رواية حصرية الجزء الاخير بقلم ياسمين الشام
المحتويات
بس ابوكي دلوقت
في السچن ابوكي اختلس اموال من الشركة وكلو متوثق وكمان موقع امك على تنازل عن البيت والعربية هو لازم ياخد جزائه
ضړبته على صدره بايديها بس دا بابا حرام عليكم حرام
وجريت للسلم وطلعت بسرعة طلعت وراها سمر ونادية
وفضل شهاب ودعاء بصت عليه پقهر
وهو ببص على السلم لحد ما غابو
الجزء التاسع عشر والاخير
قراءة ممتعة
خرج شهاب من اوضه الحج محمد
شاف نادية بتنزل و واضح انها مدايقة عشان حالة نيفين
ايه يا ماما طمنيني هي هديت
لا يا حبيبي والله صعبانة عليا دا مهما كان ابوها
هي بتشوفه غير ما حنا نشوفه.
طيب اعملها ايه يا ماما
هو الي جنى على نفسه انتي عارفة استحملناه قد ايه بس هو الي فضل يسوق العوج لغاية اخر يوم
قبل ما يتمسك
المهم يا ماما انا رايح الشركة شوية
وهاجي وهاجيب معايا ورد وجدتها
ماشي يا حبيبي ربنا يوفقك ويريح بالك
خرجت نيفين من القصر ركبت عربيتها وطلعت ع القسم طلبت تشوف امين وبعد شوية ودموعها بتنزل شافت ابوها متكلبش والقهر واضح على ملامحه
وقف الظابط يا انسة
انا هاسيبكم عشر دقايق بس ودا عشان خاطر شهاب بيه
جريت نيفين لحضن باباها
اااه يا بابا دي تبقى نهايتك ليه عملت بنفسك وفينا كدا
انا موجوعة عشانك وعشان ماما الي دمعتها ما بتنشفش
انا ازاي هاكمل حياتي وانت بعيد عني ومرمي في السچن ... اهي دي نهاية الطمع والسړقة شوفت بقيت فين
اتنهد امين بحزن يا بنتي الكلام دا ما عادش يجيب نتيجة
تقولي لامك تسامحني عشان خنتها
وخلي بالك من اخواتك هما دلوقت معادش ليهم حد غيرك
مامتهم مقطوعة من شجرة
روحي يا بنتي لشقة المعادي اتعرفي عليهم اوقفي جنبهم
ومهما قالولك مالكيش دعوة بيهم
افتكري ان هما اخواتك وما لهمش ذنب
لغاية ما اخرج من السچن
علي صوت شهقاتها بقوة حاضر
ومش هاتخلى عنهم انت بس خلي بالك من نفسك
ومشيت بسرعة وشوفتها لباباها بالحجز بټحرق قلبها
اتوجهت للشركة وعلى طول لمكتب شهاب
دخلت بدون اذن .. ولميا بتحاول تمنعها بس اتفاجئت انها مالقتش شهاب
زقت لميا ومشيت بعصبية
دخلت مكتبها وبقت ترمي كل حاجة تشوفها قدامها وتصرخ بعلو صوتها
لغاية ما وصل صوتها لباقي الموظفين وجريو يشوفو بيحصل ايه
دخل احمد انذهل من حالة نيفين
جري عليها و قدر يسيطر على انفعالها وبعصبية صړخ فيها اهدي اهدي يا انسة نيفين
انتي اټجننتي
شاف الموظفين الي متجمعين ببصولها باسغراب
معلش يا جماعة كل واحد لشغله
وانتي تعالي معايا
نترت ايديه وحاولت تعترض
بس رجع بقوة وسحبها وراه
لغاية الكراج ركبها بالعافية ع الموتوسيكل وركب وما اهتمش لاعتراضها
ومشي بسرعة لغاية ما وصلو لمنطقة جبلية مقطوعة بعيد عن الناس
نزلها وقال بعصبية شديدة
دلوقت تقدري ټصرخي .. اصړخي بعلو صوتك خرجي كل الي جواكي ..هنا ما حدش هايشمت بيكي ولا حتى هايحزن
فضلت تصرخ وتصرخ لغاية ما تعبت ونزلت على الارض وخف صوت عياطها وبقى تنهيدات هادية
نزل لمستواها
ارتحتي دلوقت يا نيفين
هزت راسها بدون كلام وعيونها في الارض
قعد قدامها .. رفع راسها وبص في عنيها ما دام هديتي
احكيلي عن كل الي مدايقك
عدا باقي النهار بهدوء نسبي
وعند شهاب نزل
من عربيته
الي لفتت عيون اهل الحارة بانبهار
استعجل بخطواته . ودخل عمارة ورد وصل لشقتها
اتنفس بهدوء عشان تهدا ثورة الاشتياق ..لوجودها بحياته .. وعدل على شكله وخبط بهدوء
فتحت ورد وهي بكامل اناقتها وحشمتها والحجاب الي زود قيمتها في عيون شهاب وزاد من براءتها وجمالها
بصت عليه و خجلت من نظراته اتفضل
ابتسم لخجلها اتفضل فين انتي الي ياريت تتفضلي تنزلي عشان نمشي
طيب ادخل استريح على بال ما تيته تجهز
دخل مستعجل طيب هي فين
شاف الحجة فاطمة خارجة وبتقفل باب الاوضة.. تيته يا حبيبتي تعالي اساعدك في النزول و ورد تشقر ع الشقة وتقفلها بلاش تضيع الوقت
ضحكت الحجة فاطمة ومشيت معاه
و ورد فرحانه وكاتمة ضحكتها على لهفة شهاب واستعجاله و مكسوفة من الي جاي
وصل شهاب للقصر
ومعاه ورد والحجة فاطمة
وجيه في عربية تانية عمر وعليا ومعاهم ادهم
بعد ما عمر عدل على شكل ادهم الي كان متبهدل ع الاخر
وفضلو في العربية لغاية ما شهاب يديهم خبر يدخلو
دخل شهاب و ورد وماسكين الحجة فاطمة للصالة
كانو قاعدين كلهم عدا دعاء الي خاېفة من المواجهة مع جدها ...بعد ما اترجت شهاب لاخر مرة انها تطلق ويتجوزها ولو على الورق
وهو رفض بشكل قاطع وقال اتحملي نتيجة اختيارك
ابتسم الحج محمد بقلبه اول ما شاف ورد والحجة فاطمة
واتكلم بجدية
اهلا اهلا بالكدابة المحتالة
وقفت ورد پصدمة وعلى طول دمعت عيونها
اتفاجئت باستقبال الحج محمد
بصت لشهاب لقيته واقف جنبها بجمود
كمل الحج محمد اتفضلي يا حجة فاطمة اهلا وسهلا اقعدي حضرتك
قعدت الحجة فاطمة ازايك يا حج محمد
الحمد لله يا حجة
نزلت دعاء بهدوء من غير ما حد يحس عشان تشوف المقابلة بين ورد وجدها وشافت الي حصل شمتت على استقبال جدها لورد
ضحكت
متابعة القراءة
