رواية نوفيلا21 الفصل السادس بقلم ملكة الروايات

واحدة ...أخذ ينظر هو الآخر لها بهلع وكأنما قلبه قد توقف ...ما قطع ذلك هو صوته المرتفع وهو يأمرها ان تصعد للأعلي بسرعة ...
قال لأخيه وهو يزجره ايه يا عم في ايه بتبص فين دي منقبة علي فكرة أهدي !!
نظر له بأستفهام ثم قال بلامح شاحبة مين دي !!
احم ...يعني ...دي مراتي 
حاولت شاهندة ان تنقذ الموقف وهي تقول الندل اتجوز مقالناش بس يلا اهه الحمد لله اننا شوفناه عريس وان شاء الله مش هنسيبه غير لما نعمله حفلة كده تليق بمقامه ...
لم يستطع ان يخفي اندهاشه وهو يقول بتلعثم مبروك يا فارس ...بس مقولتلناش ليه !!
انت شكلك زعلت صح !! يا بني الموضوع والله جه بسرعة اووي وانت اول واحد كنت احب انه يشاركني فرحتي ...ده انت ابني يلا قبل م تكون اخويا ...بس والله ڠصبا عني وكل م اتصل بيك الاقيك يا مشغول يا نايم ...
يا بني انت اهبل ازعل عشان انت اتجوزت !! هو اه اتضايقت انك مقولتش بس أهم حاجة في الدنيا انك مبسوط ..
جذبه الي صدره بقوة فهو أبنه الذي لم ينجبه وقد أشتاق اليه كثيرا ثم سأله عن حاله عامل ايه يا وحش !!
الحمد لله واحسن لما شوفتك 
أبتسم له ابتسامة كبيرة وتركه في دوامة أفكاره التي أخذت تهاجمه بلا هوادة وأستأذن ان يصعد الي زوجته ...
نظرت شاهندة لزوجها وهي تقول وطبعا انت يا سي آسر عارف ومهانش عليك تقولنا ..ماشي ماشي بس خليك فاكرها ...
يعني اخوكي الي اتجوز عادي معملش حاجة وسامحتيه وانا الي غلطان !! خدي شيلي ابنك ده الي وجعلي ضهري 
اه طبعا م انت مش فارق معاك ...انت اب انت !! انا الي هبلة ورضيت اتجوزك من الاول ...
كالعادة تلك المناوشات المستمرة بينهما وقد اعتاد باسل عليها كثيرا بحكم سكنه معهما ولكن الان هو يتعذب من تفكيره ..أتكون زوجته !! كيف !! يا الله لما يكون هذا الحظ من نصيبه ! لقد أذنب وأقر بذلك وتاب الي الله ...ومن يومها وهو يتعذب من تأنيب ضميره ولكن ان يكون العقاپ بمثل تلك الطريقة !!! هذا ما لم يتخيله ابدا ....
صعد هو اليها بعدما تركهم كي يناموا فالوقت متأخر للغاية وعليهم الراحة من عبأ السفر ...بالطبع هم ليسوا ضيوف فتلك الفيلا خاصة بهم جمعيا فالمنزل الخاص بآسر وشاهندة في مصر يقع في الاسكندرية لوجود أقربائهما هناك وحينما يأتيان الي القاهرة يقيمان معه