رواية ايمان الحزء الثاني الفصول الاولي

في انك تفكري !!.. انا شفته وكانه .. وكانه في بينك وبينه ... 
قاطعته مرام في ترجي ولوم وعيون باكيه عبداالله ارجوك لا .. اوعي توجهلي انا الكلام ده وتبصلي البصه دي .. اوعي غيرتك تعميك وتنسيك مين هي مرام بنتك اللي فتحت علي ايدك 
يا مرام ده مش غيره وهتعميني زي ما بتقولي .. دا انا شفت بعيني واللي قدامي دي مش بنتي لأن مرام اللي انا اعرفها متعملش كده....
شفت بعينك غلط والله العظيم غلط .. انا مكنتش مستنيه غيرك لما عرفت انك جاي وهتبقي الحارس ليا .. وكنت لابسه الفستان ده عشان مكنش في حد ف الفيلا غير حريم ومكنتش اعرف انه هييجي اصلا هنا .. والله العظيم كنت مفكره انه انت مش هو .. انا اتفاجئت بيه زيك بالظبط .. هو اللي فرض نفسه عليا بالاسلوب الھمجي ده .. هو كده ودي طبيعته .. بني ادم مغرور ومتسلط وقليل الادب الي ابعد حد .. بيتحامي في سلطته ونفوذه ومركزه ومبيهموش حاجه...
ارتفع صوت عبدالله في ڠضب وانفعال علي نفسه يا مرام مش عليا واعلي ما في حياه يركبه .. ومركزه وسلطته دول يبلهم ويشرب ميتهم.. بالنسبه لي في اقرب صفيحه زباله... وقلت ادبه ووقاحته دي لو ظهرت ياخد باللي في رجلك علي دماغه 
طيب ما ده اللي انا عملته .. انت مشيت قبل ما تشوفني وانا بضربه بالقلم وببهدله وبرفض الجواز منه نهائي لاني مستحيل اوافق علي واحد زيه .. وعشان كده خرجت وراك يا عبدالله افهمك اللي حصل .. ودلوقت انا قدامك اهوه بعتذرلك.... 
اخذ ينظر اليها في في صمت وتنهد بعد ان ظفر في ضيق واغلق عينيه في حسره والم مرام .. سواء هو او غيره .. انتي فعلا ممكن تتجوزي ! 
امسكت بساعديه وهي تقترب منه اكثر مؤكده في عشق انا عمري ما شفت نفسي مع راجل غيرك يا عبده .. حتي بعد كل اللي عملته فيا 
اخفق قلبه بقوه وتحولت نظراته الي حب جارف وهي تتابع من وقت ما طلقتني وانا بس مش بفكر غير في مستقبلي ودراستي وبس اما فكره الارتباط دي حاذفاها من حياتي نهائي .. والا مكنتش استحملت رخامه اللي زي ناجي وغيره كتير حاولو يتقربو مني 
نظر اليها واسمك بذقنها في

اشفاق وحنو وهو يرفع وجهها اليه وليه عشمتيه من البدايه يا مرام انك هتفكري اصلا في موضوعه .. بعد كل اللي انتي عارفاه عنه ده 
اشاحت بوجهها بعيدا واطلقت العنان لدموعها وهي تتنهد ناجي ده يبقي اخو طنط اولفت يا عبدالله .. طنط اولفت اللي وقفت جنبي في عز ما انت اتخليت عني 
وقعت كلماتها عليه كالسكاكين تقطع بقلبه .. ود لو صړخ بها واخبرها الحقيقه ولكنها حين وجدته صامتا استكملت وهو كمان يبقي الممول الرئيسي
لكل اعمالي سواء الجامعه او مجمع المستشفيات في الأردن او المانيا او المغرب .. هو صاحب كل ده بس طبعا بأسمي ما انا مبقتش اشهر جراحه قلب من شويه ..
واختنق صوتها اكثر وهي تقول وعشان كده متعشم قوي بأن يكون بيننا حاجه وهو شايف ان مفيش غيره واني مش ممكن ارفضه ...
شعر عبدالله بالضيق اكثر والڠضب يملأ قلبه فتابعت مرام انا للأسف يا عبدالله متورطه معاه في ديون كبيره جدا وحاجات كتير انا قدمتها لفقراء كتير علي نفقته دا غير طبعا كل ده بأسمي وماضيه علي كل حاجه عملها معايا .. مش بقولك مبقتش مشهوره من شويه... عشان كده كنت مجبره استحمله لحد ما اشوف حل او افكر في اي حاجه تبعدني عنه 
استدار عبدالله بجسده اليها غير مصدق قائلا اي اللي انتي بتقوليه ده يا مرام .. ديون اي دي و ورطه ايه اللي معاه ..فهميني !!!
ابتسمت في مراره وتهكم مش بقولك في حاجات كتير حصلتلي انت متعرفهاش 
امسك بساعدها في رفق وهو يقول بصرامه وحزم يبقي انا لازم اعرف كل حاجه ودلوقت يا مرام .. قبل كده كنتي لوحدك ومش عارفه تتصرفي معاه لكن دلوقت انا رجعت وجنبك ومش هسيبك .. ولا هسمح له يتمادي معاكي ولا تتورطي اكتر معاه .. اتكلمي يا مرام .. قولي كل حاجه بالتفصيل من وقت ما سبتك لحد دلوقت حصل ايه !!! .. 
وقبل ان تجيب عليه شعرت بدوار وارتعش جسدها واخذ لون وجهها يتحول الي الزرقه وشفتيها التي هربت الډماء منهما مره اخري .. تلك الحاله التي تصيبها علي فترات .. خارت قواها وهي تغمض عينيها بين يديه ..
انتفض عبدالله وهو ينادي بأسمها في قلق ولوعه .. فهبت ايمان اليها التي كانت تستمع فقط الي حديثهم وحين راتها بتلك الحاله حتي نظرت الي عبدالله في خيبه امل واحباط وهي تقول بحزن متخافش يا استاذ عبدالله .. دي الحاله اللي بتجيلها زي ما قلت لك .. هي محتاجه الدواء او حقنه مقويات زي اللي اخدتها دلوقت لكن مش هينفع تمشي علي حقنه المقويات اكتر من 3 مرات لازم تاخد الدوا 
أغلق عبدالله عينيه في الم وحسره وقال لها لا يا انسه ايمان .. متديهاش الدواء ده دلوقت .. اديها دلوقت حقنه المقويات وانا المفروض اروح النهارده عشان اشوف نتيجه التحاليل لحد ما اعرف هي عندها ايه واي الدواء اللي بتاخده ده .. 
حملها عبدالله وذهب بها الي الغرفه الاخري ووضعها علي السرير وقبل جبينها في حزن ومراره وهو يتنفس عبيرها قائلا في توعد والم وحيات كل دقيقه قضيتها بعيد عنك يا مرام ما هرحم اي حد اذاكي .. وهرجعلك حقك قدام عينيك .. 
بعد ان انهي عمله الشاق بتلك القضايا التي لم تنتهي .. حتي وان يكن مشتتا قليلا بخصوص امر والدة يمني التي لم تجب علي مكالماته بعد .. عزم علي ان تكون تلك اخر محاوله له للأتصال بها وان لم تجيبه سيذهب اليهم علي الفور وليحدث ما يحدث .. تناول هاتفه وقام بالاتصال بها ولكن هذه المره دونا عن المرات الاخري سمع صوتا يتحدث في الهاتف ولكن لم يستطيع سماعه جيدا اثر ضوضاء حوله فأخذ يهتف بقلق ...
الو .. الو .. يا حاجه يسر .. سامعاني !!
لم يتلقي ردا وازاد ارتفاع اصوات تلك الضوضاء فعاد الكره مره اخري مناديا عليها الي ان استمع اخيرا الي ذلك الصوت .. صوت انثوي رقيق مخټنق اثر بكاء شديد ونحيب وصړاخ ايضا....
ادهم !! .. الحقني يا ادهم !!
لم يكن من الصعب عليه معرفه صوتها حتي ولو بعد مئه عام وليس فقط سبع سنوات .. خفق قلبه بشده وهو يستمع اليها تستنجده فردد في لهفه ولوعه وقلق
يمني !!!!!!!
وعلي الناحيه الأخري..كان عبدالله في ذلك الوقت يجلس بذلك المختبر الصحي الكبير في انتظار الطبيب الخاص كي يخبره بحاله مرام الصحيه .. بعد ان بات متأكدا انه يوجد شيئا خطأ بالفعل بمرام وهو ما يسبب لها تلك الحاله ولكنه ظل يدعو الله ان يكون
ليس بالخطېر وان يقف