رواية انا وهي الجزء الاخير

 الحلقه 9
تاني يوم
صحيو الصبح لبسو وفطرو وراحو الشغل وكان يوم مرهق جدا ف الشغل بس حتي الموظفين ملاحظين ان طريقه تلا بدات تتغير للاحسن
خلصو شغل وكل واحد رجع بعربيته البيت لان مينفعش يركبو مع بعض قدام الموظفين ووصلو قدام البيت وكل واحد ركن عربيته 
وطلعو مع بعض فوق واول ما دخلو
ريهام _ زووووومه 
حمزه _ ريهاااام
تلا _ ريهام مين
ريهام _ انا يا حبيبتي 
مين السنيوره يا زومه 
حمزه _ اولا اسمي حمزه 
ثانيا مسمهاش سنيوره 
ثالثا ديه تلا مراتي
ريهام_ ايييييه مراتك 
مراتك ازاي يعني 

تلا مسكت ف دراع حمزه جامد 
تلا_ ايه مراته ازاي زي الناس 
ريهام بعصبيه_ يعني ايه مراته مش فاهمه
بقيتس مراته كده سكيتي 
يا مامي قولي حااااجه
العمه _ اقول ايه يا ريمو
طبعا الف مبروك يا ابن اخويا 
الف مبروك يا يا ايه يا خويا 
تلا_ تلا يا طنط تلا 
الله يبارك فيكي ميرسي
العمه _ العفو يا حبيبتي
حمزه _ اومال ماما فين يا حنين
حنين_ ماما ف المطبخ يا حمزه
حمزه _ طب بعد اذنكم 
تعالي يا تلل ورايا
تلا_ حاضر
دخل حمزه وتلا المطبخ 
حمزه _ ماما
الام_ نعم يا حبيبي
حمزه _ مين الي جاب عمتي هنا يا ماما يا حبيبتي
الام_ هي جت تزورنا يا حبيبي هقولها امشي يعني
حمزه بعصبيه _ فجأه كده 
ماهي من يوم ما بابا الله يرحمه ماټ ومورتناش وشها
الام_ هنعمل ايه يا حبيبي بس معلش هدي نفسك هي هتبات ليله ولا ليلتين وهتسافر
حمزه پغضب_ اللهم ما طولك يا روح
تلا شاورت لمامته بمعني انها هتهديه 
تلا_ طب يا حمزه تعالي بس ندخل نرتاح ونتكلم
حمزه _ اتفضلي
ودخلو الاوضه 
تلا قعدت علي السرير 
تلا_ تعالي اقعد
حمزه قعد علي السرير وغيظ الدنيا كلها في وشه
تلا بهدوء_ ممكن افهم انت متعصب ليه
حمزه _ موضوع طويل متشغليش بالك بيه
تلا_ لا اشغل باليالمفروض انك جوزي وحتي لو هنطلق ف يوم بس انا دلوقتي مراتك وعايزه اعرف
حمزه _ مش واقته 
الحق انام ساعتين عشان افوق للبلوتين الي بره دول 
ودول بقي يعني عجرفة الدنيا كلها طلعيها عليهم ولله ما هقولك بتعملي ايه
تلا_ لا فك الاول وبعدين نام براحتك وان كان عليهم يا سيدي انا هوريك تلا الهلالي هتعمل فيهم ايه بس متنامش متدايق كدا ومكشر
حمزه _ حلوتك يا تلا الهلالي
طلع ليكي فايده
تلا _ علي اساس اني مليش فايده خالص كدا ماشي مقبوله منك عشان انت بس متدايق دلوقتي
حمزه _ يا ستي مقصدش
يلا انا هنام
عايز اصحي القيهم مشيوا بسببك
تلا_ طيب تصبح علي خير
هصحيك ساعه الغدا متقلقش هطفشهملك وطبعت بوسه علي خده وجريت دخلت الحمام تغير تاخد دوش وتغير هدومها
حمزه كان قاعد مزبهل 
لاكن طنش وغير هدومه ودخل في نوم عميق
دخلت تلا الحمام ووقفت قدام المرايه 
تلا_ انا ايه ال انا عملته دا ابص ف وشه بعد كدا ازاي يا نهاري
وبعدين انا قلبي بيدق كدا ليه لا لا مينفعش 
وحاولت تطرد كل الافكار من دماغها 
وخدت شاور ولبست فستان بيتي قصير وطلعت
تلا نشفت شعرها وفردته وطلعت 
تلا_ والله منورين يا جماعه
العمه _ منوره بيكي يا حبيبتي
تلا_ الا قوليلي يا ريهام انتي دارسه ايه
ريهام _ انا بدرس تجاره 
وانتي 
تلا_ انا خريجه صيدله AUC
ريهام _ ها
اه اه 
وبتشتغلي يعني 
تلا_ طبعا بشتغل
ريهام _ وبتشتغلي ايه بقي 
تلا اتلجلجت بس حاولت تبان طبيعيه 
تلا_ بشتغل مع حمزه ف الشركه
العمه _ يا خبر
وهو حمزه موافق علي كده
تلا_ طبعا يا طنط حمزه مش من الرجاله ال بيخلو مراتهم زي العبيد عندهم هو اتجوزني وانا بشتغل ومكمله شغل حتي بعد الجواز انا من نفسي لو ف يوم شغلي اثر علي حياتنا انا هسيبه
العمه _ هاااام اصل غريبه يعني 
حمزه رفض بنات كتييييير بسبب الشغل ده 
حنين _ ديه حجه يا عمتي عشان يخلع
تلا_ والله يا طنط تقدري تقولي ان لما بيبقي فيه حب بيحصل معجزات
وبعدين يا طنط زي ما حضرتك شايفه هل انا مثلا مقصره ف حاجه لبسي كويس شكلي حلو مش بعد يوم مرهق قعادله ريحتي كلها بصل مثلا ولا توم
العمه _ اه يا عيني ماهي كريمه هي الي بتطبخ
تلا_
والله يا طنط انا جيت اقعد مع حضرتك شويه عشان عيب اسيب حضرتك تقعدي لوحدك 
لكن غير كدا كنت هقوم اساعد طنط
وبعدين يا طنط يعني دي حاجه بيني وبين حماتي اظن مش من حق حد يتدخل ف حاجه زي دي
تعاملنا حاجه تخصنا احنا وبس
حنين كانت قاعده مسكه نفسها من الضحك علي منظر عميتها
حنين _ تلا 
يلا صحي حمزه علي ما احط الاكل
تلا_ حاضر عنيا يا حنين
ودخلت تلا وكانت متوتوره هتبص ف وشه ازاي بعد ال هي عملته دا 
وراحت ناحيته 
تلا_ حمزه
حمزه _ اممممم
تلا_ اصحي يلا
الغدا جاهز
حمزه _ طيب حاضر
تلا بضحك_ عمتك غالبا حبه وهتقوم تقتلني
حمزه _ يا ريت ويبقي عصفورين بحجر واحد 
انتي ټموتي وعمتي تتحبس يا سلام 
تلا _ للدرجادي انا خانقاك
حمزه _ لا لا بلاس البوظ ده 
ده انتي عسل ياختي
تلا_ طيب يا رخم قوم يلا عشان تتغدي
حمزه _ حاضر
وقام حمزه خد دوش وطلعو مع بعض
حمزه _ سلام عليكم
الكل _وعليكم السلام 
ريهام_ نوم الهنا يا روحي ايه دا جاي ساعه ما احنا موجودين وتنام
حمزه _ كنت جي من الشغل تعبان
تلا پغضب مكتوم _تعالي يا حبيبي عشان تحضر معانا حجات ف المطبخ يلا
ريهام _ خليك يا زومه انا هقوم 
حمزه _ لا خليكي يا ريهام 
انا كنت عايزه اقول لماما حاجه
بعد اذنكم
ودخل هو وتلا المطبخ 
تلا_ انتي يا طنط كنتي متعايشه مع الكائنات دي ازاي
حمزه بمزاح _ عيب ابنت
تلا_ بس انت كمان 
واكملت بتريقه وسهوكه لا خليك انت يا زومه انا هقوم 
نوم الهنا يا روحي انت جاي ساعه ما احنا موجودين وتنام 
يا حرام كدا تسيبهم وتنام يا حمزه 
حمزه _ ههههههههههه
معلش اصلي وحش ومعفن 
تلا_ اطلع برا يا حمززززه 
لا لا تطلع برا ايه اقعد هناااهاتي يا طنط الاطباق ارصهم وعلي الله تطلع برا يا حمزه لحد ما نخلص الاكل
حمزه _ ههههههههه حاضر 
طلعت تلا 
الام _ بس يا حمزه ديه مراتك بتغير 
حمزه _ ما هي ديه المصېبه
الام_ ومصېبه ليه يا ابني بس
حمزه _ ما انتي عارفه الي فيها يا ماما
الام_ بص يا حبيبي انا عارفه ان جوازكم عشان حاجه معينه وانت شايف ان شكلها بدات هي تحبك ومن كلامك قبل ما تيجي انها متعجرفه
بس هي لو كانت فعلا متعجرفع واتغيرت هتبقي اتغيرت عشانك انت وبس مشعشان حد بس قبل اي حاجه انت حاسس ب ايه هو دا ال هتحدد عليه بقيت علاقتك بيها
حمزه _ اممممم
ماشي يا ماما
الام_ربنا يهدي سرك يا ابني
رجعت تلا وحنين وحولو بقيت الاكل وقعدو ياكلو وطبعا مخلاش من مرقعه ريهام وخلصو الاكل وقعدو مع بعض
وتلا كانت قاعده جمب حمزه 
عمته_ايه يا حبيبتي لازقه ف جوزك كدا ليه المفروض تحترمي حتي وجودنا احنا مش هناكله منك يعني 
عيب ان وسطنا كلنا انتي تبقي قاعده لازقه ف جوزك كدا وماسكه فيه 
تلا ببرود_ حمزه انت متدايق متضرر
حمزه ببرود _ لا عادي
تلا_ والله يا طنط زي ما سمعتي هو مش متضرر ولا متدايق وثانيا انا لسه عروسه جديده وقاعده جمب جوزي مفيهاش حاجه خلينا نشوف بعد سنتين او تلاته لو اتجوزت ريهام هتعمل ايه مع جوزها
عمته بغيظ_ سنتين تلاته ليه انتي عارفه انا بنتي بيتقدملها كام عريس 
تلا_ والله يا طنط ميخصنيس بيتقدملها كام 
عمته پغضب مكتوم _انا داخله ارتاح ف الاوضه 
ودخلت عمتو وكانت حنين ومامتها قاعدين ماسكين نفسهم من الضحك بالعافيه 
تلا ف نفسها_ يادي النيله والعقربه دي كمان قاعده ليه 
تلا_ حمزه يا حبيبي احنا مش كنا متفقين ننزل نخرج مش يلا بقا ولا ايييه
حمزه _ ننزل ! نخرج ! 
اه طب يلا 
بعد اذنكوا يا جماعه
ريهام_ايه دا بجد خارجين طب كويس انا كنت لسه هقولك ننزل يا حمزه 
تلا _ تنزلي فين يا ماما واحد ومراته نازلين حاشره نفسك ف النص ليييه 
يلا يا حمزه 
ودخلو الاوضه هما الاتنين 
وكانت مش طايقه نفسها 
تلا_ انا هدخل البس انا مش هقعد اكتر من كدا معاها اكتر من كدا ھڨتلها واقتل عمتك
حمزه _ 
طلعتي مش ساهله يا توته 
ده عمتي
وريهام مش هيكملوا اسبوع 
تلا_ دا لو قعدو لبعد بكره ابقي قابلني بس علي ما هما يجو يمشو بقا انا هكون خلاص بقا اعصابي فلتت مني ومش بعيد ادخل اقتلهم هما الاتنين
حمزه _ لا لا وعلي ايه 
اهدي واعقلي كده
ويلا نخرج نغير جوا وناخد مازن بالمره ماعنا بدل ماهو مكبوت كده
تلا_ ماشي خلاص بالمره نشتري لبس بما ان لبسي كلو مش عاجبك ف هتختارلي لبس بقا علي زوقك ماشي
حمزه _ اشطات
انا هقول لحنين تلبس مازن
تلا_ ماشي
ودخلت تلا تلبس 
وراح حمزه عند حنين كانت ف الصاله
حمزه _ نينو 
لبسي الواد مازن نخرجه معانا 
بدل ما انتي حبساه كده
حنين_بس يا حبيبي انت خارج انت ومراتك من حقكو تخرجو لوحدكم
كلزن _ يا ستي انتي مالك واحد وعايز ياخد ابن اخته 
ايه العالم الغريبه ديه
حنين_ طيب يلا يا عم اللمض عشان تلبس
مازن _ هييييبه احلي خالو ده ولا ايه 
وقام باس حمزه من خده وجري علي الاوضه
ودخل حمزه لبس وطلعت تلا بعد ما خلصت لبس
وكانت لابسه بنطلون جينز ديق وتيشرت كت علي الكمر وجاكت بوي فرند طويل
ورافعه شعرها كحكه
حمزه _ اعمل فيكي وفي لبسك ده ايه يا تلا يا بنت طنط ام تلا
تلا_ مالو بس ما هو طويل اهوي
جاكت طويل اهو
حمزه _ هو من وراه اه وقدام لا والبنطلون شويه وهيفرقع من كتر ماهو ديق
تلا_ هيفرقع ايه حرام عليك شايفني 100 كيلو دا انا يا دوبك 53 كيلو
حمزه _ هو ملهوش علاقه بوزنك ده ليه علاقه بالبنطلون
تلا_ ما احنا هنشتري لبس خلاص بقاا المهم احط الروج دا ولا دا
حمزه _ مرارتاااااااااااي
تلا_ ايييه فيه ايه 
حمزه _ متحطيش يا تلا خالص ويلا عشان ما اموتش ناقص عمر
تلا_ طيب يلا
حمزه _ يلا
ونزل حمزه ومازن وتلا وراحو مول وبداو يلفو علي المحلات وحمزه مش عاجبه اي حاجه 
تلا_ يوووه يا حمزه هو انت مش عاحبك حاجه خالص لبس كتير حلو اهو
مازن _ حلو مين يا ام حلو
ده وحش وقليل الادب
حمزه _ اهو المفعوص قالك
تلا بهزار_ واد انت مش انت وخالك علياا
يا حمزه والله اللبس حلو طب بص والله فيه فستان ف المحل دا هجيبه واجي هلبسه بس ف البيت مش هخرج بيه بس خساره لو مجيبتوش عاجبني اوييي
حمزه _ امري لله بس في البيت يا تلا 
عارفه لو شوفتك واقفه فيه في الي البلاكونه شوفتي البلاكونه مش خرجتي 
انتي عارفه عصبيتي كويس يا توته
تلا بتذمر _ ماشي 
ف البيت بس 
هدخل اقيسه ولو كدا اجيبه 
يلا بس تعالي عشان شوف انهي لون احلي
حمزه _ اتفضلي
ودخلت واختارت فستانين واحد فيهم قصير ومنفوش شويه وواحد طويل ودخلت تقيس وطلعت 
تلا_ها ايه رايك