رواية عبير كاملة
المحتويات
اللي بيشيل اهله تخيل نفسه فمكانه و مفيش حتى اخ معاه حزن ڠصب عنه
و هما خارجين من عندهم شاف شابين مسندين باباهم و بيكلموه ارمي جسمك كله علينا يا بابا متخافش يا حبيبي احنا ساندينك
الأب يا حبايبي يا ولادي ربنا يخليكم لية يا رب و يجعلكم سندي العمر كله
يمر كذا يوم و عمرو متغير طول الوقت بيفكر و مرام كل ما تحاول تعرف ماله يحاول يفهمها انه ضغط شغل مش اكتر لحد ما فيوم اتصلت بيه جارة مامته و قالتله انها تعبانه اوي و لازم ييجي يشوفها اخد نفسه و راح و اتصل عالدكتور و الدكتور قال لازم تروح المستشفى اتصل عالإسعاف و في المستشفى امنته انه لازم يتجوز
عمرو عروستي
عزه ايوة يا حبيبي بسنت
عمرو بسنت بسنت مين
عزه بسنت بنت محمد الفكهاني الله يرحمه بنت غلبانه و يتيمة الاب و الأم و من يوم ما امها و ابوها ماتوا و مراة عمها هي اللي بتربيها وساقياها المر كله و البنت غلبانه غلب السنين و حتى علطول تيجي تشوفني و تقعد معايا
عمرو متعلمه
عمرو ولادي
عزه طبعا ولادك يا حبيبي بص هي معاها معهد فني تجاري و زي القمر بس بختها هو اللي مايل و انا حفهمهم وضعك و متأكده انهم حيوافقوا
عمرو ماما اشرطي عليهم لو مرام عرفت حاجه يعتبروا كل حاجه منتهيه
يمشي عمرو و هو
مش عارف ليه وافقها مش عارف اذا كان اللي عمله ده صح و اللا غلط
مرام انت وحشتني اكتر اتاخرت أوي
عمرو حقك عليا
مرام كل سنه وانت طيب يا حبيبي
عمرو و انتي طيبه يا حبيبتي انتي مبتنسيش عيد ميلادي ابدا
مرام ازاي اقدر انسي أجمل يوم في الدنيا يوم ما حبيبي اتولد و اتكبت على اسمه
تدخل مكتبها في الشركه و البسمه على وشها يا صباح الفل عليكم
نهى صباح النور يا اختي ده ايه الروقان ده
مرام حروح للمدير وابقي اجي اقولكم و تسيبهم و تمشي
سلوى انتي مالك مستغربه ليه هي من امتى مرام مكنتش رايقه ما هي علطول كده فايقه و رايقه و مستحميه
نهى على رأيك لما هيا متروقش امال مين اللي حيروق دماغها فاضيه لا عندها ولاد بتفكر في همومهم و مذاكرتهم و مشاكلهم و لا راجل قارفها فعيشيتها
تيجي مرام ازيكم عاملين ايه
نهى انتي اللي عامله ايه و كنتي غايبه ليه امبارح قوليلنا بقى
مرام كنت انا و عمرو بنحتفل بعيد ميلاده
نهى سيدي يا سيدي كل سنه و هو طيب يا حبيبتي
سلوى عقبال ما تحتفلوا
متابعة القراءة
