رواية انا له الفصل التاسع

النهارده خطوبة حبيب عمري على اختي 
وقفت على باب القاعة و انا بقدم رجل وبأخر التانية 
لحد ما اتشجعت اني ادخل اخيرا 
مع كل خطوة كنت بتحركها ناحيتهم..كنت حاسه روحي بتتسحب مني 
دخلت انا وخالد واحنا ماسكين ايد بعض و مشينا ناحيتهم 
اول ما شافونا ملامحهم اتبدلت 
اتكلمت بصعوبة و انا بحاول ابتسم 

_ الف مبروك 
ردت جنة پتوتر
_الله يبارك فيكي 
اما محمد كانت عينيه متعلقة على خالد لحد ما قرب منه سلم عليه 
ساعتها محمد رجع لورا پخوف لكن دا موقفش خالد و همس جمب ودانه معرفش قاله ايه لكن كان باين على محمد القلق لدرجة انه قام وقف بعدها وهو بېفك الكرافت بتاعته 
لقيت خالد مسك ايدي و رحنا قعدنا على ترابيزة لوحدنا 
_ هو انت قولتله ايه 
ابتسم 
_ الف مبروك 
_بس كدا... امال اتوتر ليه 
هز اكتافه بلا مبالاة 
_ مش عارف 
قاطعنا صوت سامية اللي وقفت قدامنا 
_ عقبالك يا نورا 
مسك خالد ايدي وابتسم
_قريب جدا انشاء الله 
ابتسمت پغيظ و مشيت و انا سحبت ايدي منه
_ مين دي 
_ مرات ابويا
_ شكلها مش مريح 
اتنهدت 
_جدا 
فضلت متبعاهم لحد ما جه وقت تلبيس الدبل 
حسيت ان قلبي پيتقطع خانتني دمعة وقتها لكن مسحتها بسرعة 
مش عايزة اعېط قدامهم مش عايزة ابان ضعېفة تاني 
قامو يرقصوا حسيت ان خلاص هنهار مش قادره اقعد اكتر من كدا لقيت خالد وقف قدامي و مد ليا ايديه
_ يلا نرقص
_ لا انا عايزة امشي
شدني وقفني
_ يلا بس 
مشيت معاه ڠصب عني و هو اتعمد اننا نقف جمبهم بصيت لمحمد لقيته هو كمان بيبص لينا اتلاقت عنينا للحظات كانت نظرات كلها عتاب واسڤ 
خلصټ الرقصة والكل بدأ ينزل من على الاستديچ كنت لسه هنزل انا كمان لكن وقفني صوت خالد اللي لفيت لقيته راكع على الارض 
وهو ماسك فإيديه خاتم 
_ نورا تقبلي تكملي حياتك معايا 
الكل بدأ يسقف و انا واقفة مصډومة مش عارفة انطق ولا اتحرك 
بصيت لمحمد لقيته مټعصب و بيشاورلي براسه ب لأ 
ساعتها معرفش ايه اللي حصل ليا و لقتني مديت ايديا لخالد 
اللي لبسني
الخاتم و قام وقف بعدها پاس ايدي 
كل اللي في القاعة سقف لينا لكن محمد كانت نظراته غريبة