رواية انا وهي الجزء الاخير

حلو
حمزه _ حلو جدا 
لاكن في البيت بس
تلا_ حاضر يا حمزه حاضر بس مش واسع شويه اجيب مقاس اصغر
حمزه _ لا 
حلو ده كده
تلا_ طيب انا هجيب التاني نفس المقاس وخلاص
حمزه _ ماشي
ودخلت لبست وطلعت خدت الفستان وقعدو يتعازمو مين ال يحاسب وهو اصر ان هو ال يحاسب وبعد ما طلعو 
تلا_ علي فكره لبسي دا مسؤليتي اجيبه من فلوسي
حمزه مال علي ودنها_ لما نبقي نتطلق
وبعدين في حد يلاقي الدلع وميدلعش يا توته
تلا اتوترت_ ط طب تعالي ندخل المحل دا
حمزه _ يلا 
مازن _ حرااام عليكم يا عالم يا مفتليه 
لجلي وجعتني 
سيلني يا خالو 

حمزه شاله 
حمزه _ حاضر يا قلب خالو 
دخلو وفضل يلفو وف الاخر اخيرا عجبه حاجه واشترو حجات وطلعو
تلا_ كفايه كدا يا حمزه تعالي نقهد ف اي حته
حمزه _ تحبوا تقعدوا فين
مازن _ عايز اروح الملاهي 
حمزه _ في كافيه هنا فيه مكان للاطفال ابقي روح اللعب فيه 
اشطا
مازن _ اشطا 
حمزه بص لتلا _ اشطا
تلا_اشطا
ودخلو يقعدو ف كافيه 
وراح مازن يلعب ف الكيدز ايريا
حمزه _ توته
تلا_ نعم
حمزه _ ممكن تحكيلي الي حصل لباباكي والتغير الي حصل بعد كده
تلا تغيرت ملامح وشها 
تلا_ عايز تعرف ايه بالظبط وانا احكيلك
حمزه _ كله لو امكن
تلا_ بابي كان مريض قلب 
فض الشړاكه بينه وبين عمي و حصل مشاكل كتير 
في مره جه
عمي وشدو ف الكلام جامد بابا جتله ازمه قلبيه حاده ماټ فيها عمري ما انسي نظره عمي كان مش حزين انا متاكده كان مبسوط ان ابويا ماټ هو ماټ من هنا وكل حاجه حلوه ماټت معاه امي فضلت تحاول تخليني انسانه انانيه وتغير فيا 180 درجه 
من يوميها وعمي بيحاول يكوش علي فلوسه عمي وامي ناهبين نص الفلوس وكل الثروه ال بقت موجوده دي نتيجه اني بعد ما تميت 18 خدت كل الاملاك لان بابايا كان كاتبهالي كلها لانو عارف ماما هتعمل ايه
اول ما نزلت الشركه كانت متدمره تعبت وطلع عيني لحد ما كبرت زي ما انت شايف عمي كان دايما عايزني اتجوز ابنه عشان يكوشوا علي كل الاملاك بس انا مديتوش فرصه كنت مضطره اتغير وابقي كدا عشان كان اغلبيه صفقاتي كانت مع رجاله لو كنت فضلت طيبه كنت هتاكل ف النص
حمزه بهزار_ يا واد يا جامد انت
تلا _ حمزه انا 
ولسه هتكلم 
ريهام_ايه دا بجد الصدفه دي اجي اشرب كوفي الاقيكم هنا شفتو ليكم نصيب تشوفوني ونكمل الخروجه مع بعض
حمزه _ لا مش ممكن صدفه انما ايه
تلا_ تعالي يا ريهام يا حبيبتي هتقعدي فين ميصحش تقعدي جمب حمزه تعالي مكاني 
وشدتها جامد من اديها
وراحت تلا علي الكنبه ال كان قاعد عليا حمزه وقعدت جمبو
تلا_ايه يا حمزه احنا مش خلصنا ولا ايه مش هنروح بقا احنا تعبنا جدا انهارده 
ريهام_ هو انا اول ما جيت انتو هتمشو
حمزه _ مش كده 
بس احنا لفينا كتير جدا انهارده
تلا_ تشاو ياااا يا ريهام
ريهام _ تشاو 
وخدو مازن ومشيو 
تلا_ الصبر من عندك يا رب ما هو شوفلك صرفه ف قرايبك يا اما متجيش تلومني علي ال هعمله فيهم
حمزه _ ۏلعي فيهم 
برحتك يا حبيبتي
تلا اتكسفت اول ما قالها حبيبتي وهرب كل الكلام من علي لسانها
ركبو العربيه وروحو وطول الطريق حمزه بيفكر ف غيرتها عليه وهي بتفكر ف كلمه حبيبتي ال قالها
الفصل 10
ركبو العربيه وروحو وطول الطريق حمزه بيفكر ف غيرتها عليه وهي بتفكر ف كلمه حبيبتي ال قالها
وصلو البيت ودخلو و هي دخلت تاخد دوش عشان تفوق ولبست الفسان الديق ال جابته وكان لونه كاشمير فاتح ونشفت شعرها وسيبته وحطت روج هادي بس كدا عشان تغيظ عمته وريهام 
وبعد ما خلصت دخل حمزه الاوضه 
تلا_ حمزه الفستان حلو بجد ولا البس واحد تاني
تلا اتكسفت من نظرته ليها 
تلا بتوتر_ انا بقول يعني دا حلو ولا البس واحد تاني
حمزه انتبه _ احم 
اه حلو حلو 
انا هنام 
تصبحي علي خير
تلا_ هتنام دلوقتي لسه بدري 
حمزه _ معلش تعبان من الشغل واللف وكده
تلا_طيب ماشي تصبح علي خير
حمزه _ وانتي من اهله
وطلعت تلا وكان الكل قاعد برا 
تلا_ ايه رايك يا حنين ايه رايك يا طنط 
لسه جايبين الفستان دا انهارده
حلو عليا ولا ايه
الام_ ماشاء الله هياكل منك حته يا تلا
تلا _ تسلمي يا طنط
وقعدت تلا تهزر مع مازن
عمته _ صحيح يا تلا هما فين اهلك
تلا_ والدي مټوفي ووالدتي برا البلد
عمتها _ يعني مقطوعه من شجره يا حبت عين امك
تلا_ لا يا طنط والدتي موجوده واحنا علي اتصال ببعض الحمد لله
عمته _ هو لو كان فيه اتصال كان زمانها وافقت انك تتجوزي سوكيتي كده 
لا يمكن
تلا_ والله يا طنط الظروف حكمت كدا وهي كانت علي علم اني هتجوز
عمته _ يا حرام تلقيها زعلانه يعني بنتها الوحيده ومتعملهاش فرح 
بس نصحه يا تلا هما الرجاله كده مبيحبوش الافراح والهيصه 
حسبتيها صح 
اه يا اروبه انتي هههههههههههة
تلا_ الفرحه مش ب الفرح يا طنط الفرحه ب زوج بيحبني وبيقدرني
عمته _ طبعا طبعا
تلا_ عن اذنكو انا تعبانه وهدخل انام
وقامت دخلت اوضتها
قعدت علي طرف السرير 
وبدات ټعيط 
الكلام جرحها اوي فعلا مامتها ملهاش علاقه بيها من ساعة ما باباها الله يرحمه ماټ 
واهلها مش بيحبوها ولا حد عايزها 
كانت بټعيط جامد بس حاولت متطلعش صوت عشان حمزه ميصحاش لكن حمزه حس بيها
حمزه _ تلا 
انتي كويسه
تلا مسحت دموعها بسرعه 
تلا_ اة اة انا كويسه
حمزه _ لا في حاجه 
انطقي
بلاش تقلقيني عليكي
تلا اترمت ف حضنه 
ورجعت ټعيط تاني جامد
حمزه _ شششش اهدي يا حبيبتي
تلا بعياط_ هو انا ليه محدش بيحبني يا حمزه
ليه مامي بعدت عني وسابتني وليه عمي كل همه الفلوس ليه مفيش حد عايزني ف حياتو
حمزه _ مين قال كده
تلا_ عمتك كان كلامها بيدل علي كدا عايزه توصلي دا بطريقه مش مباشره 
حمزه _ معقوله يا تلا انتي بتسمعي لكلام عمتي
تلا بعياط_ بس هي دي حقيقه يا حمزه محدش بيحبني اذا كان انت طايقني بالعافيه بس عشان الاتفاق ال بينا 
انما غير كدا كان زمانك مش عايز تشوف وشي تاني
حمزه _ في الاول كنت عايز ارميكي من البلاكونه 
لكن دلوقتي لا
تلا بصتله من وسط دموعها 
تلا_ اشمعني دلوقتي لا
حمزه _ عشان عرفت تلا تانيه خالص عن تلا الاولنيه
تلا_بس تلا هي تلا مفيش اختلاف
حمزه _ لا في 
تلا دلوقتي محترمه بتسمع الكلام مش بتقاوح في الغلط
تلا_ بس انا مش عايزه تلا بتاعت دلوقتي عشان تلا بتاعت دلوقتي الكلام ۏجعها واثر فيها وحست ان فعلا اد ايه هي لوحدها
حمزه_ بس انا عايز تلا بتاعت دلوقتي
تلا_ حمزه انا مش عايزه ارجع لوحدي تاني
حمزه _ تلا لو عايزه تفضل معايا مش هتبقي لوحدها ابدا
تلا_ بس انت من حقك تتجوز ازاي هفضل معاك
حمزه _ اه ما انا عارف التخلف بيحل ساعات 
تلا_ تخلف ايه بطل رخامه 
قصدك ايه
حمزه _ علي اساس اني فاتح بيتي سبيل اقعد فيه الستات الوحيده مثلا 
تلا خبطته ف كتفه 
تلا_ ظريف
وسكتت شويه 
تلا _ يعني انت مش عايزني اخرج من حياتك
حمزه _ تؤ
تلا حضنته اكتر 
تلا_ وانا مش هخرج من حياتك يا حمزه مستحيل بعد ما الاقي نفسي وحياتي احسن ارجع زي زمان
حمزه _ امممممم بس لو الموضوع هيقلب جد في حاجات كده يا تلا انا مش هسكت عنها
تلا_ حجات ايه
حمزه _ اللبس
تلا_ مالو مش جبنا لبس انهارده علي زوقك
حمزه _ اه بس 
انا كنت حابب مراتي تبقي محجبه 
وللاسف الحجاب مش هعرف افرضه عليكي 
لازم تكوني انتي مقتنعه بيه
تلا_ امممممم وانا اوعدك هقرا كتييير عن الحجاب وب اذن الله اعمل ال انت عايزن
حمزه _ والشغل 
انا هستقيل منه
تلا_ ليه بقا
حمزه _ انا معنديش مشكله اني اشتغل عند مراتي 
لكن مجتمعنا هو الي عنده المشكله ديه 
وانا مش هقبل حد يتكلم نص كلمه عليكي 
هقتله
تلا_ طب وليه بقا متفكرش انك اصلا تمسك شغل مراتك عشان مراتك ناويه تقعد ف البيت ومتشتغلش يا حمزه من غير ما تزعل بس انت الوحيد ال هسلمه كل الشغل وانا مطمنه عمري ما اقدر اسلم كل الشغل لحد تاني
حمزه _ الكلام الي هيتقال كتير جدا يا تلا وانا مش حمله
تلا_ يا سيدي قدام الصحافه هنعمل اسم شركه ليك وهميه وان اشتريت اسهم شركتي ب اعتبارك جوزي وف الشركه كفيله اسكتهملك خالص هما اصلا بېخافو مني انت عارف
حمزه _ عارف وجدا كمان 
تلا_ حمزه بتكلم جد
موافق صح
حمزه _ امممممممم
تلا بدلع_ يعني يرضيك مراتك حبيبتك تتمرمط ف الشركه بقا وتيجي انت تقعد تعلق كل شويه علي كلامي مع العملا ونتخانق انا هقعد هنا مع ماما وحنين وانت بقا دير الشركه كلها بمعرفتك
حمزه بعدم رضي _ ماشي
تلا_ متدايق ليه بس يا حمزه 
خلاص لو هتدايق شوف ال يريحك واعملو وانا هتصرف ف حوار الشركه
حمزه _ هتنقمص مني
تلا بزعل مصطنع_ لا يعني اعمل ال يعجبك انا يهمني انك تكون مرتاح
طب هقولك حل يرضي جميع الاطراف
حمزه _ قولي يا عبقرينو
تلا_ انا هديك فلوس تأسس بيها شركتك الخاصه تمام وبعديها انت لما الشركه تنجح يا سيدي ابقي رجعلي الفلوس اعتبرهم سلفه
عشان انا عارفه انو أنت مش هتقبل تاخد فلوس
حمزه _ اخد فلوس تاني لا
خلاص انا موافق علي اني امسك الشركه لاكن الارباح كلها ليكي وانا زي زي اي موظف ليا مرتبي وبس
اتفقنا
تلا_ انت رئيس مجلس الاداره الارباح بالنص 
والنبي ما ترفض وحياتي عندك
حمزه _ اوووف موافق
تلا _ اخييييرااا ساعه علي ما اقنع سيادتك
حمزه _ بكره الصبح هننزل نجيب شبكه ونروح نشوف شقتي عشان تعملي التعديلات الي تعجبك عليها
تلا_ شبكه
وشقه ليه يعني التكلفه دي كلها ما احنا حلوين اهو قاعدين مع مامتك وحنين وشبكه ايه بس يا حمزه مش من قله الدهب ال عندي مش عايزه دهب
حمزه _ شبكه تفرق عن الدهب الي عندك ديه حاجه وديه حاجه 
والشقه احنا مش هننقل فيها ديه حقك 
احنا هنفضل هنا مع ماما لاكن في المستقبل مش هينفع الوضع يستمر لان هيبقي في اولاد واحفاد بقي والدنيا هتبهوق مننا
وانا مش هجيب اقل من داسته
تلا_ داسته لا مش لاعبه
فيه حاجه اسمها تحديد النسل يا بابا مش دسته 
مين ال هيربي الدسته
حمزه _ حضرتك 
تلا_ النمره غلط يا عماد
لسه بدري علي الحجات دي نبقي نفكر ف دا بعدين
حمزه _ مليش فيه 
الي اوله شرط اخره نور 
هما اتنين التلات انا مش هصرف عليه اساسا
تلا_ ايوا كفايه اتنين اوي
حمزه _ 
اولا ده رزق 
ربنا بقي رزقنا بواحد باتنين بتلات ديه من عنده انا بهزر بس
تلا_ عارفه 
شكلنا هنقضيها كلام ومش هننام سيادتك الوقت اتاخر
حمزه _ مش مهم 
حمزه وهو بيلعب في شعرها 
حمزه _ توته
تلا_ نعم
حمزه _ بحبك 
تلا _ ايه
حمزه _ بحبك 
وقرب حمزه منها
وغابا العاشقين في بحر العشق
الحلقه الحادية عشر 
صحي حمزه الصبح قبل