رواية مطلوبة 5 الفصول من الاول للحادي عشر بقلم الكاتبة الرائعة

رسلان ضحكة رسلان اللي بتكرهها.. ودموعها نزلت وهي بتسمع..
رسلان بسخريه عشان صاحبك برضو ولا... عشان حبيبة القلب
قاسم عيونه احمرت ورد بعصبيه متجبش سيرتها على لسانك ده!!
ضحك رسلان پغضب ورد انت ناسي انها مراتي! ولا الكام ساعه دول نسوك.. طبعا دي كانت حلمك م....
قطع كلامه لكمه على فكه من قاسم و قعته على الأرض.. قرب قاسم منه وشده من لياقته وقاله بكره تحلم انها تبصلك.. هندمك يا رسلان!
كل ده وهي واقفه مصدومه من اللي سمعته... معقول ! رسلان كان صاحب قاسم.. كده اتأكدت من السبب اللي اتجوزها عشانه
عشان ېحرق قلب قاسم عليا .. آه يا قلبي كل ده مستحمله عشاني.. انا مستاهلش كل ده
همستها بحرقه وهي واقفه حاطه ايدها على بقها بتكتم شهقاتها وتبكي بصمت..
قاسم ببرود اطلع بره بيتي دلوقتي حالا!
رسلان پغضب وهو بيمسح جنب بقه من الډم اللي نزفه بكم قميصه الأبيض مش خارج من غير مراتي يا قاسم.. مش هتقدر تمنعني اني اشوفها!
ابتسم قاسم بثقه ولو هي رفضت انها تروح معاك!
رسلان بثقه أكبر هتيجي وهتشوف!
قاسم نادى بأعلى صوته بإسمها وهو باصص لسه بقرف..
أوليان قعدت تمسح دموعها وترتب أنفاسها لما سمعت صوته بينادي عليها
خرجت لمكان وجودهم وهي باصه في الأرض ولسه الدوخه بتزيد وردت بصوت واطي أيوه يا قاسم!
قاسم بهدوء قعد وقالها تعالي هنا يا أوليان
وشاور على مكان جنبه بعيد نسبيا تقعد عليه اتحركت بهدوء وقعدت جنبه تتحامى فيه من غير ما تبص على رسلان اللي اتضايق من اللي حصل وكان باصص لها بتحذير ترفض كلامه اللي هيقوله..
قاسم ببرود وهو بيحط رجل على رجل وبيكلم رسلان سامعك..
رسلان بصله بغيظ ورجع بص لأوليان وقال بصوت عالي نسبيا ايه اللي بينك وبينه يا هانم!!
أوليان رفعت راسها وبصت ليه پحده انت ازاي تقولي كده عني.. لعلمك بقى انك ملكش حق تكلمني بالطريقه دي ابدا طالما مش معتبرني زوجه ليك.. !!
اتنرفز منها وعلى صوته أوليان.. ردي على سؤالي واخلصي عشان تجهزي شنطتك عشان هنروح بيتنا!
أوليان ضحكت بإستهزاء لا يا بشمهندس مفيش بيننا حاجه واوعى تفتكر ان كل الناس معندهاش ضمير وبتتقي ربنا زيك!! لا وهنروح بيتنا.. وسعت منك دي!
رسلان اتعصب جامد وكان هيقوم يجيبها من شعرها بس قال لنفسه لازم تهدأ عشان كل حاجه تمشي زي ما انت عايزها..
ابتسم لها بتحذير وقال مش هعيد كلامي تاني..
أوليان حست پخوف من نظراته وقربت تلقائي من قاسم بس كان في مسافه برضو ل..لا انا هقعد هنا.. انت متقدرش تجبرني على حاجه بالذات وفي وضعنا ده !!
قاسم كان كل ده قاعد ساكت بيشوفها هتتصرف ازاي ولما قربت منه بصلها اتلاقاها بتترجاه بنظراتها عشان يتصرف.. بصلها بإطمئنان وابتسم لها
رسلان كان كل ده بيتابع اللي بيحصل وكان ھيموت من الغل ان قاسم مع الوقت ممكن يحصل عليها
اتكلم بهدوء عكس اللي جواه وقال انا هرجع بعد اسبوع من سفريه.. ياىيت تكوني قررتي فيهم!!
ردت پحده انا قولت مش راجعه معاك.. وياريت ورقة طلاقي توصلني ...
قام قاسم وقف قدام رسلان ردها وصل خلاص.. شرفت !!
بصله رسلان پحده واتلاقاه مبتسم بإنتصار ونظره بتقول مش قولتلك!!
حس بالإهانة وقرر انه يخرج قبل ما يعمل حاجه يندم عليها!!
خرج رسلان.. وقعدت أوليان مكانها بتمسح وشها بإيد مرتجفه وقالت لقاسم اللي واقف بيبص على الباب مكان ما خرج رسلان هنعمل ايه يا قاسم قولي
قاسم ببرود سيبك منه انا هتصرف معاه! اهدي انتي بس عشان غلط عليكي....بعدين كمل كمل بقلق لما لاحظ صوتها المر هق انتي كويسه
أوليان وهي بتهز راسها فجأه......................
الفصل السادس
قاسم بقلق انتي كويسه يا أوليان..
اوليان هزت راسها ب نعم بس فجأه اتكلمت وقالت قاسم.. هو انا وحشه للدرجادي.. يعني.. اللي يحصل ليه كل ده اكيد شخص مش كويس..
استنت رده بلهفه وهي بتبص عليه.. قاسم اتنهد وقعد جنبها على الكنبه بس بعيد شويه وهو بيبصلها بجديه
قاسم بهدوء اسمعيني يا أوليان وأرجوكي متقاطعنيش.. اتفقنا 
بصتله بإهتمام.. وكمل هو بحنان انتي عارفه ان ده اختيار ربنا صح.. انتي واحده قريبه من ربنا جدا ودايما تتكلي عليه في كل أمورك.. معقوله مش واثقه في اختياره ليكي..! للدرجه دي أثر الموضوع عليكي بصي يا أوليان خلينا متفقين ان ربنا مستحيل يختار لنا حاجه تضرنا ولا تأذينا ابدا.. ربنا بيختبرك يا أوليان بيشوف صبرك قد ايه.. اللي بتعمليه ده غلط انتي لازم توثقي في اختيار ربنا اكتر من كده.. لازم تكوني عارفه ان مستحيل حاجه تحصلك غير اللي ربنا كاتبهالك..أكيد في جايزه كبيره بعد كل ده مش يمكن تلاقي العوض بعد كل ده!
أوليان استغفرت ربنا كتير لما استوعبت تفكيرها وصل لفين.. مينفعش تخليه يأثر بالسلبيه دي على تفكيرها هي بقت يائسه لدرجه نسيت رحمة ربنا بيها في وجود قاسم وناهد وعمها حواليها..
بصتله والدموع في عيونها شكرا جدا يا قاسم.. انت الوحيد اللي بتقدر تفهمني