رواية نوفيلا38 الفصول من الاول للخامس والاخير بقلم الكاتبة الرائعة

كويس وكمان مش هيكمل علاج امك جود قاله انا بعدت عن البنت اللى بحبها عشان انت جبرتنى وعشان امى بس ارجوك سبنى هنا لان هنا ليا ذكريات حلوه كتير متحرمنيش منها بترجاك 
فمروان قاله انت لو بتحب جورى ابعد وسبها تشوف مستقبلها انت واحد فقير افرض ان جورى حصلها حاجه زى امك كده وقتها هتتصرف ازاى انت واحد فقير ومتستهلش انك تحب لان الحب ممنوع للفقراء اللى زيك سبها ياجود لغيرك اللى معاه فلوس واللى هيقدر يهنيها ويسعدها 
جود بيبصله وبيسمع كلامه وهو بيبكى لان كلامه كان قاسى اوى فجود بصله ومسح دموعه وقاله بس عشان سعاده جورى انا همشى بس موعدكش ان حبى ليها هيقل او انى هنساها لانها هى ساكنه جوه قلبى وعقلى وسابه ومشى 
وبالفعل جود اخذ امه وسافر الكويت 
جورى كل لما ترن على جود يديها غير متاح فرمت التلفون على الارض وفضلت تبكى وتقول ياترى ياجود روحت فين وسبتنى انا قلبى بيقولى انك مش بخير ايوه اكيد حصله حاجه انا لازم اروح اطلب المساعده من بابا 
جورى راحت مكتب مروان وهى بتبكى فمروان بصلها لقها مڼهاره وبتقول بابا ارجوك ساعدنى 
فمروان قام بسرعه وجرى عليها واخذها فى حضنه وقال جورى مالك فى ايه 
فجورى قالت جود يابابا فمروان بصلها وهو متعصب وقال مالو جود فجورى قالت بابا انا خبيت عليك حاجه المفروض كنت اقولك عليها 
فمروان ابتسم وقال تعالى ياجورى اقعدى هنا وانا هفهمك كل حاجه فجورى بصت باستغراب وقالت تفهمنى ايه انا عاوزه اقولك على حاجه الاول فمروان قالها قولى ياجورى 
فجورى بصتله وقالت بابا انا وجود بنحب بعض وانا بحبه اوى واتعلقت بى وهومره واحده اختفى انا قلقانه عليه اوى يابابا ارجوك دور عليه وطمنى عليه
فمروان قال انا عارف فجورى بصتله باستغراب وقالت عارف ايه فقالها عارف انك والواطى ده بتحبو بعض وعشان كده انا كنت حابب اطمن على مستقبل بنتى فعملتله اختبار بسيط وللاسف سقط فى الاختبار وطلع ندل
جورى بتبص باستغراب ومش فاهمه حاجه فقالت وهى بتبكى بابا ارجوك اتكلم من غير الغاز انت عملت ايه فى جود
فمروان قالها انا لما عرفت بقصة حبكم بصراحه كده مستريحتش وكنت حاسس انه طمعان فى فلوسك فروحت وخيرته بينك وبين انه ياخد فلوس ويسافر اختار السفر والفلوس هو باعك مقابل الفلوس يعنى هو ياجورى كان بيلعب عليكى وبيرسم الحب عشان بس فلوسك هو واحد ندل وجبان استغل مشاعرك وطيبه قلبك لصالحه
جورى مصدومه من اللى هى بتسمعه فصړخت باعلى صوتها وقالت لا مستحيل جود يعمل كده اكيد فى حاجه غلط جود بيحبنى وانا بحبه وهو قالى اننا هنتجوز ونعيش سعداء لالالالا اكيد يابابا انت فاهم غلط
فمروان حضنها وقالها حبيبتى دى الحقيقه المره ولازم تتقبليها وتنسيه هو ميستهلكيش انتى لازم تبقى قويه ومتضعفيش
جورى فضلت فى حزن واكتئاب فتره كبيره كانت كل يوم بتتمنى ان قلبها يشفى من الالم والۏجع كانت بتدعى وتطلب من ربها انه يطلع جود من قلبها لكن هى مقدرتش لاتنساه ولا تبطل تفكر فيه
ومر فتره وجورى اتخرجت من الجامعه 
مروان تعب جدا وطلب من جورى انها تدير الشركه بتاعته بنفسها وانها متبعهاش لانه هو وابوه تعبو جدا فى الشركه دى عشان تكبر وفى يوم من الايام مروااان ماات وساب جورى فى الدنيا لوحدها قلبها اتجرح مرتين 
جورى فضلت تحاول انها تكمل حياتها وبالفعل قررت تزل الشركه مع انها مكنتش تعرف اى حاجه فى الادراه وازاى تديرها بس قالت هحاول ولو فشلت مره هتعلم من فشلى ده 
جورى قامت الصبح بدرى وجهزت نفسها وراحت الشركه وهناك عملت اجتماع وقالت انا هنا هبقى المديره الجديده وبتمنى من الكل انه يدعمنى ويساعدنى فى الاداره انا عاوزه الشركه دى تكون ناجحه وتعلى مش تقل من بعد بابا
وبعدين دخلت المكتب وقعدت وفضلت تبص على الملفات وتدرس الاداره فدخلت عليها موظفه اسمها نرمين فجورى قالتلها اتفضلى فنرمين ابتسمت وجت وقعدت وقالتلها انا جاهزه انى اسعادك واكون صديقه ليكى تقبلى فجورى ابتسمت وقالتلها اكيد اقبل وبالفعل جورى ونرمين بقو اصدقاء جدا وكل الموظفين كانو بيساعدو جورى فى الاداره 
وفى يوم من الايام نرمين دخلت على جورى وقالتلها جورى الحقى فجورى قالت فى ايه فقالتلها احنا خسرنا كل الاسهم اللى اشترناها والشركه احتمال كبير انها تفلس فجورى قالت لا مستحيل اخلى الشركه تقع احنا لازم نعمل المستحيل عشان ننقذها 
فجورى جمعت كل الموظفين فى اجتماع وقالتلهم كل واحد عنده فكره ننقذ بيها الشركه يقول الشركه دى مصدر رزقكم وكمان مصدر قوتى وبتفكرنى ببابا احنا لازم نتعاون ونحاول ننقذها 
ففى موظف قال انا عندى فكره فجورى قالتله قول بسرعه
فالموظف قال احنا لازم نعرض جزء من اسهم الشركه للبيع ويبقى معانا شريك وبالفلوس دى نسدد الديون اللى علينا ونحاول نعوض الخساره وبعد ما نقف على رجلينا نشترى الاسهم