رواية موفيلا19 الفصل الاول بقلم ملكة الروايات

يا ام احمد
نظرت فاطمه خلفها ورأت المعلم مسعود صاحب القهوه خير يا معلم
المعلم مسعودكل خير. انا بعرض عليكي طلبي مره تانيه يا ست فاطمه
فاطمه پغضب هو احنا اللى هنعيده هنزيده يا معلم قولتلهالك وهرجع اقولهالك تاني انا عمري ما هتجوز انا عايشه عشان ولادي وبس
المعلم مسعود بترجيوانا هكون اب لولادك انتي عارفه ان ربنا حرمني من نعمه الخلفه وولادك هيكونوا ولادي وهكتبلهم اللى ورايا واللى قدامي
فاطمهعن اذنك يا معلم انا عندي شغل ومتأخره عليه
وغادرت من امامه اما هو فتنهد بضيق وقاللحد امتا هتفضلي عايشه في الماضي يا فاطمه
وبعدها اتجه الى القهوه واخبر الساعي ان يأتي اليه بالشيشه والشاي 
في احدي الاحياء الراقيه 
وصلت فاطمه الى فيلا المهدي ودخلت بعد ان 
سلمت على البواب ومرت على الجنايني وصبحت عليه 
واتجهت الى الداخل عن طريق باب المطبخ 
بدلت ملابسها بأخري خاصه بخدم المنزل وبدأت في عملها 
وسمعت صوت يأتي من الخارج كان هذا صوت سيده المنزل ثريا هانم 
دخلت ثريا المطبخ وقالت بأبتسامه جميلهازيك يا فاطمه
فاطمه بحب الحمد لله يا هانم حضرتك محتاجه حاجه اعملها ليكي
ثرياربنا يخليكي انا بس كنت جايه اقولك ان نور عاوز القهوه بتاعته في المكتب
فاطمه سريعامن عنيا يا هانم هحضرها واوديها ليه حالا
ثرياطب انا همشي بقي عشان الحق المستشفى هتعوزي حاجه
فاطمهربنا يحفظك يارب
غادرت ثريا وبدأت فاطمه في اعداد القهوه مخصوص وبعدها اخذتها وخرجت من المطبخ واتجهت الي غرفه المكتب وطرقت على الباب 
وبعد ثواني سمعت الاذن بالدخول فدخلت وهي تمشي بحذر لكي لا يفسد وش القهوه 
وذهبت ووضعتها على الطاوله 
رفع هو نظره عن الاوراق التي كان يراجعها وحين رأها نهض من كرسيه سريعا وهو يقول انتي اللى جايه القهوه يا داده انا مش قولت لحضرتك ترتاحي ومتتحركيش كتير
فاطمه بحب انا كويسه يا نور عيني بس انتا عارف انا مش بحب القعده
نور عارف المهم طمنيني احمد ودعاء عاملين اي
فاطمه الحمد لله كويسين اهو احمد بيحاول يعمل كل اللى عليه عشان يجيب مجموع كويس يدخله كليه الهندسه 
ودعاء زي ما انتا عارف مقضياها روايات ومش في دماغها الدراسه ابدا
نور بضحك تعرفي دعاء الله مش عحباكي دي هتنجح وتبقي شاطره جدا وبعدين انتي ديما بتقوليلى انها بتطلع الاولى على مدرستها
فاطمه اهو دي بقي اللى. نفسي اعرف هي بتعملها ازاى 
طول السنه مبتفتحش كتاب وبعدين الاقيها طالعه الاولى
نورتعرفي اني نفسي اشوفها بقالي اكتر من تلات سنين مشوفتهاش
فاطمهاهي كبرت اهي وكلها سنه وتبقي ثانويه عامه زي اخوها
نورربنا يحفظهم ليكي يا داده انتي طيبه وتستاهلى كل خير
فاطمهويحفظك يا بني ويحميك لشبابك ولعيلتك عن اذنك انا بقي اروح اشوف شغلي واسيبك عشان تشوف شغلك
نور اتفضلي يا داده
غادرت فاطمه من الغرفه وعاد نور يتابع مراجعه الاوراق التي امامه. وبعد نصف ساعه نهض من كرسيه واخذ الاوراق معه وخرج
من المنزل وذهب الى المستشفي الخاص بعائله المهدي 
يبني اتلحلح شويه وعلق البت بيك بدل ما انتا مخليها مش طيقاك كده
منصور يعني اعمل اي يابا ما هي اللى مش مدياني ريق حلو وعلى طول مكشره في وشي
عماد عم دعاء بقي انا اللى اقولك تعمل اي حاول تعمل اي حاجه تلفت نظرها المهم البت مترحش من ايديك انتا عارف امها وارثه عماره خمس ادوار ودعاء هيبقي ليها نصيب منها بعد ما امها تودع
منصورحاضر يابا هحاول اعمل اللى انتا عاوزه
ونهض وخرج من المنزل