رواية اوتار القلب ج1

وحمل كل الأغراض التى تخصه
وذهب إلى منزله بعد ان انهى ما لديه فى تلك الجامعه وبعد أن وصل منزله قابلته والدته بابتسامتها الحانيه وابلغها بخبر تعينه بجامعه عين شمس كم خطط له فرحت الام بهذا الخبر الذى كان ينتظره 
وتحدث وسيم فى رغبته لذهاب إلى بلده والده الراحل ليقابل جده ويتحدث معه بامر المشروع الذى يعمل من أجله
وسيم ماما انا لازم اسافر لجدي النجع عشان محتاج فلوس عشان انفذ المشروع إللى بقالى سنين شغال عليه
كاملة بقلق عمك هيرفض جدك يديك مليم واحد 
هتف باعتراض بس دة حقنا وحق بابا الله يرحمه 
عمك سالم شديد اوى واكيد مش هيقبل بسهولة يابنى 
هتف بإصرار مش مهم يقبل أو يرفض انا هتكلم مع جدي 
يمن نفسى اجى معاك عاوزة اشوف جدو وعيلة بابا واشوف الصعيد 
هتف بضجر احنا رايحين رحلة خليكى انتى وانا هتكلم مع جدى الاول ولم يرضى ناخد حقنا نبق نزورهم كل فترة
نظرت إلى ابنتها قائله اخوكى معاه حق ممكن يجى بسرعة ماحدش عارف الظروف
وسيم انا هتصل على جدى الاول واعرفة انى نازل انا مارحتش هناك من عشر سنين تقريبا 
كاملة جدك كتر خيره كان بيجى يسأل علينا كل فترة ربنا يدية الصحة 
وسيم هدخل المكتب اكلمة 
هاتف وسيم جده ليحدثه الأخير بسعاده 
هتف الجد بفرحه يا مورحب ياولدى كيفك وكيف امك وخيتك 
بخير ياجدى انا كنت محتاج انزل النجع واتكلم مع حضرتك 
ومالو ياولدى تنور النجع كلهاتو وحات امعاك خيتك اتوحشتها ياولدى 
ان شاء الله ياجدى هاجى على بكرة 
حسين تنور ياولدى هبعتلك سليم ود عمك سالم يجيبك فى محطه الجطر
مالوش لازمه ياجدى انا عارف البيت تسلم 
حسين على راحتك ياولدى 
فى نجع حمادي 
تحدث الجد حسين مع ولده سالم واخبره بقدوم حفيده 
حسين سالم ياولدى ولد اخوك ايحمد جاى عاوزك تجابله زين دة ود خيك المرحوم برضك 
سالم وجاى لية ده بجالو ياما من عشر سنين ماشفانش وشة 
هتف بحسم جولت تجابله زين وانا حتحدت مع ولاد خيك سليم يجو هم كمان 
لية يابوى اكيد عاوز توزع عليهم الفلوس وتعبى وشجاى انا وعيالى صوح يابوى
حج خواتك ياولدى خواتك الله يرحمهم ياولدى ولازمن حجهم فى ابوهم ياخدوه 
سالم اعمل كيف مابدك يابوى عاوز تظلمنى اظلم يابوى عشان خاطر ولاد ايحمد وسليم الله يرحمهم هم مش رضيو عيشو اهنية ويراعو ارضهم وسابولى انى الهم وحدى واحد هاجر على اليمن واجوز مصروية والتانى اجوز اسكندرنية وفضل عايش غريب لم ماټ
هتف بحزن هم شافو حالهم ياولدى كيف مابدهم ايحمد اشتغل بمصير واتجوز اهناك وانا ماجولتش لحد منيهم لع سبتهم يعملو كيف مابدهم وسليم اشتغل بسكندرية وتجوز عاش اهناك حتى لم مرتو ماټت رفض يعاود اهنية عشان كنت عاوز اجوزو تانى بس هو جال هربى عيالى يابوى وبعد سنة حوصل مرتو الله يرحمهم وايحمد خد مرتو وسافر على اليمن واتغرب عشان لجمة العيش وماټ روخر الله يرحمة 
سالم مش انتى اتحايلت على كاملة تيجى تعيش اهنية وهى مش رضيت برضك وفضلت تبج لحالها فى مصير وحتى لم سليم ماټ جولت لعاصم يجيب خواتة ويجو رفض يسيب بيت ابوة برضك 
حسين هملهم لحالهم ياولدى انا بفكر فى حاجة اكدية تجربنا كلهاتنا من بعض ونلم لحمنا يا ولدى 
سالم اعمل الصالح يابوى 
حسين حجولك نعمل اية سوة وتسمع كلام بوك 
سالم ومن مېتة بكسر كلمتك يابوى سيف على رجبتى 
حسين تعيش ياولدى 
فى اسكندرية 
كانت تتابع والتصفح موقع التواصل الاجتماعي فى الموضة وشعرت بتعب فى معدتها 
ذهبت إلى المرحاض وتاكدت من ظنونها وشعرت بضيق والألم 
يعتصرها 
ارتدت ملابس الخروج وذهبت إلى الصيدلية المجاورة من المنزل لجلب بعض الاغراض التى تحتاجها
انتهي من عمله فى المستشفى 
وانتظر قدوم اخيه عاصم ليتوجه إلى المنزل
وبعد لحظات كان يصف سيارته أمام البنايه التى يقطن بها 
تفاجو بوجودها تدلف المنزل أمامهم 
جن جنون اخيها عاصم الذى اكد عليها عدم النزول من المنزل 
وبعد الدخول إلى الشقة سار غاضب عليها 
عاصم كنتى فين ياغصون انا منبه عليكى ماتخرجيش ولا لاء 
احمد اهدى ياعاصم بالراحة البت خاڤت 
غصون شعرت پغضب اخيها الأكبر واختبئت خلف احمد ليحميها من بطش وانفعال عاصم 
عاصم ممكن تطلعى من ورى احمد وتقفى قدامى وتكلمينى 
غصون پخوف وتوتر نفذت ما امره بها شقيقها والله كنت فى الصيدلية بجيب حاجة ورجعت علطول 
احمد بتفهم علم ماذا تريد ولكن عاصم لم يفهم بعد 
عاصم حاجة اية انا قولت لو عاوزة حاجة تتصلى باى حد فينا واحنا نتصرف 
احمد خلاص ياعاصم سبها
عاصم يقلق كنتى بتجيبى اية حاسه بتعب ولا حاجة 
قولى مالك وشك اصفر لية ماكلمتيش حد فينا ليه قوليلي مالك فى ايه 
احمد هههه يابنى اختك كبرت افهم بقى وسبها بدل مالبت انصهرت خلاص من الخۏف 
عاصم انت ماتتكلمش بطل سخافة
عاصم بقلق حاسة بأية ياحببتى فى حاجة بټوجعك يابت خاېفة من اية انا دكتور واخوكى هكشف عليكى 
غصون بتوتر لا دة تعب بسيط 
احمد غصون ادخلى اوضتك ارتاحى 
فرت هاربة وهى تشعر بالخجل من عيون عاصم 
احمد انت يابنى مش بتفهم انت دكتور جراح ازاى ومش فاهم اختك مالها اختك كبرت يعنى دى فترة بتيجى كل شهر كدة عند البنات وعشان كدة نزلت الصيدلية مش معقول هتتصل تقول نجبلها اية من الصيدلية هتتكسف 
عاصم معقول كبرت انا لسة شايفها طفلة 6سنين من ساعة امى وابويا ما اتوفو فى رقبتي انا المسئول عنك وعنها 
احمد هههه بس كبرت وعندها 19 سنة دلوقتى اختك كبرت من سنتين ههههه بطل تعاملها على انها طفلة 
عاصم بابتسامة بس هى طفلة وبنتى مالكش دعوة معقول مكسوفة مني
احمد بابتسامة ومني انا كمان من فترة طلبت منى مسكن وانا قولت لازم اكشف عليكى فيكى اية اتكسفت وقالت لا لا انا كويسة دة مغص طبيعى بس عاوزة مسكن 
فهمت هى فيها اية ونزلت جبتلها مسكن واكتشفت انها بقت تتكسف مني انا كمان 
عاصم مسكن اية كتر المسكنات غلط كدة تتعود عليهم ويضرو صحتها هو انت مش دكتور
احمد يابنى انا فهمتها وماتخدش منة علطول وقت لم تكون مش قادرة تتحمل الألم بس انا هروح اعملها حاجة دافية 
عاصم انا هغير هدومى واعمل انت حاجة تشربها بس انا إللى هدخل عاوز اتكلم معاها
توجه احمد إلى المطبخ واعد مشروب اعشاب دافئ إلى اخته
وبعد أن غير ملابسة اخذ من اخيه المشروب وطرق غرفة طفلتة الصغيرة 
ودخل إليها 
كانت نائمة فى الفراش ونهضت عندما تبين انه عاصم وليس احمد كانت متوقعة قدوم احمد 
عاصم خليكى نايمة حبيبتي
غصون لا انا اصلى مش جايلى نوم 
عاصم طب اشربي دة وهتبقي كويسه وياريت بلاش تاخدى مسكنات كتير عشان غلط عليكى ممكن يضرك فاهمة حبيبتي
غصون بخجل حاضر 
عاصم انا اسف ان اتعصبت عليكى بس دة من خوفى والله 
غصون بابتسامة ماحصلش حاجة ياابيه 
عاصم بابتسامة يابت انا اخوكى وابوكى انتى بنتى مش اختى انا إللى مربيكى وشدتى عليكى عشان ماتبقيش ضعيفة يكون ليكى شخصية انا بشد عليكى لكن مش بقسى انتى أغلى حاجة فى حياتى 
غصون بابتسامة عارفة ربنا يخليك ليا 
احمد طب وانا وانا هههه 
غصون بابتسامة وربنا يخلينا لبعض يارب 
عاصم وأحمد يارب 
احمد انا سخنت الاكل وهناكل هنا بقى 
عاصم اممم اية الروايح الجميلة دى 
احمد الحمدلله الرز سليم مش محروق هههه 
غصون غلس 
عاصم الله صنية البطاطس إللى بحبها تسلم ايدك 
احمد لا وبالفراخ كمان يعنى وليمة 
غصون ههههههه 
الفصل الثالث 
فى اسكندرية 
استيقظ عاصم على رنة هاتفه وجد المتصل جده حسين 
عاصم بقلق السلام عليكم ازيك يا جدى 
حسين وعليكم السلام ياولدى كيفك 
عاصم بخير حضرتك بخير 
حسين نحمدو ياولدى عاوزك تدلة على النجع وتجيب خيتك وخيك معاك وماتجيش من غيرهم 
عاصم بخضة خير ياجدى فى حاجة كلكم كويسين 
حسين لم تدلة هتعرف ياولدى 
عاصم حاضر ياجدى انهاردة هنكون عندك 
حسين تسلم وتعيش ياولدى 
خرج عاصم من غرفتة وتوجه إلى غرفة احمد 
عاصم احمد قوم قوم بقى 
احمد فى اية انهاردة اجازتى سبنى الله لا يسقك
عاصم قوم جدى لسة قافل معايا وبيقول لازم نروح الصعيد واخدكم معا يا 
احمد بخضة اية لية فى اية اوع يقول عليكم طار وشغل الصعيد ويدك البندقة ويقول خد بطار ابوك ياولدى 
عاصم فايق وهتهزر فز قوم غير هدومك وانا هكلم المستشفى اخد اجازة انهاردة وابقى صحى اختك 
احمد حاضر 
تحدث عاصم مع المدير دكتور جلال عبدالعظيم 
جلال الو ايو ياعاصم خير 
عاصم بعد اذنك يا دكتور ممكن اخد اجازة انهاردة جدى طالبنى ولازم اروح 
جلال ومالو عملت اية فى موضوع القاهرة 
عاصم والله لسة ماتكلمتش مع اخواتى عشان حضرتك عارف حياتنا هتتلخبط كدة 
جلال انت عارف معزتك عندى ودى فرصة كويسة لجراح ممتاز زيك والمستشفى بتاعتى فى القاهرة هتكون نقلة كبيرة ليك وموضوع السكن ممكن تشترى شقة وتبيعو شقة اسكندرية وكمان احمد اخوك يشتغل معاك فى المستشفى 
عاصم طب غصون وكليلتها 
جلال مافى جامعة فى القاهرة وتقدر تحولها ورقها وتكون جنب المستشفى فى عين شمس تقدر تقدم ورقها جامعة عين شمس بردو 
عاصم حاضر يادكتور ربنا يسهل وهرد عليك ان شاء الله بعد زيارة جدى 
جلال تمام يا عاصم تيجى بالسلامة
احمد فى غرفة غصون 
احمد غصنى قومى يا كسولة هتتفسحى يابت 
غصون اية هتفسحنى فين بدرى كدة 
احمد يعنى قومتى جرى ياختى 
غصون هنروح فين 
دخل عاصم انتى لسة مش جاهزة يلى بسرعة عشان نلحق معاد القطر 
غصون قطر اية فى اية 
عاصم انتى ماقولتش لأختك لسه جدك قافل معايا وعايز نروحلة انهاردة ولازم نتحرك 
غصون نروح الصعيد 
احمد امال انتى فاكرة اية فسحة هتكون عجب بأمر الله 
عاصم تعالى عشان اختك تغير بسرعة ياغصون 
غصون حاضر 
ارتدت ملابسها وخرجت إلى اشقائها
عاصم خلاص جاهزين 
احمد تمام يلى 
عاصم غصون دى اول مرة هتروحى هناك عاوزك مش تتكلمى مع أى حد غير جدك بس ماشى 
احمد فى اية ياعم ماتسبها تختلط باهلنا 
عاصم اسمعى كلامى انا ياحبيبتي وانت كمان تحترم نفسك هناك وبلاش هزار 
احمد حاضر ياعاصم يلى بقى ولا فى تعلمات تانية 
عاصم يلى يالمض 
فى القاهرة فى محطة القطار توجة وسيم وجلس فى القطار وبدأ القطار فى