رواية شيقة 11 الفصول من الاول للخامس

تتعامل مع اطفال واتعودت بسرعة علي التعامل معاها والدكتور وصفلها لبن اطفال وابتدت تتعود عليها وتتعلق بيها اكتر وابوها بيحاول يخرج من زعله عشان بناته وبيروح شغله ويرجع هلكان ويتعشي بسيط وينام وندى حمدت ربنا ان اللي حصل ده كله بعد ماعدت مرحلة الثانوية ونجحت
ندي كانت شاطرة اوووي في دراستها وكان دايما حلمها انها تكون دكتورة وفعلا جابت مجموع طب صيدلة قدمت في الكليه وكانت فرحانه جدا جدا انها حقتت حلم من احلام طفولتها وافتكرت في الوقت ده اياد لما كان بيقولها انا هبقي ظابط واقبض علي المجرمين افتكرت لما كان عندها 8سنين وضحكت بشرود
فلاش باك
كانت ندى بتلعب مع اصحابها لحد ما اياد جه من المدرسة فندى بصت لاياد بزعل طفولي و قالتله انا زعلانه منك يا اياد اوووي
بصلها اياد وقالها ليه يا ندى زعلانة من ايه انا ماعملتش حاجه تزعلك.
ندى بصت له پغضب كبير وقامت وقفت جنبه وقتها بان فرق الطول بينمهم وقالتله علشان من شويه كان فيه حرامي سرق شنطت واحدة ماشية في الشارع وانت قولتلي انك هتحارب الاشرار وتسجنهم وتساعد الناس الطيبين وماعملتش كده
بصلها اياد بزعل وتفكير وبعدها قال انا ماكنتش موجود وده اولا تاني حاجه انا مش بخلف بوعدي انا فعلا هنقذ الناس الطيبين واسجن الاشرار بس لازم اكبر واتخرج من الجامعة الاول علشان اقدر ابقي ظابط قوي
نطت ندى بسعادة وقالتله خلاص يا اياد انا كمان هكبر زيك واكون ظابطه ونمسك الاشرار سوي
اتحمس اياد شوية للفكرة وانها هتكون معاه وبعدين بصلها لقالها صغيرة وضعيفة فضل يفكر شوية وشايفها وهي بتضحك وبعدين قالها انا عندي فكرة حلوة ايه رائيك نتفق مع بعض علي اتفاق
بصتله بعنيها الوسعه و رمشت ببراءة وهي بتقوله اتفاق ايه ده
اياد انك تكوني دكتورة وتساعدي الناس يعني انا هحمي الناس وانتي هتخففي ۏجع الناس وبكدة تكوني انتي كمان بتنقذي الناس شبهي ونبقي احنا الاتنين ابطال توعديني
بصت له ندى شويه وبعدين قالت بس انا بخاف من الدكاترة علشان بيدوني حقنه وانا مش بحب الحقن
بصلها اياد وقالها بس لما بتخدي الحقنه بتخفي صح
قالتله صح
قالها يعني الدكاترة بيخففه التعب يعني هما كده ابطال
ضحكت ندي بسعادة واقتناع وقالت له وهي بتمد له صباع ايديها الصغير علشان توعده انها هتكون دكتوره وتنقذ الناس
مدت ندي صباعها الصغير واياد كمان مد صباعه الصغير وندي قالتله خلاص يا اياد اوعدك هذاكر جامد اوووي علشان اكون دكتورة
رد عليها اياد وهو لسه صباعه الصغير حاضن صباعها وانا اوعدك اني اكبر واكون ظابط قوي وانقذ الناس
باك
ضحكت ندى لذكريتها القديمة واتمنت لو كان صدق معاها صديق طفولتها ومنسهاش هي متاكده انه كان هيشجعها ويقويها كويس جدا بس فاقت من ذكريتها علي عياط اختها نداء الي عندها تقريبا ٤شهور شالتها ندى
وقالتها اخص عليكي يا دودو كده تخضيني وبعدين مش انا لسه مأكلاكي ومغيرة ليكي الهدوم عايزة ايه تاني يا قمري انتي 
ضحكت لها نداء بصوت عالي ببراءة فضحكت معاها ندى وقعدت تلاعبها كتير وتدلعها لحد مانامت
طلعت ندى قعدت مع باباها اللي اول ماشفها ابتسم ليها وقال بفخر دكتورتي القمر جهزت نفسها لاول يوم دراسه جريت ندى  باباها
وهي بتقوله اه وكل حاجه تمام انا بس خاېفه علي نداء وحضرتك هتكون في الشغل وقت الكليه مين هياخد باله منها
ابتسم جمال من طيبه قلب بنته وقال بحزن انتي عارفة ان مامتك ماكنش ليها اخوات وللاسف انا كمان ماعنديش غير اخت وحيدة وهي مسافرة مع جوزها في الكويت من سنين يمكن لو كانت موجوده كانت شالت عنك الحمل شويه احنا هنحط نداء في الحضانه الي علي اول الشارع هي بتاخد الاطفال من سن صغير ماتقلقيش وفي مربيات مخصوص ليهم لحد ما تيجي من كليتك يا اجي انا من شغلي واللي يجي الاول يخدها
حركت ندى راسها مرتين موافقه جمال ابوها في الكلام وفعلا عدي شهرين وندى بتروح الكليه وترجع تاخد اختها وتكون جابت الخضار معاها تعمل الاكل وتأكل ابوها واختها وتقعد تذاكر لحد في يوم وهي في الكليه سألت ندى جميلة صاحبتها
قالت هي المحاضرة هتخلص الساعه كام علشان مش عايزة اتأخر