نوفيلا نيللي

و بدون مقدمات
نيلى تامر طلب فلوس تانى
ياسمين بدهشة تاااانى و حولتة طبعا
نيلى كنت هحول المبلغ بس فى حاجة وقفتنى
ياسمين ابتسمت براحة و اتنفست الصعداء شاكرة الله فى سرها ايه اللى وقفك
نيلى اصل خفت يكون ادهم مراقب حسابتى و هيعملى حكاية ففلت هروح البنك و اسحبهم بنفسى او اكتبلك شيك و تصرفيه و تدي لتامر الفلوس
طبعا ياسمين فى سرها احيييه والله دماغك الماظ يا نيلى يلا يا نيلى وصلنا اهو واما نطلع نتكلم
طلعوا الاتنين و هما ساكتين و ياسمين بتفكر فى اى حيلة تقنعها متبعتش الفلوس بس توصلت لفكرة ما ربما تعجب نيلى
دخلوا الشقة نيلى اتوجهت للمطبخ على طول و طلعت حاجات الاكل اللى اتفقت عليه تعمله و حطته على كاونتر المطبخ ثم اتوجهت لماكينه القهوة و حضرت فنجانين قهوة ليها و لياسمين و ياسمين واقفة مستغربة بس استبشرت خير ان نيلى بدأ تخضع لادهم حتى و لو على مضض منها
ياسمين رشفت

اول رشفة الله القهوة دى بتعمل قهوة خطېرة
نيلى بتضحك بتتريقى انتى كمان
ياسمين لا والله
نيلى طب اكتب الشيك بقى
ياسمين بصى يا نيلى ايه رايك تختبرى تامر
نيلى بدهشة و تعجب اختبره ازاى و ليه
ياسمين تشوفى ببحبك اكتر و لا ادهم اكتر
نيلى طبعا تامر
ياسمين بيأس طب هنشوف ايه رايك تخليه تحدى علشان تقفى فى وش ادهم بمنتهى الثقة و تقوليله ان تامر بيعشقك
نيلى و بدأت تروق ليها الفكرة طب ازاى
ياسمين اتقلى على تامر
نيلى what? How?
ياسمين متحوليش الفلوس
نيلى بتهزرى بس دول للبيزنس
ياسمين كاهو لو للبيزنس هيتصرف و هيثبت نفسه قدامك و انه قدها و قدود
نيلى فكرة حلوة اوك مش هحول الفلوس و اشوف هيعمل ايه
و فجأة تيلفون ياسمين رن برقم تامر
ياسمين باستغراب و قرف دة تامر
نيلى بفرحة اااه منا قلتله انك هتكونى معايا و قلتله يكلمنى لو احتاجنى اكيد محتاجنى
ياسمين فى سرها دة محتاج فلوسك طب خدى ردى
نيلى ردت و اول ما قالت ألوو
تامر بعصبية و نرفزة محولتيش الفلوس ليه يا نيلللى
نيلى نزلت دمعة منها ڠصب عنها و بصت لياسمين ااتضح ان معها حق فى مشكلة فى الحساب اما تتحل هبقى اشوف و بعدين مكن تصرف نفسك باللى فى الحساب يا تامر
تامر بقرف اصرف نفسى. ايه اللى بتقوليه دة
نيلى باى ناو ادهم جه
و قفلت سريعا و اترمت فى حضڼ ياسمين مقاليش وحشتينى ولا حتى ازيك
ياسمين بتطبطب عليها قلتلك يا نيلى اسمعى كلامى مش هتخسرى حاجة
نيلى انا نيلى الشرقاوى و مش هسكت و مش هخلى حد يستغلنى تانى
ياسمين ايوة كدة والله طلع ببحبك يبقى انتى اتاكدى طلع بيستغلك يبقى احنا كلنا معانا حق
نيلى و بدأت تتعاطف تانى ما هو يمكن محتاج الفلوس دى فعلا
ياسمين بعصبيةحتى لو محتاج يا نيلى هو راجل و صاحب جيم يعنى ممكن يعمل قرض ولا هباب ازرق على دماغه متخلنيش اغلط بقى
نيلى طيب يوه
ياسمين رفعت حاحبها و مدت ايديها لنيلى معايا مش هتضعفى ولا هتعملى حركات غببة
نيلى معاكى
و و اكملت نيلى انتى اختى يا ياسمين
ياسمينوانا بحسك بنتى يا نيلى مش صحبتى و اختى بس. انا همشى بقى لادهم يجى و يعلقنا. و حاولى كدة متبقيش ناشفة معاه طريها شوية
نيلى انتى كمان الفاظك بقت بلدى اوى
ياسمين طب يلا باى باى
ودعتها و رحلت و اتوجهت نيلى للمطبخ انها المعركة و لازم تطلع طبق مكرونة و بانيه
و لقد اتبعت التعليمات و الخطوات جميعا و لكنها نست بعض الخطوات البسيطة مثلا اضافة الملح على ماء المكرونة مع زيادة مدة طهى المكرونة حبة لا صراحة هى زودتها حبتين و اما عن صوص الطاطم فنسيت شووية حاجات زى انها محطتش اى توابل الا الملح و زودت الملح حدث ولا حرج بالنسبة للبانية بقى الحمد لله اتحرق شوية و غير انها معرفتش ازاى تبشر بصل بس كتر خيرها انها افتكرت ان الوصفة فيها بصل فقطعته و حطته جنب الاكل و جاء ادهم و سلم عليها و اتوجه لغرفته استقبل تيلفون ياسمين باخباره كل القصة و لا نخفى انه فرح جدا ان نيلى بدأت تقول لا لذلك المستغل و خلص و اتوجه لنيلى اللى قدمت الاكل على السفرة و قعدوا و ابتدوا الاكل
ادهم و هو بيضحك على البصل اللى جنب البانية ايه دة يا نيلى
نيلى مش احنا شفنا الوصفة امبارح و كان فيها بصل مبشور معرفتش ابشره يا ادهم
ادهم ضحكو ماله عادى. تسلم ايدك
نيلى غرفتله كبشة مكرونة و اللى اشمئزت شوية من شكلها المعجن و بعدين قالت لنفسها اكيد انعام بتجيب نوع باستا احسن من دة اتفضل
ادهم بقى فى داخله متوقع الطعم هيكون عامل ازاى بس هو هيحاول ميزعلهاش علشان متقفش منه كفاية انها هتبدأ تعصى اومر الآخر و بدأ ياكل و العجيب انه اكل و متذمرش على اكلها رغم ان نيلى معجبهاش و بعد ما خلصوا شالوا الاكل سوا و وقف معاها فى المطبخ
ادهم اعملك سموزى
نيلى بتعرف تعمله
ادهم دوقى و شوفى
و عملها سموزى و عجبها جدا و هما بيتفرجوا على التى فى بصتله نيلى و دققت فيه انت ازاى كلت الاكل و هو
ادهم قاطعها وحش
نيلى هو وحش بس
ادهم

بصى يا ستى انا عايش لوحدى بقالى سنين و انا مش من هواة اكل المطاعم و مبحبش اكل من ايد حد بدأت اتعلم لوحدى و كنت بعمل حاجات افظع من دى
نيلى باستغراب انت ازاى كدة
ادهم ابتسم و فتح دراعه و حط ايده على الكنبة بحيث تكون فى ضهر نيلى كدة اللى هو ازاى
نيلى صراحة عمرى ما توقعت شخصيتك كدة
ادهم ضحك بصوت عالى جدا ولا انا عمرى ما تخيلتك كدة
نيلى بتضحك ليه
ادهم لا مفيش
مسكت تيلفونه و قربت منه بتلقائية هنعمل اكل ايه بكرة
ادهم انتى عاوزة ايه
نيلى بيكاتا
ادهم تانى يا نيلى و بعدين دى صعبه عليكى تانى و قلتلك متقوليش الكلمة دى تانى بتعصبنى. اقولك اعملى شاورما سهله جدا
نيلى اوكيه
اخد ادهم الموبايل بايده الحرة و ضم نيلى بايده التانية علشان يفتح الموبايل و شافته و هو بيكتب الباسوورد nilly و متذمرتش انها فى حضنه و بصتله على فكرة نيلى ب ال e مش بال
ادهم بصلها هو دة اللى همك
فتح يوتيوب و جاب اسهل وصفة شاورما و اتعمد انها تشوف الوصفة فى حضنه و هى مامنعتش و حست ببعض من الراحة و الدفئ لم تشعر به من قبل و بعدها بصلها خلصتى
نيلى اه فعلا سهلة
ادهم متحطيش ملح خالص انا اما هاجى هحط
نيلى ضحكت ههههههههههههههههههههه حاضر
ادهم انتى عارفة ان العزومة بعد بكرة
نيلى عزومة ايه
ادهم ههههههههههههههههههههه ههههههههههههههههههههه انتى نسيتى ولا ايه
نيلى و ضحكتها اختفت اااااااخ
ادهم هتعملى اكل ايه بقى علشان ننزل نجيب الطلبات
نيلى هو لازم يا دهم
ادهم اه لازم و بعجين علشان تصالحى جدو دة تعبان اوى
نيلى پخوف تعبان بجد
ادهم تعبان اوى يا نيلى
نيلى طيب خلاص هعمل اى حاجة
ادهم بخبث اى حاجة اى حاجة
نيلىمنا مش عارفة ممكن اعمل....
ادهم اوعى تقولى بيكاتا
نيلى ضحكت ههههههههههههههههههههه ههههههههههههههههههههه ههههههههههههههههههههه طب هعمل ايه
ادهم تعالى اعشيكى و نفكر هتعملى ايه ولازم تبهريهم علشان ميقارنوش بينك و بين ابو ششقرا
نيلى ضحكت تانى كان صبحى كابر
ادهم كنت عارف
نيلى انت كسفتنى يومها
ادهم ضم ايديها فى ايديه و باس ايديها بوسة رقيقة اسف يا ستى
و برد فعل غير متوقع ضمته نيلى شكرا يا ادهم
ذهبوا للمطبخ و عشاها بشندوتشات خفيفة كدة و بعدها كل واحد نام و قبل ما ادهم ما يروح فى النوم راح اوضتها و مسد على شعرها و باس راسها و همس فى ودنها بحبك
نيلى حست بيه و ابتسمت و اول ما خرج بدأت ټعيط
مر يوم الشاورما على خير مفيش الا كوارث صغننة فى الاكل تغاضى عنها ادهم و قرروا يعملوا مشوياات و دة طبعا لانهم قالوا كدة للجميع و ادهم فكر نيلى و هى بلغته انه يسيبلها الاطباق الجانبية
لكن اليوم دة ممرش على خير على تامر فظل يتعصب و يتنرفز و شوزى تحاول تهدأته لكن هيهات هيهات 
و جه يوم العزومة على خير تبلت نيلى الاستيك و تبلت فراخ و ذاكرت كويس جدا جدا بس الاطباق الجانبية لسة محدش يعرف عنها حاجة
بعد صلاة الجمعة نيلى بتحاول تطرق ادهم من الشقة باى طريقة قبل ما الضيوف ما يجووا و ادهم جاله تيلفون و نزل و اما جه كان الاب خليل و الام سعاد و حسن و ياسمين جم و تبقى الجد و بعد وقت وجيز الجد جه و معاه انعام
و الاكل بدأ يتحط الفراخ شكلها مستواش كويس و الاستيك اتحرق شوية و اندهش ادهم انه شاف كفته شكلها من الانواع الجاهزة اللى بتطبخ على طول و شاف سلطة متقطعة بطريقة غريبة شوية و اما الطبق الجانبى كان الدهشة العظمى اكبر حلة اندومى فى التاريخ البشرى
الكل اتجمع على السفرة و اتعجب من منظر الاكل فشتان بين الاكل دة و الاكل بتاع المرة اللى فاتت
و بدأت تغرف و تحط الاكل 
الجد ايه دة نيلى
نيلى فراخ مشوية بطريقة ميكسيكان يا جدو
الجد ااااه
سعاد هو دة استيك
نيلى مشوى على الفحم
حسن ممسكش نفسه و ضحك و ياسمين ضړبته فى رجله
نيلى اتفضل يا حسن 
حسن لا انا هاخد اندومى
نيلى انت شاطر عرفته لوحدك
ادهم فطسان لا انتى فوقتى كل توقعاتى 
خليل اومال المرة اللى فاتت مين اللى كان عامل الاكل
نيلى حبيت اغير يا عمو
سعاد وانت

يا ابنى بتاكل اندومى كل يوم 
ياسمين و بتحاول تقطع الفراخ بالسکينة أتكلمت بصوت واطى الفراخ لسة نيه
حسن بضحك قلتلك تاخدى اندومى و تحطى لسانك فى بؤك
ادهم قدام الجميع علشان بعد كدة متكدبيش يا نيلى 
نيلى و بدأ الدموع تنزل من عنيها انا مش كدابة شايف يا جدو 
الجدالراجل ليه حق الله يخييبك يا نيلى 
نيلى بدأت تشهق و جريت على اوضتها و استأذن حسن و ياسمين 
سعاد هى هتفضل مقصوصة كدة 
ادهم پغضب مامممما
سعاد لا ماما و لا بابا يلا يا خليل
مشى سعاد و خليل و تبقى الجد و انعام
انعام ممكن اطلعلها يا ابنى 
ادهم اتفضلى يا دادة
دادة انعام وصلت للاوضة و دخلت لنيلى اللى اترمت فى حضنها هى مربيتها و تعتبرها كامها كلهم اتريقوا عليا يا دادا 
انعام يا بنتى اللى عملتيه ميصحش
نيلى ما ادهم الزفت هو اللى حطنى فى الموقف دة
انعام بزعل زفت ادهم بيه سيد الرجالة يا بنتى متقوليش كدة 
نيلى على طول بيحرجنى و يكسفنى
انعام يا بنتى احنا اللى دلعناكى زيادة عن اللزوم 
نيلى انت مش عاوزاه يجرحنى تانى 
انعام طب تحبى اعلمك الطبخ
نيلى و