رواية دمار قلب بقلمي ميادة مأمون

 

 

الحمدلله يا صقر حمدلله علي سلامتك انت والبقاء لله يا حبيبي تعالو اقعدو واقفين ليه
البقاء لله وحده ربنا يرحمها برحمته طب انا هاسيبكم واطلع استريح شويه فوق
اتفضل ياحبيبي اطلع براحتك وانتي بقي تعالي اقعدي جنبي دانتي واحشتيني اوي
وانتي كمان والله يا ماما وحشتيني اوي 
بس انتي كنتي تعابنه ولا ايه
هو انتي ماكنتيش تعرفي اني كنت في المستشفي ودخلت في غيبوبه بقالي زياده عن شهر ولا ايه
لاء صقر كان مخبي عليا ومارديش يقولي انا كنت علطول بتخانق معاه عشانك
تلاقيه ماكنش عايز يزعلك دا لولاه هو وعم عبدو ماكنش حد سأل فيا وكان زماني مت انا كمان

بعد الشړ عليكي يا حبيبتي ربنا يخليكي ليا
ويخليكي ليا يا حبيبة قلبي يلا اطلعي ارتاحي مع جوزك شويه من السفر ولما يجهزو العشا هبقي اصحيكو
طيب يا ماما عن اذنك
اتفضلي يا حبيبتي
بقلمي مياده
بدلت هي الاخري ملابسها الي منامه قطنيه طويله
قررت ان تجففها له بأبهمها 
انت صاحي انا كنت فكراك نايم
طب لو عايز تبكي ابكي يا حبيبي ماتكتمش حزنك
عمري ماهبقي حزين وانتي جنبي بس انا تعبان وعايز ارتاح
طب انا في حاجه كنت خاېفه اقولهالك وبصراحه مش عارفه هاتفرحك ولا هاتزعلك
اعتدل علي ظهره واسنده علي الوساده ضامم حاجبيه مستفهما
حاجة ايه اتكلمي في ايه
اعتدلت جالسه امامه وامسكت يده ووضعتها علي بطنها
ولكنه سريعا ما جذبها وبدء يغضب
چانااااا اتكلمي في ايه مش ناقص الغاز انا
ماهو ده اللي كنت خاېفه منه
اللي هو ايه اوعي تكوني
ايوه يا صقر انا حامل
قڈف من جانبها واقفا وهو ثائر من الڠضب
ليه دلوقتي ليه بس
هو ايه اللي ليه ده اظن انت الوحيد اللي المفروض متسألش السؤال ده
انتي عارفه لو عرف هايحصل ايه مش هايرتاح غير لما يخلينا تحت ايده تاني لحد ماتولدي مش بعيد ياخد البيبي مننا ويبعدنا عنه
وضعت يدها علي بطنها پخوف وهمست
ايه لاء مش لازم يعرف مش ممكن حد ياخد ابني مني
عشان كده البيبي ده لازم ينزل انتي مش لازم تفضلي حامل
نظرت له والدموع تتساقط علي وجنتيهاوصرخت
لاء مش ممكن ده يحصل انت قولت اننا هنا في امان وماحدش هيقدر يوصلنا
تفتكري الكلام ده سهل عليا بس انتي عرفتي كل حاجه
ازاي هانخلف طفل واحنا عارفين ايه اللي مستنيه
افرضي خطفه مننا ساعتها مش بس مش هانقدر نشوفه لاء داحنا هانبقي ورثناه مال ملوث پالدم غير انه هو اللي هايربيه
ماعرفش اتصرف شوف اي حل تاني لكن انا لا يمكن اتخلي عن البيبي ده
عشان خاطري يا صقر بلاش تفكر كده عشان خاطري انا عايزاه
نظر اليها نظره طويله وجفف عبراتها بيده وجذب علبة سجائره واتجهه الي شرفة غرفتهم
جلس بها يفكر طويلا وينفث دخان سجائره الي ان استمع لدق علي باب الغرفه 
اتجه نحوه ليراها غافيه من كثرة البكاء وهي جالسه مستنده علي وسادتها
تنهد بحزن واتجه نحو الباب فتحه نصف فاتحه ووقف امام الخادمه
ايوا عايزه حاجه
اسفه حضرتك بس لبني هانم بتقولكم ان العشا جهاز تحت ولا تحبو نطلعو ليكم هنا
لاء قوليلها ان چانا لسه نايمه شويه كده وهانبقي ننزل
حاضر تحت امر حضرتك
اغلق الباب مره ثانيه واتجهه اليها وجلس بجوارها
چانا حبيبي اصحي بقي ولا حتي نامي كويس عشان ماتتعبيش
اوعي مالكش دعوه بيا
ياسلام ماليش دعوه بيكي ازاي بقي اومال ليا دعوه بمين انا
بنفسك بس عشان انت اناني مش بتفكر غير في نفسك
انا يا چانا حرام عليكي يا شيخه دانا كل اللي انا فيه داه بسبب تفكيري فيكي انتي وحبي ليكي انتي
وهو اللي بيحب حد يبقي عايز يقضي علي حياته معاه برضو يا دكتور
لاء طبعا وانتي عارفه كويس اوي قد ايه احنا مرتبطين ببعض ومش البيبي ده هو اللي لسه هيربطنا ببعض يا حبيبتي
بس انا بحبك ياصقر ونفسي نبقي زي اي اتنين بيحبو بعض وبيكونو اسره مع بعض
ايوا يا حبيبتي بس
لو فقدت البيبي ده يبقي بتفقدني انا كمان
ولو جيبنا البيبي ده يبقي بنجني عليه طول عمره
يأما هيطلع مچرم يأما هيبقي انسان غير سوي كاره عيشته وحياته كلها زي ابوه
انا هاربيه علي الحب هاعرفه ايه هو الحلال والحرام هابعده عن اي حاجه وحشه
ده ان مكانش جدي يخطفك لحد ما تولدي وبعدين
ياخده منك ويقتلك
ماتحولش تخوفني ولو مش هاتقدر تحمي مراتك وابنك يبقي اكرملك تطلقني وانا هاخد امي ونبعد عنك وعن الكل
كده يا چانا للدرجه دي انتي متمسكه بيه و بيعاني
بالعكس ده هو اللي خلاني اتمسك بيك اكتر من الاول
نظر لها صمت لدقائق فقررت هي ان تحثه علي التكلم
انت هاتسكت تاني لازم ترد عليا دلوقتي
عايزاني ارد عليكي اقولك ايه وانتي عارفه انك بتزودي خۏفي عليكي
وانت عارف كويس اوي اني كان نفسي ابقي زي اي ست بتفرح جوزها لما تقوله الخبر ده لاول مره 
ومين قالك اني ماكنش نفسي افرح بالخبر ده
مين قالك اني مش نفسي اشيله بين اديا دلوقتي
لكن قوليلي انتي افرح ازاي وانا عارف مصيره هايبقي ايه بعد كده
وافق انت بس وربنا قادر يحميه ويحافظ عليه لينا
خلاص يا حبيبتي بس عشان خاطري اللي اقولك عليه تعمليه 
بجد يعني موافق ربنا يخليك لينا يا احلي بابي في الدنيا
ويخليكو ليا يا قلبي ويقدرني علي حمياتكم وبعده عنكم
داخل مبني المخابرات العامه المصريه كان يجلس صقر الجبالي
في مكتب اللواء ادهم المصري بعد ان عاد الي القاهره وترك حبيبته في واحته
البقاء لله يا صقر و حمدلله علي سلامتك
الله يسلمك يا سيادة اللوا بس ماكنتش اظن انكم تسيبو امي تتقتل غدر وانا سايبها في امنتكم
انت عارف اننا مكانش ينفع نظهر في الصوره 
والا كانت كل حاجه انكشفت وولدتك حطتنا كلنا في مأزق لما قربت من سراج
علي العموم ده قضاء الله وقدره وانا راضي بيه واخبار سراج ايه دلوقتي
طبعا الشرطه قبضت عليه وهو مسجون علي زمة القضيه دلوقتي
وبعد ما قبضنا علي الولد الروسي اللي بعتلنا الڤيديو بتاعه وهو بيضرب ولدتك بالړصاص اعترف انه هو اللي قټلها
هو في واحد اتفق معاه علي قتل امي
مين ده قولنا عليه ولو عندك دليل قدمه لينا واحنا نجيبه لو هو فين
ياسين الوزان
ربي اني مسني الضر وانت ارحم الراحمين
كان غاضبا ثائرا علي كل من حوله عندما علم بهروب حفيده هو وزوجته
اه يا ارون ايها الجرو اللعېن اتتلاعب معي ام تختبر صبري عليك حتي تري عقاپي
سيدي لقد ظهر السيد ارون في شركته في مصر
كيف عرفت
هاتفني احد الحراس الخاص هل اعيد لك الاتصال به مره ثانيه
لا فقط راقبوه جيدا دون ان يحتك احد منكم به
حسنا سيدي كما تريد 
اللهم انك عفو تحب العفو فاعفو عنا
الو
اخيرا فتحت تليفوناتك يابمبو ايه يا عم اختفيت مره واحده كده من وسطنا
معلش يا شق كان ورايا شوية حاجات كده وكان لازم اعملها من غير تأخير
طب انت فين كده وانا اجيلك
انا في المجموعه
خلاص انا جايلك بس هودي اميره لچانا في الڤيلا عشان هاتجنن وتشوفها وعماله تزن عليا
چانا مش في الڤيلا يا مازن
الله اومال فين طيب وانا اوديها
ماجتش معايا لسه بره يا مازن اخلص عايز تيجي تعالي مش عايز سيبني واقفل بقي عشان ورايا شغل كتير
الله انت مالك متنرفز كده اقفل اقفل انا جايلك
اغلق معه الهاتف وهو غاضب جدا وخائڤ ايضا فقد نبه عليها ان لا تفتح هاتفها الخاص
ولا تتصل بأحد وانه عندما يريد ان يحدثها سوف يصل اليها
ولكن ما كان يرتاب منه ان لا تطيعه كعادتها وتحدث صديقتها الوحيده
يا رب ماتجنينش زي عادتك يا چانا وتسمعي الكلام وماتخوفنيش عليكي زياده
قرر ان يهاتف خادمه حتي يطمئن عليها
الو ايوه ياعبدو ايه الاخبار عندك
الحمد لله يا صقر اطمن كله تمام
انت عندها ولا بعيد عنها
ماتخفش هي كانت لسه معايا حبت تخرج تتمشي في الواحه شويه هي ومامتها ويتفرجو عليها وهما دلوقتي بيتغدو في الفندق
عينك ماتنزلش من عليها يا عبدو وشويه كده وابقي رجعها الڤيلا تاني
وعرفها اني كلمتك وهاكلمك باليل وانت عندها عشان اكلمها من تليفونك
حاضر ماتقلقش انت بس الدنيا هنا امان
لاء ياعبدو مبقاش في امان والايام الجايه مش هيبقي في غير القلق والخۏف وبس
يابني ارمي حملك علي الله وسيبله هو التدبير من عنده
كله علي الله بس برضو لوصحيح بتعتبرني ابنك يبقي تخلي بالك من امنتي اللي عندك سلام يا عبدو
مع السلامه يا حبيبي
الحمد لله
شوفتي ياماما المكان هنا جميل ومريح ازاي
جميل اوي يا چانا ربنا يهنيكو يا حبيبتي ويسعدكو فيه
بس هو ليه صقر سافر الصبح بدري كده مش كان قعد يومين ارتاح فيهم من السفر وليه سابك وماخدكيش معاه
لاء ماهو سابني هنا لما عرف بموضوع الحمل قال هايسبني ارتاح الشهور الاولي هنا
وهو سافر عشان يتابع الشغل بتاعه وقالي يومين كده وهايجي تاني وهيبقي بين هنا وبين هناك
بس كده هيبقي تعب عليه يا بنتي يا ريتنا كنا سافرنا معاه كان بقي احسن وانا كنت خليت بالي منك هناك 
معلش يا ماما هو عايز كده وانا مش حابه اضغط عليه خصوصا بعد حكاية قتل مامته دي
صحيح هو معرفش مين اللي قاتلها
لاء عرف واتقبض عليه كمان بس هو قال يسبنا هنا عشان يبقي مطمن علينا
ها الهوانم عاملين ايه يا تري مبسوطين هنا ولا في حاجه مش عجباكو 
قالها عبدو الذي توجه اليهم مباشرة بعد ان اغلق مع سيده الهاتف
الحمد لله يا عم عبدو انت كنت فين
كنت بتابع الشغل هنا وصقر كلمني كان بيسألني ويطمن عليكي يا ستي
الله طب ماتصلش علي تليفونها هي ليه
قالتها لبني مستفهمه لتجيبها چانا سريعا قبل ان يتحدث هو
عادي يعني يا ماما تلاقيه طلبني واناماردتيش مانتي عارفه اني سايبه التليفون في الڤيلا
ابتسم هو لها ولاحظ انها لاتريد ان تشرك والدتها في قلقهم فأكمل
هو ده بالظبط اللي حصل وعلي فكره قالي انه هايكلمك باليل وقالي كمان ارجعكم الڤيلا عشان ماتتعبيش
ردت له الابتسامه وتفهمت عليه ثم اومئت له برأسها
حاضر يا عم عبدو يلا بينا يا ماما
نظرت لها والدتها ثم عادت بالنظر له وهي في ريبه من امرهم
ولو اني مش مرتاحه لكم انتو الاتنين وحاسه ان في حاجه مخابينها عليا بس ماشي يلا بينا يا ست چانا
سبحان الله
فتح باب مكتبه دون ان يدقه او ينتظر خروج سيكرتيرته من عنده
البمبو حبيب قلبي وحشتني يا