رواية عروسة لحمايا
المحتويات
بالكلام دا
بدرية طيب شورينا نعمل اي
رضا مفيش
غير حل واحد تشوفوا وحده تكون مکسورة ملهاش حد يقفلها لاب ولا اخ وتكون في اديكم زى اللعبه وترضي بالي ترموهلها وتحمد ربنا عليهوالاهم متكونش ليها في الخلفه والمياعه
بدرية وهنلقي فين وحده بالمواصفات دى
نوال سرحانه في كلام رضا وقفت مرة وحده بفرحه لقتها
نوال وانا لاقيتها
رضا وبدرية مين
نوال اخت جوز اختى
بدرية مين فيهم
نوال سوما
رضا بس سوما متجوزه من وهى عيلة صغيرة
نوال سوما مطلقة بقالها سنه قاعده عند اختى
بدرية يختتاى على البنية وقعت تحت ايد فرحه وهى ال تتحط على الچرح يطيب
نوال بسخريه زيك بالظبط
نوال حته عجينه من أيدها دى لايدها دى
رضا كده تسمعونى انتوا الاتنين كويس وانا اقولكم هتعملوا ايه اصل خلاص مافيش هروب طالما حطوا
عماد وهو بيرمى نفسه على الكرسى مشوار يهد الحيل ويتعب
عاطف الواحد كان فاكر اول نا نروح هنلاقى العرايس على قفا مين يشيل طلع الموضوع زى ال بيدور على ابره فى كوم قش
مخدوش من ال واقفة بتسمع كلامهم والسعادة هتنط من عنيها وبسرعه اتصلت على سلفتها
الو
بت يا نوال احنا ربنا بيحبنا
خير طمنيني
الجماعه عندى قاعدين وسمعاهم بيتكلموو فى الموضوع وزى ما راحوا زى ما جم فايه رايك اقترح عليهم
نوال لا لا رضا مين سيبى الموضوع ده عليا اول ما عماد يطلع من عندك ادينى رنه وبس
بدرية بسرعه اقغلى يختى شكله طالعك اهو
قفلت معاها ومفيش دقيقة وكان عماد بيدخل من باب الشقة
نوال وهى بمستقبله بابتسامه حمد على السلامه ياحبيبي كده برضه تقلقني عليك رنيت كتير ومردتش
نوال وهى بتحط ايدها فى دراعه وداخلين سوا اوضة النوم الأول قولى عملت ايه فى موضوع العروسة
عماد نوال مش لازم تعرفى كل حاجه قولى ال عندك وحلى عن دماغى انا جاى تعبان ومصدع
نوال قول بس علشان اقولك على المفاجأة ال عندى
عماد وهو بيتنهد ارتاحي يختى مالقناش حاجه مناسبة
عماد بيتعدل وبسرعه بجد ده انتى ليكى احلى هديه
نوال عارف فرحه اختى
عماد بسخرية وهو حد يعرف فرحه قدى
نوال بعيد عن تريقتك اختى هى ال عندها العروسة
عماد قصدك على مين بالظبط
نوال سوما اخت جوزها
عماد وهو بيبوس راسها مقولتيش من الاول ليه بدل الپهدلة ال الواحد شافها
طلع من الاوضة وهو بيرن على اخوه
نوال بمكر رايح فين بس يا عمده مش هتستريح الاول
عماد الموضوع ده أهم من اى راحه ألوو
عاطف تعالى عند الحج انا لاقيت العروسة خلاص
تانى يوم فى بيت فرحه
واول ما اقتنع حماها راحت لاختها تخطبها لحماها هي وبدرية واتغقوا مع اخت نوال تزود معها البهدله وتهنها وتطردها كل يوم والتاني بره البيت عشان بخلوها توافق على الجواز بشرطهم
نجحوا في خطتهم وراحت بدرية ونوال لبيت اخو سوما وقعدوا معها واقنعوها بالجواز
نوال بصي يا سوما انا عارفه المرمته اللي انتي فيها وعارفه كمان انك ملكيش
ذنب في عمايل حماتك منها لله معاكي وعندنا عرض انا وبدرية ليكي هتطلعي منه بقرشين حلوين وكمان شقة متحلميش تعدى قدمها بدل الخنقة للي عيشها في بيت اخوكي
سوما بكسرة وحزن مع نظرات مرات اخوها انا موافقه على كل حاجه عاوزنها بس ليا شرط واحد ان اللي عاوزينه ما يغضبش ربنا وكمان اضمن انكم تنفذوا وعدكم ليا
سوما شروطكم ايه
نوال هتمضي على ورقه انك ملكيش اي ورث عندنا غير الشقه ومبلغ هندهولك تعيشي بيه باقيه عمرك مرتاحه حاجه كمان كدا كدا احنا عارفين انك اطلقتي عشان الخلفة ولضمان بردة لاي سبب هتخدى حبوب منع الحمل
بدرية بذهول حبوب منع الحمل ليه يانوال هي مش مطلقة عشان مبتخلفش
نوال بتوتر الامر ما يسلمش يابدرية ياما ناس زى سوما حملوا من جوزهم التاني
بدرية على رايك كده اضمن
فرحه قربت من نوال وبهمس قالت لها بت يانوال انتي ليه خبتي على بدرية ان سوما بتخلف والعيب عند المخفي طلقها
نوال بنفس الهمس وطي صوتك هتفضحينا بدرية بطرت كتير مع كل من هب ودب كلمه من هنا على كلمة من هناك ممكن الكلام يوصل لام طليق سوما وتجي تبهدلك انتي ناسية العكمة اللي ختيها من وراها
فرحه يا عني انا اخدتها لوحدي ما انتي كمان نابك نصها
نوال ايوا بقي مشفهمش وهم بيسرقوا شفوهم وهم بيتحاسبوا
فرحه بنفس الهمس وانا هيطلع ليا ايه من الجوازة دى
نوال بحدة فرحة بلاش تتلئمي عليا مانتي كمان كسبانه من جواز سوما من حمايا الخير هيعم عليكم تلجته دايما عمرانا وانتي مش هتتوصي كل ساعة والتانيه هتنطلهم ويكفي ان سوما هتسبلك الشقة تبرتعي فيها وممكن تتنازل عن نصبها في البيت ليكي ولولادك
فرحة ان كان كدا ماشي موافقة
بدرية هو انتم هتتوددو كتير احنا اتاخرنا على الجماعة
نوال يلا نقروا الفاتحه على اللي يخون ويخرج الكلام دا برنا احنا الاربعه
رجعوا البيت وقالوا لحماهم ولازوجهم ان العروسة موافقة بس ليها شرط واحد عشان تضمن انها متتبهدلش مرة تانيه لقدر الله بعد عمر طويل ليك ياعمي مهرها وشبكتها ومأخرة الشقة اللي هتعيش فيها
غانم وماله حقها انا سالت علي اخوها وعليها وطلعت معلهاش غبار
نوال احنا اتفقنا معهم كتب الكتاب والډخله يوم الخميس الجاي الشقة جاهزة ومفهاش حاجه نقصة
غانم لاء اجلوها شهر على ما ادهن الشقة واجيب اوضة نوم جديدة بدل اوضة نوم الحاجه لا انا ولا عيالي يحبوا حد يستخدم حاجه امهم
بدرية بضيق ونوال بغيظ وماله ياعمي اللي انت شايفه صح هنعمله
عاطف ممكن اقول راي ياحاج بدل الدهان والبهدله نجبب ورق حائط للشقه كلها ونجيب اوضة نوم ونحطهافي اي اوضة من اوض الشقة وخلي اوضة امي مكانها وكتب الكتاب في معادة خير البر عجله
وافق غانم وقامت بدرية ونوال يزرغطوا شخط فيهم حماهم وقالهم ما يصحش اللي عملتوه دا عاوزيني ابقي مضحكة للناس
عدي الاسبوع سريعا وتم كتب الكتاب ومضت سوما على ورقة الاتفاق مع بدرية ونوال وصلت الشقة مع غانم وهي متوترة غانم كان فرحان بيها وقعد يرحب بيها
غانم مبروك ياسوما ان شاء الله ربنا يقدرني واسعدك بس في شويه حاجات لازم نتفق عليها في الاول عشان نقدر نتفاهم ومايحصلش بنا خلفات بعدين
سوما بلجلجه وخوف تحت
امرك ياحاج كل اللي تؤمر بيه انا رهن اشارة منك
الحاج مايؤمرش عليكي ظالم ولا عدوا ياسوما كل الحكاية انا راجل محبش سربيتي يبق بره واكلي يكون من ايد مراتي و مش بحب التنطيط وكل ساعة والتانيه تقولي رايحه ازور اخويا والكلام دا ليكي يوم في الاسبوع تروحي تقضيه معه وكمان يجو يزروكي معنديش مانع اهم حاجه اللي في بيتي مايطلعش بره سواء منك او من اهلك
سوما في نفسها اعمل ايه بس ياربي الراجل طيب ويتحط على الچرح يطيب ايه اللي عملته في نفسي ده اقوله واخلص ولا هبق فتانه
متابعة القراءة
