رواية غرامي

دايما بتحاول نفسها عشان عمر ما حد في يوم غير امها اللي ماټت وسابتها من صغرها 
تاني يوم 
عز صحي الساعه سته زي عادته دخل اخد الشاور بتاعه بيبص لقي المرايه كلها غرام مانضفتش من وراها بعد ما خيطت الچرح كانت تعبانه جدا ومش قادره تقف 
عز اتغاظ جدا من شكل الحمام المقرف ونزل بسرعه لغرام 
وفتح الباب عليها وهو بيزعق وبيقولها 
عز انتي ياهانم 
غرام من كتر التعب كانت نايمه ومش قادره تتحرك ومش حاسه بنفسها وكانت نفسها رجليها بأيديها 
عز شاف نومت غرام افتكر بسرعه لما كانت مرات ابوه بتظلمه وتقول عليه كلام محصلش لباباه وتتبلى عليه وباباه طبعا يصدقها ويكدبه هو ويعاقبه كان برضوا بيجرى علي سريره نفسه وهو صغير وينام نفس النومه دي 
عز اول ما شافها كده واول ما افتكر نفسه بحركه لا اراديه منه راح جاب الغطا وغطاها بيه ولسه هيسيب الغطا علي عز بسرعه راح رمي الغطا في الارض وقال لنفسه
عز في نفسه فوء ياعز انت بتعمل ايه دول كائنات قذره مايستحقووش الشفقه ولا الرحمه كلهم صنف واحد كلهم بيجروا ورا غريزتهم وبس 
عز مشي وراح مسك الاوكره بتاعت الباب ورزع الباب 
غرام من كتر الرزعه بتاعت الباب قامت واتنفضت بسرعه من علي السرير بتبص لاقيت الساعه سته والساعات بتاعت الفيلا كلها بقت ټضرب جامد اوي وعرفت ان ساعات الفيلا دي بټضرب مرتين في اليوم مره سته الصبح وقت صحيان عز ومره سته بالليل وقت رجوعه 
غرام قامت بسرعه عشان تحضر الفطار لعز عشان كانت خاېفه من عقابه جداا
وطلعت تجري علي المطبخ بتبص لاقيت نفسها لابسه هوت شورت وبدي حماله رجعت بسرعه اوضتها غيرت هدومها وطلعت علي المطبخ وحضرت الفطار وكان عز نازل من علي السلم وهو لابس وماشي 
غرام الفطار جاهز 
عز هاتي ال 
غرام باستغراب ال pasket 
عز بشخيط ايوه هاتي ال pasket بسرعه 
غرام راحت بسرعه جابت ال pasket بتاعت الزباله وجت 
عز راح حط الاكل اللي غرام عملته
في الزباله وقلها 
عز الساعه بقت سبعه وانا فطارى سته بالدقيقه ما بعرفش اكل في وقت غير ده المره اللي جايه
سته يكون الفطار محطوط 
غرام داست علي سنانها واتنرفزت وهي شايفه الاكل اللي تعبت فيه اترمي في ال pasket عز بعدها سابها ومشي كان بارد معااها لابعد الحدود 
غرام وقتها غمضت عنيها واخدت نفس وحاولت تهدي نفسها وبقت طول اليوم حرفيا تنضف الفيلا من الاكل اللي كان مرمي في الارض اللي في الحمام وعز علي قد ما بيقدر كان بيبهدل اوضته عشان غرام تتعب في التنضيف اكتر واكتر 
غرام بعد ما خلصت اخيرا بتبص علي التلاجه مالقيتش الورقه اللي عز بيكتبها عشان تشوف هتعمل غدا اي وفضلت مړعوبه طول اليوم عشان لما ييجي اكيد هيسألها عن الاكل ومابقيتش عارفه تعمل اي 
الساعه جت سته بس اليوم ده الساعات مادقتش زي كل يوم في
نفس الميعاد غرام استغربت هو ازاي الساعات مادقتش الساعه عدت سبعه وتمانيه وجت علي ١٢ وبرضوا عز ما جاش وغرام بقت خاېفه موووت من انها تقعد لوحدها مع ان هي شيفاه شيطان في البيت ولما بيكون موجود مابيعملش حاجه غير انه يأذيها بس وجوده في البيت بيطمنها
غرام بتبص سمعت صوت جواميس جايه في الجنينه طلعت تجري بسرعه تشوف في ايه لاقيت ناس بعربيان نص نقل جايه وجايه اربع جواميس وحطيتهم قدام الفيلا وربطوهم 
الرجاله تؤمرنا بحاجه تاني ياعز بيه
عز لا يارجاله اتكلوا انتوا علي الله
غرام بقت تبص من الشباك بتاع اوضتها وبقت مستغربه من اللي بيحصل وبقت تقول في نفسها اي الجواميس دي كلها 
عز فتح الباب بتاع الفيلا ورمي الجاكيت بتاعه في الصاله وطلع علي اوضته حط مفاتيحه علي الكومود ورمي نفسه علي السرير 
غرام اول ما عز جه اتطمنت ونامت 
وبعدها صحيت تاني يوم الصبح علي صوت زماره عربيه 
مراد تييييييييت .. تييييييييييييييت 
عز اسكت بقي شويه ڤضحتنا
مراد بسرعه ياعز شويه هنتأخر علي صلاه العيد 
عز كان لابس الجلابيه السودا بتاعته وكان بيزرر كمام الجلابيه ونازل من علي السلم غرام وقتها افتكرت ان النهارده العيد 
غرام ياااااه ده انا ناسيه حتي ان في عيد للدرجه دي حتي العيد ما حسش بي وعشان تحس بالعيد فتحت التليفزيون علي التكبيرات بتاعت العيد وطلعت ايسدالها وبقت تصلي العيد مع الصلاه وهي بتصلي بقت دموعها تنزل منها من كتر حزنها ومن كتر مافيش حد معاها حتي يقولها كل سنه وانتي طيبه
وبعدها سمعت صوت ناس كتيره اوي بره في الجنينه وعز ابتدي يرفع الجلابيه وبقي يمسك الجاموسه وبيدبحها بأيديه واول ما يدبح الناس اللي معاه تسلخ وتنضف الجاموسه دبح الاربع جواميس وبقي يحط ايده في ويمسح في مراد ومراد ېخاف ويجري من عز كان بيضحك من قلبه مع مراد ولاول مره غرام تشوف ضحكت عز 
لما بيضحك شكله بيبقي مختلف تماما مش هو عز القاسې اللي بيعاملها بكل قسوه عز اخد اللحمه وبقي يعملها كياس والناس كانت واقفه قدام الفيلا كتيييييير اوي زي ما يكونوا عارفين كل سنه بييجوا ياخدوا لحمه من عز وعز بقي يفرق عليهم كلهم وبزياده كمان 
واللي اخد مره ياخد التانيه لحد ما اللحمه كلها خلصت والكل مشي 
والدنيا كانت متبهدله في الجنينه حرفيا 
عز دخل في الفيلا وهو كله م واول كلمه قالها 
عز انتي يازفته 
غرام كل سنه وانت طيب 
عز بصلها وسكت وبعدها مشي وقلها الجنينه دي كلها وقرف تتنضف حالا انتي فاهمه 
غرام فاهمه 
عز جه يطلع علي السلم عشان ياخد الشاور بتاعه راح قلها 
عز غرام 
غرام راحتله وقالتله 
غرام نعم 
عز وانتي طيبه 
وسابها وطلع .. عز قلع هدومه ودخل اخد شاور وعو تحت الدش وبيلوم نفسه انه رد عليها وقلها وانتي طيبه 
عز في نفسه اي الغباء بتاعي ده اي اللي يخليني ارد علي واحده زي دي مش فاهم انا 
عز بعدها لبس وطلع بره اافيلا ركب العربيه السودا بتاعته ومشي وهو مخڼوق جدا وبقي وهو ماشي بقي من كتر غله صوت الكاوتشات بتاع العربيه بقي بيطلع ڼار اصلا من كتر الحكه في الارض 
غرام فضلت طول النهار تشيل القرف بتاع الجواميس وتشيل لحد ما اخيرا خلصت وتعبت وجت لسه هتدخل اوضتها بتبص لاقيت عز جاي ووراه عربيتين jeep لونهم اسود 
ومره واحده عز نزل من العربيه وقال 
عز هاتووه
غرام مشيت وراه عز بتبص لاقيت في مخزن ورا الفيلا 
اخد الراجل ومعاه بودي جاردات ومره واحده بتبص من بعيد 
عز انت خونتنا 
الراجل لا ياعز بيه انا عمري ما اخونك 
عز انت اللي قولت للبوليس علي العمليه بتاعتنا 
الراجل محصلش .. محصلش 
عز لو قولت الحقيقه هموتك انت بس لكن لو كدبت هموتك انت وعيالك 
بشخيط انطق انت اللي قولتلهم علي ميعاد العمليه الجديده 
الراجل لاء عيالي لاء عيالي مالهمش ذنب ياعز بيه ايوه 
ايوه انا اللي قولتلهم كانوا لو مكنتش اشتغلت معاهم
عز انت كده كده مېت 
ومره واحده رفع وضړب الراجل
طلقه في قلبه ماټ في ساعتها وقتها غرام شافت كده راحت مصوته 
غرام اااااااه 
عز 
غرام اول ماشافت عز بيضرب الراجل راحت مصوته 
غرام اااااه 
عز 
عز
بص لغرام لقاها طلعت تجرى غمض عينه وداس علي سنانه
من