رواية جامدة ج3 الفصل الخامس والسادس بقلم الكاتبة الرائعة

عندها بس هبوط .. وانا اديتها حقنة وشويه وهتفوق .. وهتبقى كويسة ان شاء الله .. بس ياريت تاخد بالها من اكلها كويس وبلاش مجهود .. وبردو بلاش ضغط نفسي ..
سيف متشكر جدا لحضرتك ..
مريم بضعف آآآآه .. دماغي ..
سيف بقلق حبيبي حمدلله على سلامتك .. قلقتينا عليكي ..
مريم سيف .. انا تعبانة اوي ..
سيف معلش يا حبيبتي .. الدكتور طلب تحاليل ولازم نروح نعملها ..
اټفزعت مريم واتعدلت في قعدتها بتوتر .. وقالت بقلق ..
.. دكتور !!! دكتور ايه ! انا كويسة .. متقلقش لا تحاليل ولا حاجة .. دول كانوا شوية ارهاق ..
سيف بشك مالك فيكي ايه ! ايه اللي قلقك كده !
مريم لا .. لآ ابدا .. مفيش .. حاولت مريم تغير الموضوع .. صحيح انت نازل بردو !
رفع سيف حاجبه بتعجب لا .. مش نازل .. اعتذرت عن المهمة خالص .. عشان خاطر مريومتي اللي مغلباني .. ارتاحي بقى وانا هنزل اجيب اي اكل من بره ..
مريم بابتسامة ماشي يا حبيبي .. ربنا يخليك ليا ..
ضمھا سيف اكتر وباسها بحب ..
.. ويخليكي ليا ياقلبي ..
نزل سيف واول ما اتاكدت مريم انه خرج جريت علي تليفونها .. واتصلت بمامتها ..
مريم ايوة يا ماما ........ الحمدلله يا حبيبتي ......... بقولك انا تعبت واغمى عليا وسيف جاب دكتور هنا .. وطلب منه تحاليل .. خاېفة يعرف ............... مانا عارفة ان مسيره يعرف بس عايزة اتصرف دلوقتي ............. خلاص ماشي .. هحاول .. ادعي لي يا ماما ............. مع السلامة .....
اتنهدت مريم بضيق يارب اعمل ايه دلوقتي ! ....
فلاش باك 
واقفة مريم مع والدتها ماجدة في المطبخ .. بتساعدها في تحضير الاكل ...
مريم مش عارفة يا ماما المغص ده مش بيهدى خالص ..
ماجدة خلينا نخلص تحضير الغداء ونخلي آسر يوصلنا .. هو صحيح سيف راجع امتي من ماموريته !
مريم بضيق هو ده حد عارف له حاجة ...
بعد الغدا ... قاعدين بيشربوا الشاي ..
آسر اخبارك ايه يا مريومتي ! والواد سيف عامل ايه معاكي !
مريم پألم ..ك .. كويس .. الحمدلله ..
لاحظوا آسر وماجدة تألم مريم ..
ماجدة بقلق مريم انتي لسه حوار بطنك ده !
مريم آآه ... آآه يا ماما ..
آسر بقلق في ايه في مريم !
ماجدة قوم البس هناخدها المستشفى ..
بعد ساعات كانوا في المستشفى .. ونايمة مريم على سريرها في الطوارئ .. متعلق بعض المحاليل المسكنة .. وانتهت من عمل الاشعة والتحاليل ..
دخل عليهم دكتور وعلى وشه ملامح الاسى والحزن ..
الدكتور أنا اسف جدا يا جماعة .. بس احنا شاكين في سړطان الرحم ومحتاجين نعيد الاشعة والتحاليل تاني عشان نتاكد اكتر ..
الصدمة دخلت قلوبهم جميعا .. سړطان .. الصمت ساد دقايق .. لحد ما قطعه الدكتور ..
الدكتور يا جماعة احنا لسه هنعيد التحاليل تاني .. وان شاء الله خير ..
آسر بحزن ولو لا قدر الله طلع فعلا .. عندها .... مقدرش انه يكمل كلامه وينطق ..
الدكتور في أسوأ الحالات هنضطر نشيل الرحم ..
مريم پصدمة اشيله ! ... طيب يعني مفيش حمل تاني !
ماجدة بعياط يا حبيبتي وحدي الله .. ما انتي معاكي بسنت اهي ربنا يخليهالك ..
الدكتور بس نتاكد وربنا يسهل ومش عايزين نسبق الاحداث ...
مشي الدكتور وسابهم في حالة صدمة ومحدش عارف يتكلم ..
مريم بحزن وعياط لو سمحتم محدش يقول ل سيف لحد ما نتاكد ..
آسر وماجدة ماشي ..
بعد ايام ظهرت نتيجة التحاليل .. واتاكدت مريم من اصابتها بسړطان الرحم في مراحل متقدمة .. ومضطرة يستئصلوه ..
باااك 
وصل ادهم البيت .. دخل لقى البيت هادي ..
أدهم سااااارة .. سوسووو .. انتي فين !
دخل أدهم أوضة النوم لاقاها نايمة علي الكنبة ضامة نفسها وشكلها حزين .. اتنهد ادهم بضيق .. .. ..
ادهم في نفسه انا نفسي تعرفي انا بحبك ازاي ... بعشقك وبعشق تفاصيلك .. قلبك .. عينيكي