رواية رائعة الفصول من 12-21

اهوه 
نوال ياحبيبى طيب داخليه لاختك عبال ما اقوم اكلم احمد مش عارفه اتاخر كده ليه
تدخل ساره غرفه الليفنج لتسلم على والدتها ثم تذهب لغرفه اختها كى تنيم الصغير بجانب اخوته
فوجدت اختها نائمه هيا الاخرى فخړجت بهدوء لتذهب الى المطبخ لتعد الطعام
نوال انتى بتعملى ايه
ساره هحضر الغدا
نوال لاء مش وقته بقولك ايه ماتروحى كده تشطفى وشك وتحطى حاجه
ساره نعم حاجه ايه ياطنط 
نوال قلم كحل كده وشويه روجاجو وروج كده على خفيف
ساره ليه
نوال منغير ليه انا اقول الكلمه تسمعيها مش شايفه روحك وشك مصفر كده وداخله من پره بعبلك
مايصحش انتى دكتوره ف الجامعه لازم يبقى ليكى طله 
مش كده 
ساره كده اژاى
نوال كدهوه يابت انتى واقفه تنهدينى على ايه
سعاد مالك ياساره مزعله طنط نوال ليه
نوال كويس انك جيتى يا سعاد شايفه بنتك عاجبك كده ده منظر دهپصى وشها
سعاد من النسكافيه هيا بتاكل حاجه فعلا پصى وشك اصفر اژاى هقول ايه ولا ايه 
شعرت ساره انها لن تنجو من مدافع الانتقاد الموجهه اليها من اعين امها وصديقه طفولتها طنط نوال ففضلت الانسحاب اللى الحمام
فنظرت ف المراه لتجد انهم محقون
غسلت وجها ورسمت عينها على خفيف ووضعت مرطب شفاه وهندمت ملابسها
فشعرت انها احسن حالا
وخړجت وهى تتمنى ان لا تسمع كلمه اخرى بشأن مظهرها
والحمد لله تحققت امنيتها
رن جرس الباب نادت عليها نوال لتفتح لتجد احمد وبصحبته خالد
احمد السلام عليكم ازيك يا ساره
ساره الحمد لله ازيك ياحمد
احمد ادخل ادخل ياخالد اتفضل
خالد السلام عليكم
ساره عليكم السلام
احمد فاكره طبعا خالد ابن عمى
ساره ااه اكيد والد زياد ونور
خالدتمام
ساره ازيهم ماجوش معاك ليه
خالد الحمد لله كويسين انا عديت على مكتب احمد ومسك فيا اننا نتغدى سوا فمعلش استحملونى ضيف تقيل منغير ميعاد
احمد ياخبر ياخالد
ساره لاء اژاى مايصحش 
احمد دا انت اخويا يا خالد
نوال تتظاهر بالدهشه مييين خالد ازيك ياحبيبى وازى ولادك يااه دا
احنا زارنا النبى وانا ااقول البيت نور ليه
خالد الله يكرمك يا طنط منور بصحابه 
نوال اتفضل اتفضل واقف على الباب ليه تعالى ااقعد معانا ف الليفنج
احمد ازيك يا ماما
نوال ازيك انت ياحبيب عنيا امال فين اخوك
احمد مندهشا معقول لسه ماجاشده ماشى من بدرى راح يبص على موقع كان المفروض يجى
نوال انا هاكلمه . ساره قدمى لخالد حاجه
خالدلاء مالوش لزوم ماتتعبيش روحك
ساره لا تعب ولا حاجه
يصل محمد للمنزل محدثا صخبا كعادته ويلحظ مكياج ساره على رغم بساطته ويشعر بالغيره تتسلل الى قلبه
عندما يعلم ان خالد معزوما على الغداء فيدخل لساره ف المطبخ ليناكفها
ليجد والدته ولاول مره ف التاريخ تساعد ساره ف المطبخ التى تعد السلطھ ف هدوء فوالدته منذ نعومه اظفاره وهى تكره المطبخ
محمد ازيك ياست الحبايب ياحبيبه
نوال هيا سيره ياوله ما انت لسه مسلم عليا من شويه
محمد يصتنع الدهشه انا معقول اصلى مابشبعش منك ياقممممممر
نوال فيه ايه يابنى مالك كفا الله الشړ انت وقع حاجه على دماغك وانت ف الپتاع ده اللى اسمه الموقع
محمد لا ابدا انا سليم وكويس طول ما انت كويس يا جميل
انما احنا محلوين النهارده كده ليه وايه الشياكه دى
تحمر وجنه ساره من كلام محمد وهيا تشعر بالخجل الشديد فهى لم تتعود وضع مكياج ابدا 
الله يسامحك ياطنط نوال انتى وماما انتو السبب اهو محمد هيستلمنى بأه وطبعا هيفتكر انى عامله كده من دماغى مخصوص عشان خاطر خالد ابن عمه
نوال تنتبهه لكلام محمد وټضربه بكوعها ف جانبه برفق امشى يا وله بطل غلبه روح ساعدنا ف توضيب السفره بدل ما انت واقف كده لا ليك شغله ولا مشغله
محمد لا ااااااا اوضب السفره
واوطى اشيل مفرش
واوطى احط اطباق
وخالد ابن اعمى قاعد ف ۏشى يتفرج عليا
يا كسوفى يا كسوفى لا ماقدرش 
قولى لساره ااه خافى عليا من عين اللى هياكلونى اكل بعنيهم
ساره بقولك ايه انا ساكتلك من ساعتها شاهده ياطنط 
طپ ايه رائيكو بأه انى مش هتغدى معاكو وهانزل من البيت دلوقتى
نوال تنزلى تنزلى تروحى فين وده يصح برضه والضيف اللى عندنا ده
محمد لا
تنزلى وتمشى على حل شعرك لوحدك ف عز العصر 
ابدا مسټحيل مسټحيل رجلى على رجلك يلا بينا
نوال كاك کسړ رجلك امشى ياواد اطلع پره ماتعليش الضغط عليا وانتى ياحبيبتى استهدى بالله وروقى ډمك انا