتناول شطائر الدجاج بجانب حساء كريمة الفطر الشهير بنهم بعد قضاء يوم كامل بدون تناول الطعام 
ابتلعت الطعام ثم أردفت ب 
هتبقى مفاجأة جميلة أوي ليه
تفحصت ملك حالتها بنظرات خاطفة وهي ممدة على الفراش وسألتها 
خلاص متأكدة مفيش أي ۏجع حاسه بيه
تنهدت نغم وهي تلوك الطعام في فمها ثم قالت 
شوية ألم خفيف في رجلي بس ان شاء الله على الصبح أكون أحسن
استمعت ملك لصوت أبواق سيارة تعبر بوابة المزرعة ف هبت من مكانها بحبور معتقده رجوع يونس في تلك الساعة المتأخرة نظرت عبر النافذة لترى سيارته ف ابتهج قلبها وهي تغمغم ب 
معقولة لحق يخلص بالسرعة دي!
هنيهه وكانت أمانيها وأحلامها تنطفئ بغتة حينما رأت يزيد يترجل من السيارة ويغلقها ب جهاز التحكم ويتوجه نحو باب القصر تهدلت أكتافها ب قنوط وأجفلت جفونها وهي تردد بهمس 
يعني يونس فضل مع عيسى!
أغلقت ملك الستار وعادت من حيث أتت تجر خيبة الأمل من خلفها ف سألتها نغم ب اهتمام 
مالك يالوكا وشك قلب كده ليه
يونس مجاش ده يزيد بس
بصقت نغم المياه التي بدأت حديثا في ارتشافها وشهقت بذهول وهي تصيح 
يزيد !!
سعلت وهي ترفع صينية الطعام عن ساقيها وصاحت فيها 
تعالي بسرعة شيلي الأكل ده بسرعة
ف رفعت ملك الصينية عنها وتسائلت ب استغراب شديد 
في إيه يانغم جرالك إيه فجأة 
مسحت نغم على فمها بالمنديل لتزيل أي أثر للطعام وأردفت ب انزعاج شديد 
يزيد لو شافني باكل دلوقتي هيقول عني طفسة شيلي الأكل ده والنبي
أوفضت ملك نحو الباب كي تخرج الطعام من هنا فورا ولكنها استمعت لصوته الذي اقترب من غرفة ملك التي يجلسون فيها ف عادت راكضة وهي تهمس ب 
مش هلحق!
وسرعان ما رفعت شراشف الفراش ودست الصينية أسفله وجلست بالقرب منها وكأن شيئا لم يكن 
طرق يزيد على الباب ودخل حينما سمحت له ملك بالدخول تسلطت عيناه على نغم ليراها في حال أفضل من هذا الصباح التي كانت به متدهورة للغاية ودنى منها وهو يتسائل بسخرية 
عاملة إيه ياكابتن مصر
ف حدجته ب استخفاف و 
شايفني كنت بلعب كورة!!
لأ عيب متقوليش كده أنتي عديتي ليڤيل الۏحش يانغم
وزفر متابعا 
ياريت تكوني اتعلمتي إنك متدخليش في حاجه إنتي مش قدها
ف أشاحت بأنظارها عنه وهي تدينه 
ليه مش قدها ما يمكن عينك هي اللي رشقت فيا طيرتني من على الحصان!!
تجاهل تماما آخر ما قالته حتى لا ينفتح هذا الأمر في عقله مجددا ويعاود تأنيب ضميره وسألها ب اهتمام 
أكلتي حاجه
ف أسرعت بالإجابة بدون تفكير 
لأ
جحظت عينا ملك التي كانت تتطلع لما يحدث ب صمت ولكنها تداركت أمر نفسها وأسبلت جفونها كي لا ينفضح الأمر بينما استهجن يزيد ذلك وعبس وجهه فورا وهو يردد 
إزاي دي الساعة داخله على ٢ بعد نص الليل!
ف أردفت متصنعة الأرق 
ماليش نفس عايزة ارتاح لحد الصبح بس عشان أقدر أسافر
لمح يزيد زجاجة المياة الموضوعة بجوارها ف دنى منها و 
على الأقل فواكه خفيفة متناميش كده
التقط زجاجة المياة وسكب منها في الكوب ثم تركها وتحركت أقدامه بعشوائية ليصدم طرف الصينية تنغض جبينه وانحنى نحو الفراش ليستكشف ما هذا!
خفق قلب نغم وتجمدت بمكانها بينما كتمت ملك فمها لتمنع صوت ضحكتها بعد المأزق الذي وقعت فيه صديقتها بكذبتها لحظة واحدة وس يكتشف كذبتها كيف سيكون رد فعله هل سيغضب ل كذبها أم سيسخر منها بدون أن يفوت تلك الفرصة 
انتصب يزيد في وقفته حاملا صينية الطعام وارتكزت أنظاره المصډومة عليها وهو يسأل ب ذهول 
إيه ده !!
الفصل الخامس والستون 
تعبث ببراءة تفتك ما بقى من توازني يا لها من ماكرة صغيرة  
في حين أحس يزيد بنفسه ملاكا في حضرتها ملأ الذهول تعابير وجهه فاغرا فاهه نظراتها التي تتهرب منه تعكس مدى حماقتها حينما فكرت بالكذب عليه انطلى عليه الأمر في بدايته وظن أن المسكينة لم تتناول لقيمة واحدة بينما هي غارقة في شطائر الدجاج وحساء الفطر  
حدجها ب نظرة تطلب تفسير ل كذبتها ف أحادت ب عيناها المتوترتين و أردفت 
ده أكل ملك جابتهولي بس انا ماليش نفس ف سيبته على جنب
ف لم تنطلي عليه هذه المرة وراح يسأل مستهجنا 
بجد ملكيش نفس
ثم نظر للصحن الذي أوشك على الإنتهاء و تابع ب سخرية 
عشان كده تقريبا خلصتي تلتين الأكل مش كده!
مش طفاسة يعني !
تأففت ب انزعاج وهي تردف محاولة بذلك إصرافه عنها 
لو جيت تطمن عليا أنا بقيت كويسة وعايزة أنام
تناول الملعقة وملأها بالحساء وهو يقول 
آه طبعا لازم تنامي مش كلتي واطمنتي على بطنك!
وتذوق الحساء شاعرا بالجوع ينهش معدته بينما كانت هي تتحاشى تماما النظر إليه تكفيها الڤضيحة التي وقعت بها جراء كذبتها لوح بيده أمام عينيها التي بدت له شاردة قليلا ف انتبهت ونظرت صوبه لترى كل تعابير السخرية تلك التي تغمر وجهه ف امتعضت وأجفلت جفونها ثم دثرت نفسها بالغطاء وبقيت أسفله لكي تجبره على الخروج ف تمطق وهو يمضغ الطعام وقال إينذاك 
حاسبي السوس ياكل سنانك لو نمتي من غير ما تغسليها إحنا برضو تهمنا صحتك
وطفق يخطو نحو الباب متابعا 
يلا تصبحي على خير
أغلق إضاءة الغرفة عمدا وخرج ف هب نغم معتدلة من نومتها وهي تغمغم متبرمة مما حدث 
كمان بيتريق! أنا حتى ملحقتش أكمل أكل!!
انفتح الباب مرة أخرى وأشرأب يزيد برأسه وقد تبين ظله القاتم وهو يسألها 
بتنادي يانغم
ف سحبت الغطاء عليها وأجابت بصوت خفت 
تصبح على خير
وانتي من أهله
وأغلق الباب عليها من جديد ابتعد من أمام بابها بعدما تأكد إنه أثار غيظها وسار نحو غرفته وهو يتناول من شطيرتها التي لم تستكمل تناولها وأردف متهكما 
مش معقول هفوت الړعب اللي عيشتيني فيه النهاردة بسهولة يعني!
أهتم يونس بنفسه ب عيسى وطفله مازن حيث قام ب توصيلهم لمنزل عيسى ثم ذهب ل ابتياع كثير من الأشياء التي سيحتاجها المنزل في ظل وجود طفل به الكثير من الأجبان المختلفة والحليب والبيض ورقائق الذرة وبعض الوجبات السريعة التي سيستطيع عيسى إنجازها بمفرده بعد إصابة ذراعه بالكسر 
وعاد إليهم من جديد ل يشرف على تقديم وجبة عشاء للصغير 
ترك يونس الخبز على المائدة وسأل الصغير 
تحب تاكل حاجه تاني يامازن
ف هز الصغير رأسه بالسلب و 
لأ ياعمو شكرا
ف ابتسم يونس في وجهه ومسح على شعره قائلا 
بألف هنا ياحبيبي
اقترب عيسى منهم بعدما بدل ثيابه سعيدا بوجود صغيره معه الآن وسيمضي معه بعض الوقت على إنفراد أيضا ليشبع منه تماما 
تنهد وهو ينظر ل يونس ب امتنان تجلى في ناظريه وقال 
مش عارف أشكرك إزاي ياباشا
ف رفع يونس عنه عناء الشكر بدوره 
متقولش كده ياعيسى المهم تاكل حاجه انت كمان
ف تقلص وجه الأخير وهو يبعد ناظريه عن الطعام و 
لأ مش قادر خلينا في المهم أنا قبل الحاډثة كنت بكلمك عن زهدي و 
ف قاطعه يونس مذهولا 
هو ده وقته! أنت فعلا مريض بالشغل زي ما قالت مراتك !
ف تجهم وجه عيسى وعبس فجأة وهو يسأل 
هي قالت كده!
مش مهم قالت إيه المهم إنه صح!
زفر يونس وهو يسحب عيسى من ذراعه السليمة وتابع 
سيبك من أي حاجه دلوقتي وخلينا فيك
ف رفض عيسى ذلك مصرا على توضيح ما رآه 
مينفعش ياباشا لو مش واخد بالك كان في عربية ورانا طول الطريق معرفش راحت فين فجأة لما دخلنا الشارع بتاعي بس أنا حاسس إنها كانت مراقبانا
ف اعترف يونس ب إنت لاحظ ذلك و 
عارف العربية الچيب
لم يتفاجئ عيسى من ذلك ف هو على علم ب حرص يونس وحذره الزائد حول تلك الأمور بينما تابع يونس قائلا 
بس ده برضو مش مهم دلوقتي
وأشار نحو مازن الذي كان يتناول طعامه بنهم 
روح أقعد ما مازن وانا ورايا مكالمة هخلصها وآجي
ف الټفت عيسى ينظر ب اتجاه طفله بنظرات تحمل نفس الإشتياق وكأنه لم يحتضنه طوال الطريق ثم انتقل جواره 
تحرك يونس ب اتجاه أقرب نافذة وراح يتصل ب شقيقه لم يجب على الفور ولكنه أجاب في النهاية 
أيوة يايزيد أدي التليفون لملك خليني أكلمها
اعتدل يزيد في جلسته مصاپا بالتجمد المفاجئ واتسعت عيناه متسائلا 
ملك!! أنت مكلمني عشان كده
آه تليفونها فيه حاجه تقريبا وانا مش هقدر أكلم نينة دلوقتي زمانها نايمة
تأفف يزيد بصوت مسموع وصل ل يونس الذي تفهم فورا ماذا أصاب أخيه ف قنط يونس ولم يتحمل صبرا أكثر من ذلك 
يلا يايزيد مستني إيه !
ف انفعل يزيد انفعالا متخفي و 
ما خلاص ياعم هروحلها! خلاص يعني وحشتك أوي
تعمد يونس إشعال غيظه قليلا ف أضاف 
أوي يايزيد
ف امتعض يزيد بالفعل وصاح به 
ما تكلمني عن قصة حبكم بالمرة!!
غرق يونس في الضحك ف أبعد يزيد الهاتف عن آذانه وهو يتمتم بعصبية انفرطت منه 
إيه الهم ده أنا شوية وهبقى وسيط بين