رواية شيقة 11 الفصول من الاول للخامس

العصر فكده احسن
جميلة بس يافندم هي عندها اخت صغيرة جداااااا وماينفعش تسبها كل ده لو كان الصبح كانت هتوديها حضانة
المدير سكت شوية وقالها طيب انا عندي فكرة حلوة اختي جوزها مېت ومش عندها عيال وكان نفسها ف طفل وطبعا التبني حرام ايه رائيك تخليها معاها الفترة بتاعت الشغل وتخديها وانتي مروحة وكمان هي قريبة من هنا وماتخفيش هتخلي بالها منها هي حنينة اووووي وهتفرح بيها
جميلة فكرة حلوة اوووووي ياندى
ندى بس ...
جميلة بس ايه مافيش حل احلي من كده موافقين طبعا
المدير علي خيرت الله هستناكي بكرة ان شاءالله 
خرجت ندى وجميلة من المطعم وهما فرحنين
في فيلا قريبة شوية من المطعم
تدخل محاسن ام اياد تفتح الستاير 
وتقول يااياد يلا قوم انت مالك انهاردة اول مرة تتأخر في النوم كده الساعة ٩
اياد يفتح عينه بكسل ويقولها ياأمي تعبان سبيني انام انا خدت اجازة اسبوع بعد المأمورية اللي كنت فيها
اياد دخل كلية الشرطة بعد ما رجع من السفر وكان شاطر جدا وبيحب شغله وبقي نقيب 
محاسن معلش قوم افطر عشان ماتتعبش ونام تاني
اياد حاضر ياأمي هنزل وراكي
خرجت محاسن وهو قام من علي السرير وحط ايده علي السلسلة وابتسم
وقال وهو مغمض عينه وبيفتكر ملامحها كان كتير بيحب يبص ليها
وقال ياتري شكلك بقي عامل ازاي دلوقتي وياتري هتفتكريني ولا نسيتيني وحشتيني اووووي ياندى انا وفيت بوعدي معاكي ومانستكيش ولسة ليكي مكان في قلبي وحبك بيكبر في قلبي اكتر واكتر يارب تكوني لسة فكراني .... هلقيكي ياندى زي ماوعدتك ...
وقام دخل الحمام الخاص بأوضة نومه وخد دش وصلي فرضه ونزل يفطر معاهم
نزل اياد ودخل اوضة السفرة ولقي الكل متجمع امه وابوه واخواته ريم وكريم 
اياد صباح الخير 
الكل صباح النور.
اياد باس دماغ ابوه وامه وقعد يفطر
محمد الاسيوطي ايه ياياد كل ده نوم
اياد تعبان يابابا وماصدقت اخد اجازة
محاسن ربنا معاك ويقويك ياحبيبي
اياد دعواتك ياأمي
وبص لأخواته وقال  
وانتو عاملين ايه في المذاكرة
ريم الحمدلله بس صعبة اووووي ربنا معايا بقي ريم كانت عندها نفس حلم ندى ودخلت طب 
اياد معلش استحملي لازم تتعبي عشان تبقي دكتورة شاطرة زي ماانتي عاوزة
ريم يارب
اياد وانت ياكريم
كريم انا تمام ماتخفش عليا دخل هندسة حلم حياته
اياد بصله وضحك وقاله بخفوت انا مش خاېف عليك انا خاېف من تصرفاتك وقعد مكانه اللي جنب والده علطول
كريم اتوتر من تلقيح اياد عليه هو حاسس ان اياد عارف عنه كل حاجه بيعملها من مصايب بس مش متأكد بس كلام اياد خلي كريم ېخاف لانه عارف شخصية اياد وطباعه وانه لو عرف انه بيسهر مع بنات ومابيحضرش محضراته مش هيسكت وهيطربقها فوق راسه
بعد شويه اياد تليفونه رن وكان مالك صاحبه بيتصل بيه مالك نقيب هو كمان
ايادايوه يا مالك ايه مصحيك بدري كده خير
مالك ضحك جامد وقاله الشديد القوي والله يا سيدي سياد الرائد محمود فرحه بعد يومين وعزمنا النهارده علي الغداء في مطعم .... الي جنب بيتك ده
اياد افتكر وضحك وهو بيقول تصدق كنت ناوي اطلع اكمل نوم وانزل اعمل كام مشوار بليل كويس انك فكرتني
مالك ضحك وقاله خلاص انا هجيلك علي متكون غيرت هدومك واجي ونروح المشاوير الاول وبعدها نروح سوا
اياد خلاص ماشي مستنيك
ندي كانت روحت وجابت نداء اختها وراحت هي وجميلة واستاذ فريد مدير المطعم لأخته البيت عشان نداء تقعد معاها
جميلة صممت تبقي معاها اول يوم شغل بس تكون من زوار المطعم عادي عشان ماتعملهاش مشكلة 
وعطيتها لها وقعدو شوية مع بعض وندى كانت قلقانة علي اختها اوووي بس حست من كلام امينة انها حنينة وهتعامل اختها حلو اطمنت شوية واتفقت معاها انها هتخدها كل يوم بعد الشغل وتوديها الصبح
مشيت ندى وهي حاسة بشوية قلق من جواها ان في حاجة هتحصل بس مش عارفة ايه فضلت تطمن نفسها بدعاء بتحب تقوله لما تخاف من حاجة
ياخفي الالطاف نجنا مما نخاف
فضلت تردد الدعاء لحد ماوصلت المطعم
دخلت ندى والمدير فهمها انها نص ساعة والفرقة هتجهز وهي هتقعد معاهم وتغني بس قالها لحد الساعة ٥بيبقي اغاني هادية عشان ده اغلب الوقت بيبقي الناس بتحب تقعد تشتغل بعد كدة تحب تغني اللي هيا عاوزاه هزت