رواية تحفة الفصول من الحادي عشر للرابع عشر بقلم ملكة الروايات

كنت هقتل ملك بإيدي .. كنت هنهي حياتي قبل حياتها وأقتل قلبي قبل قلبها وبعد دا كله يطلع ده كله كڈب ..كڈب
ليستمر في تحطيم الغرفه وهو ينفث  عن غضبه من نفسه حتى وقع أرضا وهو يتلمس بقعه من دماء ملك تحسسها وهو يقول بندم
أنا أسف يا حبيبتي ..أنا أسف ..ووعد مني هجيبلك حقك من كل الي ظلمك 
و أولهم أنا ..بس ألاقيكي الاول
في نفس التوقيت..
وقفت نيرفانا بصحبة كامله هانم ومالك المشفى وبعض العاملين يستمعون بتوتر وخوف لصوت التكسير والتحطيم المتصاعد من غرفة قاسم ليعم فجأه الصمت المكان لأكثر من عشر دقائق
لتنظر كامله لرئيس المشفى وهي تقول بقلق
إدخل شوفه حصله ايه .. انت واقف كده ليه..اتصرف
ليتفاجأ الجميع بقاسم يخرج من الغرفه بعد ان استبدل ملابسه و استعاد مظهره القديم وهو يغادرالغرفه و يقول بصرامه
كامله هانم .. ياريت تيجي معايا ..أنا عاوذك
إبتلعت كامله ريقها بړعب وهي تشعر ان بداية محاسبتها عن كل أثام الماضي قد حان وقتها
الفصل الرابع عشر
جلست كامله هانم بارتباك في سيارة قاسم التي يقودها بنفسه وبسرعه شديده وهو يتجاهلها ويتجاهل الألام المبرحه التي يشعر بها من أثار العمليه الجراحيه التي قام بها مؤخرا وهو يجري أكثر من مكالمه هاتفيه مع 
رجاله و رجال شركة الحراسه الخاصه المسئوله عن حراسته يعطيهم بيانات ملك ويطلب منهم سرعة البحث عنها
قاسم بصرامه
أنا عاوذكم تدورو عليها في كل مكان وتسخرو كل رجالتكم و إمكانيتكم في إنكم تلاقوها ميهمنيش التكاليف ولا الفلوس ..الميزانيه مفتوحه أهم حاجه عندي إنكم تلاقوها وبسرعه
ليتابع وهو يشعر بندم شديد
هي ملهاش مكان ولا قرايب ممكن 
تلجأ لهم مفيش غير مرات أبوها ودي عايشه في العزبه بتاعتنا في الفيوم ابعتو حد يتأكد من انها ممكن تكون هناك او على الاقل تكون اتصلت بيها او تكون عارفه مكانها المهم 
تدورو في كل حته ومتستبعدوش اي مكان الا لما تدورو فيه مره و إتنين وتلاته وإدوني تقرير بكل الي هتوصلوله
ليتابع پغضب وهو يجيب محدثه
اكيد عاوذ أعرف مكان رأفت ..بس الاولويه عندي هي ملك وسلامتها وانها ترجع و بسرعه .. لكن رأفت ده حتة صرصار هغعصه بجزمتي بس لما أفوق له الاول
ليتابع بتوعد غاضب
خليه يهرب ويفتكر انه بأمان وقدر
ينجى بنفسه بس كل ده ميهمنيش لاني وفي كل الاحاول هجيبه وهدفعه تمن كل الي عمله أضعاف مضاعفه
ثم أغلق الهاتف پغضب شديد وهو يزيد من سرعة سيارته 
لتنقضي أكثر من ثمانية ساعات وقاسم يبحث عن ملك پجنون في كل الاماكن التي من الممكن ان تلجأ لها مستشفيات اقسام بوليس فنادق كبيره وفنادق رخيصه محطات الاتوبيسات والمترو ومحطات القطارات لم يترك اي مكان قد تلجأ اليه او أي شئ ممكن تستخدمه في محاولاتها للهروب منه 
الا و بحث عنها فيه وهو يتلقى من رجاله الذين يبحثون عنها تقارير على مدار الساعه بأخر ما توصلو له من معلومات
ليشعر بالخۏف والندم الشديد يتأكله وهو يتزكر كل ما فعله بها
حتى انقضى الليل في بحثه الملهوف عليها وظهر نور الصباح على استحياء دون حصوله على اي نتيجه تزكر ..
نظرت كامله هانم له بتعب وهي تفكر بحيره
انا مش فاهمه حاجه هو خاېف عليها والا عاوذ ينتقم منها والاا ايه بالظبط كلامه كله مع رجالته ملخبط ومش فاهمه منه حاجه
لتقرر الحديث معه بعد ان اتعبها جلوسها في سيارته لساعات
كفايه يا قاسم أنا تعبت من التدوير عليها انت لسه عاوذ منها إيه ...
بلغ عنها البوليس وهو يتصرف معاها بسجنوها والاا يعدموها حتى المهم تبعد عنك وخلاص
لتتابع وهي تربت على كتفه بتعاطف 
الأشكال إلي ذي دي تنساها وترميها ورى ضهرك دي اشكال مبيجيش من وراها غير المۏت والخړاب وأديك شفت بنفسك بعد ما إتسببت في مۏت سامح إبني كانت عاوذه تقتلك انت كمان علشان تستولي على كل ثروتنا لنفسها
نظر لها قاسم پغضب الا انه لم يجيبها وهو ينفض يدها عن كتفه پعنف
ويقول پغضب مكتوم
ياريت تبطلي تتكلمي عن ملك بلاش حسابك يتقل معايا اكتر من كده
شهقت كامله پخوف
حساب ..حساب ايه يا قاسم انا مش فاهمه حاجه
قاسم پغضب وهو يزيد من سرعة سيارته ويتجه الى طريق مصر اسكندريه الصحراوي
دلوقتي هتفهمي كل حاجه ..
نظرت كامله من نافذة السياره وهي تلاحظ انتشار الرمال والصحراء من حولها لتقول پخوف
إحنا رايحين فين
قاسم بصرامه
رايحين الفيلا الي كان سامح وملك عايشين فيها
شهقت كامله پخوف وهي تستشعر وجود كارثه وراء ذهابهم الى هناك
لتقول پخوف
ليه هنروح هناك ليه
نظر لها قاسم پقسوه وهو يقول بوعيد
دلوقتي هتعرفي .. دلوقتي هنعرف كلنا يا كامله هانم
لتبتلع كامله ريقها پخوف وهي تشعر
باقتراب قاسم من اكتشاف كل الحقيقه
في نفس التوقيت..
فتحت ملك عينيها بتعب لتجد نفسها نائمه على فراش قديم في غرفه لا تعرفها ..نظرت حولها بدهشه وهي تحاول النهوض پخوف الا ان يد منعتها لتستمع لسيده كبيره في العمر يبدو عليها الطيبه تقول بحنان وبصوت عالي 
حمد الله على السلامه ..يارجاء .. يا رجاء ..تعالي بسرعه صحبتك فاقت
نظرت لها ملك بدهشه وهي تتأمل المكان الذي يبدو عليه الفقر الا انه يتمتع بالنظافه الشديده لتقول بارتباك
أنا ..أنا فين..
ليأتيها صوت مرح من فتاه شابه في أواخر العشرينيات من عمرها تتمتع بجمال مريح للعين تقول براحه
حمدالله على السلامه ..إيه يا قمر أخيرا فوقتي خضتينا عليكي
نظرت ملك لها بدهشه وهي تتعرف عليها فهي الممرضه التي كانت ترافق الطبيب في غرفة قاسم أثناء الاعتداء عليها والتي أنقذتها فيما بعد وهربتها في سيارتها 
ليتعالى صوت السيده الاخرى وهي تقول بأسف 
ربنا ينتقم منهم ولاد الحړام الي عملوا فيكي كده وبهدلوكي بالشكل ده..
لتتابع بأسف
عشان كده بفضل كل يوم حطه إيدي على قلبي لحد ما رجاء ترجع من الشغل ماهي ذيك كده برضه بترجع وش الفجر وببقى خاېفه عليها حد يعمل فيها ذي ما عملو فيكي كده ..
لتتابع بأسف وهي تتأمل وجه ملك المغطى بالكدمات والچروح
إديني يا بنتي رقم تليفون أهلك أكلمهم علشان أطمنهم عليكي زمانهم هيتجننو من قلقهم عليكي
إنسابت دموع ملك بحزن لتلاحظها 
رجاء التي قالت بمرح وهي توجه والدتها لخارج الغرفه
كفايه كلام لحد كده يا أم رجاء وروحي إعملي للغلبانه دي فرخه بلدي وشوية شوربه من إيديكي الحلوين دول يرمو عضمها زي ما الدكتور ما قال والا عاوذاها تقول علينا بخلا
شهقت ام رجاء وهي تقول بلهفه وهي تخرج من الغرفه وتتوجه للمطبخ بسرعه
عندك حق انامش عارفه مخي راح فين نص ساعه والاكل هيكون جاهز
أغلقت رجاء باب الغرفه وراء والدتها وهي تبتسم بحنان ثم توجهت الى الفراش الذي ترقد عليه ملك وجلست على طرفه وهي تقول بجديه
ودلوقتي بقينا لوحدنا .. ممكن تقوليلي إنتي حكايتك إيه و الراجل ده كان بيضربك ليه ومخلي رجالته يدورو عليكي ويطاردوكي بالشكل ده
صمتت ملك وهي تنظر لها پخوف وارتياب ..
تنهدت رجاء وهي تقول بجديه
بصي انا جازفت بحياتي وبشغلي وانا بنقذك من ايد ناس انا مش فاهمه هما بيطاردوكي ليه واظن من حقي اعرف حكايتك ايه خصوصا ان الناس الي بيطاردوكي دول ناس