رواية مطلوبة5 الفصول من الاول للحادي عشر بقلم الكاتبة الرائعة

اﻻولى 
صوت خبط على الباب ويبدو ان الطارق فى عجله من امره ......
حاضر حاضر ياللى بتخبط ....
وجه مبتسم وبشوش ....صباح الورد على الورد صباح الخير يافريده يﻻ علشان احنا اتأخرنا انتى ناسيه ان النهارده اول يوم دراسه وبعدين دى سنه رابعه واحنا ﻻزم نلتزم علشان السنه دى تعدى على خير وﻻز....... .
. 
بس بس ايه حرام عليكى بالعه ايه على الصبح .. ايه الرغى دا كله .... وبعدين قوليلى يا ست داليا من امتى الهمه والنشاط دا كله ... دا انتى كنتى ضارباها طناش خالص طول التلت سنين اللى فاتوا ... ايه اللى جد بقى ... وﻻ دى بركات سى هانى .... بركاتك ....

ايه يا فريده الله هو انا يعنى مكسله مش نافعه ... نشيطه مش نافعه ... وبعدين يا ستى هانى حلف عليا يمين طﻻق انى لو معدتش السنه دى وبتقدير كمان هيأجل الجواز سنه .... يرضيكى يعنى بقالى سنه وداخله فى التانيه ومكتوب كتابى ... وهو راسه ناشفه ومش راضى ان احنا نتجوز غير لما أخلص ... علشان كده ﻻزم اجدعن وانجح بتقدير اى نعم مش عارفه ازاى بس اكيد هﻻقى طريقه .......
ماما ماما انا خﻻص لبست وكمان جبت الشنطه يﻻ علشان انا كده هتأخر ومس منى هتزعل منى .....
ايه يا روقه انا زعﻻنه منك مفيش صباح الخير يا داليا ...
رقيه يا داليا انتى بتتكلمى كتير واحنا هنتأخر ... يﻻ بقى يا ماما .....
فريده بضحكه .... طب يﻻ يا حبيبه ماما البسى الشنطه ويﻻ ...... 
داليا هى مستعجله ليه كده ........
عندها رحله النهارده فى الحضانه وهيروحوا حديقه الحيوان علشان كده منامتش من امبارح وسهرتنى معاها ... وصحتنى من الفجر علشان البسها .......
وانتى عايزه تقنعينى انك هتسيبيها تروح كده بكل بساطه دا انتى بتخافى عليها من الهوا .......
اعمل ايه بس يا داليا ... وبعدين كانت بټعيط والحضانه كلها طالعه كلمت المس علشان تاخد بالها منها ......
مټخافيش مش هيجرالها حاجه ... بس يا بنتى هتفضل تناديكى ماما لحد امتى .... انتى ﻻزم تفهيميها انك اختها مش مامتها .......
وهى هاتفرق فى ايه يا داليا ........
علشانك يا فريده يا حبيبتى مسيرك هتتجوزى وهى هتعرف كل حاجه ........
انتى عارفه كويس انى مش بفكر فى الجواز ..... وبعدين سيبك منى وخلينا فى جوازك انتى ويﻻ قبل ما تيجى تشتمنا احنا اﻻتنين .........
بعد ان وصلوا الصغيره الى حضانتها ... ذهبوا الى كليتهم ... كانوا فى الفرقه الرابعه كليه التجاره .... فريده كانت اﻻولى على الدفعه الثﻻث سنوات الماضيه وكان الكل يشيد بتفوقها وأخﻻقها .... اما داليا فإنها جاره فريده وهى مكتوب كتابها على صديق اخيها ويعمل محاسبا فى إحدى الشركات فى الخليج ... وقبل سفره اصر على كتب كتابهم كى يستطيعوا التحدث بحريه .... وداليا كانت من الفئه التى تريد النجاح فقط وﻻ تهتم بالتقدير او هذه اﻻشياء ولوﻻ وجود فريده فى حياتها كان من الممكن ان تأخذ السنه بسنتين ........
فريده كانت مهتمه جدا بمستقبلها وتريد النجاح لكى تستطيع ان تربى رقيه على افضل ما يكون وهذا ما حدث بالفعل مرت السنه كأنها ايام وتخرجت .......
تخرجت فريده بتقدير امتياز وتعينت معيده فى الكليه وطلب منها الحضور ﻻستﻻم اﻻوراق الخاصه بها .... وبعد ان استلمتهم ... كانت ذاهبه حتى نادى احدهم بأسمها .... تلفتت لكى ترى من وجدت دكتورها ......
الحلقة الثانية والتالتة 
انسه فريده ممكن كلمه لو سمحتى ......
دكتور محمد ازى حضرتك .........
انا الحمد لله انا كنت عايز اباركلك على التعين ......
الله يبارك فى حضرتك ... متشكره جدا بعد اذن حضرتك ......
انسه فريده لو سمحتى .... انا كنت عايزك فى موضوع تانى .. انا كلمت البشمهندس أحمد جارك وان شاء الله هاجى النهارده وكنت عايزك تبقى حاضره .........
انا مش فاهمه حاجه يا دكتور حضرتك عايز ايه بالظبط .. وعايزنى اكون موجوده ليه ......
انا اسف مش هاقدر اوقفك اكتر من كده .... وانتى هتفهمى كل حاجه ان شاء الله النهارده ... بعد اذنك ...
ندى لم تفهم الكثير من كﻻمه ... ولم تفهم لماذا يريد ان تكون حاضره اجتماعه مع احمد ... ومن اين يعرفه باﻷساس .... اسئله كثيره كانت تفكر فيها وﻻ تجد لها إجابه .... وعندما وصلت الى البيت ذهبت الى شقه صديقتها فهى تترك رقيه هناك دائما فهؤﻻء القوم ساعدوها كثيرا دون ان يسألوها اى شئ عن ماضيها .. ووالده صديقتها ترعى الصغيره دائما وهى غير موجوده .........
أول ما سألت عليه مكان وجود احمد على الرغم من انه ﻻ يمت لها بأى صله ولكن مع ذلك من يوم وصولها واقامتها فى هذا البيت فإنه اعتبرها أخته الصغيره وكان يعامله مثلما يعامل اخته .... وهى ايضا كانت شاكره له ذلك فكان نعم اﻷخ لها .....
كانت تريد ان تستعلم