رواية الاء كاملة
المحتويات
رنا
على شاطيء البحر
اقتربت من الطاولة المزينة بالشموع و باقة ورد في الوسط و التي تحمل اصنافا من اشهى الطعام البحري و السلطات مزينة بشكل بديع ..
حينها اومأ آسر للعاملان الواقفان امامها بالإنصراف
بحركة خفيفة ازاح طرحتها و نزع التوكة باليد الاخرى فانساب شعرها البني المتموج على ظهرها
سيبيه كدة ...عايز أشوف لون شعرك مع وقت الغروب
رنا بسعادة غامرة الله يا آسر !! ايه الجمال ده
استني كمان ساعة هتشوفي الجمال بجد
انا جايبك هنا مخصوص عشان نشوف غروب الشمس سوا ...غروب الشمس في المكان ده هيبقى اجمل غروب شمس شفتيه في حياتك ....
و هو يمسح على شعرها
عايز اعوضك عن كل لحظة حرمان عشتيها بعيد عني ...عايز اعوضك عن غبائي طول السنة اللي فاتت ...مش مصدق اني كنت اعمى للدرجة دي عشان ما اشوفش جمالك طيبة قلبك و رقتك و حلاوة روحك
معاكي حق يا قلبي ...يالا اقعدي بقى قبل الشمس ما تغرب ...عندي حاجات تانية قبل الغروب اعملها
قعدت رنا و هي منبهرة من كل تفصيلة
آسر يالا غمضي عينيكي كدة !
رنا ببلاهة ليه تاني هو مش المفروض نشوف الغروب
حاضر اهووو
أحضر من تحت الطاولة كيس هدايا و اخرج منه علبة كبيرة جميلة التغليف
فتحي يالا
فتحت عيناها و اغلقتها عدة مرات ايه ده
هدية ..هيكون ايه يعني يالا افتحيها
فتحتها بحذر فوجدت بداخلها علبتين واحدة مغلفة بالقطيفة صغيرة و اخرى كبيرة و مغلفة بطريقة فاخرة
ايوة يا روحي انتي افتحي العلبة الكبيرة و انا أفتح الصغيرة ماشي
رنا بحب ماشي
فتحا العلبتين في نفس الوقت لكنه اخفى الهدية في يده بينما اخرجت رنا هاتف ايفون آخر إصدار و هي تنظر اليه بإستغراب
ده ..ده ايفون !!!
ابتسم آسر بعشق اومال اسيب مراتي حبيبتي بتلفون قديم و شاشته مکسورة !!
ربنا ما يحرمني منك يا روحي
آسر پغضب مصطنع ايه البوسة العبيطة دي !! هو انا جايب هدية لعبة لبنت اختي
احمر وجه رنا و ردت ببلاهة اومال عايز ايه
اشار على شفاهه و هو ينظر الى شفاهها برغبة فنظرت حولها و اجابت بحدة مصطنعة بطل قلة أدب احنا مش في بيتنا !!!
لا بس ممكن اي حد يعدي ولا كدة
آسر بضحك يا غبية انتي فاكرة اني ممكن اجيبك
لمكان و اشيل طرحتك فيه الا لو كنت متأكد ان مفيش عصفور ممكن يعدي منه !! ده شاطيء خاص لو عايزة بعد العشاء تشيلي هدومك كلها و تدخلي المية معنديش مانع ده انا حتى جايبلك بيكيني في صندوق العربية
بقلمي آلاء إسماعيل البشري
رنا بإمتعاض بطل سفالة قال اشيل هدومي قال !
آسر و هو يضحك بشدة يبقى تديني بوستي من سكات عشان اديكي الهدية التانية ..ثم تحولت نبرته الى ڠضب مصطنع يالا ما تضيعيش وقت احسن ما نفوت أم الغروب ده !
ضحكت رنا كثيرا أم الغروب !! لا رومنسي اوي حاضر يا سيدي غمض عينيك
مش مغمض ...عايز
فتح يده و قبل أن تكمل جملتها كان ممسكا بيدها و يلبسها خاتما فخما يحتوي على ماسة بيضاء كبيرة في الوسط مطعمة بماسات صغيرة وردية... كان رقيقا لكن بتصميم فريد
رنا بإنبهار الله يا آسر !!! ايه الخاتم الروعة ده !!!
آسر بحب اومال اسيب مراتي من غير دبلة ده حتى تبقى عيبة ف حقي كراجل ..افرضي حد عاكسك معاي و رحت اضربه اول حاجة هيقولها ايه
رنا بضحك ايه !!
جوزها بأمارة ايه انا مش شايف دبلة !
ضحكت رنا على تفكيره و هي تتأمل ذلك الخاتم المميز
عرفت منين ان ده ذوقي يا آسر...كأني انا اللي اخترته !!!
امسك يديها و قبلهما بحب خلاص انا بقيت حافظك....
بقيتي جوايا بكل تفاصيلك و اذواقك يا قلب آسر من جوة
جذبت يدها من بين يديه كانها تذكرت شيئا
رنا بدهشة استنى لحظة! اوعة تقولي ان ده ألماس حقيقي !!
ضحك آسر لا ده خاتم ذهب بألماس تقليد
تنهدت براحة و قالت الحمد لله ...انا كنت فاكراه بجد ماهو مش معقول الكمية دي كلها تكون حقيقية !!
ضحك آسر بشدة حتى دمعت عيناه
معقولة انا اجيبلك تقليد هو انتي شايفاني قليل و لا انتي فاكرة انك شوية !! عيب عليك يا رنون!!
شهقت رنا يا لهوي يا آسر !!! جبت حقه منين ده يكلف ثروة !
يا ستي ما تخافيش دي فلوسي حلالي انا داخل في الخمس سنين شغل مع المنظمة عمري ما صرفت من مرتبي ..لاني عندي اسهم في شركتنا و ارباحها مش بطالة ..اتطمني حبيبي
و بعدين مالك انتي بالفلوس انتي عليكي تتمتعي و بس
نظر الى الشمس اهو الغروب كنتي هتفوتيه علينا
نظرت اليه و وضعت راسها على كتفه الله عندك حق ...
حاجة فوق الوصف
احتضنها و راحا يتأملان الشمس حتى غربت و لم يتبقى سوى ضوء الشموع
يالا دلوقت ناكل زمان الاكل برد
نظرت للاكل المرصوص بإعجاب
بس ايه السفرة الجميلة دي !!
عجبتك
حاجة خرافية ...بجد مفاجأة روعة
نظر الى الاكل امامه و هو يشير إلى كل طبق شوربة سمك و سلطات سيفود و جمبري و تونة و بلح بحر
غمز لها بخفة و اكمل اصلي ناوي اعمل هدية كمان لياسين باشا مش معقول انتي بس اللي تاخذي هدايا و هو لا
رنا بغباء طب ياسين وهديته مالهم بالسفرة
ضحك آسر بشدة ما دي أصل الهدية !!
رنا مش فاهمة حاجة
همس في اذنها بحب و رغبة معا
هنجيبله الليلة ابن اخت يلعب معاه كورة لما يطلع من المستشفى عشان يسيبني العب مع اخته براحتي بقى !
لكزته رنا بخفة و هي تضحك على تفكيره قليل الادب
بس بمووووت فيكي....يالا ناكل عشان ننزل المية
رنا بضحك ننزل المية ايه يا مچنون انت !!
آسر ببلاهة الله !! هو انتي كنتي فاكراني باهزر ف حتة البيكيني ! اخصه عليا نسيت ما قلتلكيش أنه بجد !
نتركهما منسجمان في عالمهما الخاص
و نذهب الى قصر أسعد الحديدي
عبير بإنهيار يعني ايه يا أسعد ! مش هشوف ابني تاني !!
أسعد بحزن انا ما سبتش بلد ما فتشتش ...مش موجود في أي حتة مفيش ولا كاميرا لقطت صورته لا في مصر و لا برة
و لو كان سحب فلوس من حسابه من اي بلد كنا لقيناه
عبير بصړاخ مليش دعوة بكل ده !! اتصرف يا أسعد وزع صوره في كل مكان ...حط مبلغ خيالي لأي حد يعرف معلومات عنه ..انا عايزة ابني يرجعلي .
بقلمي آلاء إسماعيل البشري
أسعد پغضب ما تهدي يا عبير مش كدة !! هو انا يعني مش قلقان عليه زيك و يمكن اكثر !! و بعدين ابنك راجل مش عيل تايه ...و كمان العيب منه
عبير و كمان مطلعه غلطان !!!
أسعد بحدة ايوة غلطان ... ابنك لو مكانش غبي و متهور كان زمانه ف حضنك دلوقت
عبير هو عمل ايه يعني ما انت قلت ان الولد ما ماټش
عمل ايه ! رايح يضرب زميله پالنار وسط كل الجامعة و تقولي عامل ايه اللي ضربه اه ما ماتش.. بس اټشل يا هانم!! و الي بتقولي عنه ولد ده كلها شهر بالكثير و يبقى قاضي تحقيق يعني مش هاعرف انقذه من الحكاية دي زي ما فلت المرات اللي فاتت كلها .
عبير بس الفلوس بتحل كل حاجة يا اسعد
اسعد پغضب مش دايما يا عبير ...مش دايما
انا لما دخلت ابنك الكلية دي كان هدفي اننا نعزز مكانتنا و شغلنا من الناحية القانونية... يعني كان قصدي اطلعه راجل قانون يساعدني في شغلي من منصبه ...بس دلعك الزايد للولد خلاه يفضل صايع و غبي ...رايح يضرب ڼار من مسډس مش مرخص و في حرم الجامعة..لا و مش اي كلية ! كلية القضاء يعني على أقل تقدير فيه ثمانين واحد من قريب او من بعيد شاهدين عليه .. و كلهم هيبقوا رجال قانون في المستقبل فاهمة ده معناه ايه
معناه لو قدرت ارشي واحد من عشرة و اطمعه بالفلوس ما اقدرش اعملها مع التسعة الباقيين..
عبير پخوف يعني ايه يا اسعد !!
اسعد بتفكير يعني الافضل ليه أنه يفضل مختفي ...
نظر الى ساعته ثم اشار الى الحارس الخاص الواقف بعيدا أمام باب القصر
ابعث خبر يجهزولي الطيارة الخاصة حالا ... هاسافر بنفسي كندا عايز اتأكد من حاجة ...
حاضر يا باشا
و شوفلي الزفت التاني راح فين خليه يقف عالشغل في الميناء عشان يستلم الشحنة اللي جاية من البرازيل الليلة
البودي غارد حسام بيه قال عنده صفقة مهمة الليلة
اسعد بحدة يلغي كل حاجة ...الشحنة اللي جاية أهم
كان يهم بالخروج فاوفقته عبير
عبير پبكاء انا بس عايزة افهم هو ما اخذش الطيارة الخاصة ليه ! كان زمانا لقيناه من وقتها !
اسعد بهمس انا دلوقت اتأكدت هو اخذ غباؤه منين ...
ثم اجاب بصوت عال ما اول حاجة عملها البوليس أنه اصدر
أمر بمنع طيارتنا الخاصة من الإقلاع ....مش محتاجة تفكير
ما هو المحروس الكبير قال انه طلب منه مبلغ مليون جنيه كاش و جواز سفره... هو أكيد ادى مبلغ محترم لمسؤول الأمن و ركب في اول طيارة رايحة كندا ماهو مش معقول هيوقفوا كل الرحلات عشان خاطر عيون ابنك ...يالا انا هاحضر حاجتي عشان الحق اسافر
عدى اليومين بدون أحداث جديدة ما عدا تحسن مزاج معاذ و خروج اسلام من المستشفى .
يوم الخميس
في شقة وئام بعد المغرب
حضر اعمام وئام و معهم المأذون
رحبت بهم نادية بتوتر و ادخلتهم الى الصالون
بعد قليل دخل أدهم يحمل كيسا كبيرا
اومال فين عروستنا يا مرات عمي جايبلها الفستان ده
والدة وئام مرتبكة ...خائڤة من المواجهة
أجابته و هي تتجنب النظر اليه
وئام خرجت تجيب مشاريب و هترجع كمان شوية .
أدهم بحدة خرجت ازاي و الدنيا ليل. و يوم كتب كتابها !!
خرج عمها الاكبر من الصالون على صوت أدهم العالي و اردف
متابعة القراءة
