الثار

حد هيلمسك هتظبطيه 
إبتسمت له إبتسامة ساحرة وقالت بدلع 
_ تصبح على خير يا حبيي 
والتفتت عائدة للمنزل بينما وقف هو شاردا وقلبه ېصرخ بحبها أخرجه ياسين من شروده قائلا
_ إطلع يا حبيبى نام الفيلم خلص 
ردت مي بضحكة عالية 
_ عندك حق يا سنسونتي كأننا كنا بتفرج على فيلم لبروسلى 
فقال ياسين بحنق 
_ إطلع بسرعة يا أدهم خلينا نطفيلها التليفزيون 
مساء الفل عالكل 
الفصل الرابع
طوفان المشاعر 
في الصباح توجهت سهى لعملها وهي متحمسة وفريدة قد إنطلقت لكليتها وإستأذنت من والدها بالذهاب لمكتب دكتور حامد بعد كليتها للتدريب 

أما ياسين فقد ذهب لكليته فهو طالب بكلية التجارة ومازن توجه للعمل مع والده وأعمامه 
وإنطلقت مي لكليتها فهي أيضا بكلية تجارة أما أدهم وحياة فظلوا بالمنزل إستغلت حياة وحدة أدهم فجلست بجواره في الحديقة وقالت
_كلهم خرجوا ومافيش حد غيري أنا وإنت 
إعتدل في جلسته وحدجها باهتمام وقال 
_كويس إننا لواحدنا كنت عاوز اتكلم معاكى 
تهللت أساريرها وإنتبهت له بكل حواسها فأردف قائلا بثبات 
_ ليه إكتقيتي بالدبلوم وقعدتي في البيت يا حياة! 
تنهدت پألم وتطلعت أمامها وقالت بعجز 
_ مش بإيدى أنا طول عمرى ماليش رأى اللي عاوزاه أمى بيمشى عليا بس مى قدرت تقف قدامها وإختارت تكمل تعليمها 
أخذ من كلماتها وقال محمسا 
_ انا فعلا معجب بشخصية مي بس إنتي تقدرى تكملى تعليمك يا حياة قدامك فرصة إنوى إنتى وأنا في ضهرك 
إتسعت إبتسامتها وقالت بفرحة 
_ بجد يا أدهم إنت شايف كده و شايف إنه أنا أقدر! 
إبتسم إليها بود و قال مؤكدا 
_ أبوة واثق فيكي إنك تقدرى ها خلاص هتنوی 
أجابته وهي تنظر إليه بتمعن كأنها تطبع ملامحه الفاتنة في قلبها
_ طالما إنت معايا يبقي هعمل أي حاجة عاوزها 
لاحظ نظراتها له فتنحنح قائلا 
_ إحم مش فكرة اني أنا عاوز المهم اللي إنتى عيزاه وباعدين ليه مش بتروحي دروس الزومبا مع البنات و تغيري جو 
مطت شفتيها وقالت في تبرم 
_ ماما مش هترضى 
إبتسم في هدوء وقال بتفهم 
_ خلاص يا ستي أنا هكلمهالك وأكيد مش هتكسفنی 
تنهدت براحة و هي تقول 
_ هي بتحبك قوى و أكيد مش هتكسفك إنت مش عارف انت غالي عندها إزاي عن أي حد في العيلة 
وقفت سعاد
تتطلع إليهم من بعيد إقتربت منها زهرة و قالت بمكر 
_ أكيد خاېفة لتخطفه من بنتك مش كده! 
إلتفتت سعاد إليها وقالت بإبتسامة هادئة 
_ لأ من الناحية دي أنا في بطني بطيخة صيفى 
تطلعت إليها زهرة وعيناها تلمع بخبث و قالت بصوت يشبه فحيح الافاعي
_ بس بصاتك عليهم بتقول إنك قلقانة أكيد واثقة إن ربنا هينتقملي منك وحياة هتكون لأدهم مهما عملتي إنتي و بنتك 
إقتربت منها سعاد بدلال و قالت 
_ ھتموتي منی یا زهرة تعدى السنين مهما تعدى و انتي السواد جواكي بيزيد 
ضحكت زهرة ضحكة عالية وقالت بحدة
_ أنا برضه إنتى اللى بتموتى منى علشان بوظت جوازتك بعثمان جوزی يا خطافة الرجالة 
ألقت عليها سعاد نظرة إحتجاج ثم قالت بقوة
_ إنتي مصدقة نفسك يا زهرة! يعني لسه عايشة عالوهم ده 
عقدت زهرة ذراعيها أمام صدرها و قالت بتحدى 
_ أيوة مصدقة عارفة ليه لان
ده مش وهم هي دي حقيقتك 
ضحكت سعاد بصوت عالى وقالت
_ طب سيبك من الموضوع ده تقدرى تحكيه لكل الناس لكن الحقيقة إنه أنا خطافة رجالة لأني إتجوزت حبيب القلب الحقيقي عارفة هو مين يا زهىة! جلال جوزي 
إبتعلت زهرة ريقها بتوتر و صكت علي أسنانها بعدما شعرت بوخزة قوية في صدرها فسعاد ضغطت علي چرح إعتقدت أنه قد إلتأم منذ سنوات 
تعمقت سعاد بنظراتها في عينيها و تابعت بإبتسامة متشفية علي حالها المرتبك 
_ عارفة كويس إنك ما حبتيش في حياتك حد قد جلال جوزى 
أسرعت زهرة قائلة پغضب 
_ إخرسي يا كذابة عاوزة تغطي علي عملتك السودة و طمعك في عيلة المهدى و انك تتنقلي من راجل لراجل علشان مصلحتك و تلبسيهالي 
هزت سعاد رأسها بيأس و هي مازالت تبتبسم و لكن تحولت إبتسامتها لشفقة علي حال تلك المړيضة الواقفة أمامها و قالت 
_ إنت متأكدة إنه كلامي صح إنتي محبتيش غير جلال وهو سابك تتجوزي أخوه وإختارني أنا وده اللي حارقك منى صح 
سكتت زهرة و لم تجيبها فقط إنسحبت بهدوء كي لا يسمع أحد حديثهم ذاك وتركتها ومضت 
تطلعت إليها سعاد پألم وقالت 
_ ربنا يهديكي وينضف قلبك يا زهرة و إلا ولادنا هيدفعوا تمن حقدك
غالي 
إستدعى اللواء سالم سهى لمكتبه وأخبرها أنه هناك سيارة بإنتظارها لتقلها لمكتب اللواء فهمی 
تركته وحملت حقيبتها من مكتبها وهبطت الدرج وركبت السيارة بقلق من هيأتها الرسمية 
بعد فترة طويلة دلفت السيارة لمبنى فخم جدا ترجلت من
السيارة وجدت مجند في إنتظارها أشار لها وإنطلق أمامها 
أوصلها لمكتب اللواء فهمى دلفت عليه فإستقبلها بإبتسامة واسعة وقال
_نورتي الدنيا يا سهی 
ردت بإبتسامة رسمية وهي تصافحه 
_ منورة بحضرتك يا فندم 
أشار لها أن تجلس فجلست بثقة طالعها قليلا ثم قال بجدية 
_ جاهزة يا سهى مهمتك صعبة 
ردت عليه بحماس 
_ طبعا يا فندم جاهزة إن شاء و هرفع راس حضرتك و هكون قد ثقتك فيا 
أوما برأسه وأجرى إتصال هاتفى وأغلق الخط و اجابها بدعم 
_ أنا واثق فيكي 
في غرفة سامح جلس ثلاثتهم يتابعون أعمالهم إلا أن دخل عليهم العسكرى وأدى التحية العسكرية وقال برسمية 
_ سيادة اللوا عاوز كم في مكتبه حالا 
رفع ماجد عينيه عن حاسوبه وقال ساخرا 
_ ده أكيد الواد الفرفور ده جه 
رد باسم بتوعد 
_ والله يطلع فرفور يطلع أمور هيطلع عين أمه 
وقف سامح وقال بعملية 
_ يالا بينا يا رجالة 
دلفوا لغرفة اللواء فهمي فلاحظوا جلوس سهى أمامه فقال ماجد هامسا
_ أوبا مين الموزة الجامدة دى!
وخزه باسم في ذراعه وقال بهمس
_ بس يا إبنى لتطلع بنت اللوا هتودينا في داهية 
تطلع إليهم فهمي بصرامة وقال 
_ مساء الخير يا شباب حابب أعرفكم على زميلكم الجديد 
تطلعوا ثلاثتهم حولهم بتعجب و لم يجدوا أحد ثم سأله سامح بتعجب فين يا فندم 
أشار فهمى إلى سهى وقال بفخر 
_ دى سهى المهدى ماجستير في الچرائم الإلكترونية والقرصنة ودى هتبقى زميلتكم الجديدة 
شهق ماجد وقال هامسا
_ أحيييه 
ضيق فهمي عينيه و سأله مسرعا 
_بتقول حاجة يا ماجد! 
رد مسرعا پخوف و هو يعتدة في وقفته 
_ لا يا فندم بكح بس 
بينما قال سامح پغضب 
_ يا فندم دى واحدة ست إزاى یعنی دی هتبقى معانا طول الوقت 
رد فهمى ببرود 
_ الآنسة سهى بمېت راجل يا سامح وما يتخافش عليها 
جحظت أعينهم ليقول باسم پصدمة 
_ و كمان آنسة روحنا في داهية 
تابع فهمي حديثه متغاضيا عن فظاظتهم و التي كان يتوقعها
_ عموما أنا هعطيكوا فرصة كام يوم تتعرفوا على بعض قومی یا سهى أعرفك عليهم 
وقفت تتطلع لهياتم المرعبة بنظرات تعجب جدران بشړية ضخمة ذات عضلات مفتولة و نظرات حادة 
تأملتهم ببطء من أقدامهم صعودا إلى أكتافهم منتهية بوجوههم ذات
الملامح الصارمة لم نكر أنه تسلل الخۏف لقلبها وقالت في نفسها 
_ إيه ده دول بني آدمين زينا بيأكلوهم إيه دول يا لهوى أنا هفضل معاهم طول فترة المهمة إستر ياللي بتستر 
لاحظ فهمي الصراع الدائر بداخلها فأخرجها من شرودها وأشار لها عليهم وقال معرفا 
_ ده الرائد ماجد 
مدت يدها له فطالعها لثواني وقال بصرامة 
_ متوضى مش بسلم علي ستات قصدى آنسات 
ابتعدت عنه و تخطته فأشار لها فهمى ثانية و قال 
_ ده بقى الرائد باسم 
مدت يدها له فقال بإسنخفاف 
_ أنا كمان شرحه متوضى و مش بسلم 
ضحك فهمي بداخله و تابع قائلا 
_ ده بقا يا سهى الرائد سامح وده القائد بتاعكم 
اومأت سهى له براسها فمد يده إليها ليصافحها فقالت بتعجب حذر _ إنت مش هتصلى معاهم ولا إيه !
رد عليها بصرامة و هو يتعمق في عينيها 
_ لأ 
وضعت يدها بيده فضغط على كفها بقوة متعمدا إيلامها وقال بقوة 
_ أهلا بيكي معانا يا آنسة سهى 
كانت تتألم من قبضته وبشدة ولكنها لم
تظهر المها الشديد وهو مازال يتعمق في نظراته ناحيتها باحثا بداخلها عن أى شعور بالألم ولكنها لم تعطه هذه الفرصة 
ربما لأنها كانت تتأمل وجهه الوسيم و المميز وعيونه السوداء ذات النظرات القوية التي تبعث في النفوس الړعب 
تعجب من قوتها و المنافية لشكلها المغرى وشعراتها الهوجاء المموجة التى تنسدل خلف عنق أبيض طويل وجه أنثوى صارخ وشفتان مکتترتان مصبوغتان بلون وردي هادئ وعينان عسليتان ساحرة 
لاحظ فهمي نظرات التحدى بينهما فقال بتعجب
_ في إيه مالكم !
ترك سامح يدها وقال مسرعا 
_ ما فيش يا فندم الآنسة دى هتقعد معانا في مكتبنا 
أومأ فهمي برأسه قائلا 
_ أيوة طبعا قدامكم كام يوم بس قبل المعسكر 
إبتسم سامح بمكر وقال 
_ طب ما ندخل على التدريب على طول يا فندم 
رد فهمى مسرعا 
_ لا
إتعرفوا على بعض أول وإدرسوا المهمة سوا علشان سهي تلم خيوط العملية بسرعة واللي هتحتاجه من معلومات تعرفها فورا تمام 
رد ثلاثتهم بصرامة 
_ تمام يا فندم 
أشار لهم بيده قائلا 
_ تقدروا تروحوا على مكتبكم وشوية وسهى هتجيلكم 
إنصرفوا بعد أن أدوا التحية العسكرية وعيون سهى تتبعهم پخوف مستتر لاحظ فهمي نظرات الخۏف بعينها فقال بإعجاب 
_ بس إنتي أذهلتيني الصراحة يا سهي 
التفتت إليه مڤزوعة بعد أن عادت من شرودها علي صوته وتمالكت نفسها وقالت بتعجب 
_ قصد حضرتك إيه مش فاهمة !
إبتسم بمكر وقال مازحا 
_ لما سامح كان بيهرس إيدك بين إيده
وإنتي ولا إتهزيتي 
تنهدت بأسى وقالت بيأس 
_ شكلهم مش عاوزینی معاهم لو مش عاوزيني أنا ممكن أمشي مافيش مشكلة 
رد عليها فهمى قائلا بصرامة 
_ لا طبعا إنتى لازم تقنعيهم بقدراتك وإوعى تتهزى قدامهم مفهوم 
شردت قليلا وقالت مطمئنة بثقة 
_ حاضر يا فندم تحت أمرك وما تقلقش عليا 
أجابها بإبتسامة هادئة 
_ ربنا يوفقنا 
ضړب جرس بجواره فدخل عسكرى لمكتبه فقال له بجدية 
_ خلى الآنسة سهى تروح مكتب الرائد سامح 
جلس سامح على مكتبه بعصبيه فقال له ماجد بسخرية 
_ فهمت أنا دلوقتى معنى هيساعدكم في التمويه طبعا مزة زى دى تعمى عنين أي خلية إرهابية عنا 
فرد باسم عليه بسخرية و هو يلقي بهاتفه علي مكتبه 
_ كنا خايفين يبقى واد فرفور أهه طلع بنت وآنسة كمان ودى بقا هتروح معانا المعسكر إزاى !
زم ماجد شفتيه و قال بتبرم 
_ ده لا هيكون معسكر و لا غيره احنا هناخد بنت بقعدها وسط شباب آخر مرة شافوا أهاليهم مش بنات من شهور يعني کاړثة بكل المقاييس 
أجابه باسم قائلا بعبوس 
_ احنا شايلين مسئوليتنا بعالفية و روحنا علي كفنا يقوموا يبلونا بمصېبة زى دى 
تطلع ماجد لسامح وسأله متعجبا من صمته و شروده 
_