نوفيلا عبير كاملة
المحتويات
الصعبه بس لكن انتي اللي ذاكرتي وتعبتي لحد ما نجحتي بتفوق
مريم بس انا خاېفه أوي انا بسمع ان الثانويه العامه دي صعبه اوي
علي احنا قلنا ايه مفيش حاجه صعبه عاللي بيذاكر وبعدين متقلقيش انا معاكي ومش حسيبك لحد ما تاخدي الثانويه العامه بتفوق
مريم بجد يا علي
علي طبعا يا مريومه انا مقدرش مكنش جمبك ابدا و اللا انتي مش عارفه غلاوتك عندي
مامت علي شايفه الولاد مندمجين مع بعض ازاي
زينب ربنا يباركلك فيه ويحميه يارب بحق ما كان بيسيب مذاكرته وييجي عشان يشرحلها الحاجات الصعبه عليها
مامت علي وهو انتي مش عارفه غلاوة مريم عنده مانتي عارفه يا زينب واللا احنا حنضحك على بعض
زينب عارفه طبعا يا ام علي و ربنا يعلم غلاوة علي عندي ايه ده زينة الشباب كلهم وكفايه انه من ريحة الغالي وانا متمناش غيره لمريم ويوم المنى لما هو ومريم يكونوا لبعض
زينب ان شاء الله يا حبيبتي
تمر الأيام وتبدأ الدراسه من جديد وتدخل مريم أولى ثانوي وتتعرف على صحاب جداد وتطلب من امها تروح السنتر عشان تاخد دروسها وهو لازم السنتر ده يا مريم ما تاخدي مجموعه في المدرسه ولا درس
مريم مينفعش يا ماما ثانوي غير اعدادي مفيش الكلام ده والمدرسين الشاطرين عندهم طلبه كتير اوي مش حيسيبوهم ويروحوا يدوا درس في بيت
زينب والسنتر ده حيكون فيه ولاد وبنات طبعا
مريم أكيد طبعا يا ماما وبعدين هو انتي مش واثقه فية ولا إيه
زينب لاء طبعا واثقه فيكي يا حبيبتي بس مش واثقه في اللي حواليكي وخاېفه عليكي ولاد الحړام مسابوش لولاد الحلال حاجه
زينب ماشي يا مريم ربنا معاكي يا قلب امك يارب
تبدأ مريم تروح السنتر وتتعرف على بنات وتصاحب اكتر من واحده ودايما علي كان معاها وجمبها مش بيسيبها ابدا واوقات كتير بيروحلهم البيت يشرحلها الحاجات الصعبه عليها لأنها كانت ضعيفه في الرياضيات يعني مش كفايه علية الجبر والهندسه بتوع اعدادي كنت ناقصه انا حساب المثلثات دي كمان ياربي ولا الفيزياء والكيميا والأحياء يا لهوي
مريم اعمل ايه بس يا علي مانا خاېفه أوي
علي خلاص يا ستي ان شاء الله تدخلي أدبي وتريحي نفسك
مريم ما اكيد طبعا حدخل أدبي انت عارف انا لو دخلت علمي حقضي بقية حياتي كلها في ثانويه عامه
علي لا وعلى ايه الطيب احسن ادخلي أدبي وخلصينا خليني بقى اعرف اتقدملك ونتخطب
مريم تتقدملي ونتخطب
مريم بفرحه رأي تاني لا طبعا بس ماما وبابا
علي عارفين كل حاجه وموافقين وعلى ما تخلصي ثانوي حكون انا خلصت الجامعه ونتخطب وبابا حيبنيلي شقه في البيت عندنا واظبطها ونتجوز وتكملي الكليه في بيتي واحنا مع بعض
مريم بجد يا علي
علي أيوة طبعا مانا الصراحه مش حقدر استناكي لما تخلصي انا بحلم باليوم اللي نكون فيه مع بعض يا حبيبة عمري مريم انا من يوم ما وعيت عالدنيا وانا بحبك وكل منايا في الدنيا اننا نكون لبعض
مريم وانا كمان يا علي بحبك و بتمنى نكون لبعض
علي ان شاء الله يا حبيبتي حنكون لبعض يالا بقى نذاكر حساب المثلثات دي اللي جننتك دي
مريم هههههه ياللا بينا
تمر الأيام والشهور ومريم بتروح مدرستها والسنتر مع زميلاتها وعلي بيروح عندهم باستمرار يقعد مع باباها ومامتها ويذاكر معاها اللي يقدر عليه تحت أنظار امها وابيها صحيح هما عارفين انه ناوي يخطبها خصوصا ان والده كلمه و اتفق معاه انه اول ما يتخرج حيتقدموا بشكل رسمي وهما واثقين جدا من أخلاقه لكن طول تواجده عندهم بيكونوا موجودين
وفيوم قرب نهاية السنه يوصلها علي وهو فطريقه للجامعه للسنتر واصحابها يشوفوه معاها ويسالوها عنه وهي تقوللهم انه جارها وانهم حيتخطبوا بعد ماتخلص ثانوي لكن ساندي زميلتها تقوللها بقى بزمتك ده شكل واحد تحبيه يا مريم
مريم ليه يا ساندي بتقولي كده
ساندي انتي مش شايفه الفرق بينكم في الشكل هو فين وانتي فين ده انتي قمر يا بنتي وهو الصراحه مش حلو خالص
مريم علي بالعكس علي أمور وبعدين الشكل مش كل حاجه المهم الأخلاق وعلي مفيش حد فاخلاقه
ساندي طب بلاش الشكل يا ستي عشان متزعليش والأخلاق حلو تمام لكن فين المستوى اللي يليق بيكي وبجمالك يا مريم انتي مش حاسه بنفسك ولا إيه طب ده البنات حيموتوا منك ومن جمالك كل حاجه فيكي تجنن شعرك وعنيكي انتي يا ماما لازم تبصي لفوق لواحد يطلعك لفوق مش ينزل بيكي لتحت قال علي قال علي مين ده اللي تلاقيه بيكمل عشان نوم يا عبيطه طب ده انتي الوزرا يتمنوا يرتبطوا بيكي ده. واحنا داخلين السنتر وخارجين الولاد بتوع الثانويه العامه بشوفهم وعنيهم حتطلع عليكي وفي منهن بقى مستويات ايه مقلكيش
مريم انا مليش دعوه بكل اللي بتقوليه ده يا ساندي انا بحب علي وهو بيحبني
ساندي والحب ده حينفعك بإيه ان شاء الله لما تلاقيه مستني مرتب اخر كل شهر ويمدلك ايده بشوية ملاليم لا تعرفي تشتري حاجه نفسك فيها ولا تعرفي تعيشي زي اللي عايشين وتلاقي نفسك مدفونه معاه بالحيا وقتها الحب حيروح وحتكرهي نفسك وتكرهيه وتكرهي حياتك كلها صدقيني يا مريم الفلوس
هي أهم حاجه في الدنيا وانتي بجمالك ده تقدري تاخدي اللي يتاقلك بالمال و يركبك العربيات ويسفرك كل شويه فبلد وتبقي هانم مش تروحي تحبيلي واحد حيجريكي ورا الميكروباصات ويوم ما ربنا يكرمه يوديكي مطروح ده اذا حصل يعني مريم انا بحبك وعاوزة مصلحتك يا حبيبتي فوقي يا مريم وشيلي اللي اسمه علي ده من دماغك وفكري في مصلحتك يا عبيطه
استني بصي بصي
مريم ابص على ايه
ساندي شايفه اللي نازل من العربيه ده مريم مين ده وماله
ساندي يالهوي عليكي يا مريم في حد ميعرفش مين وليد النجار مش شايفه عربيته اللي نازل منها
مريم و لما هو غني كده بييجي سنتر ليه ده المفروض المدرسين يروحوا لحد عنده ده تلاقيه شغال عليها
ساندي و مين قالك ان المدرسين مش بيروحوا عنده ده هو بس اللي بيحب ييجي هنا عشان يتمنظر بعربيته و يشوف نظرات الإعجاب فعيون الكل و الصراحه البنات كلهم عينهم منه حيموتوا عليه اهو هو ده اللي فعلا يستاهل ان الواحده تجري وراه بالمشوار مش سي علي بتاعك
بصي ده بيبص علينا عينه عليكي يا بت يا مريم
مريم ساندي المستر زمانه بدا الشرح ياللا ندخل
ساندي اصبري يا فقريه بس
مريم خليكي يا ساندي براحتك انا داخله
تدخل مريم و تحضر الدرس و ترجع البيت و ڠصب عنها كلام ساندي فدماغها شغلها لقت نفسها بتفكر في الكلام اللي
متابعة القراءة
