رواية ميادة الفصول الاخيرة

السباحه وبدء يعوم بعيدا عنها
وقف بوده بجانبها والقي بنفسه له في الحوض وقفت هي وركدت سريعا الي الداخل وهي في قمة الخجل من والدتها واختها التي سريعا ما تحركت
خلفها
صعدت الي غرفتها وكادت ان تغلق الباب الا ان يد ليا اوقفتها ودلفت خلفها وهي تمزح معها
ليا مبروك يا توتو والله كنت عارفه
تيا كنتي عارفه ايه بس اذا كنت انا ماكنتش اعرف حاجه
ليا هههههههههه عشان عبيطه مالك وشك احمر كده ليه
تيا اسكتي ياليا انا حاسه ان قلبي هيوقف من الفرحه
ليا ياسيدي يا سيدي اوعدنا يا رب
لكزتها في كتفها وهي تتجه الي المرحاض الخاص بغرفتهم
تيا يا رب يا ختي وسعي بقي خليني اخد شاور واغير هدومي دي وتركتها وذهبت
وصل الي مقر شركتهم ووجهه مقفهر من الڠضب لم يتجه الي مكتبه ولا حتي ذهب الي والده وصعد الي مكتب عمه مباشرة
لم ينتظر ان تعطيه سكرتيرة مكتبه خبر ولا حتي استمع لها
لم يدق الباب بل قبض بيده علي مقبضه وفتحه بكل عڼف وجدهم
يجلسون هم الاثنان معا
ڠضب عاصي من تصرفه هذا وبدء يوبخه
عاصي انت شرفت في ايه علي الصبح ايه الطريقه اللي داخل علينا بيها دي
تكلمت السكرتيره والله يا فندم حاولت اوقفه مقدرتش
حمزه خلاص روحي انتي دلوقتي وبعد ان ذهبت نظر اليه واكمل حديثه مالك ياض شكلك عامل كده ليه
لم ينظر اليه ولكنه وجه حديثه الي عمه
عاصي الصغير ممكن اعرف اشمعني هو وافقت ليه وانا لاء
حمزه هو مين ده انت بتكلم عن ايه
عاصي الصغير ما ترد يا عمي ما تقول لأبويا انا بتكلم عن ايه
عاصي پغضب وطي صوتك يا حيوان وانت بتتكلم معانا ومتنساش نفسك اقعد وخليك راجل واتكلم براحه
جلس علي الاريكه الجلديه السوداء الموجوده بالركن الجانبي من الغرفه وبجانبها مقعدين من نفس اللون ومازل وجهه يكسوه الڠضب
اتجه له والده وجلس بجانبه
حمزه مالك بس يا بني طب فهمني في ايه
لم يرد عليه ولمعت الدموع في عينه وهذا ما أزعج اﻻخر جدا تنهد بقلة حيله وقف من علي مقعده واتجه اليه وجلس امامه
عاصي اللي انت بتعمله ده بيثبتلي اني عندي حق وانك لسه مابقتش راجل ومقدرش أئتمنك علي بنتي
صاح پغضب
عاصي الصغير لاء انا راجل ڠصب عن اي حد انا ارجل من زين اللي انت فرحان بيه ووافقتله علي جوازه من بنتك
بس عايز اقولك علي حاجه زي ما وافقت ليه علي الخطوبه هاتوافق لي علي خطوبتي من ليا
عاصي بهدوء قولتلك اثبتلي انك راجل وقد المسؤليه وانا اجوزهالك وتاني مره اوعي تتحداني فاهم
عاصي الصغير لاء مش فاهم انت رافض ليه مانا اتنيلت وبقيت باجي الشركه كل يوم اهو والكليه خلاص هتبدء وانتظم فيها
جلس براحه اكثر وضع ساق علي اخري واشعل سيجارته
عاصي معاك فلوس تجيب لبنتي ڤيلا وتفرشها زي اللي زين هايجبها لتيا بلاش معاك تجبلها شبكه ولا هتستني لما بابا يجبلك
عاصي الصغير ايوه ابويا هايجبلي هو انتو فقرا
حمزه ماينفعش يا عاصي يا بني زين اكبر منك بخمس سنين يعني خلص كليته واشتغل ومرتبه مشاء الله يعيشه مرتاح طول عمره من غير ما ينتظر من ابوه حاجه
انما انت لسه قدامك خمس سنين كليه غير كده لسه بتاخد مصروفك مني
عاصي الصغير طب تلبس دبلتي بس وانا والله هاعمل كل اللي انتو عايزنه بس اعرفها انها بتاعتي انا
عاصي پغضب بتاعت مين ياض عالله أسمعك بتقول الكلمه دي علي بنتي تاني وماتفكرش انها هتبقى خطيبتك الا لما تثبتلي انك جدير ببنت العاصي فضالي واتفضل بقى علي شغلك يلا
عاصي الصغير وانا مش قاعدلك فيها والله مانا معتب شركتكم دي الا لما تكون لابسه دبلتي في صباعها
خرج مندفعا من المكتب ومن الشركه بأكملها وركب سيارته واتجه الي الجمالية
جلس حمزه پغضب منهم وصاح في اخيه انا تعبت من عصبيتكم انتو الاتنين وبعدين كده
مش هاخلص انت عنيد وهو وارث العند منك عايزني اتفاهم معاكو ازاي انتو الاتنين
عاصي يعني عايزني اوافق علي اللي هو عايزه يا حمزه عايزني اجوز بنتي لأبنك وهو لسه عنده عشرين سنه
ما انت عارف ابنك لما بيعوز حاجه بيفضل شبطان ازاي وبعد مايزهق بيرميها ومش بيبصلها تاني وانا مش هاسمح ولا ليه ولا لأي حد يفكر يأذي بناتي
حمزه ولا انا هاسمح بكده يا عاصي بس انت عارف ابن اخوك اكتر مني عاصي نسخه منك انت عمره ما جه بالعند بالعكس
انت لما بتكلمه براحه بتعرف تخليه يعمل اللي انت عايزه
عاصي كلمته بدل المره اتنين وكنت متفق معاه معرفش ايه اللي قلبه مره واحده كده
حمزه اكيد غار من زين لما عرف بخطوبته هو تيا
عاصي الحيوان التاني ده وربنا لما اشوفه لوريه قولتله يستني لما انا اكلم بنتي واقولها اتنيل استعجل وراح قلها
قولتله يمشي ويبقي يجيب ابوه ويجي الجماليه عملي نشره وقلب التاني عليا
حمزه ههههه اكيد فرحان سيبه يا أخي هو اللي اتعمل فيه شويه ده من ساعة ما أتخرج وهو بيتحايل عليك
يلا انا هاروح مكتبي اشوف شغلي سلام
وقف من علي مقعده وخرج من امامه واغلق الباب من خلفه
امسك الاخر هاتفه واتصل عليه
انار الهاتف امامه بأسمه وهو يلبس ملابسه امسكه وفتح المكالمه وهو يبتسم
زين والله بلبس وماشي اهوه
عاصي ايه اللي خلاك تقول لعاصي علي الخطوبه
زين بأستغراب انا متكلمتش معاه في حاجه
عاصي انت هتستعبط يلااااااااا اومال هو عرف منين
زين وربنا ما اعرف انا سيبته في الأوضه ونزلت تحت
اههه اكيد شافنا لما كنا في.....
صمت ولم يكمل
عاصي شاف ايه بقي انشاء الله ومالك قطعت كلامك ليه
بدء يفرك رأسه وهو يبتسم ويبرر موقفه
زين مافيش حاجه يا بوب داحنا كنا بنهزر انا وبوده وتيا وهو كان نازل وشافنا وتقريبا كده ماما هي اللي قالتله
عاصي بتهزرو ماشي يا زين اما اشوفك اسمعني خليهم يلبسو وتاخدهم توديهم الجمالية وتمشي واخر النهار تجيلي انت وابوك علي هناك فاهم يا بن ال.... عاصي
زين ههههه علم وينفذ يا بوب انا تحت امرك
اوقف سيارته بفرملة قوية امام وكالة جده مما افزعه واوقفه من على مقعده وخرج اليه
فضالي مالك يا عاصي فيك ايه يا حبيبي
عاصي مافيش يا جدي مضياق شويه بس
فضالي مين اللي زعلك يا حبيبي انت اتخنقت مع حد
ابتعد عنه ولمعت الدموع في عينه مره ثانيه ولم يرد عليه
فضالي ايه اللي انت فيه ده تعالي ندخل جوه اقعد واتكلم برحتك وانا هاسمعك زي مانت عايز
عاصي بعد ان جلس امام جده
عمي رافضني يا جدي رافض يخليني البس ليا دبلتي زعقلي
لما قولتله عايزها تعرف انها بتاعتي انا
قالي انا بنتي مش بتاعت حد وعالله اسمعك بتقول كده تاني مع ان زين مش بيقول غير كده علي تيا ووافق علي خطوبته منها
فضالي طب ممكن تهدى شويه وتسمعني اولا زين دلوقتي عنده خمسة وعشرين سنه
خلص كليته وبقى ظابط وتيا من وهي لسه في اللفه وهو كان عنده خمس سنين وهو بيقول عليها كده ومن ساعة ما أتخرج وهو بيزن علي عمك
وعمك مكانش موافق الا لما تاخد الثانويه لكن انت بقى لسه صغير يا