رواية جامدة ج3 الفصل الخامس والسادس بقلم الكاتبة الرائعة

سلام ...
دموعها خانتها وقفلت ومسكت موبايها وضمته لصدرها بمرار .. اخدت كتير من خالد وهو ماخدش منها حاجة .. بس هي محتجاه .. ومحتجاه اوي كمان .. وحشها .. ابتسامته .. الحب والهدوء والدفء اللي كانت 
وصل ادهم وسارة الفندق .. وبدأت سارة تطلع حاجتها وتحطها في الدولاب .. دخلت سارة الحمام ولبست فستان اسود بدون اكمام .. وقصير اقصر من الركبة .. في نفس الوقت كان ادهم نزل يجيب شنطته من العربية .. قربت سارة من التراس وشافت المنظر الجميل .. البحر .. وخضرة .. وجو جميل وهادي .. فتحت باب التراس وخرجت ووقفت تستنشق ريحة البحر .. دقايق .. وفجأة ..
قال انتي ازاي خارجة بره بالمنظر ده ! انتي اټجننتي !
سارة يا ادهم مفيش حد بره ولا حد شافني ..
وقفت سارة قدام المراية .. وبصت لنفسها بضيق .. وقالت لنفسها ..
.. انتي كمان غبية .. ده لبس تخرجي بيه بره .. من امتى وانتي بتعملي كده ..
جتلها فكرة وانها تنزل تصالحه .. لبست فستان طويل من اللون الابيض .. وطرحتها وبعض لمسات المكياج الخفيفة .. ولبست جزمة بكعب عالي ..
اول ما مشيت رجلها وجعتها ..
سارة بضيق يا ربي ماليش انا في الكعب خالص .. بس هعمل ايه بقى .. الفستان طويل اوي ..
مشيت سارة براحة وخرجت من الاوضة .. وقفت قدام الاسانسير وقالت في نفسها بلاش عشان مش اتوه خليني في السلم احسن ..اول ماجت تنزل السلم .. طرف الفستان اتعلق في كعب الجزمة .. رجلها اتلوت ووقعت عليها وصړخت بصوتها كله من الالم ..
شخص كان لسه خارج من اوضته وقال بقلق حضرتك كويسة !!..
سارة بعياط رجلي ...آآآآه رجلي مش قادرة بتوجعني اوي ..
في نفس الوقت قاعد ادهم قدام حمام السباحة بضيق وبيلوم نفسه انه لازم يهدى نفسه ويتحكم في اعصابه اكتر من كده .. وقرر انه يطلع يصالحها ..
الشخص حاولي تقومي طيب ارجعك اوضتك ..
حاولت سارة تقوم ولكن رجلها كانت بتألمها بشدة ..
الشخص بتردد انا اسف بس مضطر .. في نفس الوقت ادهم كان خارج من الاسانسير وشاف سارة وواحد غريب بدأت عروق جسمه كله تظهر .. وشه بقى احمر وقرب منهم باندفاع ..
أدهم هو في ايه ! ..
سارة بفزع رجلي يا ادهم .. رجلي شكلها اتكسرت ..
.. ومشي ناحية الاوضة من غير ما يتكلم ولا كلمة ..
سارة پخوف ادهم حبيبي .. اس....
وقف أدهم وبص ل سارة پغضب ....
انتي كمان بټعيطي !!! 
حاولت سارة تتكلم ولكن عياطها واحساسها بالظلم خانقها...
أدهم بس اسمعني... انت فاهم غلط ... اللي حصل....
قاطعها أدهم . ..
بقى اغيب عنك خمس دقايق ارجع الاقيكي بره الأوضة لا وكمان واحد معاكي... وكمان بتقولي لي فاهم غلط ... امال ايه الصح يا هانم يا محترمة !!!
سارة پغضب انا مسمحلكش... انت زودتها أوي....
حاول أدهم يرد علي سارة ولكن قاطعهم خبط علي باب الأوضة ...
راح أدهم وفتح الباب ...
أدهم بضيق افندم...
الشخص انا جيت اطمن على الانسة ... هي كويسة !!
بص أدهم ل سارة 
أدهم بسخرية الأستاذ جاي يطمن عليكي يا آنسة....