رواية ناهد كاملة
المحتويات
وفكرتي فيها صح.
نظرت له بثبات وهي تجيبه بأعين مثبته عليه بقوة
_ مانا عقلت وفكرت فيها صح فعلا.
_ ده ازاي بقى اومال ايه الشنطة دي
_ لا دي مش شنطتي دي شنطتك أنت.
_ مين قالك اني ناوي اسيب بيتي!
احتدت نبرتها وهي تخبره
_ يكون عندي كرامة! لا أنا عندي كرامة اوي كمان متفكريش اني همسك في ديلك واقولك مش مطلقك لو ده اختيارك يبقى أنت الي اختارتي بس كوني عارفة إني مكنتش مخطط اني اطلقك ولا اسيب بيتي وولادي واعتقد ان في كتير زيي بيتجوزوا وبيوازنوا بين البيتين وفي ناس عندهم ٣ بيوت وعادي لكن مادام ده اختيارك فأنا مش هراجعك فيه.. بس افتكري كمان اني مظلمتكيش.. بس ياترى مين قالك اني هسيب شقتي وامشي!
_ مظلمتنيش! اه فعلا والناس الي بتتكلم عنهم دول كدابين كلهم محدش يقدر يعدل بين بيتين محدش يقدر يوازن بينهم انتوا بس بتريحوا ضميركوا..
حرك رأسه بيأس من الموقف وتنهد تنهيدة عميقة قبل أن يقرر فعل الأصلح.. ويبدو أن الأصلح هو ما طلبته..
وها هو يبرر لولديه غيابه عن المنزل يأتي ليراهم يوميا تقريبا لكنه بالأخير يذهب! اربعة اشهر مروا على هذا الحال حتى بات تذمر الصغار يظهر.
_ بابي انت ليه مبقتش تنام معانا هنا
كان هذا السؤال الذي خرج من فاه طفله ساجد ليجيبه بحنان وهو يعبث في شعره
_ معلش يا حبيبي انا بس شغلي كتير وبضطر ابات في الشغل وباجي كل يوم اهو اشوفكم.
_ ازيك يا معاذ اخبارك ايه
رفع رأسه حين استمع لصوتها ليبتسم لها بهدوء وهو يجيبها
_ بخير عامله ايه يا زينة
جلست بكل ثقة أمامه وهي تجيبه بزهو
_ تمام جدا أنا حتى كنت لسه هعزمك على افتتاح الأتيلية بتاعي الاسبوع الجاي يوم الخميس اوعى متجيش.
ابتسم بالكاد وهو يرى أنها تخطته! بل وبدأت تخطط لحياتها ومستقبلها كأن غيابه لا يعنيها! لن ينكر انه شعر بالغيظ حيال الأمر فقد كان يمني ذاته بعودتها له بعد شهر على الأكثر ويجزم أنها لن تستطيع العيش بدونه وللعجب انها خالفت توقعاته!
_ بجد مبروك مبسوط انك حققتي حاجه لنفسك بس من امتى وانت بتهوي التفصيل
اجابته بهدوء جاد
_ من زمان من ايام ماكنت في اعدادي واستمريت في ده لحد ما دخلت ثانوي كمان بس بعدها بابا محبش ان حاجه زي دي تشغلني عن دراستي في الكلية وكان شايف انها ملهاش لازمة وزاد الموضوع لما اتقدمتلي واتخطبنا بعدها انا نفسي نسيت الهواية دي وانشغلت..بس جه وقت خروجها للنور.
بابتسامة صفراء مغتاظة كان يجيبها
_ اه اكيد مبروك مرة تانية..
وهل زينة نست
وهل بالفعل تخطته بسهولة! هل
متابعة القراءة
