رواية جديدة الفصل الثامن والتاسع والعاشر بقلم ملكة الروايات

هخش انام لان أنا جعانه نوم ابقى سلميلى على بابا وقوليله معلش مقدرتش اقعد استناه .
هدى بسعاده علشان شايفه الحب بين الأب وبنته ...ماشى يا حبيبتي خشى انتى نامى وانا هقوله
همس بابتسامه باستها من خدها ودخلت اوضتها غيرت هدومها وقعدت على السرير وقعدت تفتكر كل ذكرياتها معاه وهزارها وضحكها لما يبقى موجود كانت بتبقى مبسوطه لما تشوفه 
وقعدت تفتكر اللى قاله ليها أنه مبيحبهاش واكتشف أنه حب مراهقه وقعدت ټعيط بۏجع وحلفت أنها هتنساه ومعدتش هتفكر فيه وهتركز في مستقبلها وبس ومعدتش هتأمن لحد ولا هتغلط نفس الغلطه مرتين كفايه ۏجع قلب لغايه كدا 
ومحستش بنفسهاونامت منك كتر العياط .
___________________________
بعد اسبوعين معاد ظهور النتيجه ...
..في الاسبوعين دول ..
...عند همس...
كانت حزينه على طول بتاكل وبتشرب علشان محدش يحس بحاجه بس كانت كل يوم بليل تقعد ټعيط وتفكر فيه ولسه لغايه دلوقتي مش مصدقه أنه خلاص معدتش هتتكلم معاه ولا تسمع صوته 
..أما عند أحمد ..
تانى يوم باباه اخده وخلص ورق سفره وخلاص كلها اسبوع ويسافر يكمل تعليمه برا 
وأحمد منساش همس كان كل يوم يقعد يفتكر اليوم المشؤوم اللى كڈب عليها وقالها أنه معدتش بيحبها 
نزل احمد يشتغل علشان محتاج لفلوس وأبوه خلاص زي ما قاله معدتش هيصرف عليه 
والاسبوع عدي وأحمد سافر لعمه كندا وهيكمل تعليمه هناك وقرر فى نفسه أنه مش هيرجع غير وهوا مع الدكتوراه ومعاه فلوس يقدر يبنى المستشفى اللى بيحلم بيها 
ساعه ظهور النتيجه ...
احمد ظهرت نتيجته وجاب 98 وقدم ورقه فى كليه الطب فى كندا 
وهمس جابت نفس درجه احمد 98 5 ودخلت الثانويه العامه 
ومنة جابت 97ودخلت ثانويه عامه مع همس فى نفس المدرسه 
وكانوا العيلتين فرحانين ومبسوطين جدا بدرجات أولادهم
_________________________ 
في يوم وهمس قاعده على السفره مع عيلتها بتفطر
محمد باستغراب ....همس عرفتى أن احمد سافر 
همس كانت بتاكل واول ما سمعت اسمه شنقت وبعد ما شربت مايه قالت ....هوا سافر خلاص
محمد وهوا مستغرب ازاى لسه عارفه أنه سافر ...اها سافر بقاله اسبوع من قبل ما النتيجه تظهر 
وهوا ازاى سافر مش قلتى أن باباه وافق واول ما النتيجه هتظهر هتتخطبوا لغايه ميسافر ويرجع وانتى تبقى فى كليه
همس وقررت انها هتقولهم ...مهوا ملوش لازمه أننا نتخطب لاننا معدناش بنتكلم اصلا
محمد وهوا مش فاهم حاجه ...ازاى يعنى مش فاهم 
همس بحزن ...بابا احنا سيبنا بعض كل واحد هيكمل فى الطريق اللى اختاره بارداته واحنا اختارنا أننا نبعد 
محمد وهدى پصدمه من اللى بتقوله همس وقالوا فى نفس الوقت.......
............................
...البارت الرابع .... 
همس بحزن ...بابا احنا سيبنا بعض كل واحد هيكمل فى طريق اللى اختاره بارداته واحنا اختارنا أننا نبعد 
محمد وهدى پصدمه من اللى بتقوله همس وقالوا فى نفس الوقت...همس انتى بتقولى اي ازاى يعنى 
محمد بهدوء...هوا مش انتى قولتى أن باباه وافق اي اللى جد بقى فى الموضوع
همس بصوت مخڼوق وقالت وهيا بتقلب فى طبقها...هوا قالى كدا لما سألته على رأي باباه قالى كدا وفجأة غير كلامه وقالى بابا مرداش يساعدنى وانا هسافر اعتمد على نفسى وأبقى ارجع فقولتله ماشى وكل واحد يشوف مستقبله يا بابا 
محمد بارتياح قال...كدا احسن انتوا لسه صغيرين على كدا
كل واحد يبدأ يشوف مستقبله 
اهم حاجه متبقيش زعلانه يا روح بابا ماشى
همس وهيا على وشك العياط ..لا يا بابا أنا مش زعلانه هزعل ليه كل واحد حر في قراراته
هدى بابتسامه...كدا احسن زي ما قال باباكى انتى داخله ثانويه عامه ومحتاجه تركيز علشان تجيبى مجموع كبير 
همس وهيا قايمه من على الكرسى...عندك حق يا ماما أنا هقوم ادخل اوضتى لو عوزتى اي حاجه اندهيلى
هدى بابتسامه ...ماشى يا حبيبتي
__________________________ 
..في اوضه همس ..
همس وهيا قاعده على السرير وبتعيط قالت...أنا عارفه انى كذبت عليكوا بس مكنش ينفع اقولكوا أنه ضحك على بنتكم وطلع بيلعب عليها ومبيحبهاش 
وفجأة التليفون رن وقطع أفكارها ردت همس
همس بصوت مخڼوق...الو
منة بابتسامه ..همستى عامله ايه يا قلبى
همس بابتسامه حزينه ... الحمدلله وانتى عامله اي
منة بحزن على صاحبتها...أنا كويس يا حبيبتي 
همس وقررت انها تتكلم وتفضفض مع حد حاسه انها لو فضلت كاتمه في قلبها ھتموت وقالت ....منة انتى في البيت
منة باستغراب ...اها عايزه حاجه اجبهالك 
همس بسرعه ...