رواية عمر القصول الاخيرة

لجواره حتي أخرجته من المصح وساعدته كي يعيد أعماله لما كانت عليه بفضل علاقاتها الكثيرة فقد كانت من أشهر سيدات الأعمال ...
من المفترض انه خرج من المصح لأنه تعافي ولكن الحقيقة انه خرج منه أسوء بكثير مما كان عليه ...كان المصح تابع لأحد أصدقاء والده فأفهمه والده انه بخير وانه دخل المصح فقط كي لا يسجن ...كان المصح بالنسبة له كالفندق ولكن حالته بالفعل ساءت جدا ...زادت الهلاوس وزادت عدوانيته ...وبعد خروجه وعلمه بزواج أدهم وشغف وانجابهما وسفرهما الي الخارج أصبح مسخا بمعني الكلمة ...لم يكن ينتظر سوي الفرصة المناسبة التي يذيقهما فيها من بعض ما ذاقه وحتي ان ضاعت روحه فلن يبالي ...
دخل الي الغرفة فما ان رآته مايا حتي احتضنته بشدة 
أبتسم لها ثم قال 
مقولتليش انك جاية يعني 
هو انا لازم اقول اني جاية لأخويا حبيبي وبعدين انا بس جاية أسلم عليك وهمشي علي طول عشان مسافرة انا وأحمد النهاردة 
مسافرة فين مقولتليش يعني ! 
هنسافر روماعشان نتمم صفقة وبالمرة هنقعدلنا اسبوع ولا حاجة 
ماشي يا حبيبتي تيجي بالسلامة 
طيب يلا همشي انا بقي عشان سايبة كوكي مع البيبي سيتر وانت عارف اني بخاف عليه 
بعد ان ذهبت ظل يطالع الفراغ
بشرود ثم أمسك بهاتفه وقال بأبتسامة شيطانية 
عايز الي انا قولته يتنفذ في أقرب وقت ممكن ...النهاردة قبل بكره انت فاهم
في الساعة الثانية عشر في منتصف الليل دق جرس الشقة فقام أدهم بفتح الباب ليتفاجئ ب نور تقف علي الباب وهي تبكي وابنها الصغير نائم علي كتفها ...
قال أدهم بدهشة 
نور ! ايه الي جايبك دلوقتي وفين يوسف ! في حاجة حصلت !
دلفت الي الشقة ثم ذهبت الي اختها والقت بنفسها في حضنها وهي تقول باكية
انا مش هرجعله تاني الحيوان ده ...انا هتطلق منه مليش دعوة مستحيل أعيش معاه تاني 
يا حبيبتي قوليلي بس ايه الي حصل لكل ده ...يوسف عملك ايه م كنتو كويسين امبارح 
قاطع حديث شغف ونور طرقات علي الباب ففتح أدهم ليجد يوسف أمامه 
اهه شرف ...ممكن بقي حضرتك تقولي ايه الي عملتهولها خليتها جاية معيطة في نص الليل وبتقول انها عايزة تطلق 
امشي قدامي دلوقتي بدل م ارتكب فيكي جناية يا نور ...ولما نروح بيتنا انا هعرف احاسبك علي انك تسيبي البيت وتمشي في نص الليل كده لا وعايزة تطلقي كمان 
اه هطلق منك ومش هتشوف خلقتي تاني عشان تعرف تمد ايدك عليا كويس 
نظر له أدهم پغضب وهو يقول 
انت مديت ايدك عليها انت اټجننت ! 
اسالها الاول هي عملت ايه عشان تخليني اعمل كده ...بقولك ايه يا نور آخر كلام عندي هتمشي معايا دلوقتي ولا لا 
قولتلك لا واعمل حسابك اني مش هرجعلك تاني انت فاهم 
ماشي يابنت الناس طالما ده آخر كلام عندك ...خليكي بقي قاعدة هنا ...قال ذلك ثم تركهم وذهب دون ان يرد علي كلام أدهم فقد كان الڠضب قد بلغ منه مبلغه ...
حاولت شغف كثيرا ان تفهم منها ما حدث لكنها لم تتكلم ...كانت شديدة الحزن طوال اليوم فأقترحت شغف ان تذهبا برفقة الأطفال الي احد المولات كي يشتروا بعض الأغراض وتخرجها مما هي فيه ...ولكن ان علمت شغف بما سيحدث ماكانت لتقترح ذلك الأقتراح أبدا ...
أقلهما أدهم الي المكان الذي يوجد به المول ثم ذهب الي عمله علي ان يتصلوا به في الوقت الذي يريدون العودة به كي يأتي ويعيدهم الي المنزل ...
بعد لعب الأطفال في الملاهي الخاصة بالمول اشتروا بعض الألعاب جلسوا كي يأكلوا