رواية ميادة الجزء الثاني

و مليت ليها البانيو ماية سخنة و دخلت جبتلها لبس نضيف عشان تغير فستانها المبلول عليها و قعدت جانبها و هي لساتها پتبكي
جومي يا بت اتحممي و غيرى هدومك دي
زاحت يدي من عليها پغضب طفولي اني بعشجه و بعدت عني
مالكش صالح بيا بعد عني
شدتها من يدها و قعدتها قصادي
هو مين ده اللي مالوش صالح بيكي انتي اتهبلتي إياك
و يمين الله لو ما سمعتي الكلام و جومتي لاكون مقلعك اني و واخدك علي الحمام
جولتلك بعد عني اني بجي اللي مش طيقاك و لا رايدك تجي ناحيتي 
اكده طب تعالي بجي
شيلتها بين يدي و هي متعصبة و بتحاول تفك يدي و تخليني اسيبها
سيبني بعد عني اني بكرهك و بكره عصبيتك و قسوتك عليا
امممممم اكدة يا وعد طب تعالي بجي
لاه سيبني سيبني
لاه مش راح اسيبك ابدا ابدا انتي بتاعتي اني ملكي مرتي و حبيبتي
مرتك دلوك انا مرتك و لما زقتني و وجعتني قصاد اصحابك مافتكرتش اني مرتك 
كان لازم تسمعي كلامي و تطلعي علي اهنه اني كنت متعصب و انتي عارفة ده كويس خلاص بجي ماتعمليهاش حكاية
و تاني مره ماتبقيش تجفي قصادي و اني متعصب اكده  
لاه بعد عني
ابعد يعني يا وعد هاتفضلي زعلانة مني ومخصماني اكده 
ايوة و مش راح اصالحك ابدا انت هنتني قصاد اصحابك و كسفتني كمان
واه ما بكفياكي دلع ماسخ بجي جولتلك خلصنا
لاه مخلصناش جولتلك بعد عني
أكدة يا وعد طب اتفلجي بجي
ولعت سېجارة و لسه هاخد اول نفس منها
لقيت دق علي الباب
ايوة مين
وصلني صوت انثوي من برة
Room service
اول ما سمعت الصوت ده جاتلي فكرة و قررت انفذها فتحت للبنت و انا بهيئتي دي
ايوة
البنت اتكسفت و حطت وشها في الارض
الغدي حضرتك
احنا مطلبناش غدي
حضرتك ده من مستر مدير الفندق هو اللي بعته
و بيقول لحضرتك انه طلبك كتير و ياريت تكلمة
طيب يا ريت من فضلك تدخليه
دخلت البنت تحط الحاجة و مسكت انا تليفوني عشان اكلم الراجل و أشكره
بس قبل ما أطلبه لقيتها ماسكه في شعر البنت
انتي بتعملي ايه اهنه يا بت انتي
و الله ااااانا حضرتك جايبة الغدي
استغفر الله العظيم روحي يا انسة انتي و متشكرين اوي
جريت
البنت من قصادها قبل ما تمسك فيها تاني 
و هي بتقولي
قلبتلي شيخ جامع دلوك اياك
اتلمي بجي يا بت عزوز و قصري في يومك عشان انا جبت اخرى منك
اني اللي صبري نفذ منك و من عاميلك عايز تجنني
اياك
انتي عايزه ايه مش جولتيلي بعد عني اديني بعدت
تجوم تجيبلي واحدة اهنه
اجيب مين يا مخبلة انتي ده مدير الفندق باعت الغدي لينا
و بعدين انتي مش جولتي انك بتكرهيني مالكيش صالح بيا بجي
بصتلي بتكشيرة و دموعها نزلت تاني
و دخلت قعدت علي السرير
طفيت السېجاره اللي في يدي و دخلت و قعدتها علي رجلي
پتبكي تاني ليه
عشان انت مش بتحبني
صح مش بحبك اني بعشجك يا بت
لاه بعد عني
تاني هانرجع للكلمة دي تاني طب انتي زعلانة ليه دلوك 
عشان بغير عليك
غيرتي عليا ليه يا وعد انطجي يا بت غيرتي ليه
حطت راسها علي كتفي بهدوء
عشان بحبك يا ديب
طب ماني كمان بحبك يا جلب الديب و اللي حصل الصبح ده بردك كان من غيرتي عليكي
بس اني زعلت منك جوي يا قاسم
و اني هاصالحك دلوك يا روح قاسم انتي
رجعت معاه علي ڤيلته وكان لسه ثاير من اللي حصله
قعدت تطهر ليه چروحه و هي زي ما تكون شمتانه فيه 
اه ما براحة يا غبية انتي كمان 
انا غبية الله يسامحك يعني الحق عليا اني بطهرلك جروحك دي يا عصام
بطلي لك و غلبه و اخلصي بسرعة يلا
نفخت ندى نفسها بضيق منه و من غروره 
طب بص انت تمسك الحاجة كلها اهيه معاك و اتفضل بقي عالج نفسك عشان انا مش فضيالك
عصام بسخرية ليه وراكي الديوان
لاء يا عصام طالعه احضر شنطتي عشان مسافرة دلوقتي 
لاء مافيش سفر الا لما انا أقول هنسافر امتي
انا ماقولتش ليك تعالي معايا انا هاسافر لوحدي
و ده ليه بقي انشاء الله
عشان قاسم طلب مني كده
اول ما سمع اسمي ثار و اټجنن عليها و فضل يضرب فيها زي المچنون 
اه يا رخيصة حنيتي ليه تاني اول ما شاور ليكي سمعتي كلامه 
ااااااه ماحصلش و الله هو قالي لازم بكره تكوني علي مكتبك لأنه عايزني ارجع شغلي 
و اشمعني بقي و لا البيه مش عارف يمشي شغله من غيرك 
طبعا لاني شايفله شغله كله و لا انت ناسي اني سكرتيرة شاطرة و كمان هو بيقول انه داخل علي مشروع كبير و محتاج معاه سكرتيرة 
قعد يفكر بمكر و هو بيسألها
مشروع ايه ده اللي ظهرله فجأه كده 
اه أيدك تقيلة اوي لسة طبعا ماعرفش حاجة بس اكيد بكرة هاعرف
طب اطلعي حضري الشنط بسرعة عشان هانسافر دلوقتي 
فضلت نايم علي ظهري في السرير و اني جافل عليها بيدي و باليد التانية بلعب في خصل شعرها الاحمر الناعم 
قاسم
روحه
انت ليه زعجت في دينا اكدة و زعلتها
ماكنتش اقصد طبعا و هي جات وقفت قصادي و اني متعصب 
طب اطلبها و اعتذر ليها بجي اني عمالة
اطلبها و هي مش بترد عليا 
و احنا في ايه و لا في ايه يا بت دلوك سيبك من اي حد و ماتفكريش غير فيا اني و بس 
لاه اطلبها عشان خاطرى
اديني بطلبها اههه و مش بترد
خلاص اطلب رامي و اسألو عليها
طيب يا اختي عندك حلول انتي لكل حاجة مش اكده
الو ايوة يا رامي
الو يا قاسم خير في حاجة تاني
هي دينا معاك
و انت عايز دينا ليه بعد ما كلمتها بالاسلوب ده
رامي بص انا عارف انك زعلان من اللي حصل بس مش مهم انت دلوقتي خالص
و اديني دينا اكلمها لو معاك عشان هي لا عايزة ترد عليا و لا علي وعد
مش مهم انا يا واطي ماشي يا اخويا هي بقي بتقولك مش عايزة تعرفك تاني
خلص يا زفت و ادهاني بقي
الو نعم يا قاسم بيه خير في حاجه
اهلا دينا هانم بتكلمني بنفسها ازي حضرتك يا أوزعه
بطل سخافة
ههههههههههه طب حقك عليا يا دينا ماتزعليش مني
انا كنت متعصب و انتي عارفة ده كويس
عارفه ايه حضرتك تقريبا كدة طردتني و لا مش واخد بالك
لاء واخد بالي حضرتك بس عارف ان اختي الصغيرة هاتستحملني و تلتمس ليا العزر
اختك دلوقتي بتقول عليا كده تهزقني و تقولي اختك مش كده
طبعا اومال هما الاخوات مش بيبقي بينهم فرح و زعل و فسح و تهزيق كمان
بقي كدة يا قاسم طيب و انا بقي مش قابلة اعتذارك و مش عايزة اعرفك تاني 
مش مهم انا عايز اعرفك و وعد كمان عايزة تعرفك
وعد اه لكن انت لاء
احسن بردو خدي كلمي صاحبتك بقي عشان انا زهقت منك و من قمصتك دي
ايوة يا دينا
وعد حبيبتي عامله ايه
كويسة اوي الحمد لله حقك عليا انا ماتزعليش من قاسم
امممممم شكله كدة الواد ده عرف ياكل بعقلك حلاوة و اتصالحتو
هي حلاوة بس ههههههه
دينا بفرحه و حب ليهم و هي بتبص لرامي
ربنا يهنيكو يا حبيبتي بس كنتي قرصتي عليه شوية و تقلتي يا عبيطة
قالت الكلمتين دول و ماكنتش تعرف اني اخدت منها التليفون
بقي كدة بتحرضيها عليا يا سوهنه يا أوزعه
حدفت التليفون لرامي و هي بتضحك بكسوف
الله انت قولتلها ايه ياض
هو انا لسه قولت حاجه دانا هانزل اكسرلك دماغها الحيزبونه القصيرة دي 
هههههههه مش هاتلحق احنا خلاص مشينا من الفندق و رايحين علي المطار
والله طب توصلوا بالسلامة سلام يا رامي
مع
السلامة يا حبيبي اشوفك في القاهرة بقى 
الكل سافر و فضلنا أنا و هي لوحدنا قضينا احلي اسبوع في حياتنا احنا الاتنين اسبوع كله حب و بس
وعد جومي يا بت بجي بقينا الضحي
بكفايك بجي اني تعبت انت مش بتشبع ابدا
هههههههه لاه اني عمري ما اشبع منك يا جلبي بس دلوك جومي عشان خلاص هانسافر
رفعت راسها من علي صدري بزعل
انت مش جولت اننا هانقعد اهنه شهر
جاي بعد اسبوع تجولي هانرجع 
معلش يا جلبي هعوضهالك كل سفرية ليا بعد اكدة هاخدك معايا 
طب و ليه غيرت رأيك فجأه اكده
عشان شغلي يا حبيبتي المشروع الجديد ده عايز مني وقت و مجهود كبير جوي 
هو مشروع ايه ده يا قاسم
فندق كبير علي احدث طراز هابنيه علي النيل
و هايتكلف ملايين و لازم طبعا اباشر كل حاجة بنفسي 
و ده ليه علاقة يعني بمدير الفندق اللي عمال يرحب بيك في الداخله و الخارجة ده
طبعا دا هو اللي قالي علي المشروع و هو اللي جايب العميل الاجنبي 
اه عشان كدة لازقلك بس هو ايه مصلحته في الموضوع ده 
طبعا ليه مصلحة اولا هياخد عمولة كويسة ثانيا حاطط امل علي أدارة الفندق بعد كدة
يلا بقي قومي يا حبيبتي حضري الشنط 
حاضر اديني قومت اهو
رجعنا القاهرة و كل حاجة رجعت زي الاول و انشغلت انا في الشركة اوي
و هي كانت قاعدة مستنية النتيجة بتاعتها و يأما بتكلم دينا يأما بتتكلم مع اصحابها البنات
كنت راجع من شغلي متأخر و تعبان قالع چاكت بدلتي و حاطه علي كتفي
لاقتها ماسكة تليفونها و قاعدة بتكلم حد فيه
و الله يا بنتي مش عارفة
انا اصلا ماعرفش اذا كان قاسم هايوافق و لا لاء
بتكلمي مين يا وعد
قاسم انت جيت طب سلام انتو دلوقتي
اه جيت انتي بقي كنتي بتتكلمي مع مين
دول اصحابي متفقين مع بعض انهم يخرجو بكره
و كانو عايزني اخرج معاهم و انا قولتلهم ماعرفش انت هاتوافق و لا لاء
لاء طبعا
زعلت و قامت من قصادي
كنت عارفة علي فكره
طب كويس انك عارفه
بس انا زهقت من حبستي دي و عايزة اخرج زي ما كل البنات بيخرجو
لما افضي هابقي اخرجك لكن انا دلوقتي مش فاضي حتي ارتاح
طيب
رايحة علي فين و سيباني واقف كدة هو انا مش بكلمك
هو انت مش خلصت كلامك و بتقول عايز ترتاح عايز مني ايه بقي
عايز اتعشي هنام جعان يعني
اوف طيب هاروح اخليهم يحضرو العشي
و خليهم يطلعوه هنا عشان مش قادر انزل تاني
طيب
حضرتلي العشي و طلعت بيه لقتني غيرت هدومي و روحت في النوم و انا قاعد على الكرسي من كتر التعب 
قاسم قاسم
ها
اصحي عشان تتعشي
اجي فين انت نايم و انت قاعد
ياه انا نمت صدقتي بقي اني تعبان
طب عشان خاطري قوم اتعشي و بعدين نام
حاضر يا حبيبتي
قعدنا نتعشي و هي بتحاول تفتح الموضوع تاني
عشان خاطري يا قاسم خليني اخرج مع صحباتي
وعد و بعدين قولت لاء
يوة بقي
مش فاهم يعني انتي ليه مصممة تخلينا نتخانق
انا مش عايزة اټخانق علي فكره بس زهقت انت من ساعة ما رجعنا من السفر و انت مضغوط في شغلك
و انا محپوسه هنا لا بشوف حد و لا حد بيشوفني 
سابتني و قامت من علي الاكل و راحت نامت و هي عطياني ظهرها
قومت انا كمان و